成記海鮮酒家

營業中

休息中

一家三口入成記食中秋飯：點咗：油鹽奄仔蟹清蒸紅釘魚鹽焗東風螺上湯花竹蝦炒飯底條紅釘魚又叫做紅玫瑰，非常有驚喜，好好食肉質鮮嫩鮮味一流，清甜絕對有驚喜，我仔12歲平時唔多食魚都食咗半條！平時出去食海鮮好少叫蒸魚，覺得屋企食仲好啦，但老公見到條魚咁新鮮咁生猛，就點嚟試吓，點知咁大驚喜！下次一定會再試！酒樓仲送咗免費豆腐，海鮮湯好好飲！非常滿意嘅一餐！因為中秋節由九龍揸車入去，足足塞咗個半鐘頭車，但都係值得嘅！

我哋啲經常行山又鍾意食好西嘅山友們，想食靚海鮮，話要去流浮山。山長水遠，唔會淨係搭車入嚟食，睇吓地圖，附近有咩山可以行。消耗卡路里後就大拆一餐囉😉鎖定鄰近流浮山好冷門嘅淋坑山，搭屯馬線到天水圍站轉輕鐵，天恒站落車，過去天澤商場嗰邊，搵條路行上只有75米高嘅淋坑山，去埋旁邊稍高82米嘅山（有人話叫天水圍山）都係望深圳景。落山經沙江圍，由流浮山道一直行出去流浮山，都係4.3公里左右，慢慢行兩個鐘內行完，其實消耗唔多😜到神話屋打卡後，就入去搵成記，先揀海鮮。我哋其實對海鮮冇乜知識，惟有請教店員，佢哋都好耐心回答。人少少只有三個人食，叫咗四樣：1. 豉油皇海大蝦——超讚！話係野生捕獲，夠多肉夠大隻，仲有蝦膏😮點煮都係店員提議，豉油皇好夾，食到舔舔脷😋2. 蒜蓉粉絲蒸貴妃蚌——蒜蓉份量啱啱好，唔會太多，多會蓋過蚌嘅鮮味㗎。蒸嘅火喉時間控制得宜，食到蚌嘅鮮甜；只係粉絲索味太好食，我貪心啲想加多啲粉絲啫⋯⋯😛3. 豉椒炒蟶子——本來想食炒蜆，店員提示，蜆殼較重稱，蟶子殼會輕啲。真係替顧客荷包著想！亦溫馨提示豉椒煮點都會辣。我哋當中有人唔食得辣，叫佢輕手啲微辣，廚師做得好好，個微辣我哋食到☺️之前嗰兩碟

去到流浮山食海鮮是常識吧🤤入到去有咁多間，食邊間好呢？今日去咗成記💫入去之前先揀海鮮，事頭婆有好多好介紹，眼見全部海鮮都好新鮮😍即叫即整，仲用電子磅計埋價錢💰我哋叫咗海蝦同埋蟶子兩樣最後加多個炒通菜🤤🤤豉椒炒蟶子皇配粘米餅蟶子王好味，唔會切得得好細，原汁原味！熟到啱啱好，唔會好韌，粘米餅底有少部份浸咗喺汁度，仲有一半係脆嘅😍🤤豉油王海蝦每人兩隻海蝦，份量啱啱好海蝦配上蒜蓉同爆香嘅蔥調味熟度都💯🥰🤤椒絲腐乳炒通菜份量味道都足夠，椒絲炒得夠香兩樣海鮮一個菜，合共：$660💰都算唔錯，下次有機會再嚟食😋

流浮山有好多間餐廳都可以食海鮮嘅，呢一間係比較牛肉麵但係性價比不錯！當日叫咗蒜蓉開邊蝦，蒜蓉粉絲蒸扇貝，酥炸生蠔同鹽焗蟹。每一樣食物都係整得好好食的，店員態度都係很好！個人覺得唔一定淨係食外邊嗰兩間可以行入啲食呢一間🥰

本身以為喺流浮山呢啲遊客區，海鮮應該唔會平，點知叫咗四個海鮮加一碟菜竟然係$1200左右😳真心比預期抵好多！而且每一碟海鮮都係好食嘅同埋好新鮮！特別係酥炸生蠔整得好脆，皮唔會好厚，每一隻蠔都係大大隻的。

今日預祝家人生日，晚飯大家入咗流浮山食海鮮。家人通常入流浮山都會幫襯成記海鮮酒家，所以今次都係呢間。而我本身對海鮮只係一般，尤其係唔食魚及蟹，所以通常一家人食海鮮時，都會另外叫一啲其他食品。我地一班人大約8點前於附近海鮮檔揀好海鮮，就入座等食。豉油王大蝦 - 夠新鮮，上菜時已經開雙飛，方便處理。肉鬆茄子 - 呢個係店主推介，上枱時有驚喜，感覺唔會油膩，而且亦好食。生炒骨 - 炒得夠火喉，而且肉質時間控制得好。蒜蓉蒸扇貝 - 上次都有叫呢個，新鮮又大粒，水準保持。蜜餞金蠔 - 金蠔好香，咬落口齒頰留香。白灼聖子 - 好新鮮，夠夾薑蔥蟹 - 我無份食，但有份幫家人用鉗開，見到好夠肉，而家人意見係肉質好鮮果皮蒸斑腩 - 家人意見，條魚有啲肥，食落有啲滯麵醬生菜 - OK腐乳炒通菜 - OK揚州炒飯 - 雖然已經好多餸，但個飯炒得好夠火喉，而且配料豐富。另外，成記的店內環境乾及衛生乾淨企理，而且服務亦令人滿意。價錢公道合理。去流浮山食海鮮的可以考慮。

我喺香港搵到海鮮嘢唔難，不過要高質素既就……（呢日去食既呢間 真心高質😃😃）呢日去左位於流浮山既成記海鮮酒家（其實流浮山有好多海鮮酒家，求其搵一間酒家試下☺️係估唔到呢間有驚喜☺️）（大家睇埋落去 唔好行開呀🧸）（由於所有海鮮都會隨住唔同因素而轉價錢，我就唔打價錢啦🙇‍♀️🙇‍♀️🙏）

近日天朗氣清，相約朋友三人湊熱鬧去大棠。賞楓葉前先到流浮山食海鮮醫肚，徘徊在揀海鮮期間，在一位靚姐熱情地推介下，最後揀了九節蝦、大花蝦、扇貝、花蟹等幾種海鮮到成記酒家加工品嘗。首先上的白灼九節蝦，因為蝦夠新鮮生猛，所以味道極盡鮮甜、爽口兼且十分彈牙。大花蝦用上湯來焗，蝦身夠大隻，啖啖都係肉，配以上湯來煮，湯的鮮味完全滲入了蝦肉内，真的食完一隻又一隻，加上伊麵底飽腹一流。扇貝用蒜蓉粉絲來蒸 ，火候剛剛好，不會蒸得過老，配以蒜蓉和醬油味溶入粉絲和扇貝一起入口，更令人停不了筷。薑蔥焗花蟹，味道又係鮮甜到無朋友， 個人感覺花蟹用薑蔥來煮，幾時都係一個絕世的配搭。跟住再來個外型不似茄子的茄子肉鬆，茄子脆得嚟又好軟身，但係又唔會有成口粉和滿嘴油的感覺，加埋啲肉鬆一起來吃，一絕！最後再加多一個海鮮湯，湯內載滿了各種海鮮的鮮甜味，飲到一滴不剩。今個午餐真令到我們腹中滿載著滿足……

流浮山海鮮一聚，好多人食海鮮會諗起西貢，其實流浮山都係一個唔錯嘅選擇，當然你係想食海鮮唔係變海鮮就要有熟人帶路。今次友人安排豐富海鮮晚餐，一坐低就有一個海鮮湯，跟上個酥炸茄子再加埋酥炸蠔黎送紅酒，兩個都外脆內軟、隻隻蠔都超肥美，朋友怕食蠔都食咗3件。仲有wasabi 蝦，呢個就真係得意，可以試吓既，蒜蓉粉絲蒸大蜆，個人鍾意蒜蓉粉絲所以一定覺得好食。而豉椒蟶子米粉底好味，但精粹在蟶子下面啲芽菜吸哂啲汁，食唔停口。仲有老虎班炒球同炆魚，炒班啖啖肉，但要一提佢個炆魚，識食友人教路，炆魚好難整，呢個未係最好但已經唔錯，因為要將魚走油炸到夠乾身，先至可以炆，啲魚件上枱後都唔會出水，呢度做得到，同埋佢炆魚個汁好惹味，大滿足既一餐。順帶一提呢間係流浮山食店中係清雅環境舒服，友人聚會可以一試。

今日生日正日諗住同老婆入流浮山食海鮮，本身上網睇見到明記有好多好評，諗住試吓食，點知未入去食就俾人點到出出入入，又話入去坐低先，入到去又俾人叫出去揀海鮮，出去揀海鮮又叫我入去坐低俾我睇餐牌，算。返出去一路行一路諗食咩，就係兜返轉頭準備行入去明記，就俾隔離鋪個姐姐叫住左，叫我哋過去睇吓，可以即刻講到價錢俾我哋聽。就你呢句，我地就行過去睇。雄記海鮮真係一路揀一路話俾我哋聽幾多錢仲要攞咗去秤下有幾重，揀完五個海鮮之後就拎去成記海鮮酒家，服務態度好好每個人都對我哋好好禮貌而且睇到員工都打成一片，坐低之後就問我哋諗住點樣煮，可以點樣整咩食法點樣好食好詳細。椒鹽賴尿蝦，豉椒炒蟶子，蒜蓉蒸大蝦，鹽焗奄仔蟹，辣酒煮花螺，仲送個魚湯。個大蝦真係非常滿意，最好食就係佢。一斤四字頭左右，一隻都已經五兩重。最後埋單仲傾咗陣計，感覺非常親切🥰

今晚同家人一行10人到流浮山食海鮮。過往家人曾經幫襯過成記唔止一次，覺得海鮮好新鮮，而且收費老實合理，所以今次都係決定繼續幫襯。10人中有2人(我係其中1人) 不太好海鮮, 所以在叫菜方面除咗海鮮，亦有叫個生炒骨，一個炒菜及炒飯。海鮮方面，每人一件扇貝及一隻鮑魚，有一條魚(蘇鼠)，肉蟹，瀨尿蝦，金蠔，炸生蠔，東風螺，花甲。根據家人的意見，全部海鮮都十分新鮮，而且烹調時間亦控制得好好。而至於其餘的生炒骨，菜及炒飯，亦令人滿意。埋單平均人頭386元，家人均認為合理及性價比高！

最近睇YouTube見到介紹流浮山一間海鮮飯店，家庭式經營，有自家特色的小菜，今日Happy Friday 放工特登揸車入去試吓。出面露天停車場泊車先付$30，食飯蓋印取車時會退回$20，即是$10泊車，好抵呀！店舖不太大，有兩層，環境乾淨，連個廁所都是清潔的。開咗位後，職員帶我哋行過鄰近的海鮮檔雄記揀海鮮🦐🐟🦀🐙🦑望落去唔夠三聖邨，西貢這樣大海鮮規模選擇，但也足夠你所揀選可吃的，樣樣也很新鮮。最後還有飯後水果送🍊我們四大兩小,加埋兩支啤酒一罐汽水，都是$2,018!價錢都可以啊👍🏼

同家人第一次去成記食飯環境整潔乾淨👍🏿服務態度非常好，特別老闆娘，非常健談友善👍🏿食物上菜速度快，味道亦都中上👍🏿強烈推薦1️⃣冰鎮鮑魚，非常爽口鮮甜，個汁亦都好夾，夏天食，非常適合2️⃣肉崧茄子，茄子炸過，非常特別，肉崧多到食唔晒3️⃣龍蝦刺身2食，刺身鮮租，龍蝦頭上湯炒飯，炒飯干身，粒粒分明，非常出色整體來講，味道都屬於中上，而且價錢唔算貴，服務態度非常之好，同老闆娘吹下水，侍應自動波換骨碟，又有禮貌👍🏿👍🏿👍🏿👍🏿

流浮山海鮮新鮮出名就一定 食過好多次，去其他飯店煮嘅方法，都比較千篇一律。呢次朋友推介去成記，揀完海鮮後，老闆提議的煮法有驚喜👏🏻👏🏻👏🏻加工費算合理，7樣海鮮 $700 我就再加多兩個餸 😄埋單共 $2930 油鹽水 花螺 ，休漁期，花螺比較細隻，如果大隻啲更好味。⭐️超級推介 ，有別於平時的 豉油皇中蝦，豉油王味道不重，但呢隻大蝦不是經常有，口感似龍蝦🦞，再用甜豉油紅椒洋蔥炒，感覺新嘗試😍⭐️又一超級推介。冰鎮鮑魚，煮咗一個酸酸甜甜好特別的醬汁，淋上鮑魚上，完全帶出鮑魚鮮味😋又爽口。每次來流浮山鹽焗奄仔蟹是必食，但這次有點失色，因為不是季節，比較細隻，但仍然好多膏。美食太多，實在食唔切🤦🏻‍♀️，搞到個炒飯凍哂本來諗住用傳統方法蒜蓉蒸，但老闆推介酥炸，再點沙律醬包生菜食，外脆內軟有新鮮😋椒鹽賴尿蝦基本上算冇得輸嘅菜式，爽口彈牙

食咗呢間幾年喇 真係要係度讚吓每次同家人去食 成個家族都讚好食 家庭成員評語為 好食 有水準 帶朋友去食 朋友會再自己返去再食朋友以往食開其他海鮮店都唔返去 轉咗去呢間 成記 朋友評語為 ： 呢間好食 裝修夠光猛 廁所乾淨 價錢平過以前嗰間咩咩咩我自己本人評語 價錢合理 堅好食 裝修環境好 感覺算乾淨 同店主都熟識 有時真係醒目整大份啲俾我新抱最醒目 又識氹老人家 （明嘅就會明）