成都小巷米線雞煲

營業中

休息中

成日經過見到坐滿晒人 都好想搵次去試下於是早幾晚同個frd去左試佢有雞煲或者酸菜魚揀其實我好想試酸菜魚 但個朋友話好想食雞煲最後我地試左雞煲我地揀左bb辣佢係用時間計錢 如果一個中就98蚊 都幾抵等佢煮都需時 但佢係上枱先計時上到枱聞到好香 見到好多洋蔥睇落平平無奇 但個味好好食啲雞居然好滑 完全估佢唔到啲洋蔥超甜我估2個人份量係半隻雞 好唔夠喉之後佢有其他配料可以拎 但選擇唔多反而野飲選擇好多 有馬蹄爽😍😍我地坐出面都唔覺得熱仲聽到點解要等甘耐原來係你嗌佢先開始炒雞 由生煮到熟👍🏽👍🏽👍🏽

講明先我喺嗌外賣嘅，但我唔知哩兜喺乜嘢嚟，唔知自己食緊啲咩，重慶酸辣米線?哩兜只不過喺加辣嘅車仔麵嚟，如果唔喺啲配料無錯，我一定會以為喺送錯嘢，重慶酸辣??你喺真喺唔識㗎喎，仲要湯底有陣騷味，哩兜究竟喺乜L嘢嚟?食過重慶酸辣嘅你望一眼你都知哩兜唔L喺重慶酸辣啦下嘛????咁L大個人我真喺第一次食到咁L差嘅嘢，我知你哋主打雞煲，但喺唔識整重慶酸辣嘅就唔好整出嚟啦好嗎?真喺嚇死人喎，哩兜清湯+辣嚟㗎大佬你都未L搞清楚就出俾啲客，仲要個芝士腸又有陣雪櫃味，成兜嘢好似豬潲咁樣，點搞阿我真喺倒L咗佢算，你哋哩間咁嘅嘢真喺好自為之

呢間成都小巷提供米線之餘，仲有任食雞煲同埋酸辣魚俾人作打邊爐。 一小時任食加任飲，價錢一百蚊都唔使，而且唔會另收加一服務費用，加湯、拎野飲、野食都要全自助。 放心，換gas都有人幫。今晚就試左佢地既雞煲，叫左BB辣。 雞煲準備好先開始計時，同埋會寫低開始時落張單度，當然你可以選擇食超過一粒鐘，另加少少錢。 雞煲賣相還好，雞頸不多。 有不少雞背，同埋為數不少既洋蔥。 開初個湯底好濃，有少少咸。 食晒啲雞之後，就加湯打邊爐了。 但個湯keep住一直較濃味。 火鍋料同自助飲品區有唔少選擇。 感覺還好，雖然未必有海鮮、牛肉之類，畢竟一分錢 一分貨。

又一次揾食嘅時候……呢間係第一次食，食客較少，可能係下午茶時段，所以無乜人。其實一碗普通米線只係要$24~$27，視咩湯底而定，只係加個餸已經要5蚊，所以簡簡單單一碗唔另加餸嘅米線就算🤷‍♂️餸：有碎肉、芽菜、酸辣菜（分量最多）有啲鹹米線：分量適中，但對我而言就唔算飽😂湯底：酸辣湯，我覺得無咩味精，唔會覺得口喝，唔算辣，人人都食得到👍服務：員工態度幾好👍幾好笑容總括而言，其實大家可以試吓，因為相對上便宜☺

成都米線係最近新開的餐廳，朋友話好好食，搞到自己都係叫番碗！不過呢度d侍應好忙，雖然晚上我叫米線，但身邊的人都係食火鍋，仲好香添！搞到我唔知企邊度好～～～薑蔥雞朋友推薦，好好食！薑蔥味道相宜而不會搶去大家風采，雞肉幼嫩，睇得出係手撕，價錢只係廿幾蚊，大大碟，正！麻醬酸辣米線顏色跟我想像中不同，叫左中辣卻不算很辣，還是我吃得辣了？不知道。細心的他們將湯與薯粉分開放，這樣回到家也不會索乾水！味道很好惹味，酸酸辣辣很開胃！正！

天氣轉涼，見到98蚊(最後收左每位118)任食，又見小店，同朋友黎試一下，點知食到一肚火，伏伏伏伏伏，一點一點講下，要食自己諗。1. 環境咁街坊小店，都預左地方淺窄，可能今日都有小雨，地面就濕立立啦，放左紙皮在自助櫃下，企上去係有水湧番出黎咁，店旁圍住好多人食煙，不過都係果句，預左。2. 食物98蚊到底有咩食呢？雞煲當然食雞，2人食，大約半隻雞仔，冇得追加。好，加湯打邊爐，肥牛？冇、海鮮？冇、響玲？冇，你諗得出打邊爐要有的都係冇。咁有咩食呢？係得墨魚丸，芝士丸，牛丸，浸到變黄的菜，同慘白色的雞肉腸。。。等了又等，問完又問，終於有小量結冰牛肉。良心講句，老闆煮野唔差，雞也算可以，但真係冇選擇 ，小店衛生不提，自助食物亦唔新鮮。3. 服務 (趕客的姐姐們)比沒有服務還要差的服務。入內前問左98蚊一位食雞煲，姐姐放低煲放低張單，講一聲入座時間就走了。雞熟未呢？唔知，唔緊要，自己試一下。食到咁上下，想加湯？自行加湯，也可，小店嘛。但正如上述，食物種類少，可能姐姐很忙很忙，一直沒有refill ，食物櫃的碟都七零八落，亦無清楚名牌，問姐姐，有冇肥牛豬頸肉？肥牛加錢，豬頸肉冇，咁有咩？叫我自己睇櫃

路過見到新開一間食米線的店，唔食連鎖店就試吓新嘅小店啦！中午時間已經見到隔離枱食緊麻辣雞煲，好香。 自己一個去食中午餐就選擇食米線。點左一份清湯米線，加豬軟骨。如果我味覺沒問題，呢個應該係豬骨湯底，因為有豬骨濃湯寶嘅味。我3點去食啲湯仲係熱既，抵讚。米線都好軟滑，不會硬，配料有幾樣，留意餐牌，相中見到有芽菜同韭菜，如果唔食既朋友要注意。豬軟骨炆得好入味，肉滑不柴，軟骨可以直接食，醬汁味道好，推薦。店舖姐姐好熱情呀，所以整體感覺不錯，可以試下。

油塘有新餐廳啦～～～油塘中心舊泰國菜店執左，竟然開左成都米線！應該說是日間做米線及多款四川小吃（唔知晚上會唔會繼續做），晚上做任食雞煲，裡面冇咩點裝修，跟以前一樣架！米線最平最平只是$24，可以再加$有其他配菜架！我就係比呢個餐牌吸引入左去了～新開張期內會送飲品重慶酸辣麻薯粉+豬軟骨事實上，麵條份量可以，湯底並不是我想像中紅卜卜的，但味道偏酸少辣，湯底香濃，不覺得有味精，還有芽菜、花生、莞茜、大頭菜都幾好食！豬軟骨軟腍，也是不錯的選擇！基本也沒什麼服務，店內只有1名亞叔及1名洗碗亞姐，我地呢d街坊都係自助式，自己去bar 檯落及結賬，自己去雪櫃拎飲品，相信是小本經營的，就比多少少耐性等待吧！ 總結來說也是很好，價錢平，味道好，可能我真係好喜歡飲湯底，所以我十分喜歡！