我想和你無所事事 (葵涌廣場) (已結業)

我去買個個ex都係賤藍柑草莓乳酪奶，見到女店員狂笑，因為我忘記帶cash，又要旁邊的人幫忙付錢了😅杯野飲拎回家都好飲，重重乳酪味，正😄下次都會幫襯下～～～～～

係香港如果要搵一個點最似台灣夜市既，我一定會揀葵廣！食玩買逛完全聚集係一個商場入面，每一次黎都有好爽既感覺食店又多又似但係胃就得一個，唯有等勞蘇食幫手走馬看花一下！(頭盔：食量有限，每間試既款式唔好，盡做)我想和你無所事事，聽個名都知特別，能夠係海量茶飲店既葵廣中突出自己，靠住既就係玩味十足既餐牌睇餐牌都睇左好耐，繪圖等都吸引個杯都好靚值得打卡，先飲一杯茫茫人生遇上人海芒芒果梳打，無錯係依個名，粒粒芒果肉芒果偏青，refreshing既但可能會覺得太酸，不過幾鮮同好味既廿五歲仲係A檸檬百香果蜜四季春，雖然梳打同奶蓋依啲係正，但葵廣攻略實在係果茶勝出清新而不淡，飲住掃街都無問題，茶味幾好，果茶必選四季春百香果味正雖然價錢唔平，但絶對係不可多得既茶飲店，玩住飲、飲住玩再食過#原來好多地方都有分店#如果有得參與作下飲品名就好winwin添

同友人去葵廣掃街，見到個店名真係好難唔駐足停留望下，我想和你無所事事，改得太好！👉🏻法蘭西芝士奶蓋鐵觀音鳥龍$28有時就算叫左少冰都會好多冰，但呢間唔會，所以個温度好滿意！比想像中大杯，而且個杯嘅寬闊度好易拎上手！綿密嘅厚厚芝士奶蓋好好味，好中意，配合鐵觀音烏龍，茶味香濃，正！👉🏻法蘭西芝士奶蓋四季春茶$28呢個係店舖嘅推介款，好香好淳！而家買兩杯送爆谷，好驚喜！爆谷唔會太甜，好啱送野飲！

今次就嚟咗新開嘅茶飲店，嗰陣時仲做緊買兩杯送一個炮谷，因此杯嘢飲性價比都不錯，而且舖頭仲會顯示嗰一周最好賣嘅五杯嘢飲，方便選擇困難症嘅你哋：）-1.GG黑糖珍珠鮮奶拿鐵 首先個價錢都還可以嘅，佢杯嘢飲有一層濃郁嘅鹹芝士奶蓋，大概都幾順滑，鮮奶嗰層就應該用咗較高質嘅牛乳，飲落去嘅奶香味都幾重，珍珠就都幾Q彈軟糯，而且珍珠嗰層有濃濃嘅黑糖漿包住，咬落去好滿足，嘢飲嘅份量我覺得啱啱好，唔會太多，因此就唔會咁膩。-總括嚟講佢仲有一個位可以攞嚟打卡，適合鍾意影相嘅朋友，嘢飲嘅質素都OK，啲員工都幾有禮貌，仲有儲夠四個印花仲可以換一杯嘢飲，因此下次會再飲過💓

【葵廣掃街+肥仔水系列 我想和你無所事事🥤】店名係宜家最需要🥲葵廣除左好多奶蓋/珍珠奶茶外，水果茶除左一芳嘅黃店仲有邊間呢？ 個日去撞正佢地新開張（8月）買2杯送爆谷，10月去都仲有，最深刻嘅印象係佢啲名好好笑😂落單都唔知點叫✨法蘭西芝士奶蓋四季春茶 $26 ✨ 懶過西柚銀毛茉莉 $32 ✨ 初夏初戀總是美荔枝桂圓四李春 $32 個人覺得好飲過一芳，茶底都ok香濃清爽，偏好微糖同少冰，感覺上好過啲😗奶蓋少少鹹但較厚重，較難一啖飲晒奶蓋與茶底，水果茶推薦✅✅

今次去到葵芳，有個朋友就即刻推介我去飲呢杯飲品，喺呢一間舖頭門口，我哋企左成5分鐘先可以揀到食飲品。因為佢啲名實在太有意思，而且個個都係水蛇春咁長☺️☺️呢度仲有得食爆谷食嘅，咁我哋就冇嗌啦，因為都係俾佢啲飲品吸引住🤩🤩諗咗好耐，都係諗唔到，一於叫杯最受歡迎嘅GG紅火龍果 $42/杯😘😘等咗兩三分鐘之後就有啦，嘩！原來仲有芝士奶蓋係個頂。個顏色好吸睛，呃like一流。一開始個奶蓋就麻麻嘅，但係去到最底層，個茶飲同埋火龍果味都好清甜，而且個味道都好香，好新鮮，值得買來飲，開心下😋😋

🧋法蘭西芝士奶蓋四季春茶（$28）呢間茶飲個名咁特別，好耐之前見過都已經想試下今次行過，好耐冇飲奶蓋就諗住試下點知中大伏🥶四季春茶底都ok，但茶味唔算太出😔奶蓋就真係唔掂，好薄而且冇味🤯飲落去完全唔覺得係飲緊奶蓋咁☹真係唔合格，搞到晒左個quota🤦‍♀️/📌我想和你無所事事 (葵涌廣場)葵芳葵富路7號葵涌廣場2樓C79號舖

葵廣買完章魚燒既對面就有兩間飲品店，見到logo係謝曬皮既公仔，所以就想試下，叫左GG黑糖珍珠鮮奶 (少冰50%，少糖70%) 。等左5分鐘左右就有，唔算太耐，見到D黑糖花紋好靚，個杯又靚，非常適合打卡。我不停上下倒轉咁想搖勻佢，但成杯野太足料太高密度，所以搞唔掂要再用飲管不斷攪拌。D珍珠帶有好香濃嘅黑糖味，亦都非常Q彈，鮮奶入口順滑。但其實第一啖入口忍唔住講左句好甜呀~>__< 平時其他店我叫少糖都唔會覺得過甜，但如果有下一次，呢間一定要叫微糖。躁動既手繼續不停攪拌希望飲落去會好D，但都係好甜。黑糖味本身濃又甜，跟住鮮奶質地係thick 少少，所以全杯有D又甜又膩既感覺，食埋珍珠簡直係好飽掃唔到其他小食，亦都食唔落晚飯。本身諗住解下渴，點知好似仲渴。料係足既，但可能真係要叫減甜減到更低% ，本身味道唔係差，但因為太甜影響左個味覺，對呢間既印象就真係好一般，怪就怪自己冇叫茶類飲品。後尾發現原來呢個brand係用加盟店既營運模式，咁質素一定係難控制…

見到店名都想無所事事🤣夠吸引力！其實唔淨係店家個名好笑，成個餐牌啲嘢飲名都好好笑😆叫咗一杯「茫茫人生遇上人海芒芒果銀毛茉莉」，個名長到……..🤣店家貼心嘅係有暖/凍選擇，而唔係走冰都仲「凍」。少糖之後，可以突出茶味甘香，仲有粒粒生果。唔錯。

🦥：熱辣辣飲咩好阿？🐈：我想和你無所事事～🦥：我都想阿～～ 咁飲咩？🐈：間野係叫我想和你無所事事🤣行葵廣咁多飲品店，睇到眼花撩亂都未諗到飲咩🤔 。 。 選擇困難症(❍ᴥ❍ʋ)見到新開又未試過嘅，最後就決定飲呢間😽😽 Menu 上面d野飲名好鬼搞笑🤣🤣吸引到我杯杯都想睇下佢咩料😆懶過西柚銀毛茉莉 💰32*可以轉茶底*甜度只可正常/少甜茶底轉左鐵觀音烏龍～～茶唔算太濃，但就好香ʕ•ᴥ•ʔ而且非常清新！🐈夏天最中意飲西柚嘅飲品🙊無咁肥之餘，解渴亦一流🤣仲有佢勁多果肉阿！！！♡´･ᴗ･`♡望一望原來係碌柚黎👀佛都有火龍果乳酸梳打 💰34*甜度只可正常/少甜*可選$5配料一份呢杯嗌左少甜都偏甜～～配料就揀左愛玉🤤味道就係火龍果加忌廉溝鮮奶，火龍果味並唔突出，主要係飲到乳酸梳子既甜味，同貓仔個杯充滿哂果肉既對比，就會覺得有啲唔抵，哈。宜家買野飲仲可以儲印花👀集齊4個就可以換一杯野飲ฅ^•ﻌ•^ฅ？

一開始比間茶飲店個名吸引左我，叫「我想和你無所事事」，而且飲品名都幾盞鬼，係葵廣漫無的地遊走的我，的確係幾附合佢個名店名，一於就揸住佢同我一齊hea～店鋪門前都幾多人等緊飲品，唔知係咪同我一樣比個店名吸引左（？），小店用左水藍色設計，加上大大個卡通logo，都係係好岩啲青少年既口味！🚩 同學今堂突擊背麥精呵瀝豆花 ＄32✣ 要老阿姨讀哂嚟點，真係夠哂尷尬🙈其實就真係麥精、呵瀝、豆花，三樣混合做一杯飲品，味道幾夾，店員都有提醒要攪均先好飲，的確攪唔均就好似我咁，呵瀝飲到渣渣～味道稍微淡左少少，普通左少少，但尚算ok，會再試下其實產品✌🏻

開喺李圓圓旁邊嘅手搖飲料店～見到鋪頭名”我想和你無所事事”真係俾佢吸引到去睇下個餐牌有叫一望個餐牌就發現內容同個名一樣都係十分之長😂😂但飲品嘅名稱都好貼地同埋幾得意喺花多眼亂嘅情況吓，睇咗本週推薦no.1嘅茶飲料*終需有日龍穿鳳梨柳丁鐵觀音+蘆薈粒*$37就咁睇個名以為鳳梨為主，收到後就發現原來柳丁係橙🍊😂所以整杯飲品以橙同鐵觀音為主同時間亦飲得出淡淡鳳梨香味🍍原先杯野飲係唔包蘆薈粒架想杯飲品有些小咬口，就決定加$5蘆薈粒本人覺得加咗成個口感層次大大提升😋

疫情之下，平凡是福每日就好似「我想和你無所事事」最近呢間吸睛又有特色嘅飲品店終於開到葵涌廣場啦～又多一個機會支持良心小店💛 。乜得你咁馨香芋拿鐵 $29。三把火荔枝紅茶 $32。終需有日龍穿鳳梨柳丁鐵觀音 $32 微糖甜度適中，有我最愛嘅芋泥作為芋頭fans嘅我，希望芋泥可以多D就好啦芋頭latte飲落有D似雀巢芋頭味雪糕杯～😆 荔枝紅茶可以叫微甜，紅茶味好濃杯底有幾粒新鮮荔枝肉荔枝味好香，唔會死甜個人認為荔枝配紅茶味道真係最夾！ 鐵觀音茶底香濃，而且有好多鳳梨果肉一款好適合夏天飲嘅水果茶

一開始比個店名吸引住望下menu仲盞鬼終須有日龍穿鳳梨柳丁鐵觀音鳳梨同橙汁好夾，都係酸酸甜甜，夏天飲好爽好開胃～橙香味同鳳梨香味充斥口腔推介！法蘭西芝士奶蓋四季春茶鐘意飲芝士奶蓋嘅一定要試下！芝士奶蓋好香濃，應該係我試過嘅茶飲店入面嘅top 3~好馬不吃回頭草莓拿鐵香甜草莓味~ 唔只啲名吸引，飲完真係覺得啲茶飲好出色又足料

//< 我想和你無所事事>忙到嘔既小編見到呢間茶飲店梗係二話不說買黎飲啦🥳 哪間茶飲店既logo係本地畫家謝曬皮既作品！呢度既飲品既名稱全部都好讚鬼😆—————————————————- 茫茫人生遇上人海芒芒果果銀毫茉莉 $36 -呢個其實係芒果茉莉茶～飲落去都飲到茶味🍵 底下都有芒果肉🥭 不過略嫌果肉較少！如果果肉多d口感更佳🤪—————————————————評分：6.8/10地址：葵芳葵富路7號葵涌廣場2樓C79號舖營業時間：12:00-21:00#我想和你無所事事 #茶飲店 #葵廣 #葵廣美食 #葵涌廣場 #香港美食 #葵芳美食 #葵芳必食 #美食博客 #hkfoodblog #hkfoodgram #hkfoods #hkfood #hkfoodie #hkfoodshare #hkfoodlover #hkfoodlover #🐷🐤飲品 #🐷🐤葵芳