我愛伊斯坦堡 (已搬遷) 新店位置

其實生B後已經很忙沒有評openrice 多時了(睇就多, 好賤...)冇寫食評幾年 ... 通常一係好嬲不愉快事件, 或是...很難忘到要推介給別人. 我是後者.DINNER 前幾天已經收到WHAT APP 餐單, 可能太長, 我竟誤會係廣告. 沒理會. 幸好店員多提我一次.經修改後,7人份量:*加多加多( 印尼沙律 )*招牌巴東牛肉 (辣)*梅爾辛紅飯烤釀嫩雞*羅望子鯖魚*五香酥⋯⋯*印尼黃金粟米餅*我愛峇里鮮蝦炒飯*自家鮮斑蘭香蕉蛋糕一入去, 見到2枱都由地道人帶住D 外籍朋友黎, 心裡暗想應沒選錯. (即使地下環境不太好)先說"梅爾辛紅飯烤釀嫩雞" 隔離枱得3人者食唔晒... 我地7人, 也每人分到2-3件建議真係夠5/6人先好叫.  配濕飯, 很開胃"巴東牛肉"  唔食得辣既我也覺好味...."五香酥" 用生菜包住食, 有點似韓國菜, 很脆... "羅望子鯖魚" 細心到起晒骨...  超好味, 很開胃"黃金粟米餅" 好甜. 推介我愛峇里鮮蝦炒飯 必食, D 蝦大隻到暈. 又夠彈... 仲有少少脆脆地既飯蕉 !~鮮斑蘭香蕉蛋糕 , 必必必必食.... 有點搞笑. 我沒有說有同事

第一次自己親身上黎這間鋪，門口望到Turkish delight已經吸引我入去，事關我係hk搵左好耐Turkish delight，而且這間仲有得賣土耳其軟糖，我緊係唔會放過啦。老闆好nice好好人，仲好好傾，仲比我試完先再買都得，之後我買左一包開心果軟糖，食落似“鳥“結糖，但真係好好味。咁買完就坐低一陣，因為老闆仲沖左杯apple tea比我飲，真是very nice。 到第兩次去，我上去本身傾計，因為好奇間餐廳咁細點樣可以煮到咁多野出黎嫁呢?之後個老闆見我咁多問題問就切左少少‘蜜糖合桃千層酥‘同‘蜜瓜雪糕‘我試，真是唔係咁好意思的。總括黎講這間餐廳真是值得去，BTW 有啲餸菜係要事先order。

一向覺得土耳其好神秘，係歐洲，定係中東？回教國家但又有性感的土皮舞 唻到呢間小店就更加有神秘感！門口蓋上厚厚的民族花布，「捐」入去，燈光昏黃憂暗，牆上也掛有一大塊花布幔，當時尚早未有其他客人，突然覺得自己「捐」咗入一個好浪漫嘅山洞~ 接待的是一位土耳其先生，由於之前已經訂咗想食嘅菜，佢安頓好我哋就開始煮。我哋兩口子，主菜要了梅爾辛燒雞同Dolmer。之前唔知咩係「梅爾辛」，只係見D食評推介就照要。土耳其先生介紹，原來梅爾辛係佢家鄉！HOHO，即係「土耳其家鄉雞」！果然名不虛傳，雞有雞味，飯都有雞味！燒得香香的，香料跟雞跟飯的味道很夾！另一道菜 Dolmer 都係釀飯，釀係三色椒入面。我好鍾意食三色椒果種清新的甜香，生食又得，煮到淋 pat pat 一樣好味。呢個 Dolmer 都好啱我，香料飯＋黃椒＋乳酪一齊食，好開胃。之前未食過乳酪造的主菜，擔心會好酸好怪，但原來佢唔係好重味，少少的酸酸甜甜，跟油飯一齊食剛剛好中和番唔會「漏」。飯同飯之後，甜品點了土耳其先生推介的新品：玫瑰米飯布丁 Rose Rice Pudding。對！又係 ！  個名聽落真係好怪。。。「飯布丁」。。仲要玫瑰

朋友生日，想搵間cafe包場，但係又唔想食一般的叮叮 pasta 雞翼... 係Openrice 搵咗好耐，終於搵到呢間細細地嘅土耳其cafe！我地得12大人3小朋友，要包場其實有d 難（人家要15大人先可以包場）好在我地早book，店主肯幫忙安排！Book位時店主就比咗張菜單我地，大部份菜式都要預訂：梅爾辛紅飯烤雞全隻 - 之前好多食評都有介紹！雞肉juicy鮮嫩，跟香草一起烤的雞皮好香，入面嘅釀炒飯沾滿雞油，濕濕地，好味！奧斯曼帝國古法鯖魚 - 去骨炸魚塊，再砌番一條魚咁上碟，入面有好多香料、提子乾、松子仁，開胃啖啖肉。釀三色椒 - 我自己好鍾意呢個菜式，因為好鍾意食紅椒黃椒。入面又係釀咗香料飯，好甜好好味！炸土耳其餃子 - 我地成班都係炸物愛好者，呢個一口吃餃子冇得頂！香脆而不油膩！牛肉同羊肉，偏愛羊肉多d。土耳其青口配香草飯 - 又係釀飯，今次係隻青口個面上面鋪少少飯、香料茄汁，一啖過同青口肉一齊食。雪花牛肉串、香草羊肉 - 必食土耳其燒肉！燒得香，一啖一件，轉個頭就被清碟總括唻講，土耳其菜好多香料，惹味得唻都唔算好濃，朋友都喜歡 

不是第一次來這店，至於地方，或許這並不是你想像的那樣大和美麗，食材不一定你想像中貴價。但是一個感覺特別和放鬆的地方。對於我們來說，我們關心食物背後時間和心機和他們意念及氣氛，食物也獨有自己風格是我非常欣賞。我先介紹梅爾辛紅飯釀烤嫩雞 知道超過十多種材料醃製，廚師從老家帶來香料醃製，也用一些個人風格配合老家梅爾辛醃製方法來煮自家土耳其羊肉餃子一粒一粒香口炸物也非常香口野味! 這樣也不少得時間和心機，一粒一粒自家製。土耳其乳酪芝士炸物拼盤乳酪芝士也是自家製，製作也是需時，聽說要把乳酪和牛奶一起慢煮後再改變成乳酪芝士，土耳其人非常喜愛，當作日常必須進食的食品，營養價值高。奧斯曼帝國古法鯖魚土耳其奧斯曼帝國年代皇帝菜餚，去魚骨和香料配合要一試，可看得出背後時間和心機。每人有不同看法和感覺，希望貴店再努力改善不完善地方!

朋友生日, 要求試新菜, 剛巧有人收到whatsapp短訊推廣, 決定一試.有趣的是整個預訂過程都經whatsapp, 而因屬私房菜形式, 所以所有菜式均需事前預定.餐廳位於旺角百寶利其中一個單位, 小小的單位基本上只得四張檯, 一邊兩張二人檯, 另一邊一張四人一張六人檯. 是次我們一行七人, 坐了張六人檯, 但原來是晚另一檯同為七人, 那位侍應哥哥開了一張細摺檯拍著四人檯, 結果我們兩張檯都幾逼.但最大問題是無論檯櫈都太矮, 大家都坐得食得好辛苦.整晚都只有一位外藉哥哥在場, 招呼煮食一腳踢.沙律 (免費) - 不知是否土耳其沙律, 因為無論賣相材料味道都無特別, 亦沒有甚麼新奇材料在內; 看其他食評的土耳其沙律與這個不一樣.梅爾辛紅飯釀烤雞全隻($236) - 以多種醃料製成的烤雞味道OK, 雞肉亦嫩滑, 但內裡的飯其實無味, 但單靠外皮的醃料提升味道.奧斯曼帝國古法鯖魚($236) - 大家一致認為是晚最好食的菜式. 整條魚已先去骨, 同樣有大量特別香料加上提子乾洋蔥等製成. 味道易入口之餘,口感亦不俗; 加上去骨做法十分討好.土耳其香草雪花牛肉串 及 土耳其香草羊肉串 (各$1

再次和朋友光顧這土耳其私房菜晚餐，這一次也另我好滿意，非常欣賞他們不斷設計新菜色和選擇非常另類的土耳其菜! 另我不得不讚是自家製和用心經營. 店主也把自己藝術攝影作品放在牆上分享有獨特個人特色和風味!!知道座位不多所以我們需要早訂座和預訂菜色!想和大家分享:廚師奉送給我們前菜 Turkish SALAD土耳其沙律-----新鮮蔬菜蕃茄洋蔥青瓜加上有香草橄欖油等等打開胃口。招牌菜 Roasted Tender Chicken Stuffed with Red Rice in Mersin Style 梅爾辛紅飯釀烤嫩雞-----不得不讚雞肉嫩滑外皮惹味雞內釀香草飯正!廚師話超過十種材料醃製，好想知道這麼入味有甚麼秘訣? Osmanli imparatorlugu Ringa奧斯曼帝國古法鯖魚----廚師話製作需時先去魚骨，魚肉加上洋蔥土耳其香料及松子提子乾等等材料，這種煮法在當時土耳其奧斯曼帝國年代皇帝菜餚，食後感覺和亞洲的煮法很不同，味道好複雜可一試!我朋友非常喜歡來送飯!招牌菜 Manti Lamb/Beef自家土耳其牛/羊肉餃子各一份----好香口美味，羊肉不覺太羶點點羶味，必食!

如果唔係朋友帶我唻，都唔知旺角原來有咁得意嘅土耳其樓上cafe！地方好細，但氣氛OK，黑黑地傾計好輕鬆。Book 枱時已經訂咗隻梅爾辛燒雞，朋友話一定要訂先有得食，而佢每次都訂，因為好好食。又真係幾好食喎！燒雞入面塞滿飯，有d似某中菜館的禾米豬嘅輕巧版。燒雞香，飯又香，好味！我地仲叫咗雪花牛肉串燒，牛肉粒比一口牛大件D，唔會燒到好乾好“鞋”，岩岩好外面焦香、入面Juicy，加上其他燒蔬菜配料，食多D都唔會“漏” 土耳其炸餃子，可選牛肉或羊肉，我地要咗羊肉，特別D嘛～ 羊肉唔羶，細細粒，一啖一粒，食到停唔到口！加埋送既新鮮土耳其沙律（雖然話係送，但份量都唔少！且用料新鮮絕非行貨！仲切咗朵蕃茄花添！）三個人食到飽飽！論價錢，初初睇menu的確有d嚇親，主菜要百幾二百蚊，以旺角區樓上cafe唻講，呢個價錢真係「非一般」！但係諗諗吓，全香港土耳其菜館不多，而且大多都係食轉轉燒、卷餅，冇乜特別。呢度就有燒烤以外的地道菜式，賣相未必有大集團果d咁靚，不過味道絕不輸蝕。最恩賞係佢地嘅誠意，老闆見你食得開心，會同你一齊玩自拍、吹水，仲會送自家製牛油果雪糕、送土耳其軟糖！hehe，可能我地好彩同阿老闆

今日媽子生日,諗住同母親大人食好d,食d特別野,係openrice搵左呢間餐廳,真係好後悔. 無論環境,選擇,價錢,味道,份量,都唔合格.環境:成個"餐廳"唔夠150尺,有5張枱,可以坐到15,6人左右.地方細唔係問題,但佢枱細,凳矮,好迫,坐得好唔舒服.選擇:除左兩個set dinner,得唔夠20種hot dish,有一半要預定,如果多幾個人想食多幾種都冇. 重話係中東菜、土耳其菜、西餐廳,根本就冇乜可以選.價錢:貴,每一樣都要成150,連兩塊冷冷乾乾既所謂薄餅都夠譫收我58份量:少,我一個人可以食兩碟,我一家4口,叫左4個菜加薄餅,每人都唔夠飽味道:一般,唔可以話難食,但同好食差好遠,唔值呢個價錢. 尤其係個什麼乳酪雞,根本就係白烚雪藏雞胸再加d乳酪同香料,淡而無味4個人食左809,唔好食,唔飽,坐得唔舒服. 唔好話800,400都俾多佢. 諗唔到有咩理由會再泥,食大快活好過佢.我本身對食都冇乜要求,第一次食完一間餐廳覺得差到要上openrice話俾人知間餐廳有幾差,希望唔會再有人受害.

之前朋友到土耳其旅行，帶了土耳其軟糖給我作手信，吃過後念念不忙！直到近排才於Openrice發現這旺角cafe也有土耳其軟糖賣！晚飯時間來到，小店已爆滿，唯有在門外稍候。本來只打算來買軟糖，但等等下，裡頭陣陣香味竟然令我又肚餓起來！（註：來之前已經吃過晚飯⋯）還是抵受不了美食的誘惑⋯外藉廚子（後來才知是老闆！）走過來，問我想要點什麼，才知原來這兒是要預約和預訂食物的！因為部份菜色要烹調兩小時以上！可能他見到我由雙眼發光慢慢變成失望的樣子，而且又只得一人，就叫我等一會，可以給我安排 又在等的時候，見到有一枱客人吃的雞很香很特別，一堆堆雞一堆堆飯的，老闆說是梅爾辛紅飯釀烤嫩雞，全隻燒雞，裡頭塞了飯，上菜的時候才切開完隻燒雞！很吸引！我說要一隻，老闆掙大眼睛，很出奇的樣子，說我一個人吃不下喇！哼哼，我這個貪吃的，管他呢！而我也超級好彩！本來要預計的雞，竟然因為他們搞錯訂單，剛好多了一隻給我！燒雞好香，肉質嫰滑，而飯濕濕的，吸收了雞汁油香，熱騰騰，正！最後我當然吃不下啦 老闆提議我打包，吾正有此意，回去跟老媽分享！再說回軟糖，個人不太喜歡椰絲及玫瑰味，最愛開心果！煙煙韌韌，又唔會好痴牙！甜度

尋日(25-12-2012 Tue)聖誕節,約好男友人LKH一家,除o左佢細女LYY唔o黎得,女友人DC,男友人TC,J同男友共九人一齊o黎呢間食晚飯.我早就同老闆娘book好位同o野食,o黎到.原來呢o度好細間,我o地坐低後,就同老闆re-confirm menu,然後佢就將食物一一送上.1.送o既土耳其沙律全部都係菜,都好新鮮,淋o左啲一粒粒唔知咩o野o既香料,我感覺就類似食黑醋沙律,呢個OK冇問題.2.$108.00o既Şakşuka with Homemade Yogurt 茄子薯仔配自製乳酪我估唔到薯仔係薯條,茄子得好少, 乳酪酸甜度適中,其實我好似冇食到茄子.3. $185.00o既Manti Lamb自家土耳其羊肉餃子呢個賣相黑漆漆o既?好似炸過龍喎,餃子夠脆,今次食到羊羶味喇,LKH太太同DC都讚好食.4.$158.00o既Beef Şiş Kebab 3pcs 土耳其香草雪花牛肉3串呢個同老闆娘re-confirm,一串有三件雪花牛肉,即係一人一件,o岩o岩好.而原來呢個除o左有土耳其脆薄餅外,重有一兩個飯跟埋o黎.雪花牛肉都幾厚,白雪雪o既乳醋味似我o地o係超市買

自從睇過電影<Narnia>後, 一直對係戲裏出現過個盒土耳其糖念念不忘, 但一直都未有機會試到! 直至前陣子係團購網有優惠, 於是諗都唔駛諗就'click'左一盒$58 Assorted Turisk Delight. 由於本人係路癡, 所以呢幢大廈我都搵左好一陣子! 原來佢就係銀城廣場正對面! 餐廳好細, 但店內外都好有特色,燈光昏暗,很有色彩, 好似進入另一國度咁! 負責比糖我的係一位外籍人士, 其後睇番之前食評,估計佢就係士耳其人店主喇! 感覺幾 nice ! 佢付上name card 一張, 介紹餐廳facebook page. 我取盒糖, 第一個感覺係:咁輕ge???? 唔似有一般糖果的重量!!!!! 返到屋企開黎睇, 嘩!!!!!! 超級少啊份量!!!!! 我平生第一次食士耳糖, 唔知咩價位先正常! 前排係 City' Super Xmas Booth 見到細細盒(手掌咁大) $38. 但由於當時已買團購, 所以無買!!! 個盒幾精美, 紙做, 盒好大, 糖就真係少左D! 但其實團購寫左係 $58/120g, 只不過我無認真去理過

我一向唔寫食評,但實在好唔抵,希望比大家參考!!阿媽生日諗住食特別少少嘅野,細佬上openrice見到呢間大部份食評唔太差先試吓!成個menu一半以上要預定,諗住d食材會新鮮啦!!點知勁失望.....全部都係翻熱攞出嚟......坐低幾個字,唔問佢攞水,水都冇滴飲吓!全間野得一個人,煮又係佢,招呼人又係佢。Order咗巴東牛肉12oz $398(冇特別,唔值呢個價錢!)紅飯醸香草雞$215 (呢個係最正常)乳酪芝士闊面 $158 (零芝士味,一舊膏咁!難食!!)羊肉烤餅$158 + 烤餅2pcs$58 (佢menu寫明一份2pcs,收錢計我地order2份,要我地比$116)香草乳酪帶子$215 (D帶子係雪藏細細粒嗰隻,仲要冇味架...)古法鯖魚$215 (我唔食魚,唔評價)雪花牛排串燒3串$172 (呢個我最嬲生都唔緊要,一咬落去仲有雪藏味!!!!呢D野點可以比人食???)總共$1800. 超級唔值!!大家三思!!比番錢我都唔會再去!!!!

最近妹妹突然對土耳其軟糖很有興趣, 不斷的問我在哪裡可以買到. 上網番查了一下, 得知旺角有家土耳其上樓餐廳好像有得吃, 便寫了個地址給她, 本打算她自己一個不會太敢去的, 怎知今天妹妹回來時手裡拿著一大個圓形紙盒, 好奇看看是什麼來的~原來她自己走了去買了一盒外帶回家!!盒子用上白色主調, 旁邊還有紅紅藍藍的色彩, 帶點異國風情. 紙盒也頗有硬度, 看起來都幾得體, 用來送禮應該也不會失禮.後來再去這餐廳查看一下, 店門就像是普通住家鐵閘門, 但大門長開著, 周圍貼了很多土耳其文跟圖片. 入內看看, 餐廳不大但佈置得幾骨子, 帶點異國色彩之餘又不失住家感覺.不過燈光就幾暗, 當時食客不多, 只有2,3個人, 而土耳其藉老闆就坐在店內的角落.而門口旁邊的架上就擺放了6個紙盒, 內裡分別放了6款不同口味的軟糖. 這裡的購買模式有點像普通的夾糖店, 老闆會先給你個紙盒, 客人可以自己把喜歡的軟糖夾到在盒內, 夾完後拿回給老闆磅重計錢.而妹妹買來的一大盒內有其中的4款, 先是她最喜愛的玫瑰軟糖 - 體積比較大的, 四四方方呈深粉紅色, 表面洒滿椰子粉, 看似很吸引. 咬下去, 沒有想像中那樣

朋友正日生日，諗住食啲特式野，加上自己兩年前試過都覺得好食值得一讚係座位比以前寬鬆得多，坐舒服了最過份係個在土耳其香草炒飯上枱時同普通白飯無分別，呢個仲要pre-order，又唔熱，我朋友仲以為佢開玩笑，點知係真既其他食物更係淡而無味，想唔到只係兩年水準下降那麼多😰