影片
開飯介紹
來自北海道的米薄餅專門店，薄餅底由飯製成，亦供應沙律、意粉、天婦羅及甜品等菜式。
繼續閱讀
以上資料只供參考, 請與餐廳確認詳情
已往已見過不少這店的團購優惠, 有時會想一間店在經營上有困難, 會比較容易需要團購的平台在拉客仔, 不過今次零優惠底下, 因為朋友想食, 所以walk in 入內食。餐湯味道不錯, 有咸香, 夠creamy這個是店的特別產品, 用北海道的米做批底, 米比薩由此而來, 朋友喜歡食蝦, 所以叫了這個, 與餐牌相比, 這個更美, 整件都非常脆口, 香氣滿溢, 炸好的天婦羅蝦再焗, 不油膩而且仍脆, 只是比較熱氣。視覺上的滿足其實都已經好開心, 不過加上脆口食物, 自然會容易受歡迎~
繼續閱讀
由於係聖誕節既關係，所以有設人均消費最低要＄180.基於一直都好想試食呢間既米PIZZA，而且又係聖誕，所以決定食豪D！一行三人，起初都擔心叫唔到加食唔晒咁多野，但最後當然有全部食清光食物款式多，米PIZZA都已經有好多款，見到MENU上既食物圖片就樣樣都想食最後幾經辛苦先揀到食物味道不錯，米PIZZA批底略脆，配上芝士／醬汁味道好MATCH，而且PIZZA上既配料份量很足，單是賣相都已經非常吸引，天婦羅蝦米PIZZA絕對是必叫！野菌墨汁意大利飯菇味非常濃郁，飯亦夠煙韌，要注意既就係會食到個嘴同牙都黑埋XD至於個燒餅就可以不用嘗試，價錢貴而不值，我叫既係鰻魚燒餅，但鰻魚份量極少，而且完全食唔到鰻魚味！我會寧願多叫一個米PIZZA來取代個燒餅。甜品方面價錢同外面差不遠，賣相吸引，個軟雪糕好好味，紅豆亦夠甜。
繼續閱讀
3個大人一個小朋友, 叫左一個2人套餐加一個飯. 套餐內有湯、面、意枌、米pizza、飲品及甜品. 望落好似都算多野食, 但可惜....大部份都唔好食!首先係淡而無味的湯和硬繃繃、凍冰冰的蒜蓉包小食拼盤, 得薯角係叫做OK, 其餘的食得出係買返黎整熟佢.菠菜雞肉意粉, 個汁同意粉係分離既...雖然佢已經煮到意粉變綠色...雞肉...有醃過, 唔會有大陣雪藏味大蝦米pizza, 餅底用米來整的, 幾得意, 食落有D似飯焦. 建議一上枱就立即食, 否則凍左會硬及痴牙.飲品係套餐內fix左既士多啤梨味飲品, 用test tube奉上, 感覺新鮮, 但飲落唔覺得特別好味, 而且二人份量既話, 每人兩條.....餐飯黎講算係好少囉套餐跟既甜品.....全部都好甜! 燉蛋(左)、朱古力布甸(中)既質地好差, 係得右邊個杯軟雪糕水晶粉係好D, 但係軟雪糕溶得好快!另外點了一杯北海道牛奶綠茶. 好明顯類飲品比以上食物優勝, 濃濃的綠茶味, 我才找回自己的味覺仲叫左個咖喱豬排蛋包飯, 份量偏少! 豬扒很薄! 無咩味....唔知自己食緊咩, 但蛋煎得滑
繼續閱讀
不嬲婆婆都係我皇太后, 佢話去邊我都一定聽哂佢話~ 佢話未食過米比薩, 覺得好有趣, 所以大家就入咗去食啦! ^^三個人叫咗三個午餐SET. 餐湯 & 蒜茸包好濃既蕃茄湯, 我鍾意!個蒜茸包都好夠味, 期待主菜! 三文魚菠蘿米比薩賣相幾靚, 上面既料都好好味, 芝士夠厚, 三文魚同菠蘿都好多, 加埋個千島醬幾好呀!米底就硬同乾咗啲, 明明有飯焦既邊邊但又冇飯焦既香味, 可惜.. 黑松露鮮蝦意粉黑松露好淡, 雖然呢個價錢唔會真係俾黑松露你, 但寫得有, 滴多幾滴黑松露油都好呀.. 雖然都香既, 但整體都太淡, 真係要加幾粒鹽先夠味... 不過啲蝦都幾大隻~ ^^ 海鮮(汁)菠菜蛋包飯 (食完先醒起唔記得影相tim.. ^^")用一隻長型既碟裝住, 一邊係咖哩海鮮, 一邊係"蛋包飯", 旁邊再有啲沙律菜嚴格嚟講佢唔算係一個蛋包飯.. 只係飯上面有一片綠色既蛋.. 要扣分綠色得幾靚架, 不過冇菠菜味又冇蛋味... 個汁OK既, 好似有磨菇味咁, 都幾好味! 即磨咖啡好飲! 讚! 夠香, 仲要跟熱既cream唔係奶!全個餐最開心係杯咖啡! 整體嚟講佢啲嘢食OK既, 不過以呢個價錢, 我未必會再嚟..
繼續閱讀
黑松露意粉：完全冇味，加上黑松露本身的氣味，我估連餓狗都唔會去食。（結果成碟冇食）😱😱😱龍蝦：好似食緊擦膠咁。😖😖😖飯Pizza：冇乜特別，普通料。總結：下次唔使錢都唔會去食。唔明點解咁都開到分店。😓😓😓
繼續閱讀