手作功夫茶 (上水廣場)

營業中

休息中

夜晚去買嘢飲，見到3個職員都忙於整緊杯飲品，其中一個企近收銀位 見到我哋完全唔會主動話等一等，等左好幾分鐘後，後面另一位職員先講句「就得，等多陣」雖然係好飲 但唔想同客溝通又無禮貌可言嘅，不如直接整部自動落單機好啦。

早幾排去完台灣，真係好掛住珍珠奶茶嘅味道，經過就即刻買返杯，呢個伯爵珍珠奶茶，伯爵茶嘅味好香，而且鮮奶味都好重，另外就係啲珍珠都幾多，而且咬落好彈牙，仲好甜添！個人推介嗌7分甜會好啲。🥰🥰

每個職員啲態度都係好惡劣，個個好似人哋爭佢幾百萬咁、黑口黑面，問多句嫌你煩，要求咗少甜，佢自己無入機又話我唔早講，總之就係貼錢買難受，呢間公司嘅老細請咁嘅員工真係遲早執得！

平時都鍾意飲水作功夫茶，但係上水廣場店員態度十分惡劣。明明職員無比飲管，佢自己發現左之後，重大聲夾惡同我講「係度呀！」先比番飲管我。一個細小位已經做到甘差，為免比錢幫襯重要受氣，建議大家想飲功夫茶，去幫襯另一間！

今日在上水這間功夫茶買飲品 叫左一杯波霸鮮奶 在拿到飲品後 禮貌問問一位女職員可否給個膠袋 女職員突然勁冇禮貌地啤左我一下 而且不作回應 只是十分不耐煩地比個膠袋我 一個小小嘅舉動已經令人對這間飲品店感到失望 不會再回購。

好耐無飲過啦，見happy Friday三點幾既時候想飲杯野提神就yo 同事一齊叫下野飲。😆😆😆😆😆😆😆😆.之前拎左張傳單，可以用whatsapp 落單， 所以就打好個list send過去， 大概15分鐘左右就落去拎就搞掂，都幾快手， 可能係平日下午無乜客等緊。我叫左芝士奶蓋鐵觀音，奶蓋味唔濃郁，亦都無乜茶味，所以味道一般，純粹飲杯野過下癮既話可以接受。Total 叫左12杯，埋單3百幾蚊。正常價錢。

職員態度十分惡劣，懶懶閒成班顧住傾偈又會鬧客，完全唔知係咪做生意。尤其有位金頭髮手有紋身嘅男職員，十分暴躁。如包容力不高不建議去俾錢買難受，飲其他店舖都冇咁嬲！

到店時店內有5名職員，可能有很多訂單，等候排隊下單時亦等候了一段時間，大概5分鐘才有一名金髮男職員來收銀下單。在下單找贖時職員先將單放在枱面上，然後再將零錢大力放在枱面，態度冷淡且欠缺禮貌。過了一段時間，我看見枱面放住2杯飲料，並沒有人理會，就上前查看其單號，該名職員仍在收銀處位，在查看時他一手按着飲料，我就將單據給予職員，他立即說道：「我得一隻手炸喎！」，我提醒他加購了膠袋，他才將飲料入袋。。。個人認為態度十分惡劣，假如需要時間的話，可以跟客人說請稍等，而非這樣回答，整個過程感到十分委屈，衰啲講句好似當客人係狗咁，忙還忙，我又冇催又冇鬧，態度西到爆。購買全程唔講好似欠左佢咁，我真金白銀俾錢買野飲，但三番四次被該名金髮店員刁難，貼錢買難受！在食物質素方面，點了伯爵珍珠奶茶和38奶霸，38奶霸原本應該有珍珠 蒟蒻 仙草，回家後發現只有珍珠蒟蒻，另外要求少冰但至少3分1杯都是冰，微糖仍是極甜，十分多甩漏，「用心做好茶」原來只是口號。之前在何文田和大埔分店都沒有這些狀況出現，以後不會再光顧此分店，買完一肚氣！

我對珍珠奶茶已經上癮左好耐，近排個病又發作，拿拿聲去買返杯解癮～珍珠奶綠(走甜走冰)我自己唔太飲得凍野，所以習慣左走冰，有時有d舖頭嘅珍奶走冰都會係成杯冰，但呢間我一拎上手，再搖幾搖，真係完全feel唔到有冰塊喺入面！堅走冰！啜一淡已經感覺到綠茶味，唔係奶水～d珍珠超煙韌，仲超有黑糖味，明明唔係飲緊黑糖珍奶，但d黑糖多到連飲管都染埋色～(但可能因為多黑糖，所以走甜都係幾甜吓)同埋一杯都幾大杯，細食嘅朋友飲完可能唔洗食飯

見到上水廣場新開左手作功夫茶，想去試一試呢間分店。叫返平時叫嘅鐵觀音奶茶少甜，等咗大約5分鐘有得飲啦，但一拎上手就發覺啲冰多到落底，平時其他分店都唔係咁多冰，味道方面，同其他分店差唔多，服務方面 店員都算耐心講解 總括黎講 都可以喇

去到嗰度成班人喺度吹水 然後我企喺收銀位望住佢哋 諗住買奶茶 結果佢哋吹緊水瞟左我一眼 結果又繼續傾偈 完全唔知想點 過咗一陣先過嚟收錢😅😅五個人圍喺度傾偈都冇一個肯上嚟收銀 係咪真係咁得閒😅

喺上水廣場連接住彩園邨嘅天橋入口位置ABC餅店對面黑糖珍珠鮮奶冇辦法 我係黑糖迷見到有嘅我都會試其實都OK不過店員嘅服務態度唔應該咁樣Hea 問多句已經唔耐煩…..

❣️人氣台式飲品登陸上水廣場❣️成日都會口痕痕但係又唔想食足一餐飯！呢個時候我就會選擇一杯足料飲品！有得食同時有得飲😍 手作功夫茶既38奶霸絕對係不二之選⭐️⭐️台式飲品品牌「手作功夫茶」喺上水廣場都開咗分店📍我呢啲新界牛終於唔使周圍騰😆都可以嘆到一杯正宗奶霸🧋手作功夫茶手搖出咗名茶味香濃、配料十足口感豐富‼️🧋「38奶霸」係佢哋嘅招牌飲品唔使$30，就可以一次過食晒黑糖珍珠、仙草Q凍同蒟蒻！茶底係鐵觀音奶茶！每一啖都充滿口感味道十足！🧋「薑汁奶茶」踏入秋冬當然要飲吓熱飲！老薑養生散熱祛寒！啱晒想補身嘅朋友仔！🧋柚香晶球綠茶酸澀柚子配綠茶，飲落唔會苦，仲非常清涼解渴，加埋爽脆低卡既寒天晶球，絕對係Perfect Match🧋宇治抹茶拿鐵作為抹茶迷既我真係飲到停唔到口！唔使5分鐘就K.O.晒！底層係低糖抹茶，頂層冰牛奶，淨係賣相已經非常吸睛！入口抹茶微苦澀再回甘，牛奶順滑口感一流！鐘意抹茶同牛奶既朋友仔一定要去試吓！

📍 手作功夫茶 (上水廣場)地址: 上水龍琛路39號上水廣場2樓207號舖-夜晚同哥哥係上水食完飯，都已經9:00👍🏻居然見到呢間手搖店仲未閂門🥳一於買4️⃣杯番去同屋企人一人一杯先！唔記得呢間手搖店曾經喺其他地方見過不過無機會試試😂除咗好飲門口仲有好多打卡位，啱哂我🥰-🥭芝士奶蓋芒果$32轉頭有滿滿嘅芝士奶蓋🧀綿滑creamy嘅cheesy厚厚一層，甜度適中👍🏻奶蓋下面係芒果沙冰。兩者配合得天衣無縫非常fresh🥳非常消濟解膩之選👍🏻🍵鐵觀音珍珠奶茶$25唔多款茶葉品種入面最鍾意嘅係鐵觀音🍵可能因為屋企人自小熱愛沏茶一直到呢種少少苦澀味情有獨鍾❤️茶同奶比例完美🥛🍎輕飲水果茶王$32飲落好fresh！入面仲有大量水果，飲完嘢可以食晒佢👍🏻包括新有西柚、火龍果、檸檬🍋、熱情果同蘋果👍🏻味道比較酸酸甜甜好解膩👍🏻見到前後左右都叫咗啲杯飲品實在係主打🤣🥤薑汁奶茶+黑糖波霸（+$4）唔記得咗幾多錢🤣媽媽表示唔飲凍飲於是叫了呢杯養生嘅薑汁奶茶比佢！記得大家要攪勻先好飲🥳呢款偏甜少少記得要嗌少甜🍬

剛剛路過幫襯了2杯飲品，2杯都沒有綠茶味，然後明明是排第一，職員沖左一杯放在一邊，我等了15分鐘後，問他點解等咁耐，佢話綠茶未煲，要我繼續等，最後我等到全世界走晒都未到我，算了！以後不會幫襯！