手作功夫茶 (良景廣場)

營業中

休息中

職員態度勁度差劣，對客人嘅態度同語氣其差，買杯茶都唔會問你少甜少冰需唔需要！最基本嘅服務都唔識，多謝/唔該！全無！講野倔擂槌！淨係識得喺間鋪入面吹水！ 杯茶越嚟越難飲，講咗少甜都甜到嘔！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯。。。。。。。。。。。。。。。。。。。。。。。。。。。。。。

今次嘅評論都一早有見過有其他類似嘅評論分享過，只係冇諗到會一直都唔改善.OpenRice落咗兩杯飲品- 柚香晶球綠茶（凍）＄32- 鐵觀音拿鐵(熱） $29打算一去到就拎得，點知去到見兩杯都係凍嘅，之後我就同佢講番話我杯拿鐵係熱嘅你以為職員會講「唔好意思」「依家即刻換返比你」？ 係完全冇！.女職員冇出聲，淨係喺部機度翻查一次，就拎返走杯野入去，徒手打開（但開口唔夠大，再用手指插入去撐開個口）之後就直接到返落另一隻杯到，再由隻杯隔冰倒去第三隻杯到，跟住應該放入另一部機度做稍加暖，最後成杯野就由男職員拎入去另一邊。（其實因為佢塊簾冇遮得曬，所以客人可以見到佢係點樣操作）.女職員之後就坐返埋個位到繼續撳電話（最初拎杯野入去之前都係一直撳緊電話，check返單之後都係冇洗手嘅情況下，就用手指直接撐開杯口）.最後男職員將杯熱左嘅飲品拎出黎，見到佢再倒啲熱水，再封返蓋口就比我。同時間有其他客人入左黎，我反問佢係唔係將頭先杯野倒返入去加熱比我，男職員都係冇出聲，只係輕輕搖頭。（去到最後兩個職員都係冇講過任何一句說話）.之前喺屯門其他分店一直都有好好嘅購買體驗，只可以話呢一間良景分店每況愈下，態度差，

之前叫過佢無糖嘅綠茶都幾好飲，所以今次經開試下好嗌咗杯38奶霸 都幾好味㗎 珍珠仙草，口感豐富 飲完都會覺得好滿足 同埋就算冇嗌少甜都唔會過分甜😆😆😆唔怪之得開咗咁多間分店🤣

呢間嘢真心唔得收咗杯鐵觀音珍珠奶茶去冰然後俾咗杯有冰嘅我，我同返佢講然後佢就攞多個杯隔走D冰，唔知係咪有D冰落唔到去然後就見到佢攞隻手係到掟D冰😅😅都算仲直接加水確定杯嘢仲飲得？完全冇味同水一樣。。。間嘢嘅名聲都俾佢哋搞臭，請埋D咁嘅員工咁搞遲早执

年初二天氣落雨又凍想飲杯熱飲暖胃，於是叫咗杯外賣鐵觀音奶茶少甜。成間鋪頭店員都好後生，態度好一般，落單企到枱前面等佢玩完電話再理我由落單到整好時間唔耐，5分鐘內整好。可惜店員沖完飲品我即刻拎上手已經唔係熱，杯頂既膠面正常熱飲都會滾，呢杯係直情一點暖都冇。返到屋企5分鐘內，開黎試飲，凍過沖涼水…低過體溫！ 呢杯真係熱飲？ … 係咪後生仔女唔怕凍？😓😓😓我諗我老啦⋯⋯呢次唔係第一次係呢間分店買，之前試過買一杯凍飲奶茶，望住入面職員整飲品整錯，都只係倒左面頭嘅再同我加返新嘅上去，店員都知我望到，都係無動於衷，照俾我🙄🙄味道亦唔好，淡到無味好似水。🥴🤢唉今次又倒錢落海，攞黎賤…..😂😂如要飲台式飲品，行過盈豐園會好好多，只係今次唔知個邊有冇開照買呢間，怪自己吧⋯⋯🤧🤧

想嗌兩杯飲品，一杯鐵觀音珍奶，一杯水果茶，原來水果茶賣哂，我都唔想架，札頭髮既女職員全程態度好差全程黑面，咁我嗌另一杯芒果綠茶，問佢有無芒果肉，佢話有，我都穩陣d加左珍珠，點知一飲，只係一杯糖加綠茶既飲品，芒果味都無，更何況係芒果肉🌚好在我加左珍珠，唔係真係企左係到，仲有，我等緊飲品既時候先見到收銀處有寫‘如需要膠袋請在落單時候講’由於女職員黑口黑面態度勁差既關係，我唔敢再講想買左膠袋，另外鐵觀音珍奶就ok既

話說買杯水果茶飲，入去問一個金髪束辮嘅後生女，水果茶有冇無糖的？（其實一直以來menu 都係含糊，佢註釋有Icon指甜度固定，但係冇一杯飲品名稱旁邊有此icon) 女服務員就大叫高八度：「下？」，可能我説話我聽得唔清楚，但係都唔需要用咁嘅態度吧！ 收錢到送餐全程黑面。 大家都有後生過，或者佢啱啱出嚟做嘢，希望佢將來有啲遇到一些經歷可以令佢改善一下工作嘅態度吧！

其實間野茶底係幾好飲但要再著重員工培訓幫襯左三次每次order 要微糖或是走糖都會俾全糖！！係三次都係，真係冇第4次既幫襯，想甜死誰每次都咁懶理顧客要求，點會長做到落去🙄🙄

手作功夫茶終於開到黎良景，見到個招牌咁霸氣，忍唔住影返張相。最後飲咗純茶——四季春青茶，茶味好似唔太出，感覺奶茶類比純茶會更好飲，唔差幾多錢，直接飲38奶茶會更好。

見新開，買返杯試下，同朋友試左38奶茶同珍珠奶茶。38奶茶有黑糖珍珠，仙草同蒟蒻，$26杯，味道幾好，我覺得38奶茶抵飲d，一杯有三種口感。見可見好多人買黑糖波霸鮮奶，下次先試！！！