扒王之王 (已結業)

事緣女友以前LUNCH 成日食扒王 搞到對扒王有恐懼不過經過今次之後 佢對扒王印象大有改觀今晚食既野性價比都頗高美國穀飼牛 -($9X)叫左個八成熟 上檯時候火喉都唔錯味道醃得唔錯, 唔洗加汁都已經好夠黑毛豬 ($9X)啖啖肉 落刀都知道肉質唔係散豬有豬味 同樣味道醃得唔錯比同類大眾扒店都整得要好總括今次真係有驚喜

19-3-2011都 10 幾年無食過扒王了, 是日 2 人喺銅記搵 dinner 食無乜心水, 不如平平哋上嚟据個扒吧, 難得朋友竟然無異議. 叫了一人一牛扒餐 (non-鐵板), 有餐湯, 美國牛扒一件 (跟「薯菜」及自選醬汁) 及飲品.怕忌廉湯飽膩, 餐湯要了羅宋湯: 典型「紅湯」, 飲落「茄膏」又少少辣, 勁多腍腍的雜菜, 味道真係十年如一日. 配湯的係烘過的豬仔包, 少少脆, 但有點太乾又韌韌的, 還是嘉頓 (?) 的微甜餐包開心 d. 主食好似叫「美國窄身厚切頂級肉眼」(8 oz): 想食 "rare", 就叫了「3 成熟」, 結果又真係幾 "rare", 質地略嫌「實」了少少, 但食落肉味亦竟然幾香, 又不錯喎 醬汁要了「燒汁」, 味道就係食 buffet 供應 roast beef 的 "gravy", 不過肉眼扒的肉味本身其實幾香, 就咁食都得了, 留返 d 汁嚟蘸唔太脆, 薯味又一般的薯角好過. 薯菜 d「菜」就係混了白汁的一 pat pat 嘢, 咁嘅專容當然啃唔落啦. 都唔差的一份肉眼扒, 平平哋可以一試的 -- 大佬, 唔係同 8-9 倍

琴晚係銅鑼灣同朋友唔知食咩好 見到有間扒王之王 就求其上左去 本來冇咩期望 估唔到有驚喜 1.環境唔錯 king計一流 2.二百幾蚊叫個扒本來都冇咩要求點知真係幾有水準 炭燒得好野味 扒肉鮮嫩重有好多肉汁 唔洗醬汁加小小海鹽 好好味 有大酒店水準 真係估唔到 3.個湯都幾好 個飽都要推下 同價錢比較係銅鑼灣食扒首選

話說今日同2位朋友加2位朋友的兒子(1個6歲、1個10歲)一行5人...叫了4個餐..詐型,應該不錯1雞扒---呢個有段小插曲,話說待應哥哥一人捧4個扒埋桌,其中一塊牛柳鐵板...痴住塊雞扒..半天吊下吊下咁......試問塊雞扒我地仲點食??呢個時候...我問佢:『塊雞扒唔係比我地架???』佢好尷尬:『下乀』左一聲就冇左影..當然雞扒當時係冇比我地,連汁都冇比我地...之後再上桌既雞扒唔知係咪頭先果塊丫(都九成係架啦!!),但都夠掃你興啦!!再加上我杯餐荼『凍檸茶』ok難飲...如果有十級難飲,佢有5級...喊面比得冇走雞...恭喜

當日本來放工後也不想出外，回家吃飯。可是一位舊同學多番邀請下，我只好應邀。當我放工後，我就用比平常更慢的節奏到銅鑼灣。期間我走到SOGO逛下，待其餘兩位舊同學到達後再作安排。會合後，我們3人先到旅行社看下章程，之後就一邊行，一邊商量。最後決定左去扒王之王。銅鑼灣謝斐道呢一間扒王之王分店，連同今次我只是去過3次。今次我就點了一個牛筋扒；而我兩位舊同學點了相同的牛扒菜式，但正式名稱忘記左。我吃的牛筋扒，按照餐牌上的建議，煮至八成熟，配以蒜蓉汁；他們的叫五成熟，但分別配蒜蓉汁和燒汁。等待約10至15分鐘，終於上菜了。上菜前都有蒜蓉包和羅宋湯，蒜蓉包味道不錯，但略嫌唔太夠脆；羅宋湯也好好味，不會過分濃味；牛筋扒吃上去仍然有肉質的鮮味。至於兩位舊同學的牛扒，我眼中見的比我厚一倍，但面積比我更細，味道似乎冇我的更好。同時扒餐只有跟薯條，不能跟意粉或飯，覺得有D不太化算。最後一共$433，價錢似乎貴左。

黎過哩間扒王食過幾次，野食唔係話勁好食，但係味道唔算差。餐湯永遠都係飲紅湯，有少少spicy，都幾好飲。餐包無咩特別，大部分食店都係用哩種餐包。有一次個餐係芝士焗魚，落左d 調味粉，有小小spicy既香，幾好食！而肉方面，一般啦，不過睇下佢煮得熟唔熟，唔係次次都煮得好熟/無咁熟！個人鍾意食熟d，但可以接受的。最想講既係服務，普遍都認得哩度d服務生。唯獨其中一個服務係特別好，好友善，面帶笑容，不過唔知佢叫咩名。個餐好耐都未黎，叫佢跟一跟，個餐好快到。總之好有幹勁，服務態度好好，讚！有加一，學生好似有折，A餐會貴d

我食o野唔係好叻, 但係見老婆將自己食過的餐廳寫上這個網頁, 都幾有趣, 仲有人交流心得, 自己都想試吓第一次寫, 就寫扒王之王啦 扒王之王的牛扒我一向都幾欣賞, 雖然廣告有D"娘", 但係質素好高, 好實際今日過O左銅鑼灣做O野, 順道去食午餐, 扒王有行政午餐叫, 一份澳華利牛柳6安士盛惠$68, 加埋一七十幾啦, 雖然價錢高, 但真係一分錢一分貨, 件牛扒碟上 (怕熱氣), 八成熟 (太生驚有菌, PEPPER LUNCH都出左事), 雖則有點如毛飲血咁, 但咁樣食先至覺得牛肉嫩滑無比, 非常好味黑椒汁唔夠可以再加, 汁多的牛柳配黑椒汁食, 正啊食扒要食好D, 絕對唔好食埋哂雪O左成年雪藏貨, 好危險的, 中O157大腸菌就真係大鑊

09年7月31日 星期五每當我想食平價牛扒, 總會想起扒王之王, 而且每一次去扒王之王, 都不會點鐵扒牛扒餐, 略嫌鐵板牛扒不是厚切, 而且肉質不夠肥美, 更加談不上肉汁豐裕. 看見餐牌大力推介 "煲呔牛扒", 所以就點了一份, 果然肉質及肉味都非常好. 1. 煲呔牛扒 ($95) 這份厚切牛扒表面煎得微微燶, 切開牛扒, 五成熟的牛扒內裡是粉紅色的嫰肉, 肉質外乾內較, 咬一口牛肉, 肉味濃郁, 牛肉鮮嫰無比, 肉汁豐裕, 這份牛扒真的很好味, 所以不用加添任何醬汁, 己經吃到濃濃的牛肉味香. 牛扒下面有薄切的炸薯仔, 薯仔切成波浪形, 每片薯仔都附有薯皮, 吃得特別滋味.2. 羅宋湯 (跟餐逢送)羅宋湯內的洋葱, 蕃茄及椰菜份量很多, 味很濃, 形成一股濃香, 卻又不嗆喉, 醒胃又健康. 3. 餐飽及飲品 (跟餐逢送)跟餐的麵飽絕不欺場, 暖笠笠, 很討人喜歡. 最使我意外的, 是這兒的熱奶茶水準高, 茶味濃, 幼滑不苦澀, 可以比美茶餐廳的出品, 以一間西餐廳來說, 絕對值得一讚. 這間分店, 環境不錯, 大部份座位都沿窗而設, 有情調, 座位寛闊舒服, 座位間距離也

下午男朋友肚餓 見扒王之王價錢相宜就決定入去坐低試下我嗌左火腿蛋米粉 男朋友嗌左龍蝦汁海鮮意粉(正確名稱唔記得)點知火腿蛋米粉勁淡 我一直食開淡味既食物 但呢個火腿蛋米粉真係勁淡 係無味!!至於龍蝦汁海鮮意粉 男朋友話勁難食 我地都嗅到陣臭味2年零2個月既午餐竟然係咁難食 簡直係垃圾失望 black list 以後唔會再去食唯一好就係有wi-fi上網

上星期日，到扒王銅鑼灣吃下午茶茶餐廳水準、茶餐廳價錢，沒有失望，也沒有驚喜叫了一碟焗龍利扒意粉、一碟鐵板牛柳絲意粉先說焗龍利扒意粉，總算不過不失，沒有特別焗芝士的味道幾香濃，但香濃得來未至於算做好好味～　鐵板牛柳絲意粉本來也是普普通通的一碟牛柳絲意粉可是，用鐵板來上，除了起初淋燒汁時會冒起煙來，比較新鮮外，便無甚驚喜了吃到最後，意粉還黏在鐵板上呢，失敗！埋單計數$60，茶餐廳水準、茶餐廳價錢，沒有失望，也沒有驚喜

不知食晏食咩, 行經扒王之王, 媽話"試吓啦~" 就咁, 午餐來了這裡.一人一午餐啦.我要德州辣肉牛柳粒飯, 媽要法式豬扒飯.湯及包先上, 都幾好食, 包夠熱, 湯又唔水.主菜唔得, 我的牛柳粒飯, d 飯唔熟, 中心係硬的.牛柳睇似ok, 但一咬, 中間凍的, 估只有3成熟, 我好食得生牛肉的, 叫扒都係medium, 但這個肯定好多港人都食唔掂.肉質尚算ok, 但凍的肉, 再靚肉質都唔係咁appealing 吧?仲有, 又話有辣汁, 其實係完全唔辣的.媽塊豬扒, 一切落去, 勁乾, 又韌.看似炸的, 非煎的.唔知咩係法式汁, 我唔comment了, 總之味道同我的德州辣汁係一樣的啦!!!!!服務則ok.地方也乾淨.雖只係三十幾蚊一個餐, 但set lunch 都弄得不好, 需要改善.

25 號去了扒王之王食晚飯。那天剛好晚餐 50% 我們就點了兩份晚餐。其實分量是比較小但是以營養學角度是足夠的分量。加了一份田螺。以價格來算，是價廉物美。就算那天我們點了兩個半價晚餐，服務還是 10 分好！所以，評語是讚讚讚！其實很多人都覺得扒王之王不好吃。 其實扒王的牛肉是很正的。如果每個人都要以 $100 價格的牛扒餐與五星酒店的扒房牛扒來比較。 我覺得太苛刻又不切實際。但如果以這個價格來算。扒王牛肉質量是比其他同等級的餐廳好很多！

因為放工之後去到銅鑼灣到已經好夜...最鍾意約埋朋友黎呢間野...飲酒都傾計...我地每次黎都會帶支紅酒或白酒...(開酒費$50)次次黎到都係食宵夜餐...所以覺得價錢都ok啦...而我覺得食物都ok好味呀...咁既價錢唔可以要求太過分...可能係宵夜既服務生唔同人啦...我就覺得服務不錯啦...每次3個人去...每人一個set..有餐包..有餐湯...有扒...重有埋野飲...$七八十蚊...價錢都ok呀...重叫左沙律同螺肉焗薯蓉...味道都ok咖...重可以有舒服既卡位坐...都唔錯啦...係到傾計就最好啦...d服務生又唔會趕人走...我覺得唔錯...

星期日食個bunch~下午茶都ok~30蚊左右~但係成個場得一個經理~2個新人~新人係咁做錯嘢~拎嘢食俾你唔俾餐具~叫走甜又唔走.....個經理做到死~唉~食左羅宋湯公仔麵~配腸仔x2 + 雞扒唔係難食~都ok的但我男友食的50蚊下午茶扒餐~就差少少啦~d扒~都係唔係好得~好彩$50姐~

下午茶免加一和有免費Wi-fi上網，是吸引我來到這間位於銅鑼灣扒王之王的原因。$30上下的下午茶餐，朋友所叫的吉列豬扒沙律份量還好，只是略嫌乾了一點。另一份餐叫了意大利蛋糕，份量極少，配以凍檸檬茶盛惠$33，只是覺得物非所值！如打算於下午茶時間「打躉」兩小時或以上並自備notebook，可選此處。