打吡餐廳酒吧

營業中

休息中

呢間酒吧除咗提供英式小式之外，仲有啲大排檔小炒，想飲酒又想食大排檔又唔想咁嘈真係可以試吓西班牙脆烤豬肋骨伴薯條$198首先係依個豬肋骨，特製醬汁炸到去脆薄博又多肉，唔會剩係得骨，加埋薯條又係即炸嘅，非常之唔錯嘅選擇同埋開頭煙三文魚沙律$138另一個前菜就係煙三文魚沙律，沙律菜好新鮮唔似係擺咗好耐嘅，煙三文魚好粥，唔會得一兩塊，攞嚟refresh下係唔錯！澳洲M5和牛西冷$268跟住嚟到主菜依個西冷牛扒好好食，有肉味得來又唔會硬，唔會太生但係又夠Juice， 極度推介呢個！！星洲炒米$128真係估唔到喺架酒吧度都有星洲炒米，仲要係有好多下嘅炒米，好夠鑊氣，極度懷疑廚師之前做過大排檔😂😂😂蒜蓉荷蘭腸$88最後比較遜色少少係呢個荷蘭腸，因為太飽所以食得唔多，不過都好味嘅！

酒吧地點好方便 ，近灣仔或者銅鑼灣地鐵站，好容易搵到，搭巴士又得，地鐵又得👍🏻環境都好乾淨，有傳統英式風格😌😌👍🏻仲有liveband show睇😍😍❤️‍🔥好精彩，enjoyable ❤️‍🔥我同老公都睇到好投入，本身我地倆個都鍾意band💛💛我地食咗龍蝦汁海鮮意粉$128，龍蝦汁濃郁香滑，海鮮味十足，意粉都好入味，浸入海鮮汁，夠曬惹味🤤👍🏻😋麻辣牛脷$98都好好食，麻辣夠曬惹味，配啤酒🍻一齊食真係一流，大滿足！😍😍❤️‍🔥一邊飲酒食飯，一邊睇liveband真係chill到爆！😍😍😍芝士焗肉醬薯條$98都好好食，芝士味濃郁，薯條夠脆，肉醬好香濃，可口👅👅下次要帶埋其他朋友過來一齊chill下！💋

靜靜地同兩個姊妹嚟個Girls Talk於是就嚟咗銅鑼灣呢間酒吧，一入到去個環境真係好好，夠晒正，啱晒我哋三個八婆喺度吹水☺️☺️入正題先，首先係依個西班牙脆烤豬肋骨伴薯條，十分之大份，醬燒嘅手法令到成個豬肋骨都好入味！然後係澳洲M5和牛西冷，望落去就知道係五成熟啱啱好，和牛真係唔可以整太熟如果唔係就唔好食！一定唔會好似日本嗰隻和牛咁樣入口即溶㗎啦，不過反而個肉味同埋肉質都非常啱我哋三個口味！仲有英式炸魚薯條，呢個就唔使講咁多，越簡單嘅嘢愈難做出水準，佢哋個水準就係喺呢一度，建議大家嚟到一定要嗌呢一個，真心好食！最後一定要介紹吓佢杯特飲，熱咖啡但係有酒味嘅佢應該係加咗一啲西柚或者橙味嘅Gin落去令到成件事升華咗好多，10分推介！

去銅鑼灣摩理臣山道80-82號地下的＂打吡餐廳酒吧＂，係一間英式酒吧。這間餐廳1983年開業，以銅鑼灣作據點，裝修以紅磚牆及木製傢俱營造懷舊英式感覺。去餐廳酒吧當然要飲和食野啦！先叫左啤酒🍻先，再叫野食。星洲炒米$128 好出色呀，料理超多，有好多大大隻的蝦，紅腸，火腿，靑椒和辣椒，灑上芝蔴，咖喱味夠辣又夠香。佢啲配料仲多過米粉燒雞泡魚乾$88 的味道好香，乾乾地好有咬口，配啤酒一流，而且佢越嚼越有味道！點沙律醬食又另一番風味！佢有伴碟沙律，一齊食就冇咁乾喇！芝士焗肉醬薯條$98 面頭加上芝士焗肉醬，肉醬酸酸甜甜，配熱辣辣的拉絲肉醬，好吸引，而且薯條係即炸的，非常看香口。

今日同老公去左呢間打吡餐廳酒吧度食西餐，貪佢夠哂浪漫❤️🥰結果食物質素都好好喎！我地先叫左個芝士焗肉醬薯條，$98，薯條好脆，條條都脆卜卜，肉醬好濃蕃茄味，配埋薯條好夾，再加埋芝士當然係更加正，重點係芝士份量夠多🤣🤭之後仲叫左個英式炸魚薯條，$138，炸魚炸得幾好，粉夠薄，但又好脆，外脆內軟，魚肉好滑，配埋檸檬汁食幾清新，薯條都係一樣好正，夠香口👍🤩最後都仲係唔夠喉，再叫埋個椒鹽鮮魷，$98，估唔到呢度會有埋呢d中式菜，鮮魷炸得好脆，魷魚彈口，唔會柴，口感好好，椒鹽味夠重，配埋個醬仲好正🤭👍

朋友介紹話這間酒吧食午餐不錯$60/$70，不用加一，坐得幾舒服。今日經過銅鑼灣一帶便去試試。這間酒吧在銅鑼灣的邊緣，不算是銅鑼灣的中心地帶，正因為這個位置所以午餐價錢較銅鑼灣市中心算是便宜，而且亦冇咁擠迫。午餐包了餐湯和麵包，今日的餐湯是羅宋湯或蘑菇湯，我叫了蘑菇湯，杰杰的，不像罐頭那種，十分美味。麵包也焗得熱辣辣很香脆！🥰今天主菜有多款有羊扒、葡國雞飯肉醬意粉和牛扒今日。我叫了牛扒，非常大塊，肉質不錯幾嫩滑，煎得很香口，而且可以要求黑椒汁另上，自己鍾意點幾多就幾多算是不錯。牛扒餐可以配薯菜、飯或意粉，我叫了沙律菜，非常好味沙律菜很新鮮而且配以海帶由於混合起來的味道甚佳。值得一提的是這間餐廳的侍應很有禮貌，他們和其他客人有傾有講，相信有不少熟客，算是在銅鑼灣午餐的不錯選擇👍🏻👍🏻

放工之後同朋友食飯，傾偈。呢度係一個唔錯嘅地方。坐位舒適，食物好味。兩個人，叫d小食，一邊食一邊飲，食到咁上下，叫咗個和牛西冷，7成，燒得好好.Mocktail is good，好啱我口味。

這間銅鑼灣鬧市的酒吧平日午餐很受歡迎，有各種$60-$70 元的午餐，例如今天有雞扒飯、羊架、牛肋條和牛扒, 午餐包餐湯、麵包、主菜和飲品。我今天叫了牛扒，可以跟飯、意粉、薯菜。正常薯菜是大量薯條加沙律菜，但想減肥關係，所以我叫了全沙律菜，又好味又健康。沙律菜有青瓜、新鮮的蔬菜、蕃茄仔等，而且個醬汁撈落沙律很好味。牛扒正常會醬汁放在牛扒面上，但這間餐廳有求必應，我要求汁另上亦絕無問題。牛扒肉質不錯，咬落不會「鞋」，而且十分大塊，就算牛扒配沙律菜也絕對夠飽😍👍🏻👍🏻

依間傳統英式酒吧，真係冇得輸音樂十分之好，live band 正！豬手真係冇得頂，夠晒酥脆炸魚薯條同英國食嘅味道一模一樣環境都好傳統英式風格又有靚仔既bartender, D 員工又好玩得

銅鑼灣食肆林立，但午飯時候也難於找一個價錢不太貴而坐得舒舒服服的地方去享受一頓午餐。這間餐廳位於銅鑼灣較靜的街道，是一間裝修不錯的酒吧，午市供應幾款午餐，價錢不貴，免收加一，穿著校服學生減10 元在銅鑼灣來說是一個吃午餐的好地方。我曾經到過這間餐廳多次，牛扒、羊扒都整得不錯，今日食雞扒，大大件和味道適中，十分可口，非常飽肚可以配飯、意粉、薯條，最特色之處是有不錯的沙律菜，清新也可幫助消化，午餐奉送餐湯、麵包和飲品，蘑菇湯不是罐頭貨色，非常美味，麵包也是熱騰騰的，十分爽脆。最值得一讚的是餐廳侍應服務態度非常好，主動提供熱水洗餐具，並會迅速地收拾你唱完的湯。以60、70 元的價錢一頓午餐，坐得舒服又美味，是銅鑼灣不錯的選擇！

因為呢間餐廳近公司，又抵食，D服務態度都幾好，所以食lunch就不時都會去☺️價錢的確好抵，我今次就點咗個紐西蘭西冷牛扒配蒜蓉汁🤩同幻想中牛扒餐有少少唔同，好似有少少港式化咗，但都係幾好食嘅，所以都幾驚喜😋塊牛扒唔會話整得好靱，加埋個汁係幾好食薯條炸得啱啱好，好香口！因為去個日接近萬聖節，所以成間餐廳都有好多佈置🎃其實平時去，個環境都係舒服嘅，可以坐下hea下又得總體來講都好滿意，係平價西餐嘅好選擇👍

約咗朋友一齊開生日會 酒吧地點好方便 ,灣仔或者銅鑼灣地鐵站,或者巴士都到, 喺大街上好容易搵到 環境乾淨，見到有空氣清新機 ，而且有氣氛 ， 好鍾意天頂上棧大吊燈先試下 餐湯田園沙律好新鮮 先點啲小食， 一邊 吹水一邊食叫咗 炸蠔同埋雞泡魚乾, 好香口仲配有好多醬料個主菜係鵝肝牛柳, 好正 再 點 一個 德國咸豬手, 幫我哋 切件上呢杯" 極力推介" 嘅飲品 VeryBerryFizzy好正! 係 冇酒精 mocktail 好開胃, 大大杯慢慢飲cocktail purple crescent 🌙 好靚, 影相好正Cocktail Mermaid LemonadeJapjap 朋友話有綠茶味嘅cocktail,幾特別 好清新mocktail OrangeLemon Squash mocktail Virgin Colada 好濃沃 都好容易入口

這間鬧市中既酒吧，又有美食，又有美酒，伴著音樂同三五知己吹水或2個好友談談心都好chill~~印象中酒吧好悠久，n年前去過lunch，今晚有friends相約一聚，氣氛很好，環境舒適。店中職員變晒年輕人，點了又靚又易女孩子入口既cocktail(感謝年輕哥哥既推介)食物質素高，happy hour仲有折

去餐廳酒吧，主要都係飲酒傾偈，估唔到晚餐也有驚喜。酒吧嚟講，環境好乾淨，有好多部清新機，感覺好安全。飲品都好多選擇，今日我哋主要飲cocktail ，👍👍👍。叫咗德國咸豬手，好好味，皮脆而且已經切好咗，好方便食客。洋蔥圈，椒鹽鮮魷作為佐酒小食，一流😋。忌廉炒蘑菇，唔膩。Waiter 哥哥，見到枱上面的tissue 差唔多用完，立刻幫我哋refill , 真係好細心。雖然係酒吧，環境一d都唔會覺得好嘈，三四知己聚會，地點方便，呢間餐廳真的唔錯。

今日收得早，嚟到呢度等女朋友收工，一路飲住我嘅guiness，食住呢度嘅雞翼，望住天橋塞住入紅隧嘅車友，幸福感係滿嘅。客人唔算少，似係附近收工落黎happy hour，有d似係熟客，一入門未落order，waiter們已經知佢地要飲乜食咩nuts，睇見都覺得好有人情味。女朋友7點幾到，叫左杯fruit prunch，飲一啖佢已經好驚喜咁講好好飲，好似香到食糖咁。我地唔算太餓，叫左肉醬意粉同焗薯皮。個人覺得係少數嫌顧到環境、食物質素同埋飲品嘅地方。另外waiter們冇不必要嘅搭訕，同時又留意住你要唔要添酒/定時幫你清清枱面，要畀個讚。最難過就係飲到興起但飲多幾杯，醒起聽日又要返工...