批&撻專門店

營業中

休息中

話說次次經過銅鑼灣見到pie and tart 都好想試，但係一直都苦無機會，今日終於的起心肝去買返一個批黎試吓先揀咗好耐有選擇困難症嘅我，終於到揀咗法式粟米批記得以前細個嗰陣覺得pie and tart 其實都有少少貴，但係咁多年來都好似冇乜點樣加價，而家一個批都係講緊$16，同10年前嗰間好似差唔多，而且份量一啲都冇縮過，真心幾抵食<法式粟米批$16>分量真係非常足料，分量大概系美心撻三倍，講真食完一個真係當正餐，粟米撻上面係薯蓉嚟嘅然後中間有粟米粒同埋火腿絲，味道就偏淡，薯蓉唔夠smooth不過粟米同埋火腿絲份量真係幾多，最後都食唔晒但係正餐食都真係幾抵食

Pie & Tart 讀書果陣都好鍾意良，因為唔算好貴又好好味，做小食一流今晚食完個飯，仲有啲唔夠喉，所以走左去買哩間，就到嘅時候仲聞到啲酥皮香諗左陣唔知食咩好，見到$18/4件嘅小小酥，所以就買左四件啦2件呑拿魚味1件辣雞味1件咖哩牛肉咖哩牛肉就唔太重咖哩味，呑拿魚就不過不失，比較好味反而系辣雞味果隻

一直都好鍾意pie and tart，以前放學嚟食呢度嘅雞批，今次放工行過見到又心思思想食，可惜雞批賣晒，於是叫咗依度嘅芝士蛋撻，超平只係$9！而且意外地好味，本來以為就咁一個蛋撻，點知原來裏邊有芝士流心，好正！而且蛋味好濃，配住脆卜卜既批底食一流🤤

批&撻一向以CP值高而出色，前排行過見到出左紫薯口味嘅塔，作為紫薯迷，梗係要試喇拎上手熱辣辣燙手，似係岩岩新鮮出爐！紫薯味好香濃一啲都唔假，又唔會過甜，流心帶點cream狀奶味，出色

途經尖沙咀加連威老道的枇與撻專門店，被那些櫃內琳琅滿目的食品吸引住，也忍不住買了兩款回家品嚐。叉燒酥（$10）最愛酥皮上密密麻麻的芝麻，勁香脆。酥皮鬆化，餡料勁有份量，叉燒洋蔥的味道恰到好處，不會過鹹。吃一個叉燒酥已經可以是一頓午餐了。藍啤梨孖鬆 （$12）其實即是藍莓muffin，這個孖鬆非常有份量，適合二人分享。蛋糕是混合了藍莓汁製做，但藍莓粒並不多。整體味道適中，但過硬和實。初次停下來看這店的出品，只覺它的批、撻和酥等都比較大件，酥的味道又不錯，用抵食夾大件來形容是妙絕的呢，但孖鬆就有待改善。

Pie&Tart係少年回憶, 中學嗰時好hit下, 而家雖然好似無左影, 但其實仲有好多鬼崇分店, 買黎做早餐係肥美而啱胃口. 其實食一個已經夠哂頂到Lunch, 但難得黎到唔食返兩個對唔住條脷. 揀左美式螺絲肉汁批, 呢個麻麻地, 薯蓉似係粉開水嗰種無乜味, 批底係茄汁螺絲粉個汁又太甜, 佢個甜直頭係糖味重, 連蕃茄醬嘅酸味都無乜, 呢個咱一吸引係早餐可以食到焗意粉有啲新意, 但無下次. 呢到太多選擇, 第二個揀左勁耐, 最終貢獻左畀麻辣牛柳批. 本來覺得呢個配搭太奇怪, 但我又太鐘意食麻辣野所以怪都照去, 結果估佢唔到係好好味, 但佢好味並唔係因為個味夾, 反而係批皮同麻辣兩種味完全互不相干, 所以放埋一齊無問題. 批皮係少甜厚身曲奇, 能夠少甜因為本身佢就唔係為左整曲奇, 佢個少少甜帶住陣陣牛油香, 真係肥死但正到死, 我又鐘意食硬野, 厚身曲奇皮咬得爽. 至於麻辣牛柳啲牛純粹係畀返啲口感, 有野可以咬下, 用其他肉代替都得, 反正個味都會畀麻辣汁蓋過哂, 但絕對唔可以得汁會太漏. 麻辣個味有料到, 雖然對鐘意食辣嘅人黎講唔辣, 但麻辣香幾濃, 而且唔多食辣嘅人都未必頂到個辣,

等了一個多月終於裝修好了，新店感覺更乾净，提供的撻和包比之前要多，色澤也感覺沒有之前的那麽焦。新店的叉燒酥和平常長方形小小一塊的不一樣，叉燒酥像一個大大的球，一口咬下去，空心的？原來叉燒在下方位置，而且分量很多，是飽肚之選。表面亦鋪滿了芝麻，非常香。 有滿滿的吞拿魚餡料，外皮也非常酥脆，吃完滿口都是酥皮。新店的收銀枱比之前低，和店員溝通會比較方便。其中一位店員的服務態度特別好，經常面帶笑容。但唯一不足的地方就是還沒有八達通收費，只收現金。

批&撻成為我早餐嘅首選！因為又平又厚實。 除左酥皮嘅包品做得唔錯之外，另外嘅 奶撻都做得幾好。今次一共買左三個。 分別係肉鬆酥， 丹麥海鮮批， 叉燒酥。丹麥海鮮批外層係酥皮，內層係海鮮嘅長通粉， 調味料略嫌鹹咗少少。但整體酥脆惹味。呢個 火腿粟米酥都幾吸引，下次試下先。叉燒酥新鮮出爐，所以忍唔到手叫番個先。外層酥皮依舊酥脆，唯 入面嘅叉燒餡碎咗少少而且偏甜。下次就未必食呢個。三個酥皮包入面最屈機嘅都係肉鬆酥， 內裏嘅肉鬆同埋花生醬 配合得天衣無縫。 無論熱食 定就咁食 都係好唔錯。 價錢只售十蚊！

放左工搭車去尖沙咀食飯，不過早左到又覺得肚餓於是周圍去搵野食，點知行行下又見到有一間pie and tart，所以就忍唔住去左幫襯叫左個美式螺絲肉汁批，裡面仲好熱辣辣，醬汁好豐富，食完好滿足！

這間蛋糕店 有很多麵包 選擇。 之前我食過這店的酥， 餅，麵包也很好食 。這個流心紫薯撻，喺出面蛋糕店，我完全冇試過 ，呢一次見到，就給 紫薯撻 外表吸引。先講  一定係用紫薯做， 個底個皮很脆， 入面是流心 類似cream 嘅口感相當好食。

對於我真係好鍾意食撻嘅食物來講真係我每一次見到撻都要食話真係要食唔係講笑 基本上每一次我經過尖東嘅呢一個位我都會買一個撻嚟食基本上次次first priority 都一定會係鮮奶撻比起芝士鮮奶同埋朱古力撻嘅話我就覺得鮮奶撻一定係最好食嘅甜撻今次我經過買嘅時候其實一啲都唔肚餓所以就決定買返屋企先食 返屋企大概要半個鐘左右買到返去嘅時候已經唔會再熱而且啲鮮奶都會凝固左少少但係佢仲keep到會有少少流心 而且仲會好滑 撻皮依然保持到平時嘅水準 唔會太厚亦都夠脆😽😽😽不過一定係熱嘅時候最好食！但係就算凍左都唔會失望😛😛💫🔥

又來到這裡，這次的目標很清晰，就是要一試這大熱的紫薯撻! 評論各有正負，故決定自己試一試，自己味蕾感覺到的才是真實的。紫薯撻買回來時仍時暖暖的，充滿紫薯香。才一切下去，紫薯餡已像瀑布般傾瀉而出，令我大吃一驚。我急不及待地吃一口，紫薯味確實十分突出，而且能咀嚼到紫薯粒，豐富了口感層次，流漿濃郁細滑，甜度剛好，加上撻皮依舊鬆脆，是令我喜出望外的紫薯撻，而且不貴，$12元一大個，性價比高，值得回購，是滿足的一餐!

平時都係食鮮奶撻，咁岩今日買既時候未出爐，所以就即管就試下南瓜批。買完拎返公司都仲暖既，呢間分店一向都keep到水準，果然不負所望，好香南瓜味，亦唔太甜，可以一試

在加连威的尽头 紫薯挞很特别 很流心 挞皮也比较脆 个头很大 很香 最重要的是 一个只要十二块 性价比很高啊 跟半熟工房比 下次有机会还可以试试其他的口味 总之来说 可以试一试 应该不会失望

前幾日經過《批&撻》而口痕買黎試既流心紫薯撻🍠🍠🍠（hkd $12）呢個撻雖然唔係新鮮出爐，但拎上手都仲係暖粒粒架！個撻真係非常流心，而且紫薯味唔假！食得出有真既薯蓉喺入面，不過撻底就比較腍身唔夠脆🙊如果撻身可以厚返少少就更啱小妹既口味😝😝如果你係紫薯控，經過見到都不妨一試😎