拉麵軍團 (已結業)

東大街唔知食乜好，行咗個圈最後入咗拉麵軍團。本身無乜mood食拉麵，門口見都有飯嘅lunch set，見幾吸引就入去試試了~點了流心蛋咖哩海鮮飯無諗到海鮮原來係炸物，兩塊炸魚都幾厚身大塊，炸得熱辣辣好好味，咖哩我覺得甜咗d，流心蛋真係流心好好味~份量超多食餸都飽了~

難得男朋友揸車出現係港島區 當然去東大街搵下有咩好食 上openrice睇下有咩野食啦 見到哩間拉麵有21個好評 只有1個差評 價錢又合理 心諗都應該ok 食完真係忍唔住要打第一篇文入到店內整淨 裝修靚 但侍應姨姨操一口唔流利既廣東話 再掉個menu比我地 心諗 哩d服務真係⋯叫左個$288 2人set 前菜有蕃茄沙律 小食小煎餃子 吉列豬扒 芥末雞翼 主菜有得簡 黑蒜油豚肉拉麵 或地獄拉麵 還有汽水及甜品上菜速度快 先黎既係蕃茄沙律 蕃茄雜菜加現成沙律汁 冇乜野幾開胃👌🏻我地都唔食得辣 簡左黑蒜味 拉麵上枱既時候賣相唔錯 有一塊紫菜 蔥 及木耳 面層明顯見到有層油 睇落好似唔錯 豚肉肥瘦適中 哎落幾軟 ok試一啖湯先 瀨野 完全冇黑蒜香味 又冇豬骨湯底味好似食緊用好多水開稀左既湯底 仲要簡硬鋪層油係面頭 好失望煎餃子 ok 現成野吉列豬 都係現成野 一夾起吉列同肉分開⋯⋯主角：芥末雞翼 芥末味濃到苦 係苦 又帶點供鼻 係我咁大個女食過最難食既雞翼4隻入面 只係食左一啖就食唔到落去本身我唔算係好識食既人 只係好為食 但有時候遇到一d餐廳根本就糟蹋食物 完全求其比d野人食 就好嬲 真心好

某日下午,見門面有D日式風味便入去試下,入面燈光微弱,擺放左D小擺設,不嬲對拉麪都沒抱太大希望,但估唔到......換黎又一次失望,令我對係香港肯用真材實料煮拉麪o既希望完全幻滅.食完之後勁口渴店鋪唯一可吸引我只有個款招財貓波子汽水.

忍唔住要LOG IN 入黎寫下食評魚介豚骨湯拉麵 湯底油油淡淡像清湯一樣實在令人失望饅魚飯正常 唯一要入黎講下店員唔知點解要同我講普通話明明我同我老豆討論食咩全程都係講廣東話話我敏感又好咩都好啦,都真係幾唔据唔爽嫁 !麻煩唔該留意下啦!!想係東大街生存就真係要改善下服務同提升下食物質素啦!!!!

成條東大街都係食店，但我今晚想食拉麵就和男朋友進了這間小店，門面有個二人套餐餐牌，包括四款小食、兩碗拉麵和兩杯沖繩生啤酒。和風番茄沙律是酸甜沙律醬番茄生菜沙律，蔬菜都好新鮮，夠晒開胃。我的拉麵是黑蒜油豚骨湯拉麵，聞落去有黑蒜味道，不過吃下去就沒有香蒜味，有點酸不太入味，湯底比較普通，我喜歡佢好多葱花，而叉燒都是一般貨色。另外一碗是辛辣地獄湯拉麵，湯底超級超級辛辣，基本上辛辣味道完全蓋過了豬骨的味，都比不到評語，只可以說愛辣的朋友可以一試。吉列豬扒新鮮熱辣辣，香脆可口，咬落有肉汁。餃子🥟亦非常出色，表皮煎到脆卜卜，餡料鮮肉汁多。Wasabi 雞翼，芥末味太濃，不喜歡這配搭。環境尚OK，不過主打的拉麵有待改進。

呢間野人無禮貌。。算！諗住會有驚喜。。點知個碗好大。。份量好多！！但~~個湯淡而無味。。。最唔建議食辛辣。。。佢夠辣但真係得個辣字。。係唔好味既辣。你要hea食無要求可以既。。sai錢lo

我係街坊，所以間唔時都會嚟食晚飯。見之前都係叫開大尉 - 黑蒜油豚肉拉麵，今次就試吓伍長 - 赤海老湯拉麵 (因為本人都好熱愛海鮮)。蝦湯底味道十足，亦較厚身，所以食咗冇耐就開始覺得有啲飽。而蝦尚算可以，其中一隻唔係太新鮮。如果鍾意食辣嘅話，可以加錢($2X)叫呢個紅當當嘅辣醬。不過加嘅時候要記得試吓味，因為連我好食得辣嘅朋友都覺得呢個醬 堅！可能接近收舖時間，所有嘢都比之前嘅麻麻，店員都不時望吓我食完未，頗有壓力。希望下次會有改善。

蝦湯拉麵- 湯底蝦味濃郁，但呷下去時感到一層水一層湯，稍為稀了一丁點- 蝦不鮮、溏心蛋過熟- 幼拉麵掛湯程度佳- 鄰桌點了spicy sauce，辣得難以下嚥。店員表示用了3種辣椒炮製

成日聽人講筲箕灣東大街有好多野食，雖然好近工作地點，但一直未試過呢條咁出名嘅食街。草根爸當日番工，屋企冇飯開，草根兩姐妹相約外出覓食，一於籍此機會一試筲箕灣美食。左揀右揀，最終揀左冇乜點聽人講過嘅呢拉麵小店食拉麵7:30去到都滿座，睇嚟幾受附近街坊歡迎。櫻花蝦拌麵（$76）Dry Shrimp Ramen(no soup)原本想叫個蝦拉麵,無奈當日7：30去到已經賣晒😔唯有叫個櫻花蝦沾麵代替。拉麵以紙仔落單，可以揀選硬度，要唔要蔥同蒜，仲可以揀加錢要多配幾個唔同嘅配菜。由於草根姐姐👧🏻極愛食蒜，揀左多蒜，麵要普通硬度。個拉麵原本已經配有一隻温泉蛋🐣，配料除左櫻花蝦之外仲有豚肉2片，紫菜同洋蔥。將溫泉蛋刺穿後拌勻所有配菜同麵條，不但令成個拉麵更加濕潤，更重要係味道變得融和。可惜個豚肉真係差左d,肉質太硬啦😵！豚肉唔合格。叫左多蒜，蒜味真係好重👍，單係蛋加蒜蓉已經可以送晒成碗麵🍜。拉麵仲跟個沾麵汁，味道似比平日酸d嘅胡麻醬，味道唔錯。櫻花蝦本身冇乜味，不過整體配搭起上嚟又幾好味😋。黑蒜油豚骨湯拉麵（$84+13）Grrlic Oil Tonkotsu Ramen一向重口味嘅草根妹妹👩鍾情於

今晚和媽媽來到東大街的一家拉麵店 店內坐位不多 但有足夠的空間感 不會坐得狹窄 而且店裡的設計擺設都非常有日本風味 令人感到處身於日本拉麵店他們拉麵的代號都很有趣 叫大將、大佐、大尉、準尉、曹長、軍曹、伍長、中將 還有一些期間限定的拉麵拉麵的硬度和湯頭的濃度可自己選擇 彈性較大我們分點了曹長:魚介豚骨湯拉麵 ($78)吃拉麵嘛 沒有半熟蛋總覺得缺少什麼 不大對勁 於便再加了一個溏心蛋($13)看到那像鹵水蛋顏色的雞蛋誰知是如此美味的溏心蛋真是不能以貌取蛋~ 蛋有表面有醃製過 內裡是半熟的蛋白和蛋黃 吃下去有蛋香 溏心程度竟能做到有幾種層次 實屬驚喜！吃完感到很滿足比一蘭拉麵的蛋出色 來到一定要試豚肉相對較普通 雖然做不到入口即溶 但也不會鞋口 中規中矩麵條算是幼身 掛湯力強 沒有絲毫的鹼水味 這碗的軟硬度選了普通 口感偏腍 雖然我愛煙韌彈牙的麵質 但這個吃下去也不錯的重點是那個豚肉濃湯底 能做到濃而不膩 而且沒有油脂 喝了湯也不感到口渴 應該沒有味精的！讚喔而另一碗便點了伍長:赤海老湯拉麵($94)另外追加了香荀($5)和木耳($5) 份量非常充足 很抵加呢！香荀爽滑不瓜 好吃這款的麵

拉麵軍團座落於筲箕灣東大街，由於其他地方別無分店，要去品嚐必須專程到達，我曾經三次因其他事情經過此店，但因時間不對或等候人龍太長而錯過進入，終於今次可以一試。由於大雨加上已是晚上九時，入去只見一檯客，空置座位很多，坐下感覺還好，我點選了海老拉麵及炸蝦卷，由於我喜歡炸物伴以沙律醬伴吃，於是特意要求侍應給我多一點沙律醬。不知是否老闆太好人，炸蝦卷原本已附有沙律醬，還額外加多一小碟給我，異常歡喜。炸蝦卷有四件，蝦肉比例份量不俗，口感內鬆外脆，還伴以沙律菜，兩三人到來建議可要一碟來試。一講起蝦湯拉麵或沾麵，感覺不俗的有拉麵來及海老名，拉麵軍團的海老拉麵亦算不錯，蝦湯不濃不淡，自家獨特風味易入口，喝完整碗亦不口渴。三隻大蝦亦算新鮮，沒有太大雪櫃餘味，待應還給了透明手套方便剝掉蝦殼，蝦味一般，蝦肉亦有咬口。半熟蛋是實心的，雞蛋屬於偏大。麵條是幼麵，伴以蝦湯同吃非常配合，異常好吃，我是吃完所有幼麵喝完整碗湯後，才動手吃蛋及蝦。

湯得好油，濃但係完全冇鮮味，難食. 侍應態度極差，我地坐係到食，佢不斷將旁邊張枱移來移去搬野，又係冇同我地講既情況下將放住我們手袋錢包的籃移位搬來搬去。到最後埋單$187，我地同佢講會比$7散紙然後比一張$500蚊紙佢，一面企係佢面前數銀仔，到比咗個$7佢時佢唔理照比$313我地，咁我地話"講左比你知會比散紙你"..佢一黑住面咁話"我已經找好啦喎"..咁我地堅持"我地講咗比散紙你"..佢又黑住面咁話"我聽唔到"就想唔理我地....咁我同佢講.."ok..咁我衣家再話你聽我地比散紙你，你找番紙幣比我地啦"..佢黑晒面咁找完，我地同佢講野佢直頭掉轉頭走開唔理我地。你地D伙記咁無禮貌不如唔好做服務性行業啦！仲有亂咁郁客人既手袋銀包亦都係好唔啱！

星期日晚上見門口不用排隊，門口餐牌也吸引，於是即管一試。點了魚介豚骨湯拉麵及豚骨濃湯拉麵，蝦天婦羅及加了竹筍。湯底豬骨味欠奉，湯的溫度也太涼，竹筍另上，凍得剛在雪櫃裏拿出來一樣，是一碗不似曰本麵的日本麵。天婦羅也嫌炸過火喉了，蝦欠鮮味，下次應該不會再來。服務方面，要求奉上熱水2杯，樓面只顧閒談，叫左2次斟水，就成壼熱水擺係枱，食物味道不吸引，加上服務欠佳，作為東大街食街這麼大競爭的食店，真的要比心機改善服務及提升食物質素了！

是日又黎到出名多野食既東大街,見呢間店既店面十分和風，午時一個餐係60-80蚊左右就入去試下我揀左一個(A) +(B) 既set lunch, 可以係(A) 款內不同既細碗指定拉面,(B) 款又有不同既飯或者沙律可以揀，而且午市仲送紙包檸檬茶。選擇幾多同幾抵拉面面質係幼身既，魚介湯十分香濃！同係日本食過既拉面味道十分相似！鰻魚飯有三大塊，雖然唔多但勝在夠肥美。珍珠米有咬口加埋鰻魚汁好好味😀侍應既態度好好,會幫你開趟門。店內環境十分淨潔，裝潢令人身處日本一樣！十分推介！

黎得東大街 一定要去拉麵軍團食！ 好食又抵！老闆又靚仔！招待既哥哥都好好服務！環境一流！岩哂拍拖去！今次去點佐個蝦湯拉麵 濃得黎好清甜 搞到我未食哂d面已經想飲哂d湯佢！下次一定再黎！