影片
港鐵銅鑼灣站 A 出口, 步行約5分鐘
繼續閱讀
付款方式
以上資料只供參考, 請與餐廳確認詳情
之前係超市買振興牛丸打邊爐，牛肉質感偏硬同實，沒有彈牙的口感。然後今日再試牛筋丸，有牛肉味，但肉質同牛丸一樣沒有彈牙口感及偏硬，有點失望，因為是老字號，然後價錢都偏貴，質量不成正比🥹反而振興的豬骨濃汁貢丸味道和口感比牛筋丸好👍🏻
繼續閱讀
今日想同大家分享一個好食嘅體驗，就係去咗灣仔嘅一間餐廳食港式點心同埋振興肉丸。呢度嘅豬骨濃汁貢丸同健康豬肉丸真係好好味，啱啱啱熱熱啲上枱，夠彈牙夠鮮美，真係食得出佢哋用嘅係新鮮材料同埋好手藝。而家再講下啲牛丸，黑椒牛丸同牛骨濃汁牛丸都好好食，特別係牛骨濃汁個湯底更加香濃，一食就捨唔得停。呢間餐廳真係好重視食材嘅新鮮度同埋品質，令到啲食物味道更加突出同埋健康。而且啲價錢亦都好實惠，平時食飯嘅時候真係好啱嚟呢度食下午茶同埋晚餐。
繼續閱讀
每逢打邊爐、打風前夕，都好鍾意落街買振興肉丸，今日係銅鑼灣咁啱經過見到門市，又忍唔住走去打個白鴿轉。胡椒豬肚貢丸貢丸同胡椒豬肚一向都係我favour ，今次竟然兩樣至愛走埋一齊，毫不猶豫就想買來試吓。貢丸超級爽口彈牙，而且非常Juicy，真係有淡淡的胡椒豬肚味！好出色！五香肉丁餃子呢個餃子味道非常創新，冇諗過餃子都可以有五香玉丁味。餃子皮薄，肉丁餡料多，帶辣，令人開胃！下次再買振興肉丸會繼續嘗試佢其他一啲創新嘅口味，相信依然會有驚喜！
繼續閱讀
平時食lunch 經過見到都無入去睇下,今日和同事飯後好奇入去睇吓,原來店舖都幾乾淨企理,產品仲好多元化,雪櫃內放有多款火鍋食材、急凍海產、高級扒類、肥牛、魚丸、肉丸等,而且丸類不含人造色素和防腐劑,保證食得健康,我仲買咗胡椒豬肚貢丸和蝦丸返屋企食。先講胡椒豬肚貢丸,呢款來自台灣的貢丸,口感彈牙,入口有好重胡椒微辛,又帶出豬肚味道,惹味!另一款由香港製造嘅蝦丸,食到蝦肉的鮮甜可口,咬落去爽脆彈牙,有嚼勁,口感極佳。
繼續閱讀
聽就聽過好耐呢間振興肉丸, 但就從來都未試過, 因為今個星期日打邊佬所以買黎試下！🤩佢地包裝一袋袋, 價錢都幾實惠, 其實同一般凍肉舖所選擇嘅肉丸價錢其實差唔多, 而且方便衛生, 日後都可以多的係到買野👍🏾除左肉丸, 仲有好多唔同種類嘅打邊爐食品, 例如燒賣, 餃子, 另外發現佢哋有冷藏嘅餸買, 價錢由$49-69不得, 呢個都好岩我呢的想食住家餸時又冇時間買餸既人!我見到有咖喱牛腩, 炆豬軟骨, 梅菜扣肉, 糖醋一字骨, 瑞士汁雞翼, 一口牛柳, 呢的都係$45而已豉汁涼瓜豬頸肉, 欖菜肉碎四季豆, 沙嗲牛肉芥蘭, 潮式豬耳呢的都係大約$59-69我買左菠菜丸, 好彈牙, 菠菜味都幾出, 白煮都好食！
繼續閱讀