撒冒小面

營業中

休息中

放工嚟到奧海城和朋友一聚，人少少兩個人就來到撒冒食串燒。因為可以飲啤酒，二來任食串串，辣辣地軀寒！任食每位$168，而且無收加一。串燒的種類很豐富，掌中寶小串、陀陀羊肉串、玉米小串、小麵筋小串、藤椒雞尖串、黑椒香豬肉串、雞肉小串、雞腳筋小串嗰、牛胸標寸、半肥黃牛肉串等，每款串串都份量小小的，調味調得好好，微辣惹味！配返杯原漿精釀小麥白啤酒，最適合不過！小食方面我地點了小酥肉、黃豆豬蹄、香滷牛肉、麻辣鍋巴土豆。小酥肉好香脆、豬蹄爽口帶脆。鍋巴土豆一啲都唔辣，帶點酸甜。一邊食串燒，另外又加了香滷肥腸小面和金湯酸菜魚麵。兩碗麵的份量都唔細，麵條是幼身那種，好吸汁。肥腸清得好乾淨，好煙靭！碗面望落好似好辣，但食落只帶點麻辣。酸菜魚麵就比較開胃。最後我地encore左三輪串燒，食得好滿足。食完串燒一定要食個冰粉，有唔同配料自己調配，我就揀咗燕麥珍珠、黑糖、酒釀等，解辣一流。呢個串燒放題細細串，好易入口，每樣試吓都唔會太飽。而且仲有戶外位置，人少少傾偈飲啤酒，好chill。

撒冒小面，位於大角咀，奧海城三期個邊地舖，有户外位，加埋依家商場燈飾超靚😻好舒服，直接好似去左外國旅行咁Chill🤡主打小面、冒菜，食物價錢超相宜，仲推左個無限時串燒放題🍢食串燒前先試小食，最好既係佢全部細細碟，想食先再嗌，唔驚食太飽👍🏻香滷牛肉，牛肉淋身，幾入味，一口size😗香滷黃豆豬蹄超超好味🩵黃豆味又香又夠味，豬蹄入口溶化，必食🤩鍋粑土豆味道幾好，香口，小酥肉就正常😌飲啖精釀小麥啤酒，爽👐🏻小串時間🍡半肥黃牛肉串，油脂感夠又香，牛味幾濃，藤椒雞尖串，送酒必食👍🏻牛胸標串，爽口，要襯熱食，黑椒香豬肉串，味道唔錯，魷魚須小串超香口，都算juicy，燒魷魚就係正😻坨坨羊肉串，香濃肉味，雞肉串肉質都滑，唔錯😼最正必選串！玉米小串🫶🏻又香又甜又濃味，咁樣燒黎食就係最正嘅食法🤞🏻$168食成晚都得，串又好味小食又正仲飲住啤酒🍻爽到爆，鍾意重慶野、串燒、辣、中菜都一定要試！😎

內地新晉川菜餐廳「撒冒」🌶 ，主打重慶小麵和成都冒菜。香港嘅首間分店，大角咀奧海城店，而家做緊任食放題🍡，而價錢只係$168，有超過3️⃣0️⃣款串燒、涼拌小菜及冰粉任食😋。店舖裝潢明亮整潔，座位舒適。用QR code落單📱，非常方便👍。串燒現點現燒，上枱速度快，未見有漏單情況👍。每份分為5️⃣串/🔟串，有陀陀肉、半肥黃牛肉🐂、牛胸標🐂、黑椒香豬肉🐖、雞皮🐓、粟米🌽、羊肉🐏及魷魚鬚🦑等等，味道鮮香惹味，肉體口感軟嫩，魷魚鬚味道濃郁香口，必食💯。除咗燒串出色，佢哋的涼拌小菜都好好食😋。虎皮鳳爪、黃豆豬蹄及香鹵牛肉煮得非常入味😋，口感軟腍，味道濃厚。小酥肉口感酥脆，肉質軟滑，麻辣鍋巴土豆🥔炸外脆內粉，外層甜甜的帶點微辣，內層薯味十足。紅油虎皮豬皮口感Q彈，味道香辣有陣陣藤椒香氣🤤。自助任食冰粉平時要$9/位，但係自助餐就包埋🥰。冰粉冰涼滑溜，備有多款配料如山楂、花生、果乾及桃膠等等，最後加埋椰糖水/紅糖水/桂花糖水，香甜好味又清凉降火😍。食辣野🌶、串燒🍡又點可以唔飲啤酒🍺，店鋪除咗我罐裝啤酒汽水，仲有生啤提供，正🤭。

國內川渝菜年輕品牌「撒冒」進駐奧海城，晚市推出無限時串燒放題，每位$168就可以任食超過30款串燒及涼拌小菜，今日就同朋友過嚟試吓！任食時段內客人可以任意追加五花肉、羊肉、鴨胗、掌中寶、魷魚、雞腳筋等。串燒之外，還可以點選多款川式惹味小菜如金銀豬肝、川燒牛腩、鍋粑土豆等。每一口讓各位滿載最正宗的川式麻辣味道，用味蕾細嚐、感受麻辣鮮香的川渝風味！餐廳設有室內和室外座位，環境簡潔清幽。店內設有冰粉自助區，可以按自己喜好添加配料包括紅糖汁、葡萄乾、桃膠、薄荷葉等多達12款配料任君配搭。所有串燒和食物都係即叫即做。串燒每款落單一次已經有10串，叫咗幾款上枱顏色七彩繽紛好吸引。雞肉、廣式小香腸、魷魚須、五花肉、黑椒香豬、玉米小串，所有串燒食物都係小塊串成，即叫即燒，加上各類調味料，一口一塊，有口感又惹味。小食：黃豆豬蹄：豬蹄Q彈夠林滑，而且仲好入味。小酥肉：色澤金黃的小酥肉. 炸好要趁熱食，酥酥脆脆好香口，送啤酒一流！虎皮鳳爪：鳳爪先炸後鹵，肉厚飽滿，口感軟糯Q彈，一口咬下輕鬆脫骨，味道鮮香。麻辣鍋巴土豆：土豆外面焦焦脆脆，內𥚃綿綿鬆鬆，口感非常豐富！冰粉爽滑，加上桃膠和紅糖漿，除咗可味道甜美更

很久沒有很海港城了，最愛這邊的店舖，方便平民化，選擇多。1. **玉米小串 (5串)** 香甜的玉米粒串口感脆嫩。2. **半肥瘦黃牛肉串 (1串)** 牛肉串外焦內嫩，油脂與瘦肉加上香料烤至微焦脆，肉香四溢。3. **牛胸油串 (1串)** 多汁的牛胸油串，肉質鮮嫩，入口即化，搭配特製醬汁。4. **小香腸串 (1串)** 香氣撲鼻，外皮微焦肉質鮮美，咬下去的一瞬間，滋味滿溢。5. **小魷魚鬚串 (1串)** 小魷魚鬚，經過炭火烤製，香氣四溢，搭配特調醬料，好彈牙。紅油豬皮 (1份)** 嚼勁十足的紅油豬皮，光滑的表面裹著香辣的紅油，麻辣的刺激，愈吃愈上癮。7. **麻辣乾巴土豆 (1份)** 麻辣乾巴土豆，香辣可口，土豆片炸得金黃酥脆，好飽飽。8. **冰粉 (1份)** 清涼的冰粉口感滑嫩，夏天吃最舒服，配上甜甜糖漿，真是消暑一流。

經過奧海城3期發現原來香港都有得吃川渝風串燒！招牌式一串一口，令人吃得特別爽！晚市正推出串燒放題，每位$168 就可以無限時任叫任食超過30款串燒和小食，除了基本牛肉、羊肉、雞肉、五花肉外，還有較有特色的雞腳筯、豬皮、雞皮、鴨珍等任食最好處就是可以樣樣都試，個人最愛玉米、魷魚須、豬手、鳳爪～ 串燒即點即燒，上枱是熱辣辣，幾香口，送酒一流～小食方面都很入味，不錯餐廳分室外和室內，室內淺木色光亮舒適，室外開陽有Feel～最緊要是無限時任食！適合和朋友聚會，放心暢談慢慢吃

撒冒今天晚上， 天氣寒冷，只是得返攝氏 17度 。我們去到大角咀奧海城三期撒冒晚餐， 食串燒。我们點了幾樣串燒。首先是五串魷魚須小串，烤得金黃香脆，搭配特製的醬料。接著，紅油虎皮豬皮的香辣口感，令人垂涎；咀嚼時，彈牙的口感，讓人欲罷不能。我们還點了黃豆豬蹄，肉質鮮嫩，湯汁濃郁。香鹵牛肉，則是另一道必點的美食，鹵味十足，吃起來帶有微微的甘甜，讓人回味無窮。最後，小酥肉的外酥內嫩，伴隨著一罐冰涼的啤酒， 完成這一頓晚餐。

同朋友吹水既好地方 👫👩🏼‍🤝‍👩🏻👬👫👩🏼‍🤝‍👩🏻👬無限時放題😋 串燒任食啤酒任飲 $168‼️‼️‼️‼️任食有超過30款串燒同涼拌小食洗雖然係川渝菜🌶️🌶️🌶️🌶️唔食得辣既朋友，可以同店員講呀全部都係即叫即整🤤🤤🤤🤤每款串燒單位都係五同十最推介魷魚鬚😋😋😋😋其他有粟米、豬五花、牛肉、羊肉。。。小食都有好多款鹵牛腩好淋好入味🐂小酥肉熱辣辣即刻炸😋 好金黃黃豆豬蹄好滑，骨膠原充足麻辣鍋巴土豆🥔 唔會好辣炸薯餅咁，外脆內軟冰粉同花茶都係自助花茶有4款，牛蒡茶沖左多好次水都好夠味冰粉有好多配料清新d可以桂花糖配桃膠甜潤d就用黑糖底

之前有試過食撒冒嘅外賣都覺得幾好食 今日想食下啲重口味嘢 嚟到先知原來依家做緊無限時任食放題 $168除咗有唔同串燒 仲可以任食小菜同埋冰粉 餐廳位於奧海城三期地下除咗室內仲有室外座位 今日有啲凍所以就揀咗坐室內餐廳環境光猛闊落 店員都好友善雖然呢度嘅串燒都係5串/10串起但係每一串都唔會好大份 唔會驚嗌太多食唔晒串燒選擇都有好多除咗有唔同款式同味道嘅牛肉羊肉 雞肉 豬肉 另外仲有魷魚鬚 掌中寶 粟米 雞翼尖 雞皮 香腸等等串燒都係即叫即燒上枱熱辣辣調味好香食落好惹味又唔會太辣最鍾意陀陀羊肉串 燒得好香外脆內嫩 魷魚鬚都係必點 夠晒爽口彈牙同埋唔韌好易咬另外都試咗唔同款嘅小食 有小酥肉 虎皮豬皮 虎皮鳳爪同黃豆豬蹄虎皮鳳爪超正 一入口就已經可以骨肉分離黃豆豬蹄骨膠原滿滿另外出面仲有自助冰粉提供 可以自己揀鍾意嘅味道同配料 冰粉好好食 冰冰涼涼好解膩呢個價錢係奧海城食到任食串燒同小食真係好抵

品牌由幾個年輕人創立，主打重慶小麵同成都冒菜，大部份配料由源頭直採抵港，經重慶師傅監修，務求顧客品嚐到最正宗嘅味道。除咗單點食物之外，餐廳仲推出任食串燒放題，值得一試。食物即叫即整，上菜速度快，90分鐘絕對夠。串燒可以要五或10串，五花肉、坨坨羊肉、小麵筋、小香腸、半肥黃牛肉、牛胸標、藤椒雞尖、雞皮，私心推介掌中寶、玉米、黑椒香豬肉、雞肉同羊肉，入味啖啖肉，越食越上癮。涼菜都係任食，包括虎皮風爪、香滷牛肉、紅油虎皮豬皮、黃豆豬蹄等，印象深刻嘅有小酥肉，炸至酥脆，餡料飽滿、麻辣鍋霸土豆外皮薄身且脆，內裏軟綿，最緊要熱辣辣，感覺零舍唔同！店內亦設有冰粉自助區，可按個人喜好添加配料，紅糖汁、葡萄乾、桃膠等，大推生椰，山楂、黑糖麻糬同花生碎，店員會不定時Refill，所以就算人多都唔會有冇嘢食嘅情況！

撒冒小面今日要介紹喺奧海城三期地下有一間川菜餐廳叫「撒冒小面」，佢哋依家做緊無限時串燒放題，每位都係$168，可以任食串燒、涼菜同解辣冰粉，我食果晚大約有15款串燒！以下幾款係我推薦嘅串燒款式：1.虎皮鳳爪（9.5/10）呢碟虎皮鳳爪唔算好辣，鳳爪厚肉骨細，幾好味！2.香鹵牛肉（9.5/10）呢碟香鹵牛肉好似牛腩咁，直落唔會痴牙，帶少少肥，唔錯！3.麻辣鍋巴土豆（10/10）呢碟即係薯仔，薯仔出面搽咗蜜糖，有少少脆，最初驚好辣，好彩味道調教過，特登就香港人煮得無咁辣！4.紅油虎皮豬皮（6.5/10）呢碟豬皮厚到有d驚，唔算好食！5.玉米小串（7/10）燒到好乾，粟米粒有少少似橡皮糖，好一般！6.支裝藍妹啤酒$38（10/10）雖然呢間川菜餐廳無想像中咁辣，但係叫枝啤酒飲下係指定動作！7.紫米豆漿$18（10/10）呢枝紫米豆漿唔算好甜，幾好飲！2人總共價錢$392個人口味總評分：8.93/10地址：大角咀海泓道1號奧海城三期地下G28號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同S

酸辣粉：佢啲酸辣湯底還可以，但係個粉就同市面上有啲唔一樣。都可以一試既金湯酸菜抄手：就好似急凍嗰啲湯味精配雲吞，無特別羊肉小串10串：瘋狂撒上辣粉同埋孜然粉，已經食唔到有羊肉嘅味道。辣到忍唔住要飲野。當時仲係天氣比較熱，但係間舖好似冇開冷氣一樣，就算唔食辣嘢都會好想飲嘢，見佢有啤酒提供，可能就係想叫你飲啤酒呱。佢戶外都有啲座位，可以叫做食煙人士/有寵物人士會方便d。但基於佢仲會收你服務費嘅關係，我個人黎講食一次就算，唔會再試。

$168/90mins 限時任食，好滿足呀。好多款式揀，任食任點，即叫即烤。雞翼尖好脆，上面既辣椒粉同孜然粉好香，配合變得好惹味羊肉串有瘦有肥，重羊味但唔膻，香料同羊肉好配合，遮蓋左膻味，得好香既羊脂同羊肉味。雞肉小串雞肉雖然切到好幼串係木簽上面，但正正係因為咁每日串串都烤得好香脆，而且上面仲佈滿香料。把把豬脆骨食到肉同豬軟骨，脆脆哋口感幾好玉米小串一粒粒串喺木簽上，然後攞去烤係由生粟米烤到變成硬脆嘅粟米粒再搽上燒烤醬料同埋香料好似食緊爆米花黑椒香豬串黑椒未唔算出，但豬肉肉質幾實，雖然都係同一種香料，但口感盡不相同麻辣鳳爪係用烏雞做嘅鳳爪，所以係黑色皮嘅，同埋已經去咗骨，味道係酸酸辣辣，好開胃紅油虎皮豬皮唔係一般炸到好似蜂巢狀嘅豬皮，而係厚厚嘅炸過嘅豬皮，口感相對煙靭配合蒜蓉同辣醬，好惹味麻辣豬蹄呢個辣到唔算好辣，唔係串燒香料嗰種辣。溫和嘅辣，豬皮煮到好腍，入口即溶麻辣鍋巴土豆外皮係有有糖漿包裹住，凍咗少少嘅時候外表嘅糖漿變脆左，形成咗一個脆皮入面嘅薯仔好腍好熱。外脆內軟。係其中一個encore菜

黎開呢頭既話，又想食串串既話，呢間餐廳既地點真係好就腳，好方便！港鐵站一出，行完個商場，一落地下，就會見到餐廳入口。留意返串串放題係任食，但如果邊款食材冇貨，就冇得叫嫁喇~ 而冰粉同飲品就每位另外俾錢既。串串調味香濃，樣樣都有辣味，如果唔太食得辣，電話落完單，記得通知返店員，佢地會再通知廚房小辣。串串之外，佢地仲有粉面等選擇嫁。餐廳燈光明亮，有室內同室外座位，如果天氣涼涼地，坐係出面都幾chill。

今日來到奧海城一間任食炸串小店，依間店舖係內地引入，佢都環境都好有風味😆所以味道都好正宗入到去環境細細，但十分乾淨😊有不同炸串可以選擇，而我就每一款都有試，每一款一嚟就10串，而且上菜迅速🍢最出色我認為是把把豬脆骨，每一寸都把軟骨燒得十分香以及脆👍🏻🍢另外仲有雞腳跟小串，亦是燒得十分香口，當中亦重複多次😆🍡小食方面包括麻辣鍋巴土豆，豬蹄，小酥肉等，每款調校成不同味道，亦都十分好味，而且新奇另外仲可以加幾蚊就可以任食冰粉，配料都非常多， 可以解辣解油膩。亦都有不同款式的茶包可以以任飲。😆整體嚟講依間任食串串餐廳，可以選擇一人$168任食，或者散叫其他菜式，菜式款式多，而且由內地引入，味道都好地道，唔使去咁遠都食到😊