敏華冰廳 (衛星閣)

營業中

休息中

路過敏華，見沒咩人排隊，打算入內食飯，發覺入面員工變了不少。雖然變了不少，但感覺到服務變好。叫左個銷魂飯，賣相和味道都很好。食完飯打算離開時，剛好遇上蛋撻出，又叫了一個，十分好味！

Breakfast sets here are pretty cheap. All of them are priced below $40.-The food tastes good.The egg is very tasty as it’s very smooth, albeit it’s at the same time super oily.The slide of toast is normal. Nothing special,just something you can enjoy from all tea restaurants.The ShaCha Beef noodles is pretty good. The sauce has strong flavor and the portion of beef is satisfactory. However, the portion of noodles is very little.The egg tart usually comes out at around 7:30 a.m. eating them at th

睇完早場搵間餐廳食啲嘢，見到呢間茶餐廳門口有啲人排隊，條龍唔太長就等下，大概等咗十分鐘就入得去... 叫咗一個常餐：五香肉丁公仔麵，跟炒蛋多士腸仔，另外加六蚊轉特飲忌廉溝鮮奶，只係加六蚊就轉到特飲(原價$22)我個人覺得都幾抵。老實講個公仔麵同埋五香肉丁都非常普通，個湯又冇乜味，五香肉丁啲肉比較鞋，最好食嘅反而係個炒蛋同埋杯特飲... 之前只係飲過韓國嘅罐裝忌廉溝鮮奶，而佢就畀咗一罐cream soda同埋鮮奶自己溝，份量比例可以自己控制，比起罐裝可樂，呢種飲法係更加好，因為可以飲得出牛奶creamy嘅感覺！

本來我地無稔住order 蛋撻，但係比錢時見到佢地有個窩心提示🥰話比顧客聽仲有幾多分鐘就有蛋撻出爐。見到仲有唔夠4分鐘就有，梗係order 番一件😆！酥皮蛋撻個蛋漿好重蛋味☺唔似某啲飽餅店用奶水稀釋蛋液，毫無蛋香😣。佢酥皮仲要好香口酥化，但又唔會食到成口油😛好彩有叫到，如果唔係真係走寶喇🤓

人在柴灣上班的關係，每到中午的時候就要想「到底吃什麼好？」同事便建議去太古吃，因為多一點選擇。去到太古後，便看到早前有在葵芳吃過的敏華，便和同事說：「這家的叉燒很好吃」他說想試一下，然後便坐下了。因為之前吃過叉燒的關係，所以今次我想試一下新的東西，我便要了一個常餐！沙茶牛肉麵+兩條腸仔+炒蛋+多士沙茶牛肉麵 / 湯底都尚算濃郁，沙嗲味夠，不會說濃到讓人很口渴的味道！麵質較腍，有點煮太久牛肉也夠入味厚多士 / 不夠脆又不夠熱，好像放太久的關係。腸仔 / 好像煎完放久了，然後再去滾一下，再給客人吃一樣，大扣分！炒滑蛋 / 入口順滑，濃郁的雞蛋味，配上牛油夾在多士吃，有令多士挽回一點分！總結來說，食物不過不失，叉燒是出色的，但常餐真的只是一般的常餐，不會讓人為了常餐去排隊。

這天我和同事在太古工作，到了午餐的時間，經過同事的介紹，我們來到這間冰室試一試，店內環境清潔衞生，餐牌上的選擇足夠多，餐廳內的客人是坐滿的，而門外還有客人在輪候入座超級雜扒飯($60)雞扒嫩滑細密，牛香稔軟嫩，豬扒格紋焦痕，富有肉汁，嫩紅的香腸，白飯比較乾身，飯的口感尚有改善的空間，份量延多整體來說，食物的質素錯，食物的選擇足夠多，食物的份量延多，食物的用料新鮮，食物的賣相不錯，但店員落錯單，令我們等得久了，食物的定價尚算可以接受，而店員亦有良好的服務態度，最後我認為這間餐廳是可以再去惠顧

住太古既朋友同我講依間冰室好出名，今日特登黎試下😏平時好少食早餐既我約11點黎到，估唔到有10幾人排隊🤦🏼‍♀️ 一場黎到，無理由唔食既😂😂 排排下都等左二十分鐘😂 有位侍應負責安排座位，佢好似好心急咁、講嘢好快，令大家心情都有點緊張🤣🤣我叫咗個火腿通粉配滑蛋多士😋 湯底用咗忌廉雞湯，好濃味😀 滑蛋同多士都好有水準！朋友就叫咗個沙嗲牛肉公仔麵，不過就配太陽蛋😉 整體都唔錯，只係我覺得餐飲唔夠熱，咖啡上枱嘅時候只係暖暖地，好快凍哂🙈🙈🙈

每次去敏華冰室食都出現問題！絕對係餐廳管理不善！排隊等候時間長都不在話下，有次圓枱明明逼滿人都仲要塞你入去坐每次落單之後都有甩漏，有幾次要3催4請先肯出菜，廚房出菜嘅程序需要改善遲落單反而有得食先！最離譜有一次食羅宋湯通粉後要等成30分鐘先有得食，唔講以為難度好高嘅食物今次最恐怖係壞冷氣，成間餐廳溫度同街一樣，溫度計顯示為28.4度，唔好話食客，你自己餐廳伙記都做得辛苦！你繼續營業唔緊要，作為良心食肆，應該貼告示在門口同食客講聲，唔係等食客入咗去先講！有幾個樓面d伙記好好人咁叫d客坐近風扇位，餐廳管理人好應該反省下我係比錢你地餐廳去欣賞食物，唔係比錢入嚟焗桑拿，仲慘過坐街邊大排擋

本人幫襯過兩次，主要原因是因為近屋企！奶茶幾好飲, 有卡位幾好坐。但係叉燒飯啲叉燒比較油膩,不是太健康!同埋冇油菜、中湯或沙律可提供選擇，所以以後不會常常幫襯啦!同埋服務都不是太好, 但勉強可以接受嘅！起碼可以攞到水飲，員工有些笑容就好了, 因為有時員工服務不積極或會使顧客感受到一些負能量。所以若你不介意你的主餐冇纖維，同不需要服務，隅然吃一餐就ok 嘅！同埋牛油多士那塊牛油都好難搽，因為不是軟的！若它們有菜吃的話，就會多啲幫襯！

星期日朝早嚟食早餐員工數量唔少餐廳可容納人客又唔喺多叫一份炒蛋多士都可以等足20分鐘最後食物嚟到炒蛋又炒得老，份量又一般其實食茶餐廳，但求快 靚 正三樣要求冇樣做到敏華冰室，你對自己有啲要求好嗎？

文華冰廳改名為敏華冰廳了，雖然不知道箇中原因，但從食客角度來看，這應該並不是甚麼大的轉變吧！？這間分店在午飯時間總是長長的人龍，今晚放工路過見難得不用輪候，便進去試試。(個人比較討厭為一餐而花太多時間輪候)這次進來點了門口單張展示的 “黯然銷魂飯” ，义燒脆卜卜配上半熟流心蛋，味道仍舊美味。不過，义燒的份量好像比較少了一點。過往去過其他分店，記憶中义燒的份量比這裡多很多，不知道是改名後變差了，還是這分店的個別問題。另外，不得不提，正如其他食家所言，這間分店的伙記真的很差勁，無論是安排座位、帶位、下單、上菜、收銀，服務都一樣通通難以令人滿意。就連我老公這麼寬容的食客，也說因為某伙記的態度而不再光顧這間分店。老闆們真的要想想要怎麼改善這個問題，特別置身於太古城，不論居民或是上班族都是有一定要求的。

改名後連質素都變埋。剛開業經常黎食黯然銷魂飯。當時絕對係區內第一。但自從改名之後，义燒變細而且味道變差。超大雞扒變正常雞扒。最最重要既係伙記完全唔理人。已經係食物落台先問拿多隻碗仔俾小朋友。瘦既男侍應未聽我地講完就轉身走。以為好忙問另一個短頭髮女侍應。點知一聽到問佢拿野即時黑面同一樣未等我地講完就轉身走。難怪以前次次都要排隊依家無曬人。睇住間明明可以做得好既餐廳攪成咁，好失望誠如其他太古茶餐廳，咁既食物質素同服務。好快就會俾人淘汰

朝早做完嘢返到屋企附近就同老婆去咗平時食開早餐嗰間茶餐廳食飯。老婆第一次食呢個暗然銷魂飯，食到佢舔舔脷。叉燒嘅火候十足同埋口感非常正！仲叫咗一個榨菜肉絲雞翼米粉同埋兩個熱辣辣嘅蛋撻

琴日早餐喺文華冰廳食咗個沙嗲牛肉麵餐.平日九點鐘都有人排隊真係有啲誇張。職員都好唔夠。不過食物嘅速度都傳得幾快面嘅硬度適中, 我識琴日食嘅時候有一兩舊牛肉應該係啲筋, 幾難咬下。奶茶OK

星期六去太古城中心行街, 到咗中午時間太古城中心食肆全部都好多人,價格又貴。於是我哋就去咗附近嘅文華冰室, 竟然唔使排長龍等, 兩三張枱就有位入。 價錢又差唔多。好過喺美食廣場自己等, 自己拎食物。食物都係基本茶餐廳嘅食物 雜扒飯有雞扒同豬扒, 豬扒連骨好入味。 雞扒就十分之肥美厚肉, 仲有午餐肉同埋腸仔。 好夠飽 係少咗啲菜就perfect喇叉燒意粉叉燒比較瘦, 呢個湯底好似係雞湯。 鹹鹹地好好飲。都加咗杯咸檸七, 叫咗小冰但係都仲係好多好多冰。凍奶茶質素唔錯咁啱遇到新鮮出爐嘅蛋撻, 忍唔住叫多兩個。三大一細食啱啱好。