敏華冰廳 (屯門市廣場1期)

營業中

休息中

今晚和老公都遲放工，趕唔切屋企晚飯時間 🍲我們兩個就出街食飯，偶爾而來的二人世界 🥰經過敏華見到羊肉煲而且今天天氣凍冰冰 ❄最適合食滋補羊腩煲 🥰配靚仔(白飯)和燉湯，就是我們撐枱腳晚餐 🥣羊肉原煲上枱，燭火慢慢加熱，一路食都唔會凍，正👍🏻羊肉口感ok，唔會柴，我最怕韌到咬唔郁的肉肉。還有冬菇支竹馬蹄，吸晒湯汁，好味😋羊肉煲湯汁濃郁，鹹左少少，加入生菜🥬中和。餸飯的話，加少少就得。原盅燉湯，茶樹菇燉瘦肉，湯味香濃，好喝！#yauyauPlay #yauyauEat #yauyauLife #yauyauFamily#二人世界 #撐枱腳 #敏華冰廳 #MenWahBingTeng#羊肉煲 #白飯靚仔 #原盅燉湯

時間：19:08 第一次係香港食敏華，聽聞佢嘅分店好多，黯然銷魂飯又幾出名，就行入去食下，但係食完先發覺性價比極低。 我地一共6個人食，晚市時段唔使等位，最後埋單300幾，我幫daddy同埋uncle每人嗌左份黯然銷魂飯跟T加埋小碟蔬菜🥬，點知份蔬菜又小碟又用生菜來充數，一個叉燒滑蛋飯+T要70幾就已經比出邊好多茶記要貴，即係話碟生菜佔左10幾蚊，熱奶茶同埋銷魂飯上左之後，仲要我地顧客自己去問職員催，跟進左好幾運先上，生菜🥬小碟到好孤寒，叉燒燒得還可以唔算幹身，肥瘦相間咯。 跟住我嗌嘅好似係免治牛肉飯跟冬T，碟頭飯嘅份量極少，比其他茶記嘅份量少之又少。冬T嘅話間間都差唔多，你落單時如果唔寫明要少甜嘅話，杯冬T就一定好甜咯（牛奶同敏華呢啲近幾年冒出來嘅新式茶記基本係QR code落單）

買咗一份早餐，一直係門口等咗20分鐘仲未出。跟著見有份外賣拎出嚟叫no唔係我嗰份，等到25分鐘仲未見，佢枱面得一份放咗好耐嘅外賣，就嚟30分入去追嘅時見將枱多咗份外賣係我嘅，唔知幾時放低又冇人拎出嚟叫no.

「懷舊風味 - 黯然銷魂飯」📍敏華冰廳 @ 屯門市廣場✨黯然銷魂飯（8/10）/·燶邊梅頭叉燒·流心蛋·靚頭抽/雖然唔知咩叫黯然 😂 但食完係會留有印象既，今次加碼 兩隻流心蛋，蛋汁足夠撈勻成碗飯🤤 加上選用柳頭叉燒，肥瘦適中，蜜汁甜度恰到好處，仲要微微燒燶邊脆口，仲點會有得輸 不過 重點一提❗️頭抽先係最畫龍點睛既部分！哇 ！就係要呢隻豉油汁，先稱得上懷舊風味 ！人均消費：$69 （免加一）抵食程度 - 偏貴 2/5美味程度 - 留有印象 4/5衛生整潔 - 介乎正常茶記與集團餐廳之間 3.5/5服務態度 - 侍應態度有點緩慢 2.5/5

食過兩次，諗住貪快食茶餐廳，點知兩次等餐都超分45分鐘，想追問下，所有職員見唔到你，終於追到，但唔知係咪追過佢，比超燶嘅义燒同碟爛菜你，趕時間照食，但真係好難食，佢地個樣分明趕客唔想做，其實本身已經好少客。

本應就覺得服務態度幾好，但到最後就真係覺得無啦啦比錢黎受氣.事源：我同幼兒(有BB車)入座，即共2人.跟住有個樓面姐姐都幾好態度嘅，因見我地搵位，就係其中一張枱到打算拎開一張椅比我放部BB車，我就話一陣會摺埋部車仔，所以都唔該佢先，之後因睇到有卡位我就打算坐卡位，咁我一直都係好聲好氣嘅，而樓面姐姐都好好態度，我地埋位嘅時候佢仲幫我張部車仔放埋一邊.直到最後，食完飯到比完錢之後，我就問個收銀姐姐我部BB車放咗係邊，之後得到答案後就打算拎番部車仔啦，行到去車仔到打算推走嘅時候，另外一位帶眼鏡短頭髮嘅樓面女人就無啦啦向我講咗句：「呢到地方淺窄呀，出番去先呀」.其實個陣時我已經係推緊部車仔番出去，亦無比小朋友坐低車仔再推番出去咁，因我都唔想阻住人.其實我並唔係想得到啲咩十級好嘅服務態度，只係唔想係受氣咁簡單，而家食餐飯都要受氣，你打份工咁辛苦就真係唔好再做.

個幾月無幫襯，今日再去試下，睇下食物有無改善？食物比之前改善咗好多，但⋯⋯啲侍應態度依然⋯⋯😖，用粗勞嘅語氣去講禮貌嘅詞語，感覺好鬼差，仲要大大聲對客人講嘢，訓話咩！？食個早餐啫⋯⋯得罪你咩！？唔怪之得呢間啲食評咁差喇！真係唔駛再嚟！

開業至今⋯⋯試食幾次，結果係早餐都可以咁參差，都堅犀利！炒蛋份量時多時少，生熟程度睇心情。餐牌寫跟多士，但塊包唔覺得有烘囉！另外，榨菜米就好結身，五香肉丁仲恐怖，一pat pat，勁多辣油喺面，無乜肉丁。而火腿通粉都可以失手，湯底忽冷忽熱，味道就⋯⋯一時好鹹一時無味，間中都會正常嘅，但唔係成日遇到。

屯市敏華冇人排隊入去食過late早餐嘆一嘆，屯市敏華一如過往好味道，炒滑蛋配厚多士無得輸，再加上沙茶牛肉米，正，最後來杯敏華凍檸茶正，下次一定會再幫襯，自助落單好方便

之前一路有食開呢呢間暗然銷魂飯，都覺得佢整得幾好味，同埋都好大件好多舊，但早排就發現佢啲叉燒全部都係瘦，唔係半肥瘦，已經停咗一輪冇食，點知尋日食返，啲叉燒少都無論， 得嗰四件好細又瘦嘅叉燒，問個經理，佢仲話之前個廚房整多咗，個職員已經俾公司炒咗，而家咁樣先係正常，唔怪得知眼見佢好少人食嘢，我諗我應該以後都唔會再幫襯，$73食呢個叉燒蛋飯竟然得個4舊咁細嘅叉燒，真係有寶咩？仲要因為呢個原因就炒人，呢問係一間咩無良餐廳？你同個職員講返咪得囉，所以呢間越來越少人食，以前要等位，而家完全唔駛等！

因為支付寶有3個印花，見敏華做優惠黯然銷魂飯送紅豆冰，就去左屯門市廣場分店試吓。雖然敏華分店處處，但我是第一次食敏華。屯門市廣場分店挺大，而且乾淨好坐。黯然銷魂飯即係叉燒雙蛋飯。我很喜歡半熟雞蛋。刺穿撈飯真的很正👍🏻叉燒大大件，肥瘦適中，不過我覺得對我而言略鹹。飯的份量很多。吃完超飽！不過一條菜都無，好唔健康，叉燒飯而言定價亦太貴。紅豆冰甜度適中，紅豆也多，一粒一粒挺有咬感。不過椰汁同紅豆未能化為一體，我比較喜歡綿綿的紅豆。

明明餐廳內有好多張枱，收銀職員（目測係經理）首先冇禮貌地趕人出門口等，之後員工重冇follow up返條隊, 由啲客人喺出面呆等，入到去職員態度又唔好，野食一般，普通茶餐廳水準。

今日要搵地方傾嘢，一行9人，在限聚令下都唔知去邊度好，唯有是但搵間餐廳。服務員都好幫手，盡量安排我哋分枱坐埋一齊。然後亦有溫馨提示我哋要坐開啲。今時今日真係生意難做。嗌咗個常餐，個叉燒就比較燶。味道都唔錯。炒蛋有一個叫水準，多士就爭少少，唔係太脆。其實呢頭都好多茶餐廳，個人就覺得佢嘅下午茶餐選擇唔夠吸引。款式唔夠多。不過真心欣賞啲服務員嘅服務態度，後來有客離開左，佢都在安排我哋坐埋一齊附近，方便交流。環境方面，都乾淨企理。

今日媽媽見到有新鮮出爐的蛋撻，買了一盒回家。一盒4件$26坦白講，味道和口感是跟普通麵包店是毫無分別，完全不覺得有任何突出之處，間中吃一次無妨，但完全不值得排隊購買。

9/4/21夜晚八點幾同老公去呢間餐廳(屯門店)食飯，見早排行過有人喺外邊排隊咁諗住一試。入去嗰陣時同女侍應講想要窗口位，佢話未有，見有一張未執好嘅枱，諗住行埋去坐低，佢語氣麻麻叫我哋行返出去外面等，個執枱員面黑黑執枱。明白而家大環境咁差，大家張就下算啦！我哋8:19落單，叫咗一份牛柳拼乳鴿（包羅宋湯、濃湯浸雜菜、白飯）、黯然銷魂飯、一杯凍檸茶。等咗20分鐘，乜嘢食物都冇未黎，連應該最快舀起嘅羅宋湯都冇黎，要追單後等多2-3分後先有羅宋湯黎。一啖飲落個湯度成陣燶味，煲燶晒，今次叫另一位(估係店長)，個湯燶梗係唔飲啦，佢攞走左，以為佢會換個湯，或者點樣處理，結果等咗幾分鐘又冇影，再嗌佢埋嚟，結果佢竟然話：「乜唔係幫你換咗杯熱檸水咩？」我答佢：「我都冇話要換杯熱檸水，而且你地都冇人問過我，點解你會話我哋換咗杯熱檸水呢？」佢話係個女侍應問咗，費事同佢坳咁耐，結果換杯凍檸茶就算。再等幾分鐘，終於上個黯然銷魂飯，再等5-6分鐘後，先等到個牛柳拼乳鴿。牛柳叫5成熟變咗8成，先唔講味道好唔好食，但係嗰餐中西合璧，刀叉用嚟切牛柳，用手食乳鴿，再要揸對筷子扒飯，真係「手」忙又論盡。最壓軸離譜嘅係，差唔多