敏華冰廳 (已結業)

上次試左墨西哥包and 蛋撻，今次試波蘿油，都係咁好食，外跪又夠味，又好入口本人好喜歡食包，覺得大家真係要試下e間店ge包，所有包都好好味，墨西哥包就好似雞尾包唔單止包，佢地ge銷魂飯都好正，仲有焗豬排都一流食物好快就有，不過地方就細左小小，要同人搭枱，唔建議一大班人去食，去幾次都要等位，所以要心理準備可能要d時間等位。不過等下係值得的，的確需要試下e.間店，下次會再發掘一下敏華仲有咩野好食，見其他都唔錯，

每一次來到朗豪坊都會經過這間餐廳，因為他就在扶手電梯隔壁，位置顯眼。今晚終於嘗試了他們的食物。敏華是一間座落在商場裡的港式茶餐廳，裝潢別緻，位置也蠻舒服的。可是店面不大，應該可以容納30-40人吧。他們的價位稍微高一些，畢竟商場的租金應該比較高。我點了常餐— 叉燒湯意粉配炒滑蛋雙腸厚多士。這是我去茶餐廳必點的食物，我覺得每一間茶餐廳雖然都有類似的食物，可是一定會有些許不同。他們的叉燒湯意粉，湯頭屬於比較濃郁，creamy。薄切叉燒鋪在盤上，淡淡的蜜汁味，不錯好吃。我個人比較喜歡厚切叉燒，這樣可以凸顯叉燒的美味。厚多士還蠻震撼的，他們烘得外脆內軟，散發著淡淡的牛奶味。茶走呈現的方式很特別，煉乳竟然沒加到奶茶裡，而是放在另一個容器裡，讓客人可以隨個人喜好加入，非常體貼。

同朋友喺朗豪坊搵野食，見唔多人唔洗等位就入左去，我地叫左個傳說中既黯然銷魂飯😂叉燒夠林的，但係太甜太濃味，我平時係食曬主食，最後先飲餐飲的，但今次要一邊食一邊飲，食到勁口渴！我仲點左杯雜果賓治，感覺有少少似藥水味，本人唔太鐘意個味！

今日一早要出旺角朗豪坊整啲野。平時成日行開依間野都好多人排隊。難得今日唔洗排就入去食個早餐。點知入到岩岩過左十二點冇晒早餐。唯有單叫啦。叫左2個蛋撻，雖然知蛋撻皮一般，個蛋撻本身好香蛋味。都唔錯朋友叫左個珍寶菠蘿包。佢就好好食，入面好足料。有蛋、蕃茄同餐肉👍🏻👍🏻我就叫左份雞翼麵餐，um 真係好一般。所以食依間麵係食佢啲包類會穩陣啲

每次一諗唔到食乜就食常餐!其實之前都喺其他分店食過，但朗豪坊哩間就第一次食!叫咗叉燒湯意粉配炒蛋腸仔，牛油多士，同凍奶茶，落單果陣我問個waitress如果多士加煉奶要加幾錢，佢好霸氣答唔駛錢，我加比你! 首先講下個炒蛋，唔錯，幾滑，不過啲腸雖然係烚唔係煎，但都幾咸(條腸本身問題)，通常出邊常餐啲叉燒湯意粉啲叉燒都唔係太好食，但哩間唔錯，湯底濃，意粉煮得剛剛好，最怕太腍或太硬，仲有杯奶茶，無嗌少甜都唔會太甜，而且都算滑嘅，食完再叫多個蛋撻，熱辣辣，酥皮幾鬆化，蛋味濃，不過我最欣賞啲waitress有禮貌，由我落單到食完個餐，分別接觸到3個waitress，3個都服務好，又有禮貌，抵讚!

今朝朋友仔提議黎呢度食早餐，其實敏華出名嘅暗然銷魂飯食過唔只一次，但早餐就第一次黎食😚呢度嘅環境都幾舒服，唔算好迫，企理乾淨。食物質素亦不錯，我點嘅係炒蛋多士、沙嗲牛肉米，我最鍾意係炒蛋，真係好滑好好味，沙嗲牛肉米湯底都不錯，下次會再黎食😋😋

今日午餐來試一試朗豪坊既新店敏華冰廳，事關之前行過買左個菠蘿包，幾正，所以留左個好印象，所以今日就來試下個午餐！坐低之後問完侍應姐姐先驚覺原來係無午餐menu！只係得佢枱面嗰張menu就頂晒全日，我個人覺得少選擇左啲lol咁我就選左個煎蛋免治牛肉飯，加熱奶茶，我同事就五花八門，有人叫常餐，有人叫暗然銷魂飯，但來到之後都有一個共通點，就係所有飯一條菜都無😢對於扮健康既我無菜食有啲失望。飯來到，個賣相都可以接受，味道中中等等，真係同普通茶記差不多，用料都唔見得特別好，不過算啦，茶記係咁上下，再試下杯奶茶，都係麻麻地，唔夠香，又係失望😴所以下次唯有食返菠蘿包算🙈

今日早做完野，要去朗豪坊買D野，諗住食TEA! 經過敏華冰廳門口，俾佢晌門口賣7蚊個大大個菠蘿包吸引左，走左入去食茶餐。坐低左D座位都好寬闊，同一般餐廳唔同的是餐牌是放在餐桌玻璃內，唔洗好似平時拎果D餐牌咁又舊又爛。見到佢有個精選超級珍寶菠蘿包，不過又好似豐富過頭，所以我淨係叫左個菠蘿油茶餐ONLY。大大個菠蘿包真係好誇張，連片牛油都大片過人，真係好邪惡呀! 菠蘿包送上時微溫、皮脆! 滑蛋都幼嫩，好味。茶餐雖然只有兩樣野，不過食落都幾飽(可能因為塊大牛油)。最後都我係夜D先食晚餐LU。慢慢享受埋杯香滑奶茶先走~ 正!

呢間敏華冰室真係老是常出現，好似每區都梗有一間咁，見佢開咗咁多分店，我都有啲興趣試下係咪真係咁掂，咁好生意可以周圍開分店！我叫咗個常餐，沙茶牛肉公仔麵拼炒滑蛋雙腸，配多士，包熱奶茶或者咖啡，呢到盛惠$52，其實喺香港嚟講都相當貴架，一個常餐要五十幾蚊。。。等咗十分鐘左右啲嘢食就到齊，炒蛋唔錯，好滑身！多士有烘底~牛肉有四至五塊，沙茶醬好香濃，牛肉都夠滑嫩，果然係幾好食！朋友叫咗個黯然銷魂飯，有厚切叉燒同流心蛋，都係$52，個飯嘅香蔥油真係冇得彈，撈飯一流！同朋友都揀咗凍奶茶，要加$3，佢係冇冰嘅，但都夠凍，唔會怕溶咗啲冰杯茶會淡咗！

行街行到攰近近地搵間嘢食就入去叫咗個餐食個餐少雞湯意粉非常之好食一黎到見到佢份厚多士同蛋擺盤都靚揀入口好好因為夠滑應該加重唔少牛油雖然有點罪惡感但好食無計仲見到有啲蛋漿我將蛋放在厚多士上面多士夠熱 蛋夾埋脆熱多士 一流意粉我聽係濃味嘅雞湯底唔會好咸而且湯底夠味 意粉煮得軟食 夾埋唔錯叉燒水準都好 夠厚身唔係薄薄一片仲想提下杯奶茶係冇冰但夠凍避免左冰融變淡呢一個問題最後服務質素都好好 我跌咗隻叉店員都即刻攞隻新俾我反應夠快 值得一讚

走出旺角看看有什麼好食，經過呢間餐廳係門口見到個大大個菠蘿包就吸引了我😍😍之後入去食，但等候時間就耐左少少，可能係午餐繁忙時間，之後個餐嚟咗，真係好好味😋😋炒蛋夠滑又夠熱。而本身不太喜歡食蕃茄，但佢整到個番茄好熱好熱同好淋，所以已經無乜蕃茄味😂😂啱我口味⋯另外價錢合理，不貴！👍🏻👍🏻

😭😭😭諗住過得旺角就應好多野選又可食好味野。但⋯⋯一直冇食過呢間連鎖店，難得方便就去食，點知，中伏哎，一碗麵，湯底是好重要的，食炸雞翼但浸落湯內，成件事好難食又奇怪⋯⋯⋯

去到旺角，竟然諗唔到食咩好，回頭一望，見到敏華冰室，即刻諗起聽過好出名但一路都未試過，一於同朋友兩個人入左去。雖然都7 8點，但可能係閒日夜晚，所以都唔洗等位。舖頭算係open area, 但都唔會太嘈。staff 落單同上菜速度都快。叉燒大部分都爽口，唔會肥，係有一舊啲肉比較實，需要咬多幾下。蛋黃流心，啲汁又可以撈下飯唔洗比豉油搶曬啲味，甜甜地幾好食。凍菜蜜亦唔會太甜，清甜解渴，啱曬唔想飲汽水又解到開飲甜野嘅諗頭。雖然個飯72蚊係偏貴少少，但兩個女仔唔太肚餓share 食其實都好夠飽。

敏華冰廳喺朗豪坊開咗幾個月， 晚飯時間經常 排長龍，佢開業不夠我巳經去試食過新聞一向話佢菠蘿包好出名所以我去踩場 就試佢個超級珍寶菠蘿包超級珍寶菠蘿包（38蚊）賣相幾靚仔 似足日本蜜瓜包 有菠蘿漢堡嘅影子， 值得一讚係 有濕紙巾 方便你消毒雙手用手去食👍 味道方面係出奇地夾嘅， 原本以為芝士蕃茄係唔適合菠蘿包，食完先知做得好没問題， 首先佢個蕃茄好新鮮 冇標水 好juicy芝士夾蕃茄 呢個係perfect match 加上炒蛋和來貨比較好嘅原切餐肉， 菠蘿包外皮夠乾爽夠脆唔易散 吃起來係先甜後咸 味道balance 就像咸柑桔一樣是個有甜有咸带點清新既配搭，好味道😋比普通菠蘿包好吃 味道有層次不易膩好吃度👍👍🤝敏華黯然消魂飯賣相普通係叉燒靚仔， 普通半熟荷包蛋 略嫌煎得唔夠脆 如果做到脆邊咁就加分，叉燒佢用厚切肥燶叉 蜜汁味好重 上枱好熱辣 似啱啱出爐咁 好食過佢母公司太興叉燒🤣， 豉油方面佢 家樂牌鮮露或者美極同叉燒汁係唔同味既， 整體配搭唔錯味道好過好多 坊間食店 燒臘飯店嘅叉燒煎蛋飯好吃度👍👍🤝後記不論是珍寶菠蘿包抑或是黯然銷魂飯 敏華收費都是偏貴 但質數確實幾正和不錯 所以我推

前排見呢間野無咪人排隊，就入左去食個下午茶，個鮮油多士好好食，裡面啲牛油唔係平時茶記味啲未解凍既牛油，最起碼我都食落去唔係凍，不過牛油就太大份，食完落去好有罪疚感，都唔知要幾耐先減得返。另外，佢份多士夠熱夠脆，呢樣真係加晒分，我最鍾意食脆既多士，呢樣真係要讚一下！之後我叫左杯熱檸水，無乜特別，正常沖法咁啦！期間我都食左朋友叫既肉醬意粉，感覺上同大x樂都差唔多，無咩特別，我覺得呢間茶記都係正常水平，不過不失。