敏華冰廳 (MOSTown新港城中心(4期))

營業中

休息中

係新港城呢到，敏華每日都會大排長龍⋯唔想等可以直接買門口新鮮出爐嘅菠蘿包👍🏻👍🏻👍🏻👍🏻作為香港人每次諗唔到食咩早晨就會去茶餐廳，敏華勝在裝修靚，而份量味道屬正常偏上。用手機落單叫咗份常餐，落單App介面做得幾好，比你選擇走牛油、走甜、走冰等選項，可以自自慢慢諗清楚先落餐！滑蛋做得唔錯～吐司都厚身，脆度岩岩好！牛通就正常發揮～每次最期待就係聽到麵包出爐嘅廣播！但今日太飽，留返下去再買嚟食！

［45分鐘先出餐，仲耐過食法國菜］馬鞍山一向難搵食，18:30四圍已經排長龍，眼見呢間野大把位就入去求其食個晚飯。原來無人食係有原因的。18:37落單一客蔥油豬扒飯同免治牛肉意粉，免治牛肉意粉20分鐘先到，但變咗飯，店員落錯單，算啦。點知蔥油豬扒飯仲過分，過咗30分鐘追店員，店員話：差唔多架喇。最後成45分鐘傳說中嘅蔥油豬扒飯終於出現。原來附近人客都等超過25分鐘都無野食。而樓面亦長時間無人。一定唔會再去。

好似間中都會黎食下咁唔一定呢間分店其他敏華都OK唔覺得質素分別好大都係點左~五香肉丁意粉配腸仔煎旦本人喜好意粉呢度既意粉煮得OK有D店試過太硬身可以再煮多兩分鐘呀連埋肉丁個湯好好味份量就剛好啦我唔算食多都食得晒原來可以轉煎旦非常好~沙嗲牛肉麵配火腿炒旦朋友點既麵質都OK WOR雖然唔係一丁但都唔會差炒旦都OK滑既

這家連鎖店早餐一向多人幫襯，早餐餐牌選擇都多，最喜歡他們的沙茶牛肉麵，同熱奶茶，落單時只記住兩個沙茶牛肉麵餐號碼B10，B12就可以潮式沙茶牛肉麵沙茶牛肉又稔又滑，沙茶湯底鹹鹹甜甜夠惹味，麵煮得爽彈仍可見到一圈圈，唔錯炒滑蛋及歐式家多士滑蛋炒得夠滑，但份量比以前少。多士烘得唔夠脆，而且顏色有些燶雙腸及歐式軟多士腸仔口感似脆皮腸，味道上不會太鹹。這份多士又脆又鬆軟，搽上牛油變成牛油多士，味道更加好總結早餐餐牌選擇多，食物唔錯

哩間敏華係商場嘅位置唔太好搵，要去到盡頭。同大部份連鎖快餐差唔多，位置唔會闊，快餐就將就下啦。不過我今次食哩個雜扒飯個人覺得好抵食，46蚊乜都有，飲品要另叫，唔包嘅。味道幾好

好耐也沒有來食飯了，今次見不用排隊，中午過嚟食返個出名「叉燒飯」，好失望，叉燒全肥，肉地不新鮮，好似昨晚賣淨貨，豉油汁好鹹😩服務員，個個都好似，發緊脾氣，尤其一個老的阿姐，大聲說，咁辛苦我唔想做啦😮‍💨另外一個大家姐，不停搵人處理漏水，拖地完又拖整個氣氛也不好。😞

難得放假又一早起咗身，當然要嘆番個靚早餐。呢間分店每逢星期日例必大排長龍，如果太晏先去排，基本上係趕唔切早餐時段早餐好多選擇，但我對沙茶牛肉麵情有獨鍾，家人就反而鍾意通粉▶️潮式沙茶牛肉公仔麵 拼 炒滑及歐式軟多士 - 沙茶醬湯底味道比沙嗲醬更濃郁，麵煮到爽口彈牙👍 炒蛋又係炒到好香滑，不過份量比起一年前少了一截！▶️茶走 - 茶味夠濃，練奶以杯仔另上，隨自己喜好落多落少，好friendly!▶️忌廉雞湯火腿通粉 拼 雙腸及歐式軟多士 - 正正常常，忌廉雞湯底夠惹味▶️熱檸茶 - 家人話茶味香濃，檸檬都靚，沒有出面嘅大部份茶記嘅檸檬有苦澀味總結：沙茶牛肉麵確係出色，以連鎖集團食肆嚟講算係有誠意，店內格局算是乾淨企理，而價錢暫時算是合理，但都比之前加了幾蚊！

一直都好想試吓呢間嘅招牌菜-暗然銷魂飯同一般叉燒飯有咩分別?我諗就係佢嘅叉燒係自製嘅，燒得好香好脆。同埋嗰個留心蛋一定要整穿佢，令蛋汁流入白飯當中，撈埋叉燒汁禁食，真係好好味😋😋嘢飲叫咗忌廉溝鮮奶，非常特別嘅味道，有鮮奶嘅香混合忌廉嘅甜，好特別😄

本身都諗住算㗎啦， 見啲人服務態度咁好可能只係自己唔好彩啫，但係嘔完之後越諗就越燥底，喂大佬， 你依家食到我腸胃炎發燒喎 ？所以先至決定寫呢條review。凌晨嘔一次朝早嘔一次先頭又再嘔多次，後來仲發埋燒，燒到啲手腳都麻痺曬。星期日啲醫生都冇開搞到要行到勁遠去睇兒科頂住當。五十幾蚊個常餐換嚟嘅係幾百蚊醫生同藥費，抵唔抵你諗你啦。

多士烘得未夠時間, 奶茶唔夠熱大技, 畀兩年前整體上食味下降咗30至40%, 做飲食要保持到水準至為重要, 千祈唔好貪快.做起咗個名唔容易, 但做差個名就好容易.由其係集團式經營喺管理方便更為重要.

唔想日日食公仔麵做早餐，見到有個忌廉雞湯火腿通粉好似幾吸引，就試試佢。因為唔想等位，所以都係選擇外賣買返屋企食。估唔到個通粉都幾多，通粉都唔係重點，重點係個湯底，又真係幾濃味，因為之前試過一D係得隻色淡到暈。依個就唔同，攪到最尾我連湯底都飲埋，好彩食完無口渴。仲有佢個炒蛋真係幾滑，而個方包都好鬆軟，但係可能個牛油放咗係熱嘢上面，一打開已經溶晒。餐飲叫咗熱華田，雖然佢有比包糖，但係記得唔好落，因為本身已經夠甜，甜到要加水添。

不嬲都鍾意來呢度食，成日等佢哋出爐蛋撻，最開心有太陽蛋同埋雙腸，$55 lunch 常餐～早餐我覺得呢度食幾抵又好食、都係30幾蚊連埋嘢飲，要12點前都仲係早餐囉！早上11:30就冇㗎啦嘛！仲要蛋撻嗰啲有時間表俾你幾時出爐😆好期待㗎！我覺得佢呢樣推銷手法幾好、出爐蛋撻係吸引熱辣辣！即食好好食！另外太陽蛋永遠都好靚🥰暗然銷魂飯都食過可以嘅仲可以叫肥叉瘦叉～開心！不過真係覺得價錢貴咗少少囉，$68、$58會好啲～因為大一都係50幾蚊咋嘛～

食物是不錯的，但服務態度真的很冷漠。餐廳很嘈炒。剛剛落order就會很快送到，剛剛食完就會立即碟，感覺速度很快。趕時間的人就會很喜歡。隔離枱有個哥哥話order左等咗半個鐘都冇嚟（只係菠蘿油同煎蛋）同阿姐講但係阿姐冇反應，沒有任何覺得不好意思，只叫佢等等。

疫情之下，大家多左係屋企食飯，但係食得多屋企野，都要出黎呌下氣！今日去到MosTown，見到間一出爐就會好多人等蛋撻嘅敏華居然無人等位，所以就入去試下佢個豬潤麵喇🍜裝修同一般冰廳差唔多，光猛乾淨，叫完食物，好快就黎到。叫左個「夠薑豬潤麵」，真係好多薑架，頂唔順果浸辣記住叫小薑了😝豬潤食落都腍軟，份量也可以接受，得閒食下就可補充返人體所需鐵質👽👽Btw，個炒蛋都幾厚，應該係炒嘅時候落左牛油炒，味道7. 5/10

有時候腦閉塞已經諗唔到去邊度食野，咁啱經過呢間餐廳就俾門口招牌嘅叉燒吸引住，咁就去咗食啦。我地叫咗黯然銷魂飯同埋超級雜扒飯，本來都無咩特別期望，估唔到叉燒又幾好食，半肥瘦而且有油香，再加埋特製醬汁，每一啖都有滿足感。而另一個超級雜扒飯，份量多，啱哂食肉獸嘅男朋友，今晚完全係快飯之選!