敬一素食私房菜 (已結業)

「十齋日」想搵素菜食，見網上評價幾好，所以嚟敬一試一試。週日嚟到呢個商場，渺無人煙咁都有啲驚，好彩上到餐廳見到人氣好旺，😊就放心晒。🍀餐廳裝修雅致，食客都好安靜，感覺幾寧靜舒服。🫖茶水係炒燕麥茶，好有炒麥香，味道清清地又帶少少甜👍🏻🥙我哋點左5款菜，都好好味。尤其是椒鹽秀珍菇😋好惹味！另外，🥘酸菜魚都好夠香辣（唔知點解有少少似辛辣麵嘅香味😆），餸🍚白飯一流。上湯豆苗🥬正常發揮～好味炸豆腐🥢🌶️配香辣粉，有啲似「辣薯片味」，豆腐比較淡，要點辣粉先好味。牛油果🥑炒飯，都好香，米飯都炒得夠乾身，一粒粒有「0趙頭」唔會「笠」。好食但就完全無牛油果味😆

全部嘢食都偏油，但味道可以，個咕嚕肉我真係覺得自己食緊肉，口感好，湯就偏淡味，不過送嘅就唔咁多要求了，餸菜未食完，員工問都冇問已經上前想收嘢，甚至要同佢講話我哋未食完先放手，兩次，係兩次，當時候我睇睇時間仲有一個幾鐘先關門，而且當時候仲有新客入，個阿姐著住黑色防水圍裙出嚟收嘢，應該係洗碗嘅想快啲執晒啲嘢快啲洗完，反正感覺好差😥同埋好似去咗大陸咁，周圍都有好多人講普通話，包括員工，而且超級大聲，嘈到好似喺街市咁，好在都有放輕音樂。

同朋友經過宏利，見到中午呢間素食餐廳做自助，見到價錢唔貴就去試下囉~齋菜款式都唔少，水餃煎得幾香幾脆，饀料新鮮，特製咕嚕肉好有味道，頭角、蓮藕都好新鮮、爽脆，串燒都唔錯，唔會燒得太乾太老，連平時唔食齋嘅同事都覺得好食，而且都食唔少，而且仲有湯飲，蕃茄薯仔湯，都好足料，整體質素都幾好，$88真係幾抵，會再同其他朋友來試。食完之後要自行處理碗碟及垃圾，呢點要留意，唔好食完就夠走左去呢😏~

之前叫小菜覺得OK，今天去到是自助餐，時間是十二時至三時，我們六人到達時是十二時五十分，付款後，一看個個盆都已差不多空盆，吃了一會菜尾後問工作人員，為什麼沒有REFILL，答案竟是你們遲來了。既然沒有REFILL就不應該收我們錢讓我們進去，水也是自己去廚房外的熱水爐取的。從未試過食自助的竟會這樣。沒有REFILL，就不要讓人付費食菜尾，也不要說時間至三時。簡直是欺客。更可笑的是，沒有食物，卻還在門口SELL客。可恕也！

本身是素食者，公司聚餐拉同事朋友星期五夜晚.試食，環境優雅，且清淨。由於特價，198一位實在非常優惠，而且每個菜式都非常用心，而且擺設非常漂亮，我們還坐在一個浪漫的櫻花🌸樹下，整個感覺真的好好。菜式有一些辣的，比如黃鱔，但是辣得非常香，連不吃辣的同事也忍不住多吃了幾口。還有假的叉燒，有蘋果的咕嚕肉，讓非素食者的同事讚不絕口。而且位置在工作區附近，交通便利，想不到晚上竟然人不多，適合聊天，氣氛非常好。真的有了一個愉快的回憶。服務態度也很好。

餐廳由深水埗搬到觀塘, 地方變得寬闊整潔, 裝潢也變得滿有心思。一進店就放著一個假山配流水裝飾, 旁邊一條條竹枝加上梅花點綴, 餐廳內還掛著一個個蓮花型吊燈。紅蘿蔔粟米湯餐前奉上, 免費的, 有點濃稠, 沒有豬肉提鮮也略帶甜味。火窩酸菜魚 $138魚是買製成品, 外皮稍脆口, 配料少不了酸菜, 另外還有豆腐, 芽菜, 粉絲, 另外芹菜粒, 荽茜代替了蔥花。這個窩算中辣, 帶點酸, 蠻惹味的, 如果吃不到辣的就千萬別下單。佛口散香 $98是炸椒鹽秀珍菇, 加了三色椒和芹菜粒, 對於不喜歡芹菜的我有點懷疑人生 🙄 除了芹菜外十分出色, 秀珍菇炸得香脆, 微微的椒鹽很可口, 會吃不停的。包羅萬像 $108是鍋巴肉片, 這個比較失色, 首先醬汁沒什麼味道, 鍋巴已經全浸在醬汁𥚃變淋了, 連口感都沒了。鍋巴只是一個失誤, 整體味道環境都算不錯, 除了位置比較偏僻。要補充, 餐廳除了單點外, 還可以選擇私房菜, 由廚師發辧。

酸菜魚～呢度有三款酸菜魚，但我都唔係好記得自己叫左邊款味道唔錯，配菜份量都唔少唔記得咩名齋睇個樣好簡單好平凡只係椰菜粉絲，但唔好以為味道好清淡好普通，食完之後會發覺比佢嘅外表呃左，味道係出乎意料👍🏻味道麻麻辣辣幾惹味辣子雞～呢碟正，勁香口『雞』又正，辣椒仲正辣椒唔係好辣，仲好香口，好似薯片咁脆卜卜本身覺得之前嗰碟椰菜粉絲好好食，食完呢碟之後覺得呢碟仲正香椿牛油果菜粒炒飯～相對之前嘅小菜，個炒飯顯得有啲失色味道方面不過不失，唔係算係好好食，但亦都唔會難食香椿味唔多明顯，都唔多覺得有牛油果整體黎講係值得回頭唯一缺點係地點唔就腳

食素六年，次接觸咁特別嘅素食四川菜，簡直就係驚豔！佢既辣子素雞係用猴頭菇整，粒粒都好脆口，仲有花生同埋唐芹，非常之惹味。鮮椒酸菜魚，個湯好正好好飲，入面仲有豆腐同粉絲，個素魚係用蒟蒻嗰隻花枝片來做，非常之咁好味，口感亦都清爽😋最後叫咗擔擔麵，呢度都係好一流正宗。我唔係食得好辣，所以叫咗小辣☺️。入到去嘅時候，佢仲送咗個老火湯，個麥茶都炒得好香好好飲。間餐廳嘅風格有啲仙劇氣氛，感覺好特別，同朋友一齊去食正正子！

因為川菜好多時候都會落咗蔥蒜，同埋好多時候水煮嘅菜式都係水煮魚，或者水煮牛肉，豬肉，雞肉咁樣。真係好少會整水煮嘅齋菜。早排想同我班好姊妹食開年飯，我哋發現有呢一間川菜系列嘅齋鋪。就二話不說book咗嚟試吓菜。當日個侍應都好積極好有禮貌咁樣推薦咗好多佢舖頭嘅名菜。辣炸子雞，值得一贊系佢嘅尖椒唔辣，但系炸到好似薯片咁脆。辣脆善，欣賞師傅嘅手工，越嚟越少齋鋪會整脆善，因為工序好繁複。味道野味，唔錯。粉絲雑菜煲，齋鋪必叫。不過不失，但用料好足。炒飯 唔夠乾身，但香樁醬幾香叉燒紫菜卷，呢個個店員極力推薦，叉燒系幾唔錯，夠脆夠香！紫菜卷對比叉燒就有點失色。懷山炒木耳，呢個我反而欣賞，簡潔，味道清新！咕嚕肉 ，中中挺挺黃金豆腐 ，呢個有小小失望，外皮唔夠脆，汁另上會好啲。總括來講水煮菜式系幾出色，仲有當晚招呼我地嘅樓面都值得加分

🐰兔年與好朋友第一次飯聚，食個開年飯👏🏻！環境不俗，座位闊落，不過是晚晚餐時段人流不多。🥄雜瓜湯🍲人差不多來齊時就端上一大窝湯，係是日送上嘅湯，味道較單一，渴到最後帶少少甘甘的味道。🥢紅紅火火（辣子素雞）🌶️爽脆有口感，少少辣十分惹味！好味！炸過嘅辣椒，唔辣脆脆的。🥄菩提道果（咕嚕素丸）酸酸甜甜夠開胃，而且咕嚕丸有啖啖‘肉’嘅口感。🥢六根清淨（雜菜粉絲煲）& 🥄淮玉素緣（木耳西芹炒山藥）都是新鮮食材，清清淡淡卻有其鮮味。🥢止于至善（香辣鱔絲）🌶️店員推介的，還是不錯！😋小辣帶點麻川味十足！仿鱔外型十分似，口感亦是外脆内爽，好食！🥄叉燒及紫菜卷卷唔夠脆有點兒失望，叉燒就不錯不失。🥢仙俠金影（黃金豆腐）豆腐炸得不夠金黃，芡汁淋上面更加令豆腐唔脆。🥄香椿牛油果菜粒炒飯🍚炒飯口感唔夠粒粒分明，偏濕，味道唔夠豐富。中途出現漏單，引致黃金豆腐同炒飯草草上碟，慶幸玄米茶嘅香氣及川味嘅餸菜加了唔少分。

今日初八，同10幾個屋企人去呢度食。上網寫有停車場優惠，點知冇，泊三個鐘要$96，真係吹脹。 呢個都算啦，主菜好食，不過好辣，講左少辣都無用，不食得辣請三思。最衰就係服務差，最後上糖水唔肯換碗，又唔俾我哋攞隔離吉枱啲碗，放桶水喺枱叫我地沖沖隻碗食糖水，真係what the fxxx😡 最後啲waiter仲坐晒喺度唔做野，笑死，寧願坐喺度都唔攞碗黎食糖水，啲餐具全部都有辣油 lol個藍莓芝士蛋糕不得了，從來未食過咁L難食嘅芝士蛋糕，一句講晒：唔食一生後悔，食左包你後悔一生頂你個肺真係無下次🖕🏼搞到啲屋企人幾唔好意思

必吃素食四川菜、全港唯一一間超美味四川素食、我有空都會帶家人朋友去吃、貴賓卡有八五折、飯後必點做甜品、健康少甜、低糖又美味😍有素蛋撻、忌廉蛋糕🎂還有甜品師每日製作不同的特色甜品！午餐套餐好抵食！