影片
以上資料只供參考, 請與餐廳確認詳情
對上個週末經開呢間小店，甘啱未夠鐘搭車，見到個招牌就口痕，事關我實在太鍾意食墨丸啦！正所謂「漢皇重墨思靚丸，尋找經年求品質」。點左一碗淨墨丸，對主角滿意——感覺真係食緊墨丸，唔係粉丸，仔細品嚐，好彈牙，用料足，感覺啖啖都有墨魚，細嚼慢咽，到有淡淡的墨丸香味，似乎有馬蹄，但唔係好明顯嗰種爽口。味道唔太鹹，又唔似落好多味精，起碼返到屋企唔口渴。配菜有幾條芽菜，一匙羹蔥粒，五粒丸，買單43蚊，主觀講句係太貴。以前食過（黃金時期的）翠華、文輝、離島勿丸，依家日日食緊香港仔魚蛋王師傅打嘅墨丸，品質都好好，但係價錢就平過呢間一截。可能係因為灣仔鋪租實在太貴？
繼續閱讀
昨天食完碗豬肉丸米，之後肚瀉2日每日幾次⋯柯到個人都乾初初 以為係我自己問題啦，點知朋友問番食完有冇野？佢食完果晚都有肚瀉，仲尖寒尖凍佢食的是紫菜+雲吞麵呢間野真係唔敢再食
繼續閱讀
好懷念這種港式麵店，早幾個星期去開灣仔想搵嘢食經過入咗去叫了碗魚旦河，點知飲第一啖湯就一試難忘😍上星期仲帶埋仔仔去一個小朋友食咗一大碗淨紫菜魚片同魚蛋，我碗魚旦河D河粉超滑嘟嘟加埋紫菜同埋自製辣椒油👍男人如果食麵怕唔夠飽仲可以叫碟牛筋腩飯，牛筋腩飯下面仲有好多芥蘭同埋仲有一碗上湯所以一定夠飽😌仔仔食完念念不忘話要再返去食過😋yummy yummy in our tummy而且地方環境都好乾淨整潔，職員服務態度很好,定必會再次幫襯
繼續閱讀
經過灣仔見到個好醒神嘅紅色招牌，旁邊重要寫住汕頭手搥墨魚丸，決定入去試一試。入到去當然要叫招牌墨魚丸，貪心少少加埋牛丸，最後叫咗墨丸牛丸米再加碟油菜啱啱好。墨魚丸果然係手搥真功，促料而且墨魚味濃厚，久違嘅墨魚丸味實在難得。希望店主能一直保持這個水準。牛丸有咬口肉汁香，也屬不錯的選擇。油菜選了個芥蘭全走，清甜冇渣，軟硬適中只是少份量少了些。哎呀~居然忘記了加紫菜！下次來一定要加紫菜。
繼續閱讀
🇭🇰文洪記·呢間係係再興對面既 個日見到佢招牌寫住手打墨魚丸好似好正咁 就去左試😎·紫菜四寶河$48佢個湯底幾好食 嘅真係似啲潮州蠔仔粥咁樣 加埋魚露都幾唔錯😚佢啲豬肉丸 魚蛋 同墨魚丸 全部都唔錯 佢仲有一寶係達豪魚冊 呢個我都係第一次見 佢其實就係一個豬肉餡之後攞一啲魚蛋條包住佢 我覺得呢個特別就特別 但係冇話好好食😂🙊但係佢個麵煮到好淋 係淋到胡左咁 食落真係好麻麻🤭·手打墨魚丸撈麵$48我覺得呢一個質感就好好多啦 至少佢係有啲口感先😂之後佢個墨魚丸係真係超有墨魚味 而且口感唔錯 不過我自己覺得佢係有啲多墨魚味度有少少腥 不過都ok既😏·郊外油菜$18呢個就經典啦 佢係連埋個生菜芯 仲要啲污糟野佢都唔切走 成件事勁唔開胃🤢·#rbyeat#rby港式#rby灣仔·📍灣仔駱克道272號地舖
繼續閱讀