文記車仔麵 (福榮街)

營業中

休息中

文記車仔麵一放工來買都已經好多人排隊買,排左15mins就已經有得買好lucky次次都中意食佢既小花菇因為真係好入味同埋好似食極都仲有, 食到尾都仲會食到幾粒>v<好濃蠔油味好鮮甜的feel! 愛了愛了!仲食左酸齋, 佢比左2大舊, 真係好好味, 個酸度岩岩好, 唔會打冷震又唔會太甜最後仲食左個菠菜餃,好好味菠菜好鮮甜, 好足料好大粒!平時我會加腩汁但今天唔記得左講只加左辣汁同埋菜po!!! 好好味~仲叫左個瑞士汁雞翼勁入味, 同埋好中意佢d汁好濃同埋杰食一口, 點一口d汁, 好正<3

〔 自選車仔麵 〕 .銀針粉/通菜/雞中翼/自家製韭菜餃, 銀針粉唔係出邊到都有佢哋嘅銀針粉容易入口, 通菜的菜不會太老, 雞中翼醃製得好入味, 最出色就係佢哋嘅自家製韭菜餃, 皮薄多餡, 餡入邊已經好入味, 韭菜餃真係值得一試👍🏻.(好味指數: 9.5/10)

每次食文記都一定會嗌豬油渣，真係無得頂🙊🙊份量好足，豬油渣唔會浸到冧晒。湯底一如既往好正，蘿蔔都好入味😋😋本來想試吓佢嘅白菜餃，但今日無哂😭😭😭下次再試😋😋

文記越開越多，但條隊依然咁長，不過因為疫症人流少咗唔駛等好耐就有得食，喺總店嗌完餸，職員再分流幫你拎碗麵去有位嘅分店。除咗落秘製辣汁，仲有好多其他配料可以落，推介要唧幾下麻油，湯底甜甜辣辣之外會更香口，重口味愛好者最愛。😋餸都係一如既往嘅水準(不過價錢就越加越貴，三個餸加嘢飲都五六十蚊🥲)，玻璃魷魚爽口，蘿蔔清甜冇渣，自家製韭菜餃餡料足。唔知文記個湯底落咗啲咩，次次食完之後成個身同頭髮都係文記浸味。😂

今日早左收工 喺深水埗等緊朋友期間見到呢間文記車仔麵 ✌🏻✌🏻✌🏻✌🏻其實呢間車仔麵我次次經過都見到佢大排長龍佢係兩間店舖拼埋一齊佢哋嘅座位都算多㗎啦但係永遠你都會見到人排隊咁由於我都有時間所以就排隊啦我諗大概等咗20分鐘左右就有位佢哋嘅車仔麵嘅餸有好多選擇❤️❤️❤️我就揀咗佢哋嘅招牌魷魚 雞翼 同埋酸齋係我嘅角度車仔麵係一定要落辣㗎😋😋😋唔落一啲都唔好食😋😋 今次我就揀咗中辣同埋面底我揀咗米粉 果然第一啖食落去已經辣得好過癮😋😋😋真係好好好好好好食❤️❤️❤️就算排咁耐隊都係值得㗎食完啱啱好就去搵朋友👍🏻👍🏻👍🏻

香港好食車仔麵買少見少，大多數不敵租金加幅，令出品大幅下降。路過深水埗，有朋友向我推介文記車仔麵是滄海遺珠，值得一試。去到呢條街，見到人龍已經知道邊間係車仔麵。但係其他店舖係未有人龍，但係我估計呢四間間都係同一間店，所以隨意撞入咗其中一間。餐牌都幾多選擇，我老友話揀十大推介嗰啲包冇死。店舖提供多款醬料比客人加料，有好多我食都未食過，當然碗麵夠味就唔洗加了。牛腩湯底好重味，唔似平時坊間店舖淡而無味、只得色澤。魚片頭彈牙、有口感！牛腩切得好完整，好入味，份量都幾多。魷魚鬚係原條上，唔會令客人咀嚼麻煩。價錢都幾公道，接近$50，係差杯嘢飲姐。

儘管成條福榮街已經有好多間文記車仔麵🤣但想尼食碗麵點都要排少少隊嘅😂✨瑞士雞中翼✨ $14勁入味‼️甜甜地幾好食😋✨玻璃辣魷魚✨ 🦑 $14真係幾辣😌但幾惹味✨上湯花膠✨ $13無野好挑剔😂呢個價錢食到仲要唔細塊✨蠔皇小花菇✨ $13 🍄一粒真係5毫子咁大粒🤣但好入味又係甜甜地咁✨清甜蘿蔔✨ $10呢個fail😩勁硬未煮透有渣無乜味 因為好生😟😟😟✨✨✨✨✨✨✨✨✨✨✨今次湯底叫左腩汁加沙嗲汁🌶唔知點解都係好辣🤣🤣辣到嘴唇都痺😂😂general個湯係有d鹹😰剩係食到辣味🌶🌶唔係好食到有沙嗲味🙈

定期都會返黎幫襯😋食過好多間車仔麵，始終都係文記最好食！今次都係叫咗兩個麵：雞翼、酸齋、陳皮魚蛋、魚角、油麵（腩汁小辣）全部都好好食，油麵夠彈口，湯汁香甜，辣醬惹味。豬手、豬皮、豬紅、蘿蔔、米線 （清湯）豬手有少少毛，其他都好入味，蘿蔔夠清甜冇渣，豬皮夠淋，豬紅冇押味，就算只係清湯都好正。港九新界食過好多間車仔麵，都係呢間最好食，非常推介！ 味道：5/5服務：3/5環境：4/5CP: 5/5回頭：一定會😋

今日下午經過深水埗，突然想食車仔麵。結果，我誤打誤撞入咗去文記食車仔麵。初時諗住只係一間普通嘅車仔麵，但冇諗到係咁好食，怪唔之得咁多人排隊。雖然價錢係稍為貴左少少，但計埋食物質素真係值回票價。我叫份油麵，配上玻璃魷魚，瑞士汁雞翼尖，蘿蔔，牛腩。再加左秘製辣汁，真係好正！魷魚個汁好好味。瑞士汁雞翼尖亦好入味，唔似出面咁，得個表皮有味。蘿蔔好林好甜，好少見車仔麵做到咁嘅質素。牛腩係一般香港人喜歡冇咁肥嘅牛腩，當然冇得同粉面牛腩檔去比，但都唔錯啦。加埋杯凍檸茶，中和一下，啱晒！

// ☺️本人剛開始戒紅肉，自稱「鍋邊海鮮素食者」，即不吃海鮮以外的肉類，同鍋/碟內有肉暫時還是都OK，請多多指教//第一次來☺️期待～亦沒有失望點了🟡河粉：超喜歡，煙韌😻，很難得～🟡招牌九菜餃，🤦🏾‍♀️忘了餃子通常有豬肉，不過我還是吃了，不能浪費，好吃～🟡螺肉：姐姐沒有說辣的，好辣喔🙊幸好湯很甜🟡酸齋：好吃！！酸酸甜甜，不知道是不是自己做的？🟡菜心湯底很甜，是我喜歡的口味，其實是忍不住多叫了配菜，有點太飽😆整碗有驚喜到了～$51🥰👍🏽PS. 衛生2是給外面後巷的專用洗手間🤷🏽‍♀️正常的髒，沒辦法就是髒。

難得休假中，為咗避免長長嘅人龍，專程唔食早餐、11點多就嚟到深水埗嘅文記車仔麵。想不到11:30到達已經開始有一條小人龍出現，果然係名不虛傳嘅車仔名店，我立即上前排隊。不知是否疫情緣故，無論外賣定堂食，都要按照指示排隊落單，安排尚算順利，大約等咗10分鐘就可以落單。我點左舖頭必食嘅其中一樣-自製韭菜餃，仲有豬紅同生根😍薯粉都只係需要加多$11，比點米線嘅貴$1。姐姐好有禮貌咁幫我落單同安排座位，當我答要少少辣嘅時候，佢亦都好窩心咁問我辣醬嘅份量是否適中🙂店內嘅冷氣亦都充足，包保點大辣嘅你都不會覺得熱烘烘，車仔麵點可以唔搭配一杯凍奶茶😋好滿足嘅午餐，下次黎要再點過其他餸，或者也可以試一試綠色嘅係西洋菜餃吧🥰

文記車仔麵於深水埗一個街口竟然有四間分店。已久仰大名了，但每次光臨都被長長人龍所嚇退。今次選了返工日子午飯之前的非繁忙時段，終於能一償所願。這就是菜牌，有列名招牌菜。點三數樣菜，再選個麵，就是一頓午餐，方便快捷。選好菜選好麵，再付款後，就可以入座。今次選了的三種菜都是招牌菜，再配一個油麵。先從油麵說起，入口相當之煙韌，有麵香，是水準之作。瑞士雞翼惹味香甜，不會太鹹，沒有雪味，當然走地雞的鮮味就欠奉了。手打魚肉比別家的要密度高，十分之煙韌，魚肉味也足夠。蘿蔔是最令我讚歎的，極之清甜，沒有一點渣，十分之醒神醒胃。最差算是個湯了，不值一提。但放在碗裏的四種不同的東西都確實是水準之作，令食客感受到店鋪的用心經營，也難怪一條街可以開四間，長年累月都座無虛席。

見咁多人排隊又咁多人講，今日見仲早就黎食下先，排左2個人就有得入叫左碗麵，等左7-8分鐘就到左料係幾多既，幾抵食既，但係味道好一般，唔係唔好食，係唔覺得值得排隊食試過一次就算，有其他好食過佢，元朗好出名個間好食過佢多多聲btw 香港人真係好鐘意排隊，真係唔覺呢間有咩特別

✨呢間深水埗好出名既車仔麵店［文記車仔麵］，次次經過都好多人，條人龍係門口真係見到都嚇親，所以我咁耐都無食過，因為真心唔想為咗車仔麵排咁耐隊😂，早前可能疫情關係而且又有落雨所以人龍短咗，係！祇係短咗無寫錯！唔係無人龍！😂⋯⋯所以我襯條人龍短短地就去試吓食‼️.💬車仔麵✏️✅瑞士雞中翼，好味，甜甜哋脹卜卜，唔錯！✅上湯花膠，我本身對花膠麻麻地，不過佢地塊花膠好大塊，我唔識分花膠質素好壞，但係塊花膠吸晒啲湯汁，的確好味唔差！❎上湯柚皮，我第一次食上湯柚皮，但係覺得唔好食，又或者唔啱我食🙈，味道偏苦有渣😖。🆚玻璃辣魷魚，玻璃魷魚夠爽，但係味道一般，唔係我食過最好既🤷🏼‍♀️。..

呢間車仔麵應該香港人無咩幾個唔知，次次去都要排長龍，價錢都唔便，但次次喃唔到吃咩都會吃呢間，唔使喃，又係熟悉的味道，我覺得佢個特色係有好多醬料好多配料，佢嘅辣蘿蔔係我最愛，仲要加少少醋，深水埗係我比較鍾意去食野嘅一條街