斯慕奇 (已結業)

之前已經係東門食過一次覺得好好食🤓係旺角開左咁耐今次終於再食啦😛！其實成間淨係賣一樣野食仲要生存係旺角都幾難生存呢😂係呢條人來人往既街上都有唔少人排緊隊都等左5-6個先到我！但非常快既買同賣 每個客人好似一分鐘都唔洗就已經處理完啦😂😂.當日已經見到有新口味「抹茶」但我念念不忘最後都係叫左👉🏻法國臻品奶脆店員一早已經預先造好大量的脆條!買的時候會以一個紙套包着給你！付款後10秒到手🤩成個味道既精粹,應該係在於奶脆內的鮮奶油,當你咬下裡面的鮮奶油就會立即源源不絕地湧出!像吉士般甜甜的!外表脆口!又甜又脆👻好吃呢👍🏻下次想試試抹茶或榴蓮喔

經過旺角，見到新開左間「Smuki 斯慕奇」好多人排隊，有外國人影埋相，睇落應該幾好食，身為食妹既我緊係要排埋一份-有好多唔同味選擇，諗左一陣，最後叫左條原味試下（$20），好食既下次試埋其他味道，比完錢即刻有，完全唔洗等，佢外面脆卜卜，內裏係軟綿綿既cream，同平時既泡芙好似，我諗直頭係一樣，係形狀唔同，長條型吃起來更方便，唔會搞到成嘴都係，佢甜度剛剛好，好好食，$20蚊條黎講都幾低食，經過可以買條黎試下。

旺角出名多小食個個都知～但有幾多人知有間Smuki係條小巷呢？我都係行過見有人排隊加上有餅香味～又見D員工不停打粉烘餅～咁應該幾好味～所以想試下叫咗原味法國臻味奶脆一條試試先～排隊落單、等攞都係用咗5分鐘到～不過要企係條街食比較狼狽一攞到手嗅到好香餅味當然即刻食翻啖先～一咬D餅就開始碎～碎晒落個紙袋裡面～餅略黑應該焗耐咗焗過頭有濃味～食落中間似vanila味雪糕～冇咩特別～2樣加一齊唔算新產品囉～雪糕味仲要蓋唔住D濃味

12月31日new year's eve, 行下街試新野，呢間買 churro. 東歐街頭小食，日本人會裡面加料。在HK是新野，要試下。大部份味道已售罄，下午2點只剩原味和香蕉味，仲要吾系即叫即做，做定放系到，你要比錢就拎得。話曬系假期，點解咁？無人龍，比$拎上手，只是微暖，欠缺了嗅覺的剌激享受，香蕉醬馬馬虎虎過得去啦，churro皮炸得乾脆香口，若果熱辣辣上手，夾住香蕉醬的香味會更perfect. 敗筆在欠缺溫度！排我後面個導遊，竟然話用內地電子錢包，只售$1，HK人就要比+$20，歧視！！！

近排同朋友仔行開旺角，見到間新開食泡芙的餐廳。身為忌廉泡芙迷的我，當然唔執書食埋一份啦！呢個名為「法國臻品奶脆」，除左有原味外，更有其他味道選擇，適合大家不同的口味。係廚窗見到的都係即日新鮮焗起的泡芙。當日都有幾個人係到排隊，不過職員都好快手。我同朋友都係叫左原味，泡芙的口感同佢的名一樣係脆身的。Cream的味道好重雲尼拿籽的味道，而唔係化學雲尼拿，兩者夾埋就變成又香又脆了！係市面食過一D唔夠香的泡芙，呢個斯慕奇又香又脆，會encore的。

對不起，我完全低估了她的美味！一開始路過想然後想吃是因爲她的名氣，吃後才發現這個法國臻品奶脆真的比想像中美味得多。這天來到只有三款奶脆供應，分別是原味、士多啤梨味和榴槤味。作為榴槤控，我當然選擇$22的榴槤味奶脆啦！奶脆外層香脆得像菠蘿包/曲奇，滿佈牛油香！而杏仁片更為香脆的外層增添口感。當然，最邪惡的是榴槤內餡，那些榴槤內餡不用我咬也澎湃地傾出來。最新奇的是，我一口氣吃完一整條奶脆後，仍不覺很飽滯!下次路過真的要再嘗嘗士多啤梨味奶脆😋😋😋

終於有一次經過這家smuki泡芙店是沒有太多人在排隊，可以直接去買來吃了～這店賣的是長條型泡芙，上面的脆脆塊有點像菠蘿麵包的脆皮，還沾著一點點杏仁顆粒，咬下去有多重的口感。這個泡芙裏面包著的忌廉，奶香的味道比beard papa稍微重一點，但沒papa的那麼濃厚的口感，吃下去有點冰冰凍凍的，很像溶化與凝結之間的冰淇淋～以20港幣來算...算不錯，是可以再去吃的～

在染布房街吃過晚餐後，散步回到西洋菜南街，為的就是向男朋友嚷要吃泡芙甜品Smuki是新駐場旺角的法式甜品外賣小店，只賣一樣食品。門面擺放著新鮮焗製的泡芙棒，選了榴槤口味。摸上手微暖，一咬下去榴槤吉士應聲而出，與香脆餅皮一冷一熱，冰火相融的攻佔你的味蕾雖然榴槤味道不太天然，但勝在不會太膩，甜度和份量剛好餅皮也做得出色，做菠蘿包般酥脆，又有咸蛋黃般的咸香味，令人想吃完一條又一條下次經過必定會再試其他口味

旺角咁多好野食真係好難一次過掃曬,呢次終於比我買到佢~其實佢無人排隊,不過次次經過我都已經食飽了=-=anyway呢度只係買一款食物,所以都唔使點諗(口味除外)畀錢後佢會立刻打D cream入去奶脆度,1-2分鐘食物就會到你手上~成支野都係cream其實都真係幾邪惡下,不過佢吉士比較水D,所以唔會超甜,令我有驚喜gei反而係外面個奶脆.你見到佢D紋理咁深,因為佢真係脆成咁,好似咬緊曲奇餅,但佢仲保留到麵包的軟糯,如果齋食會好乾,但宜家有cream加持就潤好多,起碼食完唔會口乾嘛~~

行過聞到陣香味濃到咁忍唔住買左一個黎試🤤-原本諗住try下佢隻綠茶抬頭一睇：咩都暫停供供應嘅ching😅得返原味同草莓比我揀🙄-草莓味（HKD22）嗚嗚 入面d cuatard出乎意料地「水」一食已經滴到我成身都係🌚點解明明唔係熱嘅custard都可以水到咁🌚唯一解釋係佢真係未夠班🤷🏻‍♀️雖然聞落好香 但係個皮都唔係特別脆嘅唔係特別好食-

當天跟朋友已經食飽飯,但正當想番屋企之際~我自己被一陣陣香味所吸引住朋友就講,不如行下睇下啦一行就見到"SMUKI"其實之前都聽聞過,不過無特別去搵黎食有點比較可惜既地方係只有原味,榴槤,士多啤梨,其他SOLD OUT好想試其他味,加上自己係一個抹茶控~榴槤(左),原味(右)唔洗點就有得食~個口慼係脆身,有DD似剛出爐既菠蘿包好好味!原味入面係吉士CREAM,唔算好甜,凍凍地味道算MATCH榴槤味好重,我朋友勁中意佢病都要食~希望下次ENCORE食下其他口味~

朋友之前介紹過我黎呢間野，話佢既奶脆好好味。我隔左成個月，今日終於出黎旺角試下。佢地d 脆棒係一早整好，到有客order，佢地先會加d 醬入去個棒入面既。我估咁樣脆棒就唔會變"林"左。今日唔算多人排隊，我排個時，前面有4-5人左右，但唔洗排好耐，幾分鐘就到我地。我朋友就嗌左榴槤脆棒(期間限定)，而我因為唔食榴槤既，就嗌左士多啤梨脆棒外脆內軟既流心士多啤梨奶醬，好好味，唔會太甜，又唔會食到口乾，因為平時食完d 炸野同脆既野，都會好口渴，呢個完全唔會囉。下次再黎旺角，一定再試下其他味。

以前係台灣食過，外層暖暖地脆卜卜，入面係涼浸浸好好味既cream。平時經過旺角都好想食，今次終於有機會試啦。呢排就有好多味揀啦，記得有榴連，芒果，士多啤梨等，呢啲味都比原味貴兩蚊。我就揀左最穩陣既原味。其實本身係好大期望既，不過食落去都幾失望啦。雖然啲cream 依然係濃厚好味，不過外面層包就一啲都唔脆，應該就擺左好耐啦。呢個係香港就試一次就算啦，因為啲cream 真係好食😋 或者等佢新鮮岀爐再狗衝囉🤔

近日人氣爆升嘅呢一間鋪頭，有好多社交網站都有好多好評！可能吹捧得太犀利，就滿心期待好好味啦，仲有見到門口排晒長龍！我同朋友就一人買一隻味，原味同埋草莓味，分別就係＄20同埋＄23。自己本身都好鍾意食泡芙嘅，外面嗰層杏仁脆脆我覺得係夠脆又夠熱既，但係我覺得入邊嘅吉士反而唔夠凍可能真係期望太高！不過佢將泡芙變成條形係幾特別嘅，如果可以改善到吉士嘅溫度嘅話，我一定會經常性幫襯！同埋都想有多啲唔同嘅味道可以俾我哋選擇！

今日經過旺角西洋菜街。行到去美珍香果到，見到好多人排隊。oh! 原來d人排隊買泡芙脆棒。等我都唔執輸，排隊買番條黎食先。上次試過原味既泡芙脆棒，所以今次就决定試其他味道啦。點知發覺綠茶同朱古力味既cream已經買哂，好失望唯有試下佢新出既芒果味cream啦。比左錢好快就食物到啦。服務態度幾好。個脆棒拎上手暖暖地，唔錯。第一啖咬落去，已經覺得正呀暖暖地既外層再加埋凍凍地既cream,果種冰火交融既口感真係好正果芒果味cream食落去一d都唔會覺得太甜。芒果好香，但係味道偏淡。食唔出濃郁既芒果味道。不過總括黎講係唔錯，幾好食。不過要23蚊一條仲要兩三啖就已經食哂，好似唔太抵食