影片
港鐵筲箕灣站 A2 出口, 步行約7分鐘
繼續閱讀
電話號碼
91298128
付款方式
以上資料只供參考, 請與餐廳確認詳情
價廉物美既外賣小店，係筲箕灣多年，出面已經好難$50買到即炒粉麵，凍飲仲要唔使加錢。唔想等既可以預先打電話落單，十分鐘後可以拎得。只收現金及支付寶。星期日休息。💜椒鹽豬扒飯 $50 （⭐️⭐️⭐️⭐️⭐️/5）蒜香味濃郁，有鑊氣。豬扒份量多，足足有六塊咁多，豬扒香口，撈埋椒鹽蒜蓉汁，飯都可以食多幾碗。💜乾炒牛河 $50 （⭐️⭐️⭐️⭐️/5）牛河都炒得有鑊氣，河粉根根分明，牛肉肉質彈牙新鮮，份量十足，女仔會食唔晒。如果牛肉再多啲就更加好。🍴整體評價：✅平靚正✅支持小店✅適合無飯夫婦👩❤️👨💰人均消費大約$50
繼續閱讀
近日疫情關係，因為是在職人士，晚餐多數買外賣的，家居附近沒有什麼心水推介，吃得多開始乏味...偶然，發現有一間mini的外賣店，店舖面前只有一個小counter，落order的，望見後面是小廚房，火光紅紅，鑊氣十足似的...店外常有人龍等候，在好奇心驅使下.即刻試吓...點叫 炒貴刁，加辣....河粉炒得剛剛好，恰到好處，不太亁，沒有硬蹦蹦，沒有黐埋一舊，每條都係咁入味。加上蛋絲，叉燒粒，火腿絲，香腸粒..更有葱花，賞心悅目，辣味也不算霸道，好好味😋$48本來，想點小菜 - 涼瓜班腩，但老闆娘提議，茄子班腩，會比較野味....嘩，茄子班腩....鑊氣十足，班腩新鮮味美，炸將不厚，茄子不油淋淋，微辣，很野味！色，香，味俱全，簡直係大師級數，比美著名的酒樓水準！$55👍👍👍附上的例湯，粉葛赤小豆豬骨湯，唔咸，無味精，正！真係一個好發現，又抵食，又味美，必常幫襯！
繼續閱讀
係 facebook介紹過好多次，都未有機會試。今日唔想煮，阿女話不如試下哩間，就買咗兩個小菜，屋企煮啲飯。我哋叫咗兩個餸，每碟四十八蚊。椒鹽豬扒，份量夠， 略為鹹咗少少，太多蒜蓉。下次輕手啲就好喇。茄子斑腩，味道好，份量夠。阿女去到買嗰陣時候，前面已經有四五個喺度等緊，電話都不停接，即叫即煮，大約等15分鐘就有，好快。小店老闆好好人，叫佢行陣，十五分鐘後就有得攞。希望這家小店繼續keep住，而家香港小店越來越少，用心做嘅小店因為租金嘅壓力而關門。用心做嘅小店，我哋支持你
繼續閱讀
前身是筲箕灣南安街的新中源茶餐廳，因為地產霸權影響，大加特加租而在今年初倒閉（執粒），我們一家人是常客，其奶茶，小食及即炒粉麵飯真好食不錯，當然其價錢合理，是不二之選，通常星期六，日都會吃早餐及午餐！有多種套餐款式選擇！任君品嚐，又大碟夾底食，兩夫妻都很和善暢談，是一間乾淨衛生的街坊茶餐廳！感覺非常可惜 !今夏季發覺兩夫妻再在筲箕灣道重開一間小型外賣粉麵飯，小菜及小食店，我們義不容辭即時幫襯及支持小店！誠希此店: 新中源繼續發揮夫妻齊心，其味好食，又經濟，又方便，是我們為食一族之福，惠民為食！
繼續閱讀