新哥厨房

營業中

休息中

第一次幫襯， 外賣两個小菜， 落單（包括飲品）叫乜冇乜之餘， 不停推其他菜式，結果中哂伏。 唔會再有下次！超難食！！！！火腩龍躉頭腩煲， 話啲龍躉好新鮮， 結果成盒大部分係好乾硬嘅燒肉， 魚少到慘不忍睹， 又唔係佢講到咁新鮮，成盒嘢得個鹹字！堅嬲鹹蛋蒸手剁肉餅，諗住自稱手剁都唔太差， 點知口感十足十機絞肉碎撈埋剁唔爛嘅筋肉，直頭想掉哂落垃圾桶！唔識煮請不要靠害！大家請小心！不要中伏！

班「靚」請食飯預祝父親節，當然又去新 Canteen《新哥廚房》啦，總動員更要包場食私房菜 ! 😂 除了餐牌的招牌菜外，加碼燉湯及海鮮點少得! 今次大家想飲杏汁白肺湯，海鮮就係元貝及龍蝦 !  😂👍😋  龍蝦用花雕酒蒸後切片凍食，有新意又特別，龍蝦頭腳一隻椒鹽堂食，一隻打包俾我回家二次創作! 😂😂😂  今次又有雪媚娘做甜品，有榴槤及芒果味，超滿足呀！🙊🤩😋 新哥又特別預備了木瓜雪梨雪耳糖水給我們，超滋潤呀！🙏🤩😋 還有，新哥斬左隻客家咸雞俾我地試食，嘩 ... 好正👍👍👍，採用走地雞，肉質煙韌嫩滑，連胸肉都很滑呀 ! 😋😋😋 一定要Encore！😍😋😂

一班老友見我在《新哥廚房》的美食，要求帶他們前往品嚐! 就趁老友生日，前往慶祝吧! 新哥特別預備了四小碟頭盤，在食大餐前叫醒味蕾，份外醒神。招牌菜（雞煲及客家酸菜魚）當然要試，雞煲十分野味，酸菜魚大大塊魚片嫩滑，部分老友認為酸菜若酸多少少會更好，我就較喜歡酸酸辣辣，恰到好處。冰梅欖角骨一樣無失分，豬扒骨炸得酥脆，冰梅欖角醬酸甜適中，大家一口又一口食。清炒白菜仔及紅燒野菌豆腐清清地，使味蕾休息一會。生日飯當然要有麵及壽桃包，豉油皇炒麵很爽口，不一會已照鏡。特別要求的壽桃包大大個，原粒咸蛋黃流晒油，蓮蓉不太甜，經理說專誠在大酒家為我們訂製。特別要求菜色一定不少得。燉湯要杏汁白肺湯，材料火候十足，杏仁香膿撲鼻，每盅兩大塊豬肺又稔又滑，大家讚口不絕! 我們更要求代買海鮮加工，壽星女喜食乾煎蝦，便豉油王煎中蝦，一放上枱，鑊氣仍撲鼻，蝦肉爽口彈牙，配上豉油，鮮味提升，連殼都脆呀! 另一清蒸長腳蟹，四斤半，大大隻，實肉鮮甜，人人舉起大拇指稱讚，例行公事，未食先影相，紅紅的長腳蟹一點兒怕羞也沒有。今次又有雪媚娘甜品，有芒果、金奇異果及榴槤三款味，超正! 街坊小菜加燉湯海鮮，免收加一，真的節省不少! 老

曾任《寶湖集團》主廚新哥和梁經理自立門户，開設《新哥廚房》。趁著疫情緩和並有晚市，特別帶媽咪和家人前往品嚐新哥的美食! 餐牌食物街坊價，招牌菜當然要試新哥招牌雞煲，原味及麻辣一齊試，雞煲十分野味，嗜辣的我當然喜歡麻辣味，部分家人則喜歡原味，各有千秋。另一道客家酸菜魚，魚片大大塊又嫩又滑，酸菜不太咸不太酸，辣味就住我們口味，恰到好處。梅菜扣肉炆得夠火候，冰梅欖角骨的豬扒骨炸得酥脆，加入冰梅欖角醬，酸甜度適中，送飯至正。甜酸辣後，試一口紅燒野菌豆腐，令味蕾回復平靜，籠仔金蒜蝦球蒸飯的蝦球爽口，配合蒜蓉蒸飯，開胃之選。《新哥廚房》雖是茶餐廳格局，但有新哥坐陣，我們特別要求他專誠做久違了的燉湯及炆鵝掌。川芎白芷天麻大魚頭湯用料十足，香膿美味，未開蓋已香味撲鼻，鵝掌炆得稔滑，媽咪大讚「就是這味道啦」! 我們更要求代買海鮮加工，白灼蝦可嚐到蝦的鮮味，新鮮海蝦蝦肉很爽口，大大隻肥美元貝煎後加上豉油，令元貝鮮味更提升。雖然小店經營，卻可品嚐到大酒樓美食，並有求必應，免收加一，節省不少! 更出乎意外是，梁太特別做了一份神秘的甜品給媽咪品嚐! 嘩嘩嘩，不得了，是大白雪媚娘! 這份甜品真係超特別，相信無餐廳