新哥食館

營業中

休息中

冬大過年，知道新哥食館重新開業，即刻訂檯同屋企人嚟食冬至飯，晚市例必爆場記得早啲訂位。今日提前同老闆講定食海鮮，因為屋企人鍾意食脆米泡飯，就請老闆特別準備個龍蝦肉脆米泡飯，湯底用老雞熬製，加上龍蝦拆肉，啖啖鮮味。老闆都話打算寫上菜單。除咗龍蝦，我地仲叫左蟶子，蟶子隻隻手掌咁大，蒜蓉粉絲蒸又得，豉汁炒又得，每隻都鮮甜美味。另外仲有蒜蓉蒸開邊蝦，同埋椒鹽鮮魷。嚟到新哥一定要食金牌咕嚕肉，佢個脆漿真係整得非常出色，個汁啲調味又剛剛好，必食推介因為做節，特登介叫左隻新鮮炸子雞，啲皮脆卜卜但啲雞仲係好juicy唔會乾甜品當然要食綠豆爽清心丸，因為冬至所以加左湯丸，食到每個人都捧住個肚走

今晚一行四人黎到食左一個羊腩煲（$388連菜一份及大青島一支）、炸大腸（$108）、豬手（$148）食物品質其實不錯，唯獨是埋單時呀姐拎張手寫單黎上面寫住一項+$20 並沒標明係咩，追問之下呀姐先答係醬料費，我地因為都唔想問更多就俾左佢算但我聽到後面員工食飯枱廚師都問點解會收左$20醬料費，大家心知啦，無寫要收醬料費又收咗，可能以後依d都會變成常規喇，分分鐘開你$200醬料費你都唔知羊腩煲唯一缺點是比較少肉，骨比較大舊，導致我有一舊羊肉因為痴住舊骨太大、太重，夾唔起跌翻落枱唔食得，再望下對筷子原來本身都彎彎地😅多枝竹、有冬菇、馬蹄、荀，味道都幾好食物做得幾好都好 誠信出問題令客人感覺唔良好 再好食都無用

終於都等到新哥（前名係安哥食館)開番,老闆老闆娘超強人氣日日滿座，最好預先訂位剛剛好朋友生日約定book位去食，依家搬去荔枝角道位置方便好多，預先叫老闆娘訂定幫買海鮮。超新鮮食我至愛嘅龍蝦🦞煎米粉底😋😋超正嘅咕嚕肉🐖好有鑊氣嘅芥蘭炒臘味，粟米龍躉班🐟球