新天中藥茶館

營業中

休息中

首先員工態度極差，極冇禮貌，兩位員工日日黑口黑面，好似勁唔想做，想間野執笠咁。如果佢哋唔係老闆，請左佢地真係比佢2個害死。其次係食物，試過食雞肉燒賣入面有骨，好嘔心。一係就比錯，買雞肉比魚肉，又試過收錯錢，同佢地反映返，仲勁冇禮貌串返你，一句唔好意思都冇。呢間野到底想點？俾咗好多次機會，因為附近早上冇小食店，但真係頂唔順，決定不會再光顧！食物質素-魚肉燒賣好難食雞肉燒賣貴少少，味道OK，但入面有骨好嘔心，仲成日比錯魚肉

今日去開北角便特登早一個站落車去試試這間鯊魚燒賣， $13有7粒加豉油麻油辣油，辣度剛剛好。其實我都唔知鯊魚肉係乜嘢味，但係食落十分彈牙，一啲都唔粉有魚味。但我覺得有啲人會嫌佢有小小腥味，我個人便覺得冇問題，我唔係嗰啲食雞要走皮，食羊要唔羶，食牛要似豬的人。

見員工處理食物時唔帶口罩，善意提醒帶好口罩，反而比人鬧。燒賣係好食，但唔會再幫襯囉，衛生常識好差，食到一肚氣😤😤😤btw可能食佢d中藥唔會中covid-19啦😛

👍🏻鯊魚燒賣 $10/7粒燒賣質地超煙韌彈牙🤩唔清楚係咪真係有鯊魚肉成份但食落有魚味又唔腥，幾香😛落左甜豉油、麻油同辣椒油但辣油普普通通，唔辣又唔夠香麻油加返少少分，但燒賣都係同豉油辣油夾啲睇黎呢間賣點係燒賣本身而唔係醬汁🤣味道：8/10性價比：8/10-📍#新天中藥茶館北角屈臣道2號海景大廈A座地下舖

無意中喺香港燒賣關注群組見到佢哋介紹呢間燒賣🥸 雖然自己都會喺附近一帶搵食，但係竟然走漏眼呢一間☹️點都估唔到原來佢係間中藥診所！除咗有中醫睇之外仲有各種唔同嘅涼茶🥰但我今日嘅目的就淨係燒賣！！燒賣同魚蛋可以雙拼😍 買咗之後就急急腳行去附近冇咩人嘅地方食燒賣層皮好薄，咬落去煙韌有彈性，豉油有少少甜，可以帶出燒賣魚肉嘅味道而唔係只係覺得自己咬緊一團麵粉👍🏻魚蛋亦都好大啦有魚味🐟食完之後唔理三七廿一就即刻買返一大袋返去同屋企人分享😋😋收銀姐姐仲好貼心咁問我要唔要冷凍袋💪🏻

無幾耐之前見到香港燒賣關注組推薦呢間嘅燒賣👀 其實呢間我已經幫襯過好幾次，我之前係飲佢哋嘅涼茶，飲完真係有改善！ 反而燒賣就真係無買過，我一直覺得中藥舖嘅燒賣應該普普通通，所以就無試🤭 既然香港燒賣關注都推介就一於試吓😸❤️ 燒賣 $10要叫我評價燒賣就一定無香港燒賣關注組咁專業😏分量嚟講相當抵食，一兜有7粒！燒賣皮好薄，魚肉呈半透明，口感煙韌有彈性，鯊魚味相當突出🐟 配埋佢哋嘅有渣辣椒油真係食到停唔到口，想再買多兜。好食度：⭐️⭐️⭐️⭐️ (4/5)餐廳推薦度：⭐️⭐️⭐️⭐️✨ (4.5/5)必試！最近都好少見有地方賣鯊魚肉燒賣，終於喺呢度食返隻味！香港燒賣關注組好推介🥳

其實我已經買過N次，熟客仔嚟。平時一熱氣、背脊生粒粒嗰時都會日日買支涼茶飲。今次轉飲呢款潤野，好鍾意佢有張紙印上功效。味道唔會苦，微甜，飲之前最好搖均，因為渣會沈底。呢支$28，一支要分2次飲，都抵丫。

三月上旬‧陰天奔波的幾天，喉嚨涸涸的，作感冒。路經此地，喝一杯感冒茶也好。暖暖的，入口時苦，喝下去甘。中藥就是這樣的，不知有沒有實效，感覺是對就行了。這裡還可以選「送口」的物品，要了九製陳皮，幫到手。喝完藥才看到原來這杯藥不宜空肚跟的，真的頭暈暈，藥力不輕。

川貝梨乾茶 ($13): Suppose to be more of a general drink for soothing your lungs, throat, and keeping you lubricated from within, even great for improving your skin. Wow this tasted really concentrated! The main attraction of their 2 shops, is the Chinese Medicine Practitioner who carries a proper training certificate in this field. Less chances of BS, compared to literally every other shop. They also sell Chinese Medicine at the back.

其實這家涼茶館已開了起碼數年, 只是我一直沒有理會而已。最近因為要做點 (自認) 清熱去濕的工夫, 而且附近的上班族也是人手一杯地飲, 才引起了我的興趣。這裡是鰂魚涌店的姊妹店 (http://www.openrice.com/restaurant/sr2.htm?shopid=25944), 所以出品也是差不多, 但感覺上這兒的款式較多, 而且明碼實價標明價錢, 既有堂飲 (店內是中醫醫館來的) 也有外賣, 。喝過幾款值得推介的:1. 半枝蓮 - 仍穩佔此店人氣榜第一位, 味甜, 有排毒功效。2. 葛菜水 - 聲稱無加糖, 實際上也比好些葛菜水名店的清淡, 多喝也不怕。3. 川貝梨乾茶 - 最容易認的了, 是有點混濁的黃色, 味道像雪梨湯; 其實裡面還有川貝桔梗南北杏百合等滋潤材料, 養顏之至也, 所以很受 OL 歡迎。因此, 這一帶除了果汁之外, 又有一個健康飲品的好去處。