新威餐廳

營業中

休息中

好想推介呢間茶餐廳嘅「肉絲炒麵」，真係唔係好多地方食到呢個質素，莫講話茶餐廳，連大型嘅酒樓都好少見到👍🏻👍🏻麵底炸得好好，脆卜卜，好香口好惹味😋肉絲連個芡汁煮得恰當，唔會「一pat pat」，加少少醋點嚟食，特別香口！呢到真係一間小小地區小店，仲要係一個好偏僻嘅地區😜，見到店主用心經營，一家人親力親為，能夠捱過COVID 3年，已經戥佢開心，希望今次捱得過「北上消費」嘅浪潮，唔好放棄💪🏻！

值得支持的小店，一間小小地居茶餐廳，能夠做出咁嘅食物質素，真的值得鼓掌👏🏻犬其欣賞佢嘅晚飯「蒸魚套餐」，通常有3款魚可以選擇，包括盲曹、䱽魚、黃立䱽。只係$98，整條魚上碟，包白飯一碗。晚市仲有免費糖水，有時係白果腐竹、紅豆沙、咋喳，番薯糖水，不過就數量有限，送完即止。

食物好味，有住家飯的感覺！餐廳的侍應好有人情味，早餐日日都去，晚飯就間中去！太陽蛋水平好高，我最鍾意食太陽蛋! 菜單式好多款經常都有新鮮嘅感覺！是推薦比街坊，少去柴灣的朋友！

上個月嚟過這間餐廳食早餐，印象最深刻的係早餐都有一定水準，於是今晚特意再去康翠台再試一下晚餐了。夜市不算太多客人，睇完餐牌後，便點了鮮茄豬扒燴意粉及凍奶茶。坐了一會凍奶茶首先到了。凍奶茶夠凍，味道唔錯。等多不夠十分鐘，主菜鮮茄豬扒燴意粉便到了。新鮮熱辣辣的即炸豬扒夠脆口，鮮茄汁夠酸甜，意粉口感亦不過不失，整體這味菜式都令人滿意。價錢方面亦只是很大衆化。如果下次再去一定要再試一下其他菜式，這餐廳是值得再去幾次👍

晚餐叫咗佢個招牌鹽焗雞(HKD 60)，拎到返屋企，隻雞連¼都冇。味道夠，但係份量真係完全唔夠。得過一隻雞比，搭兩舊皮，完。個發泡膠盒都已經夠細，隻雞連半盒都唔夠，非常失望。

食物非常一般，菜單款式過得去，餐廳也算燈火通明。可是表現不乎合我朋友的評價。糖醋骨、咖哩雞都係普通茶餐廳水準。揚州炒飯令人失望！不夠乾身之餘，食材味道遠不及其他茶餐廳，又冇鑊氣，最差的是某員工（看來似老板，坐在收銀處）態度非常惡劣，傲慢非常！居然挑釁顧客！其他員工有部份好，有部份也一般而言，很像不愁沒生意。價錢都算可以，但來過一次以後不會再來！這個是不令人愉悅的經驗。柴灣食肆多得很，奉勸柴灣街坊用其他餐廳！

呢間餐廳係我同我朋友第二次黎食，咁事關今晚我就叫左個奇香雞煲，我朋友叫左個咖哩雞，咁我落完單之後問左佢地既職員個雞煲辣唔辣，佢答我唔辣，咁我都放心啲，點知黎到既時候個雞煲係辣嘅，咁我問返個餐廳職員，佢話個雞煲係辣嘅，咁冇辦法喇，唯有硬食，食到一半個時我真係頂唔順於是叫個職員收左佢，佢都知我食唔到既時候，窩心既時候黎喇，老闆見我食剩好多，就問我要唔要幫我整過另一隻雞煲丫？可能係佢個同事唔清楚，咁窩心既老闆真係好小有，仲要唔收我錢換過個雞煲比我，咁既服務咁既價錢抵比喇，誠意推薦呢間餐廳，啲野係幾好食既，咖哩雞又唔辣👍

呢幾日過嚟柴灣做嘢，行過見到間茶餐廳食過3點3下午茶先 一入到黎見到個下午茶餐牌價錢都幾實惠，仲有我最愛嘅炸雞髀沙律即刻叫咗個炸雞髀沙律嚟食，果然一食就食得出係生炸雞比，皮脆肉嫩！估唔到咁有驚喜喎最衰個肚皮食唔落咁多野，唔係可以一次過叫埋其他炸嘢黎食😋

係唔多人既情況下叫西多士，差不多等左20分鐘先到，同時聽到隔離枱都話等雞肶等左好耐西多由三塊細薄既方包整成，炸得有點燶，最慘係裡面每層既花生醬勁少，基本上係無咩名，又乾又無味既情況下，食左一半已經唔想再食落去至於杯奶茶，叫左少奶，理論上茶味應該濃啲，點知淡而無味，咁即係個茶胆唔夠味，連杯奶茶都係飲唔夠半杯已唔想再飲對面搭枱既人叫碟楊州炒飯，目測似煮熟既白飯事旦撈少少肉碎菜粒侍應們目無表情😐服務態度一般，無乜事都唔想再幫襯P.S. 同店的面包🥯部係ok 的

我在這餐廳吃左好多年，食物很好味，早餐多款可揀配搭。午餐又经濟，仲有下午茶餐，炸雞脾及炸雞翼沙律頂瓜瓜。尤其是晚餐吃的蒸魚最好吃，魚不但新鮮，蒸魚火喉夠，我介紹朋友來也都大贊，最後有糖水送也吃到霖霖脷，抵贊。

這天去了這間好耐冇食嘅茶餐廳, 今日去食佢哋嘅早餐,佢哋嘅早餐有唔同嘅配搭 ,尤其是如果男士們唔夠飽,可以逐樣東西加上去,例如可以加餐包.雞蛋.奄列. 麥皮......... 如果今日叫這個早餐另外加咗個奄列 賣相都唔錯 ，係杯奶茶爭啲麻麻地唔係太好味不過佢哋 早餐超早5分鐘cut單，冇情講 遲咗一分鐘都唔會幫你落單

其實野食ok啦，咪茶餐廳囉，但啲人真係好衰，我住响嗰頭，冇乜選擇，但都吾想去。冇去一排，耐吾耐去下，都係咁衰。啱啱我都未叫野食，而經走左出黎，情願行去地鐵站食。 叫個茶餐，差三分鐘就到2:30，連餐牌都吾肯比！

今日去完東區醫院就諗住去搵下食,但係又唔想食醫院飯所以我落咗去下面 一個屋苑裏面嘅茶餐廳, 叫咗個乾燒伊麵去醫肚。點知見到個麵,我都嚇一嚇 仲白過我塊面啲面色完全冇炒過嘅痕跡算啦...當個廚唔記得落色去炒，既然叫咗都要啪咗佢 一啪落口度 個麵直接喺個口裏面溶化咗咬都唔使咬絕對勁過A5和牛.....好！一個冇牙都食到嘅麵！最後我只能夠食到三分一就認輸。當然心有不甘,所以我就叫多咗個椒鹽雞翼.好彩冇令我失望，最少啲雞皮係脆有肉汁 平衡返我嘅心情 。

頭先九點同老婆去左康翠台嘅新威茶記食晚餐落單後等左好耐先有晚餐送黎食左一半就開始熄電視同熄冷氣跟隹我地講話要收工佢地態度勁差，一啲歉意都冇野都未食完趕人走！一定左下次，以後都唔會黎

我一向對呢間餐廳都無乜感覺，今日坐低,茶都無杯都算...叫咗個早餐,見到卡位無人,問可唔可以轉枱,個店員x就話唔得,仲要蔑視人咁,將留坐個牌放喺個止卡位張枱上面! 勁忿怒,於是我同屋企人說唔食,個店員X仲要講句唔做我哋生意! 真係忍唔住要將佢嘅劣行share!