新寶粥麵茶餐廳 (已結業)

因為中午食唔飽，就去了附近的茶餐廳叫了個美式熱狗餐。整個餐有沙律，有熱狗，還有一杯凍飲。熱狗的麵包有烤焗過， 麵包脆脆的。熱狗內的腸是脆皮腸，還挺好吃。熱狗的芥茉醬樣子不太好看，但味道還算不錯。沙律就比較普通，太多沙律醬，很油膩。

有點事一早跑了入元朗，就連早餐也未吃，在附近見餐廳都算乾淨，算了，不想再花時間找了。之前未來過，還是大路一點安全，沙爹牛肉麵的牛肉醃得未算過火，但肉質太鬆，而公仔麵又是通病，淥得未透，吃起來有點硬心。火腿略為煎過，而雞蛋煎得支離破碎無心機，再加一杯檸茶，很大路，但無要求就無失望。

剛好出元朗，晚上經過巴士站附近準備晚餐~見新寶幾多人~入去試下!剛好星期日食飯時間全滿坐，但等左1分鐘左右就有位。晚餐選擇尚算多，鹽焗雞超好食勁入味。自己點左牛排，好大份幾低食。另一個忘記左叫咩煲...都勁好食!大家可以參考下圖中右上角~下次出元朗必吃，真係又低食又夠飽。開飯之選!!

呢間老字號茶餐廳真係由細食到大,今日又同屋企人黎食dinner,叫左個"中式牛柳飯套餐"碟中式牛柳好大碟,起碼有八至十件牛柳,又多洋葱,個汁好好味,酸甜度岩岩好,餐飲見有綠茶利賓納就加四蚊試下,又幾好飲喎!!d綠茶中和返利賓納d甜味,另外個例湯都好飲,唔會好似其他茶餐廳咁多味精.

1:30a.m收工唔想返屋企住,於是無所事事情況之下喺4:00a.m左右終於離開公司,一個人走去24小時營業ge新寶,一入去已經見到正中位坐滿睇球賽ge大叔顧客,自己響夠門口ge卡位坐低睇餐牌,見到一樣叫"公司通粉"ge食物,公司三文治就聽得多,公司通粉都係第一次聽,覺得有新鮮感,但當時自己只係想食麵,問過服務姨姨後,佢幫我轉左成公司公仔麵!!!15分鐘左右,碗麵上枱,隻旦已經吸引到我,我好鍾意食呢d旦黃唔熟ge太陽旦,唔理咩H5N1定係H6N2,第一步就解決左隻旦,好滿足 但接下來就開始失望啦... ... 所謂ge公司公仔麵即係一個普通ge湯公仔麵加上一片火腿、一片午餐肉、3小塊瘦叉、一隻雞中亦及一隻太陽旦,又係睇上黎好多料,實質上就... ... d配唔係少就係細>.< 同埋個麵係唔跟野飲架!所以我飲左d湯,真係鹹到唔知講咩好 而且除左隻旦同隻雞亦,其他野都冇味的,隻雞亦係有味但好似縮左水咁,冇咩肉可言雖然嗰段時間服務員全部都係阿姐,但個個都好有禮貌,可以話感覺都幾舒服,付款嗰陣仲同我講多謝,但無論服務幾好,感覺幾舒服都好,食物唔掂都係要俾喊臉

喜歡在新寶吃中菜、煲仔飯，夠鑊氣和用料足，而且是元朗老字號茶餐廳。今次則食下午茶，分別點的都是燒味，燒味的水準都ok。因為男友是奶茶王，飲過很多間的奶茶還是說這間最出色。我不愛飲奶茶，所以不能給意見。但喜歡奶茶的朋友不妨一試。

星期日同老公食早餐, 它的早餐款式都幾多, 而且價錢亦合理, 凍飲亦不用加錢.老公叫了雞亦公仔面+腸仔煎蛋+多士+凍奶茶($20), 大大份, 味道不錯, 抵食!我叫了奶醬多+凍檸茶($15), 同樣ok.它的早餐及下午茶餐都是好抵食的, 所以時常都好多客.最差就是服務, 雖阿姐夠多, 上菜都夠快, 可惜態度好麻麻,

來新寶食早餐, 便宜, 快捷, 味道OK一個西式早餐, $20, 有煎雙蛋, 腸仔, 煙肉, 餐包同熱飲, 煎蛋有糖心, 餐包夠熱, 但熱阿華田味道好淡, 皮蛋瘦肉粥+ 咸肉$22, 個粥夠綿, 好過好多粥檔但今日唔知點解, 侍應們個個都勁粗口, 每句都一定夾雜有助語詞, 我地坐正係BAR台出食物隔離, 真係受罪所以一食完就立即埋單走人

因要參予復活節晚間彌撒, 所以同老公有機會在此食飯. 他叫了一碟楊洲炒飯+凍檸茶, 我叫了一碗叉燒米+凍檸茶. 他說炒飯都ok, 不過不失, 但我碗叉燒米就好差了, 叉燒好硬, 好似放了很久有點風乾似的, 我向呀姐要求換另一碟, 她很好的幫我換了, 又好可惜, 同樣是又硬又乾的, 無辦法下只食了一半, 餘下的加給老公的楊洲炒飯內. 如有下次, 一定不會叫燒味的!

晚上九時半同丹尼及吉蒂去新寶晚餐叫左二個晚餐有湯有熱飲及白飯紅棗金針雲耳蒸雞$42蒜子火腩大鱔煲(這名比較合適:蒜子火腩鱔糊煲) $44香係幾香!佢地d小菜好夠味! 調味真係好重手!食完~ 我飲左二大杯水才可以行出餐廳, 味精太勁!!!返到屋企渴到要飲多二杯水, 都仲好口渴!

同老公叫了兩份茶餐, 他是豬手河+凍檸茶($26), 豬手夠林夠入味, 好食.我叫了芝士火腿飛碟配沙律+凍檸茶($25), 飛碟熱辣辣好好味, 檸茶亦夠茶味, ok好好食.

每到星期六總是睡得太晚才起床。其實難得假日，能早起去嘆個早餐，真是又寫意又美味呢!　約了老友同龍一起行街前吃早餐，來了平靚正近的新寶。如圖，我的白汁雞絲奄列早餐既營養又美味，還附一件新鮮烘起的油占多，飽肚充實之極。加上茶記的至寶奶茶，這樣的一個早餐真是滿足得緊，才$18!　這樣的早餐供應到十一點半。夠推動大家早睡早起了嗎?

元朗茶記很多，單是在我住的那頭就有廿幾卅間。其中新寶是比較有水準的一間，人氣在一眾茶記中亦是較好的，不知為何OR的評價卻較負面？　近日對茶記好感升溫，拜訪新寶的頻率由每月一次升至一星期兩次，常客之名當之無愧了!　先講飲品，上星期幫襯的兩次，分別品嚐過奶茶及鴛鴦。前者茶與奶味都十分濃郁，凍飲都好夠味，在元朗區算是很不錯了；鴛鴦的水準卻是差好遠，是咖啡味不對。下次要飲靚鴛鴦，還是去永樂。　食物方面，最近貪得意試了牛油多士+雙蛋+飲品的配搭，感覺太多油，麻麻。不好飯米的我，還是最喜歡豬扒包/熱狗/飛碟+沙律/薯條的配搭。雖然每次去都要等，但這也代表食物是新鮮即製，新鮮烘起的飛碟滋味令人難忘，豬扒包也香脆可口，配搭清淡的沙律，輕怡得來又滿足!其他的食物，平、大份且味道不壞，驚喜欠奉卻不會令人失望。　整體來說，新寶食物水準平穩，一定比同一條街的莉莉餐廳好，不過後者就有吸引菠蘿蛋。結論：繼續幫襯茶記!

服務員態度差劣，冇禮貌！！得罪人多，稱呼人少。希望負責人注重員工服務態度，尤其係电話落單，冇禮貌，打电話揾負責人投訴，佢夠胆話呢度個個都係負責人。服務差係致命傷，正所謂：一粒老鼠屎，壞了一煱粥。

其實我每星期最少都去食一次lunch,近來我又見到佢加價,(唔通真係個市好好),我通常會食午餐,特餐..午餐先都係25加到26.....特餐25就加到27....27元食一個特餐,我會覺得貴左d咯! 因我早2年開始會去新寶食lunch,個時一個午餐$22,特餐就21.....2年就加左5-6元,其實加復都幾大..食品都ok....加價後,我諗我2星期先去一次.....