新寶馬餐廳

營業中

休息中

今晚去左寶馬食晚餐,現家竟然多左紅豆冰飲......超正!!!!紅豆冰係夏天既恩物......亦係我至愛而且都好平晚餐加2元....就可以有紅豆冰同凍飲一樣價錢!!!!!而且味道都唔錯!!!!

今天再上高街揾食.吃了蘿送湯,美式雜扒配薯條及餐茶.湯不錯,雜扒有點鹹,薯條好脆及多,奶茶是立頓味.看見其他人吃焗飯好像不錯,下次試.

朋友介紹的, 佢話中學時代成日幫襯食lunch, 就姑且跟佢0黎試試, 順便"懷緬過去" XD呢度係"港式ABC 餐" 格局, 穩陣起見, 叫0左芝士焗肉醬意粉... 好多茄汁, 酸得要命, 食落似茄汁燴肉醬意粉, 不過味道唔錯. 忌廉湯有d 稀, 不過都唔差.朋友個芝士汁雞球飯仲好食, 味道香濃, 雞肉又滑. 有機會再0黎的話, 試0下配意粉都好!埋單$30 一個頭... 好似自中學畢業就無試過咁平食一餐飯! 呢度唔算好值得推介, 不過味道真係會令人諗起中學時代0個間"蘋果餐廳" (佐敦太平館斜對面) d 學生餐, 好有趣XD題外話, 其實0係呢區返學食飯真係幾慘, 時間唔多, 咁多人(大/中/小學生都有!) 同你爭位坐, 連選擇都唔多... "中半山名校" 朋友當呢度係寶, 我就食澳洲牛奶公司/麥文記/彌敦粥麵/Amour/松記糖水etc 大, 其實把口真係幾幸福XD

我經常夜晚來吃, 少少人, 通常是街坊。這裡並不豪華,但d扒同羅宋湯唔錯。曾經在這裡見過Solar兩兄弟!

補課o既lunch break, 同學想食呢度, 就黎左呢度。因為唔係上學日子, 所以人唔多, 起碼冇晒班king's同paul boys。人唔多, 自然坐得唔迫, 平時schoolday lunch time係要搭檯, 都會幾迫下, 尤其是當你見到餐廳坐滿晒牛高馬大o既男生-___-"因此女生們平常都好少黎呢度食lunch。4個人, 點左3個餐, 蒜蓉雞排飯, 芝士雞球飯, 肉醬意粉, 跟餐有一個湯+蒜蓉包同一杯餐飲。因為唔想飲咁多湯, 所以其中一個湯轉埋餐飲, 一紅一白湯。湯一般, 蒜蓉包好腍又凍, 其實冇期望, 所以算。3個餐質素都一般, 雞排都幾大塊, 少汁; 反而芝士雞球飯o既汁就好足夠; 肉醬意粉, 意粉腍, 肉醬冇乜蕃茄味, 青豆亦係冇味o既, 最差就係呢個意粉。餐飲叫左凍鴛鴦, 唔記得嗌少甜, 結果最重o既就係甜味, 其次係奶味, 基本上唔太飲到啡味, 亦係冇期望, 所以算, 唔算大杯, 冰亦唔係話佔成大半杯咁, 求其啦。其實, 知訂o既朋友, 都會識得問有冇薯條送, 今次o既薯條係新鮮炸出黎, 熱辣辣, 成餐最滿意就係佢。呢度食飯最好就係食完之後要行幾段斜路先返到學校

野食唔錯..但係幾迫下..仲幾貴tim又等得耐服務都一般啦有時仲有薯條送tim!

其實附近的餐廳不太多, 如果要係1.5hr 內食完lunch, 這間亦不錯, 不過lunch hour真的很多人...食物都ok...o個次食龍利柳, 都幾正, 而且份量夠...而且服務好好..^^

自己中學時7年都o係附近o既一間男校讀, o個時成日都o黎呢間餐廳食Lunch, 差唔多每星期都o黎至少2次, 記得呢度既羅宋湯好好飲, 餐飲既奶茶同咖啡都好飲, 主菜就一般啦, 最好係呢度學生唔收加一.不過而家上o左大學(雖然都o係附近)之後就好少o黎食lunch啦, 因為行上行落都幾辛苦!