新成業茶餐廳

營業中

休息中

晏晝和同事來一個快午飯，隨便點了一間茶餐廳見有位就閃入去。環境老實講非常擠迫，店內節奏急速，這正正彰顯著香港地嘅拼搏精神。所有嘢都係《快。狠。準》，最大特色係嗰度嘅夥記 非常幽默，風趣生鬼！我地只點了兩個菜式。一碟係最傳統既蕃茄焗豬扒飯，塊扒大得有點過份，如果係牛扒就發達啦講笑。原本冇咩期望，一口gep落勁驚喜，原來除左大記既一哥焗豬飯，係這個世界上其他地方係仲有得㨂既！扒肉夠鬆軟入味，芝士配合鮮茄，加炒蛋飯底，滿足到不能言語。另一碟係羅漢齋炒麵，份量超大兩個女仔都食唔曬，勁驚會好齋，唔係喎，多款新鮮蔬菜配合不太濃味汁料，脆卜卜麵底真係好正。同事叫熱菜蜜，我跟！佢問左條我O左咀既問題，究竟菜蜜係咩黎呢？hmmmm.... 係。。。honey?.... kind of vegetable plus honey?...... 跟住就係變左兩個O咀。。。

叫了印尼炒飯外賣。速度倒還很快，提回家打開，上面鋪了一個溏心蛋，看上去蠻有誠意。於是我有了一些期待，嚐嚐蝦仁，口感還不錯，感覺是新鮮的，味道沒有什麼特別，but anyways so far還沒有什麼值得吐槽的，直到我的筷子向炒飯中的雞肉移去....天吶..一口吃下去一小塊雞肉我立刻吐了出來！從來沒有吃過如此腥的雞肉！就像把賣活雞的鋪頭的氣味製作了一種醬料，然後把雞肉放進去醃，我現在吃的就是那醃好的雞肉。真的很讓人反胃。我放棄了一整份印尼炒飯。傷心極了。

常常覺得如果去茶餐廳就是應該點「常餐」！好吧～但這家的常餐不包括飲品.....熱飲的話也要加 $5不要飲品的常餐A ($34)有牛油多士、火腿奄列！多士驚喜的是還有點脆的~但奄列有點老，而且火腿好少啊QAQ然後我明明下單時說要配沙嗲牛肉.....但給我的卻是叉燒.......因為等了很久，所以也算了～不叫侍應幫我換。叉燒雖然不是蜜味，但也不太差~只是如果可以肥番少少就好了！！湯的話夠味～但有少少油～

成日都會叫呢間嘢外賣，因為嘢食足料，價錢合理叫得最多嘅係金菇肥牛粉絲煲、枝竹牛腩煲、魚香茄子煲同埋西檸煎雞首先講下金菇肥牛粉絲煲，份量足料，肥牛唔太難咬，好入味，但粉絲就少咗D，D汁好味，送飯一流。之後係枝竹牛腩煲，份量一樣足料，但有時D牛楠比較難咬，但每舊牛楠都大大家舊，都係要睇個廚師手勢，枝竹吸D汁好入味，唔錯。魚香茄子煲就一般啦，不過不失，茄子夠大條，個煲都好多汁，又係送飯一流。西檸煎雞，一打開個盒就嗅到好香嘅檸檬味，D雞又夠大件，D汁又唔會太酸，點埋D汁酸酸甜甜咁，正呀！又有埋老火湯，D湯冇乜味精，仲會有幾好料係入面，包埋嘢飲

甜品真係夠水準👍👍每次星期日夜晚必買佢地間甜品，叫左送之後一定叫個糖水食。今次木瓜燉雪耳，比足料，雪耳好多，飲到都好多膠質，真係一流，木瓜都好甜。好鐘意👍佢地仲有蕃薯糖水同腐竹蛋糖水都是本人最愛。

每星期都會叫一次佢地既外賣，因為覺得好食。但今次肉餅有點失水準，好爛同軟，同好薄。肥肉好多，食落好多時都係肥肉😐但例湯都係好入味。肉餅夠味但唔夠扎實，今次太薄了。

我同個朋友(Tom) 去食晚飯，佢叫米線，我叫左個咸魚雞粒豆腐煲。Tom個米線5分鐘就整好，我就等左差唔多半個鐘！個陣得幾檯客，都要我等咁耐！算！心諗，可能慢工出細貨。 唉，點知一上碟，就心知不妙：無落咸魚，失敗，咸魚係呢道菜既靈魂，點可以唔落？d 豆腐好硬，失敗，我都唔知佢買d咩豆腐番黎做生意。成煲野有陣燶味，失敗，我懷疑係佢煮完之前個order後，無擦乾淨隻鍋就煮我個菜。過左一陣另一個朋友benny黎到，但我勸佢番屋企食..無謂跌錢..至於Tom個米線點樣？  hehe

放工後跟朋友們去測魚涌吃飯, 誤打誤撞之下進了這間食肆.外面看起來像是茶餐廳, 但內裏吃的菜式像在菜館吃一好吃. 坐下後, 發意地方意外地整潔. 最初抱著吃茶餐廳的心態進去, 想著地方不會太乾淨. 但想不到坐下去, 桌椅乾淨, Menu 沒有油淋淋, 除了卡位迫了一點, 沒什麼不滿!首先是叫了一個重慶麻辣鷄煲, 夠麻, 又香. 只是因我們坐卡位, 台比較小, 而鷄煲卻很大, 爐也大, 結果很迫, 沒什麼地方放飲品. 但侍應們態度好得不得了, 給我們搬來一另一張台放東西. 其實點東西吃時, 侍應們態度也好到加01, 推介了不少好菜色. 吃的時候, 侍應們也一直有留意我們的情況, 如在正好有需要時過來把煲的火較小一點, 以免燶掉...而且,  看到我們吃得快要辣死, 就主動過來推介飲料, 全部都Good timing.其實到了那個快要辣死的時候, 已沒有想著飲什麼才好或飲什麼比較便宜, 亂點數杯凍飲就是了. 想不到, 侍應還記下我們叫了多少飲品, 到最後付錢時, 看看我們叫了多少個SET, 再計算哪幾杯是跟餐, 哪幾杯是單點, 而非一次過全計單點, 給作為客人的我們省了錢!個人覺得, 只是

星期五晚又是家人外出晚餐的日子,仔仔温習完特別開冑，卒於試試馳名平民飯店。先黎過家庭晚飯主菜例牌:生炒骨果然是高手酸甜味恰到好處，最緊要排骨仍然脆囗……難得再來個西蘭花班片,竟然班片無腥味！跟着最精彩的生炒臘味糯米飯，真是意想不到地干身,粒粒糯米炒到企起身,正正正另外最令一家人驚喜的就是價錢,估唔到小菜$48已是套餐包括飯及熱飲.簡直是超值另外椒鹽豆腐十分香囗，北菰篜雞茶餐廳水準之上。〈生炒糯米飯不是套餐〉下次要試試麻辣雞㷛，好香……！老闆及員工的服務稱得上很好。

Reviewed on 2013年5月1日 鰂魚涌新成業-早餐C丁 彈牙: 8/10 味道: 7/10 基本上算彈牙，但少許硬身。味道不太明顯，很輕易被湯粉的鹹味蓋過。

食物味道一般,只係勝在夠大碟,係體力勞動工人既份量,飲品就有返小小茶餐廳水準,樓面女工都幾有性格,但係我地熟口熟面就有講有笑,見到佢地對某些客都會唔係幾禮貌精選午餐每日五款,有時五款都唔岩胃口,就會叫個鮮茄牛肉飯總括唔好有太大期望,純粹充飢

茶餐廳食得多,估唔到呢昭間咁差,係咁叫你掉位,都算,d位仲有咁逼得咁逼,d員工仲衰,叫你掉位,仲大"sing"又惡,食物無味道,杯野飲d冰多到無咩比你飲,真是太差勁.今日仲見到佢地係門口用粗口駡客,不知所謂,唔俾人企係佢餐廳門口,係咪有d唔合理呢,我以後都唔會再去....*_*"

番銀行的時間, 間中會同一班同事一齊出黎食飯呢到係姐姐介紹比我既, 因為呢到係同事的飯堂通常去到都會有個午餐牌(好似 姚東師傅 的第一張相一般 http://www.openrice.com/restaurant/sr2.htm?shopid=25965 )食過好幾次, 綜合評如下:食物: 一般到唔一般, 肉餅, 炒飯, 扒餐..... 都講唔上好野飲: 凍奶茶少冰.....都仲係有大半杯冰......湯: 呢到叫餐就optional 叫湯既.... 質素係可以的呢到最好既係 service... 可能同事係熟客啦, 去親d 職員都幾好傾既~~~ 唯對於我既唯一selling point環境: 企理既茶記.... so far so good 啦總結: $3x... 跟同事黎ok, 我自己就唔會去喇......

前幾日，我地去咗呢間野度食早餐，佢地D侍應既服務能態度真係令人不敢恭維呀！我地入去一坐低，個侍應就已經企定定係度等我地點餐，但係個時我地未諗好，咪同佢講話，「唔好意思，我地未諗好，遅D先叫呀！」跟住佢就行開咗，去咗一個離我地兩個卡位既地方「等侯」。跟住，D恐怖野就黎喇……佢之後就平均每隔三十秒就黎問我地食咩，前前後後問咗成七、八次，真係……佢唔覺得煩，我地都覺得佢「熱心」過度囉！當時，個間餐廰又唔係多人喎，坐得成個三、四成人，我真係唔知佢係度趕D乜。我地係慢，係我地唔啱，但係諗餐諗五分鐘度唔係好過份啫。過咗十幾分鐘，我地點既沙嗲牛肉麵就黎喇，唉……佢地D服務咁，我地都唔期望佢地D野食會好食得去邊嫁喇，果然，不出我地所料，D野食真係不知所謂，沙嗲牛肉麵既牛肉得個兩舊，但又唔係貴精不貴多o個隻，D牛肉又「鞋」又有「咬口」，咬成幾分鐘都未落隔；個D湯仲有D白色一粒粒既野浮面，個人估計係蛋花碎，賣相極不討好！總之，呢間茶餐廰真係予置評，服務態度唔得，D野食又唔得，我都唔知佢開黎做乜！完完全全係影衰晒我地香港既茶餐廰既質素！

邊個話夏天唔食得煲仔飯? 想食就有!今日成33度,熱呢? 不過入夜落場大雨降降溫心血來潮想食煲仔飯,就去左我其中一間飯堂叫左個窩蛋牛肉煲仔飯隻蛋焗到剛剛好,糖心,好正! 牛肉又香又嫩,食得出冇用醃肉粉加工加埋杯熱奶茶多奶,正!呢度最正幾邊有電視睇,但又唔太嘈,仲可以叫侍應轉台賽馬日吸引不少單身賭客嘆茶刨馬經