新星海鮮酒家 (已結業)

班為食友又要聚會了，大家舉腳讚成打打邊爐，本人因事後到。九點半到時，門口人山人海在等位，全是年青男女，內裡坐無虛席，熱氣騰騰，氣氛非常熱鬧。友人已經吃得七七八八，青菜、豆腐、腐竹都很新鮮和清甜，西洋菜蜜有菜味，但都略太甜。下次會再去試真d。

第一次去試這一間酒樓~~之前佢叫二宜樓就想試一下~~但總是試不到~今次終於去到LA~~聽說和之前二宜樓一樣, 只是改了名~~~因為訂了位所以好快就入到去~~我們叫了點心拼盤(有蝦餃2隻,菜苗餃2隻,潮州粉果2隻,流沙奶皇包2 個<--流沙奶皇包是他們的招牌貨. 好味) 荷葉飯(見到好多人叫, 所以我們都叫了一客, 味道不錯, 特價$48不太貴~~),鬼馬米網腸, 我初時以為是炸兩, 原來腸粉入面真的包了米網, 脆脆地),還點了幾籠點心, 質素都唔錯, 而且個待應好親切又推介你邊樣好食, 又同你講下笑~~我們不是熟客, 在咁忙的午市, 仲可以同客人溝通, 又冇待慢客人, 真是難得~~

早輪做特價既象拔蚌真係好掂，好大條，$138 任揀1條，最後揀左1條長到好似個keyboard 咁長既，切起都有成大盤~~~~~d 蚌白白地黃黃地，片片都好薄，透明得來仲要晶瑩剔透，一睇就覺得好新鮮！仲有日本芥，可以當刺生咁食，佢地用既豉油都係日本豉油，唔似其他咁又係比返生抽老抽你，唔想生食去拖一拖水又食得，如果唔係d 師傅切得夠簿，一定做唔到拖一拖水就食既效果。但不論生食定拖水食，都覺得佢好鮮甜！！！有同事話呢隻係加洲蚌，又有同事話係墨西哥，而我就唔係太識，只係知佢d肉好甜好好味$138 抵到爆，我諗佢成本都超過 $138 勁抵食，不過已經係過去式了~~ lol 因為個推廣已經完左。希望快d 有下一輪。至於呢間野本身係二宜樓，以前放工都會同d 同事食半價宵夜小菜，不過家陣冇左呢d 推廣，換來火鍋店都係好事，見到樓下有一個食評話佢地用舊餐具，我隔左成個幾月至去幫襯，但一d 都唔覺得係舊時二宜樓d 用具......而且服務員仲好整齊好有禮貌，我相信到左冬季，我同d 同事都會成日去新星火鍋。

二宜樓執左變做新星真係可惜，以前熟悉既面孔都已經唔見晒不過新既一批人更有禮貌更專業，感覺佢地好勤力本來諗住去食匯豐火鍋餐，仲諗定6個人晒扮晒野分開2枱，咁可以叫2 set，咁就好著數點知原來灣仔冇呢個優惠~~~~最後6個人坐埋一枱，叫左勁多野食。有同事拎左張送肥牛既單張出來~~~ 即送仲要係勁大碟！！！不過6個大胃王唔夠食~~~ 叫多左2碟另外好好味既有：白螺片：好味，有d 似花姿片味道albert yip ： 好爽口，仲好乾淨芝士丸：芝士好香好滑，而且溶左更加好味班片：d 魚都幾新鮮，起左片之後冇骨，仲正豬手：火鍋食豬手有d 古怪，不過同事冇介紹錯，豬手皮酸酸甜甜，又冇破壞湯底味道。由於冇匯豐優惠，最後只係叫沙嗲湯底，有沙嗲香又唔算太辣。唔錯唔錯臨尾送左一張密邊爐卡，下次食宵夜有4送1。好丫，我個個月尾都要計糧，次次都 ot 到10點。部門同事岩岩好4個..... fit 晒！今晚埋單位位$160，4男2女飽到反肚

二宜樓重新裝修後改名叫新星, 不過當日我地發心紙好似仲係用緊舊個d, 因為上面有二宜樓乜東東, (好似係流沙包)咪以為新酒樓, 我地個日興致勃勃去到發現除左裝修同d人係新之外, d 餐具新舊參半, 有崩晒的又有裂晒的....講番d食物, 點心食物類別雖多但係味道非常一般, 我地先後係我地隻餃里面同我地個焗布丁發現頭髮, 雖則店員跟進事件換過俾我地, 但係以一個first experience 來講真係唔太好印象