新星海鮮酒家 (已結業)

某日我想和家人一起去 食火鍋,我就上網搵資料在openrice網站有好多食評家提議去長沙灣新星海鮮酒家試下,因果度9點後D火鍋$100元任食,在2010/ 1/ 2 號果日我一家三口就去試下,環境仲 ok ,食物和服務態度 no good 我叫15樣野,佢只俾10樣每次都漏單好煩:好果D象拔蚌好難吃,每人消費$120元只此一次!

朋友要儲印仔，2個人都去新星打邊爐，湯底另計，開頭覺得好唔抵，而且朋友叫左個羊腩煲做湯底，開頭覺得會好難食，睇到face 雜誌影，好似拖地水咁，不過果本雜誌講到咁好味，算啦，試下啦.....但原來都成78蚊 .... 但係食落原來真係幾值，先講個羊腩煲，佢d 湯唔會咁杰，令好d 食物同湯底都唔會咁膠身，撈一撈d料，好多好多舊羊肉，而且仲已經炆到好腍，聞到好香既羊腩味，但係因為d 湯脪左，唔會令到 d 火鍋料受到任何影響。叫左既野食都幾多，牛丸、魚蛋果d 唔少得，平時可以買回家中果d 不值一提，我亦食唔出有什麼大分別，不過新星的任食火鍋料其實算很多的。其中有幾款不是什麼地方也是免費：海蝦：而且是生猛的！麻辣丸：其實不是太辣，但很麻！咁都幾好丫，麻一麻個咀有麻痺既感覺。不過朋友說有梘水味，吃了一粒就不再吃了。蟹籽流心丸：爆出來的！很好味。象拔蚌：是任食的！我叫了3次！值回票價。

上幾個星期去尖沙咀果間新星火鍋食，發現有個推廣儲印花，食 $50 儲一個，終於儲齊 35個!!!! 而家到 3月都仲大把時間，可以無限次送湯底好正，今晚一於要用用佢啦!同屋企人 4 個去長沙灣呢間新星火鍋食，環境都幾靚呀， 坐卡位好舒服!侍應介紹我地食澳洲肥牛，話 $128 有半斤，不過我都係麻麻鍾意食，半斤好似好多咁，所以都係唔要，揀左另一個 $88 有肥牛又有魚頭，上檯發現份量都唔少喎~ 仲有叫左蝦、手打丸，都好新鮮! 水餃、雲吞就麻麻好食，D 餡好似係一樣既，味道普通，唔係滾好耐但爛晒炸腐皮好好味，滾 2 滾就得!! 不過覺得好多油，有 D 罪惡感~~ 哈哈!!埋單唔駛 $400，抵!!

個市好既時候，就成日聽人講話要食魚翅撈飯，今晚竟然有另一矜貴選擇 – 鮑魚撈飯。$38鮑魚撈飯，份量不算好多，但足夠一個人食。賣相好靚，鮑魚size都合理，燜得好腍好入味。間酒樓仲配埋刀叉，雖然未至於要用刀叉切嚟食，但配刀叉，又加強左那份矜貴的感覺。除左鮑魚出色，個炒飯底都唔差，很香，撈有蛋絲，真的不錯。另叫左個有營菜式，唔記得左個名，但有蒸水蛋做底，面上有3塊葉及幾舊肉，賣相都幾靚，成幅畫咁。味道ok，清清淡淡，感覺好健康。上湯菠菜，ok!杞子雞湯，幾滋潤，好味，但略為油左d。BB乳鴿，正!!!又入味，又香脆。很不錯的一餐!!!

男朋友在荔枝角返工，不時到新星一齊飲茶。 蜜糖芋頭：不用多說，已經是我的最最愛，芋頭炸得好脆，配蜜糖簡直絕配，不過要趁熱食，不然蜜糖會變硬 流沙包，今次不夠流，失望!! 有款記不起是什麼餃，都幾好味的，皮好簿，入面有蝦的 椰皇西米布甸：明明已經飽死，但見阿姐手捧問我要不要，心郁郁，好想食甜品，未想好，朋友已經點了。真的好好味，有少少焦，好惹味，不過始終都是甜品，好漏，都幾甜，2個人share會好d整體來說，都是最愛蜜糖芋頭和椰皇西米布甸。

打邊爐都算ok, 用料都算新鮮, 大部份都係$28, 部份就會係 $38, $48等等...以$28一碟計, 份量都算多因為當晚有10個人 (7大3細), 都算叫咗好多野食, 有少少comment...1) 豬骨湯底... 無咩味2) 沙嗲湯底... ok3) 肥牛... 一般, 有筋(我地無食本地肥牛.... 唔知質素係點.)4. 炸腐皮卷... 好失望, 一d 都唔脆, 放入湯2秒鐘再食已經好林...5. 炸魚皮-- 好咸驚喜 - 包心芝士丸, 好好味, 食的時候要小心, 因為入面的芝士溶晒, 咬開會流出黎, 會燙口- 壽桃, 幾好味...服務 -- 唔好.我地食到咁上下的時候叫伙計換過一水壺茶, 點知應咗之後又行咗去, 隔咗一陣我地再叫過另外一個伙計先得.到埋單的時候, 因為我地有10個人, 包括1個手抱bb, 個伙計居然話計10個茶錢!!!!!! 手抱bb 都計... 不如去搶...

近日發現最愛的芋頭，已經係時候喇!!! 所以外出食飯時，都會點選有芋頭的菜式!!!今日去了新星飲茶，見到有芋頭點心，一定要叫番個食先對得住自己!!!!! 芝麻芋頭條﹕外面有一層糖漿，外脆內粉(因為d芋頭真係好粉)，好香好正好好味呀!!! 救命!!! 真係好開心。 豉油皇煎腸粉﹕唔得，好碎，好似跌左落地再上碟咁.... 流沙包﹕好味，果然係招牌，每次都要食!!! 蒜容蒸鮮魷﹕不錯，份量都唔少，又入味。鳳爪﹕夠腍，入味，可以唔使咁鹹就更好。抵食又好味!!!

為了流沙包，我和朋友再去了新星飲茶~~~~叫左勁多野，都只係每人60蚊左右勁抵杞子燒賣：可能連埋 d 杞子一起蒸，有杞子既香味，但唔會感到是藥味，第一次食呢隻點心，唔知係咪間唔中至有????馬拉榚： 之前在其他新星都食過，依舊保持「軟力」非常鬆軟，好正宗既馬拉榚。南乳雞翼：本來係唔諗住叫的，因唔想食煎炸野，但係隔離叫左一碟.....好香....搞到我忍唔住口叫左！哈哈哈~~~ 不過真係好正，d 南乳味吊得出d 雞翼味，而且味道非常咁平均。玉子豆腐蟹子燒賣：佢只係個樣似燒賣，其實我唔係太知係咪燒賣，不過可以講既係果粒玉子豆腐加埋蟲草花蒸出來係冇諗過咁得意，非常岩口味，加上舊肉子豆腐既表皮爆過，又再蒸返軟，特別有口感。不過同佢地既流沙包一樣，小心睇熱.......叉燒腸粉 足料，不過我只喜歡吃偏肥既叉，佢地d 叉燒偏瘦。不過有d 燒得脆口既都好味，所以都ok 的。金錢肚 唔硬，又唔痴牙，呢2個原素都非常緊要！！！牛肉球 我朋友傻傻地，成日話自己口大，要玩一啖食晒個牛肉球，於是有真人表演睇........ 終於咁大個牛肉球佢好辛苦咁放左入口，我諗新星d 牛肉太大個啦......

AUG 18,2009 (TUE) LUNCH 套餐 $93 （一碟炒粉、麵或飯、一碟菜、3碟點心）炸菜火鴨絲炆米炸菜少到差D搵唔到，仲好淡，火鴨絲就好多，整碟都好淡口，淡到無人吼，剩餘半碟有多！馬拉炒什菜幾有鹹香味，菜還鮮嫩！蝦餃 ~ 皮透薄，一眼見到內裡蝦好大隻且滿是蝦，一口放入口好滿足！腐皮卷 ~ 皮脆還是熱，餡料味道剛好，唔會太鹹！蝦腸 ~ 略嫌皮太濕，嗯！都唔算厚，還算OK！仍可隱約見到蝦仁！另加 ：叉燒餐包 ~ 好軟好香甜甜哋，滿是叉燒係家姐嘅最愛！炸魷魚鬚 ~ 好似好幼身，應該話係魷魚BB鬚，但還是很鬆脆，加上喼汁更好味！咸水角 ~ 細細個，熱辣辣，餡料少咗D，不過熱食都好好味！

約了朋友聚會，因為很熱氣，本來諗住打邊爐，改為晚飯小菜。今晚有幾個餸特別出色﹕(1)堂煎蜆肉蛋餅﹕堂煎的感覺好得意，好似食片皮鴨咁，專人响枱側邊煎，很尊貴! 都只係$48，超抵!!!(2)芝蔴雞($88)﹕d皮很香很脆，但d肉就好滑，咬落去個口感好得。(3)椰皇燉蛋白($22)﹕一上碟，已經好開心，因為好靚，個賣相好好。食入口，即刻溶化，好滑好滑，又唔會太甜，真係好正。環境較一般，燈光好暗...是晚位位$70，勁抵!!!

平時去D任食火鍋，一係去德興，一係去D街坊酒樓，新星成為近期新竇，其實佢全晚都有火鍋食，但9:00pm後先有任飲任食火鍋！晏D都無所謂，因為當中有老友做記者，所以會晏到，任飲任食就啱晒啦，烚吓烚吓食住等，唔使人齊先開飯，況且我哋幾個麻甩佬個個餓鬼咁，大吃大喝，任飲任食就較有預算（係部份特別嘅配料如花膠仔、帶子片至另外收錢）！新星上菜好搞嘢，通常第一輪所點嘅火鍋料佢都會執到好靚咁一大碟上枱，不過多數唔齊，但其後漏單情況都好少，而之後再點嘅火鍋料就要小心喇，因為佢哋會轉咗一份份配料咁哩，好容易點多咗。雖然話任飲任食，但千祈唔好點突食唔晒，做人要有衣食，唔好浪費咁無陰公！講到火鍋配料，個人心水有蔥香黃酒雞件、鮮滑雞件、蟹粉包心丸、黑椒牛根丸、新鮮大魚雲、小欖鯪魚滑、順德魚腐、手打肉丸、新鮮滑牛、菜肉灌湯餃、南瓜片，唔少得嘅臨尾整個出前一丁埋齋啦！黃酒雞件醃得有酒香就基本啦，烚完食落好嫩滑就足證係鮮雞，無雪味，唔使靠大量酒味癖咗朕雪味；鮮滑雞件就仲簡單，無整色整水，主要食鮮雞味，好唔好一食就知；蟹粉包心丸，當然唔好幻想裡面好多蟹粉啦，包心丸爽彈，加上少少蟹粉包心，都幾滋味；黑椒牛根丸，幾時都係

公司lunch 去了長沙灣這間新星，向來聽說新星的燒腩仔是不錯的，特價11元我當然不會錯過。果然名不虛傳。 外層的皮很脆很脆腩肉亦非常瘦而且不是一件兩件燒腩仔還記得快餐店的叉燒米線......一大碗湯 + 4至5件叉燒都要15元了現在11元真的非常抵食另外有一味菜叫蜜桃薯角，非常特別，配合埋蜜桃的酸甜味，非常開胃。我一定會再去幫襯燒腩仔

聽日考試啦今晚又要俾人逼左去食飯又悶又無聊去到之後就是但叫左d野食(都唔知叫左d咩.....)一黎就黎左條魚,點知係東升班(我唔多識分= =都唔有咩分別.......)雖然唔係有咩分別,但係食落又好似有d唔同好似幾好食咁..之後就黎左d咩牛仔粒呀,蝦味骨呀,豆腐呀,炸饅頭呀個d啦.....一開始冇咩心情咁,因為冇得溫書聽日死梗但係d野都幾好食so d心情好番dd人服務態度都ok~起碼都有d計傾下,有2嘴都好個d人木獨到死4條友都係百幾蚊(一個人),都ok啦

12.7同男友去完逼電腦節, 個肚已經好餓了….一早打算9:00 後去打邊爐, 天氣太凍了一直有黎開這一間, 材料新鮮, 款式選擇多, 而且任飲任食。便宜,抵食9:10 去到…好多人拿了號碼籌等叫位9:40 終於有得入去食啦見到有卡位, 問可不可以選擇坐卡位, 爽快答應。坐下後, 侍應隨即擺好碗筷, 並奉上花生(要收錢的)。點了沙嗲清湯底。沙嗲很濃郁, 入面混合了花生醬, 十分惹味。前後加了2 次水, 沙嗲湯底依然充滿沙嗲味, 不會被溝到淡而無味。由於點了太多野, 只好重點描述。蟹子丸: 黎這裡打邊爐都係為了這個丸, 不是每一個任飲任食火鍋有這個丸。玉米:很甜, 很後悔只叫了一次。豆苗:最喜歡吃豆苗, 而且沒有爛葉。牛肉:男友表示有牛味。是夜食得很滿足呢。

難得飲茶，去了這間至愛之一，最愛係佢點心多款式，可以有得揀!!!叫了招牌燒腩仔米線，d湯好濃好入味，燒腩仔又脆又嫰，入口即溶，好幸褔!!! 今日的蒜蓉鮮魷最出色，味道剛剛好，充滿蒜蓉香味及魷魚的鮮味!!! 一流!!!另外叫了臘腸巻，臘腸超肥，太有罪惡感，結果淨係食左半條腸。心滿意足!!!