新東記潮洲粉麵專家

營業中

休息中

自從覺得這間新東記是元朗最有潮州風味的粉麵店之後，光顧次數比以前較多，所以今日我們行街前先入去店裏食碗湯粉麵。我們點了牛腩麵、雲吞麵、油菜和炸魚皮，食物很快送到，味道不及以前，牛腩有太多肥膏，好韌，外表大粒的雲吞餡料沒有味道，而湯底不像原先的鮮甜，食品質素差了，相信沒有下次。

我絕對係潮州粉面頭號Fans 每次肚餓都即刻諗起熱騰騰牛腩粗！呢間潮州粉面老字號，行過元朗都會黎食一碗。果然好味，牛腩半肥瘦、湯底好鮮甜，仲好多香菜鋪面，靈魂辣油亦非常對胃口，又香又野味。之前試過魚蛋河，都好鮮甜好食，一定要試下!

新東記可以係話中學時嘅回憶。以前初中好鍾意同兩個好朋友黎食午餐，特別冬天嘅時候，食碗熱辣嘅麵感覺好溫暖。今日經過忍唔住入去食番碗$30 一碗粉麵，其實我已經忘記以前幾多錢，不過應該加左唔少。雖然價錢唔係特別平，但店入面都有唔少捧場客。我差唔多每次食都係點魚皮餃，魚皮餃係小店自製，所以係出面食唔到呢隻味，比出面買的大粒，皮厚但多汁（我就係喜歡個皮）。個湯我就叫左加腩汁，不過我飲落去唔係好夠濃，加兩滴辣椒醬好香，不過怕太辣唔敢落太多

覺得這間是全元朗最有潮州風味的粉麵店，今天晚上行完街回來經過看到的，所以入去一嚐。這間是自設工房，用魚類製作食品，信心保證。餐牌上的圖片都很吸引，單拼或雙拼，由於我們吃了晚餐，都不是太肚餓，所以只叫了牛腩麵，湯底鮮甜美味，牛腩肉質鬆軟爽口，很入味，湯加入菜脯莞茜，提升魚香鮮味，十分好味！

白魚蛋造一粒靚魚蛋，完全取決於魚漿。魚漿常見於不同比例既 門鱔、九棍、䱛仔「魚蛋三寶」。門鱔有韌性、九棍有魚味、䱛仔則有彈性. 如何掉冰遣浆, 係老師父畢生追尋既工藝！有基本概念喇~又去呢度新東記潮洲粉麵專家食白魚蛋我選呢度！道理好簡單, 睇睇桌面酱油架：有香濃辣椒油、有♡♡魚露♡♡. 你懂的！魚蛋魚片中, 常見有不規則氣孔, 係製作過程中, 撻魚浆必然会留下既印記.呢一碗魚蛋河：魚蛋味濃, 鲜香, 粉嫩, 在嘴中, 绝吾会死實實, 沉甸甸......劏魚起骨拆肉製魚蛋, 就一定有魚骨下欄, 用黎淆湯就最好不過. 魚湯保証有沉稳既底味, 配合豬骨淆煮, 已經濃鮮香甜......座响收銀前面一号桌, 一碗粉15分鐘時間, 己有幾位熟客, 迎接今晚降寒, 來購買魚蛋生料, 準備火煱配料, 圍爐取暖你呢, 食白魚蛋又常会去边度？

今日去咗元朗魚蛋麵。其實平時都係食河粉，今日就即管試下面底。其實呢一間嘅魚蛋唔係第一次食，因為我覺得佢嘅魚蛋同出面食嘅魚蛋有好大嘅分別。先講講佢嘅魚蛋，因為佢唔係太注重爽口，我覺得咁佢最係想做比較真實嘅質感。其實同樣都係爽口彈牙，但係唔會有太過分嘅感覺。而且見到魚蛋入邊一啲好細嘅洞洞，應該係手打出嚟嘅時候有空氣入咗去。而面底方面，係用生面，並唔係車仔麵嘅蛋麵，所以已更勝一籌，但係面質地有少少硬，煮面時打得不夠鬆。湯底有煮麵水既味，應該加左牛肉汁，所以除左煮麵水味偏重外，係好好味既

此店歷史有10年左右.店內還有已故評馬人的相..但服務只是不過不失.環境也迫迫的魚旦米.可樂27元..魚旦米:魚旦不腥.有淡淡魚味,湯底也是味精湯.飲完十分口渴.此品質的魚旦米.周街都有...

今日係教會接完女朋友之後就同佢去左食呢間好出名ge麵檔~嘩~~~好多人呀~~各位大大, 預左會同人搭枱先好黎食呀~1. 牛腩牛肚麵 $23(女朋友食)湯味好濃, D麵都無咩''簡''水味, 唔錯牛腩好正, 好''琳'', 少肥''高'', 但係牛肚就唔夠''琳''2. 牛腩魚皮餃河 $23(我)食得出D河粉係普通貨仔, 但係D魚皮餃就係精心之作~D魚皮好滑, 咬落好正^~^哈哈~好開心,但係得2粒, 太少了~3. 通菜加腩汁 $7小弟覺得大家可以唔使加油菜, 真係唔抵食~~女朋友係潮州人, 佢係呢間餐廳度食到佢家鄉的感覺, 見到佢開心, 我都好開心希望呢間餐廳可以keep住家鄉的感覺啦~

前日路過見到 "新東記"...即刻諗返起上次同男友仔響荃灣食過既美味魚旦 所以一於殺入去食返碗麵先... 坐底左就先落單...同男友仔點左少少野試... 牛丸米 魚旦雲吞河 炸魚皮 豆漿上枱啦!! 牛丸米, 牛丸可以, 米粉一般, 湯底.....淡到呢 魚旦雲吞河, 魚旦有魚味可惜...太淋, 雲吞好一般, 河粉.....好碎, 湯底唔使再提 炸魚皮, 買相唔錯, 食落脆口, 可惜....竟然有一大條未炸透, 咬都咬唔到 豆漿, 一般貨仔啦點解, 質數可以差咁遠!?仲話元朗呢間係總店, 但係竟然荃灣既分店會好食咁多!?真係, 不可思議!!!!!

呢排公司成日OT, 返到元朗都已經係九點後的事了, 太夜都唔想食得太飽, 於是近兩個星期來了三次新東記三次都係食 淨四寶 + 菜淨四寶, $22, 每次入面的配搭都是不同的, 視乎個廚師想點玩魚蛋, 魚片, 牛太, 豬丸一定有有次有魚皮餃, 有次有墨丸, 仲有一次係扎肉添真係估佢唔到魚蛋和魚皮好味, 豬牛墨丸普通料魚皮餃唔錯, 但比起以前縮了水扎肉反而有驚喜通菜湯上, $7相對起其他粉麵店來講, 呢度油菜的份量算係多了但湯底有味精都幾重, 食完一定口渴, 要注意環境 : 一般粉麵店的格局, 只要唔污糟就收貨啦招呼 : OK甘啦

經友人介紹, 下午同老公來試一試.他叫了招牌的魚旦河, 我就叫了淨雲吞, 另加兩杯凍檸茶.魚旦河內亦包有魚幾片魚片, 所以算多料, 河粉亦好大碗, 味道偏咸, 是一向的潮式湯底, 他說魚旦魚片好彈牙下, 真是不錯.我的淨雲吞亦算大碗, 有8粒, 配有生菜, 不過雲吞味道就一般啦, 太多豬肉, 蝦肉偏少, 不及招牌魚旦出色.凍檸茶只是$7杯, 不過不失, 但夠平.整體算好, 招牌菜食得過, 只是環境實在太迫, 食完要快走.

門面不大，但客人很多，每一張檯都有搭檯成分，這樣的食店應該不錯吧。叫了水餃魚片河和炸魚皮，上菜速度極快，魚片非常彈牙，炸魚皮又香又脆，而且沒有我很怕的魚腥味。價錢又相宜。唯一是店面冷氣在大熱天時不太足夠，吃完粉後汗流浹背的…

今日又同男友來食晚餐,叫我至愛的水餃魚餃河,而男友就食魚片河,雖然好多地方都有潮州粉麵,但食過咁多間,仍覺這裡最合我心水

最後一輯婚紗相了，今次要努力減肥，一日三餐盡可能都食清淡的住家飯。遇著媽咪沒煮飯，出街食也盡量揀清淡少油的，一晚來了新東記。　粉麵價錢已由$14加到$17，雖然始終不算貴，但那個加幅頗sharp令抵食度扣分。三碗粉麵都要不同餸，最招牌是魚片，滑溜有魚味，不過個人較偏愛重豬肉味的雲吞。至於此店的牛腩，則最要不得，又乾又硬一點不好吃。　相信下次再來，至少是好幾個月甚至年多後了。

兩年幾冇一個人幫襯過,之前同某人去過一次,佢話麻麻地喎!近日夜收工又冇飯食,我收工提早落車去食,次次都係食牛腩河,有時最多加碟油菜。牛腩河$16元一碗,河粉好幼好滑唔錯,湯底都唔錯但較鹹。但有一樣最唔好,雖然肉食價格升得好犀利,但係都唔好得咁少牛腩,切到好似魚生咁薄,份量又超少擺明搵笨啦!下次點幫襯呀?樓面兩個阿姐侍應,服務態度就真係不敢恭維,傲慢態度成日吹水多過做,老闆唔係度就咁。場內清潔完全冇改善過,污漕邋遢滿檯底紙巾,唔該改善下啦...唉!其實食物出品係得,但可能做耐左唔憂做啦!不過開業容易守業難呀~