影片
港鐵油麻地站 A2 出口, 步行約5分鐘
繼續閱讀
電話號碼
23325233
23323055
營業時間
星期一至日
11:00 - 01:00
以上資料只供參考, 請與餐廳確認詳情
相約咗啲同學仔係旺角等咁問佢地想食啲咩 有位人兄就話去女人街求其入一間食 咁求其入一間都要睇下入邊間架嘛 女人街咁長 同埋女人街真係全條街都係食肆所以其實都係上黎睇下有冇咩店鋪岩口味先所以入去咁其實我有日突然想食新森林唔知點解 所以就叫佢地去新森林食咁我約咗係新森林門口等既 去到係未有口 要係門口等 不過唔係等咗好耐 大約五分鐘啫入到去望咗陣餐牌 之後都係揀咗呢個芝士海鮮焗黑椒雞皇鴛鴦飯再加六蚊整杯雪糕紅豆冰咁等咗陣 個飯就黎到啦 咁其實佢係鴛鴦飯黎 一邊黑椒味 一邊雞皇味 雙重味道既我覺得雞皇味個邊比較好食啲 感覺上平均啲同埋同啲海鮮係夾啲 有兩隻焗蝦仔 佢切開咗兩邊 冇除殼既焗得都算唔錯 佢係雞皇味個邊 咬落都OK 唔係霉既 跟住仲有粒細細粒尤魚仔咁 之後都係魚塊 不過不失 味道普通可接受之後黑椒味其實佔碗飯冇雞皇個邊咁多 黑椒冇乜黑椒味 得少少辣味咁 唔算有乜驚喜之後有杯紅豆冰 幾多紅豆架都雪糕係放冰箱 所以好硬既 但都係因為咁 冇咁易溶 唔錯整體感覺上都OK唔錯 環境一般但食物都唔差可以接受 價錢唔算話特別貴 但份量唔算多
繼續閱讀
之前department d 同事好鐘意叫呢間下午茶外賣當晚餐食。今日中午起女人街食一個人的午餐就揀呢間。門面幾新呢間有素食揀呢間好像出名食焗飯。我決定平平地嗌個特餐算。個飲品menu 幾靚個飯話甘快就上，應該係一早整定？ 睇落去好似好細個，但唔知係咪太多汁，食完都幾飽。d汁我麻麻地欣賞，我以為係日式咖哩味，但隻味係怪怪地。熱檸菜蜜好飲，$38 起油麻地有個飯餐包飲品確實係平，上菜速度都好快，用餐環境都算舒服
繼續閱讀
新森林是朋友仔其中一間他最喜歡餐廳，原因大件夾底食，今晚行開旺角，佢帶我嚟試下。入到去見到是“浸信會愛群。。。”我相信是NGO有份營運的社會企業，感覺良好，覺得自己今晚的幫襯都有少少惠澤社群呢！招牌大隻佬焗飯雜扒飯是也，可揀茄汁，黑椒汁。我們揀了黑椒汁，汁和飯份量都很多，我欣賞佢條脆皮腸，唔太咸，其他扒就厚粉咗少少，轉用煎的話效果更佳。安格斯芝士漢堡/吉烈蝦芝士漢堡主菜是迷你漢堡，自選兩款，對安格斯芝士漢堡有點點期望，但實際上枱時肉質較實，口感有點像鯪魚肉，牛肉感覺和味道都唔重。驚喜位是，咬到中間有芝士喺肉中間，芝士的爆瀉感覺，加上算幾香滑，搶返失去了的收視。芝士焗釀海鮮青口淡口芝士+海鮮碎粒焗青口，味道唔錯，青口也新鮮，焗起來也不太硬身和乾身。二人餐共三隻，啱晒大食嘅朋友。黑咖喱雞翼香口美味，肉質都夠滑，附一兜咖哩汁，甜點濃，點唔點都沒有太大影響。$138包飲品，真心抵食，細食女孩子3個人都夠食，朋友仔無介紹錯。缺點，餐廳內沒有洗手間，想去餐廳洗手間，客人需要拎鎖匙，離開餐廳兜一個大圈到後巷使用，甚為不便。本人當日都有嘗試去後巷尋找，但行到一半已經覺得會幸會米奇，無膽去完成任務，最後餐廳職員細細聲提醒，可以去返女人街前幾個鋪位的威達商業中心地下廁所，最後都順利解決了。
繼續閱讀
又係煩惱食咩晚餐嘅時候，諗起好耐冇食過呢間焗飯，就試下佢有冇退步先因為本身唔係好肚餓，所以就黐老公嗰餐，加錢食個沙律，我食左幾啖老公個飯，個焗飯冇退步，都係咁多汁，又惹味不過我想講個沙律，雖然只係普通蟹柳，不過佢加左D爆谷，確係有D驚喜，又有D新意其實佢仲有其他額外小食選擇㗎加錢仲有餐湯同餐包，算唔錯喎餐包都唔hea㗎，有蒜蓉喺面餐湯嘅羅宋湯都一樣，雖然唔係個D好足料嘅湯，不過都晤算太差總括嚟講鍾意食芝士嘅人，間中都可以幫襯下呢間焗飯😃😃
繼續閱讀
新森林呢一間餐廳，已經食左幾次，雖然唔係堂食，好幾次都係外賣飯盒，中秋佳節就食過到會，因為參加左一個義工服務,每一次都會去探訪獨居長者,新森林個老闆亦都會贊助飯盒,等義工們可以送去比獨居長者。。我哋每次做義工，都可以同長者一齊品嚐新森林嘅飯盒，味道方面，非常符合老人家嘅飲食原則，低鹽，低脂，低糖，少油，又健康。而且每一個飯盒都蘊含着無限嘅愛心，所以個人覺得味道真係非常好。不過飯盒的菜量可以加多啲呢，
繼續閱讀