影片
開飯介紹
新森林為一間以焗飯麵為招牌菜的西餐廳，款式眾多，另外亦有小菜及拉麵供選擇。
繼續閱讀
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
相關文章
呢間舖頭由中學嗰陣時已經屹立喺灣仔，個名絕對唔陌生，好耐冇食，今晚去咗食晚飯。一去到店員服務態度幾好，又攞兩杯熱水俾我哋，仲溫馨提示邊啲位置冇咁凍，餐牌其實好多嘢食，話到明係焗之專門店，焗飯焗意粉呢啲唔少得，連鐵板，蛋包飯同拉麵都有。我嗌咗炸魚併牛柳頭扒，仲要有前菜，及迷你焗飯或意粉或薯條，個扒仲有三款汁可以揀，仲要連飲品，以為咁豐富價錢要百幾蚊，點知其實只需要70幾蚊，性價比好高。仲要最驚喜嘅係佢係鐵板上，仲要另上醬汁倒落去會出煙嗰種，唔係普通碟碟頭餐。另外一個餐都好豐富，可以配前菜同小食，前菜嘅種類都好多，有炸雞翼、薯條、饅頭、炸豬扒，包嘢飲都只不過係$60 之內。總括然而真係性價比好高。順帶一提，佢個蒜蓉包好好食呀，又夠脆，蒜蓉味好重。
繼續閱讀
前幾日去完灣仔做野，行過呢間，睇到啲焗飯餐好似幾平又多選擇，就入去試下啦，佢啲餐份量都幾多，我同朋友都食到勁full！🟥迷你焗の選佢入面有分A餐$52 (迷你焗飯+前點)/B餐$59(迷你焗飯+前點+小食)，最重要係樣樣都試到，今次我就叫左焗鮮茄豬扒飯、炸魚薯條同炸饅頭，性價比十足！🟧set dinner鐵板紐西蘭牛肉眼扒伴煙肉脆皮腸入面仲可以跟飯/意粉，鐵板一到，即刻聽到高溫既滋滋聲，再淋上濃濃既黑椒汁，即刻香氣四溢，塊扒size十足，好抵食。
繼續閱讀
放工想食啲夠惹味又飽肚嘅焗飯，就揀咗呢間主打焗飯嘅《新森林焗之專門店》🌳，主打芝士拉絲加熱辣醬汁，非常吸引！餐牌選擇多，仲有鐵板扒、特色小食等，真係港式焗飯迷天堂！🍛馬來咖喱芝士焗牛脷飯 $60一開蓋就聞到馬來咖喱嘅香氣，帶微辣同椰香，好有層次，配上大量拉絲芝士，真係一啖接一啖停唔到手😋 鹹牛脷炆得夠腍，完全冇筋位，啖啖肉非常滿足，呢個價位嚟講性價比極高🔥！🥩鐵板牛肉眼扒配蕃茄芝士焗飯 $94鐵板上枱滋滋聲響，黑椒香撲鼻而來！肉眼扒厚切多汁，醬汁鹹香微辣，港式風味十足～一邊食住扒，一邊食焗飯，蕃茄芝士焗飯酸甜平衡，芝士食份量亦毫不吝嗇，一餐兩款享受，滿足感爆燈💥！🍤一口蝦多士 跟餐+$22外層炸得金黃香脆，蝦膠夠彈牙，味道唔會過鹹，做前菜或者小食都啱晒，熱辣辣時食口感最佳✨相比起一般茶記焗飯，呢度喺用料、味道同配搭上都行得出色啲。想搵間焗飯專門店歎個高質港式焗飯，呢間新森林絕對值得一試～下次想試埋佢其他醬汁款式🍴
繼續閱讀
喺黃色暴雨下嘅下午，喺灣仔唔知食咩好，見到呢一間細細個就食過嘅新森林。記得以前新森林嘅焗嘢又好味又大碟，所以同朋友決定再試吓，睇吓係咪同以前一樣咁好食。見到有茶餐，茶餐係主食加小食，仲要有飲品都只係三十零蚊，連茶餐茶餐廳都做唔到呢個價錢。咁我哋就決定好豪咁樣叫做四個下午茶餐，買單都唔使$200真係好crazy！芝士焗肉醬意粉+小食雜菜春卷（$39）我最鍾意食芝士焗肉醬意粉㗎啦，因為下午茶嘅關係所以佢係Mini版。意粉即焗熱辣辣份量亦都啱啱好。雜菜春卷夠晒香脆，有啲蔬菜感覺健康啲，加埋甜甜酸酸嘅醬汁好惹味。紅油餃子抄手+羅宋湯（$35）紅油抄手用雲吞做就試得多，今次係用餃子做都幾特別，加埋佢嘅辣椒醬就更加惹味好食。羅宋湯材料足，唔會因為係下午茶嘅關係就會少左料。煎餃子四件+羅宋湯（$35）餃子煎到好香脆，加埋醬汁味道啱啱好。焗咖喱牛腩飯馬來咖喱汁（$56）呢一個茶餐雖然係貴一啲，而且無小食，但係佢個飯係比意粉更加大碟，而且牛腩數量非常多，牛腩半肥瘦咁絕對唔會鞋，配埋馬來咖喱，香濃咖喱再加埋少少辣味就非常惹味，貴少少絕對都得嘅。所有下午茶都有配嘢飲，我哋就叫左特飲仙草奶茶，仙草份量都幾多，奶茶亦夠味濃，所以要加$6都值得嘅。
繼續閱讀
#20250516 🤍📍 #新森林焗之專門店 灣仔灣仔道203號地舖 🍽️中環威靈頓街99號威基商業大廈地下D號舖➖➖➖➖➖➖➖➖➖➖➖➖➖➖➖➖➖#迷你焗の選B $59/餐 🥢 #鮮菌芝士焗西蘭花💭 呢個餐第一步係揀個主菜先，如果唔想食澱粉類的話，焗菜都係個唔錯既選擇，成兜西蘭花再加埋啲什菇，仲有啲芝士係面，食完都幾飽肚🥦. 🥢 #焗咖喱雞皇飯 💭 另一個餐既主菜叫左個飯，雖然size比平時啲焗細兜啲，但絕對無偷工減料，有三大炸雞，仲有啲薯仔，配咖喱汁本身已經好味，最正係佢竟然有炒飯底太surprised，即刻加分🍛. 🥢 #羅宋湯連蒜茸飽💭 第二步就揀個前菜，食啲港式茶餐廳有時真係會為左個師傅湯而影響叫咩食，佢個紅湯好足料，唔只雜菜仲有肉，跟佢個蒜茸包都有啲高質，唔係用法包而係用豬仔包，焗到外脆內軟好好味，呢個包要比錢都會想叫尼食🥖. 🥢 #雜菜春卷 💭 個雜菜春卷就相對失色啲，以為入面係會有粉絲果隻點知無，真係純雜菜，只係輕輕炸熟左略嫌唔夠香口，呢個下次應該唔會再叫😅. 🥢 #即炸墨魚丸 💭 第三就揀返個小食先，炸墨魚丸係屋企都整到既味道，而佢無用椒鹽反而用左蜜糖做調味有少少特別，第一次咁樣食原來都幾夾，好似燒野食咁，如果佢搽左蜜糖再炸下可能會仲好味🍯. 🥢 #一口蝦多士 💭 蝦多士係兩塊方包夾住啲蝦滑再一開四，呢個又炸得勁香脆，雖然咬落會食到有啲油滲出尼，不過唔算太油可以接受，因為蝦多士本身的確唔易整🦐. 🥢 #仙草凍奶茶 +$6 🥢 #凍阿華田 +$3💭 最後一步可以揀野飲，凍野本來就要加$3，所以啲仙草變相只係再加多$3，咁計有個甜品食下又好似好抵，同埋佢成個餐咁計其實都好抵，岩晒啲想食好多款野既朋友仔，但佢啲小食偏炸野多，當飯堂食難啲🙈.#灣仔美食 #🐷在灣仔 #中環美食 #🐷在中環 #🐷_食
繼續閱讀