新樂園魚蛋粉

營業中

休息中

今晚想食清清地，所以去左食魚蛋粉，一直覺得坊間以魚蛋粉作招徠嘅粉麵店好多，新樂園係呢個字號算係比較有印象！呢間粉麵專門店係商場入面，幾方便，質素唔錯。偶然會到此吃牛腩麵、雲吞等, 水準不算頂級，但已算不俗。餐廳裝潢富親切感，帶點舊年代裝潢，茶餐廳的木卡位雅座，具港式風格，地方雖不太大，坐位很擠迫，但員工服務態度尚可。水餃河皮夠煙韌而且啲餡幾飽滿，河粉口感好滑，湯底卻有點咸。牛筋米份量好足，而且肉質都幾軟淋，牛筋充滿膠質。另外還叫了爽彈的淨墨魚丸，墨魚丸食到有墨魚粒，唔係一團粉咁！更喜歡這裡有樽裝可樂。炸魚皮用膠袋裝住保持香脆，值得一讚！粉麵未到可以食住先，炸魚皮好脆，份量一啲都唔細，兩個人食都得。之後放湯浸一陣再食又另一種食法。整體來講餐廳都幾多款式食物，而且價錢唔貴，如果下次經開呢度都會再黎幫襯。當天用餐時間正值晚餐時段，客人較多，怪不得晚晚都咁多人在門口等緊外賣。

呢間魚蛋粉麵店雖然係做開街坊生意，但係對我嚟講真係「高手在民間」。佢哋嘅牛腩牛肚河不得了，值得介紹俾大家。最初見到餐牌，我心諗要50蚊以上，但係印象中幾年前食過係30蚊左右，確實有啲驚訝物價飛漲 ......當湯麵一上嚟嘅時候，我即刻被份量嚇親。尤其係牛肚，好似一籠點心咁多，而牛腩夠肥美但唔會太油膩，真係感到有誠意。呢度嘅牛腩牛肚河份量真係超大，可能女士一個人未必食得晒。不過，呢個質素同份量，無疑係我食牛腩牛肚河頭三選擇之一。

個日去呢到買左外賣食，無諗過就咁打開左我對牛腩既認知，無諗過可以咁硬，完全就係煮得唔夠霖。真係好失望。無諗過一間專食粉麵既餐廳既牛腩竟然可以咁難食。之後覺得要再比多次機會佢，可能係咁岩唔好彩，就再去食。第二次牛腩有霖d，但係個緬就出事，超級咸，但係今次既雲吞同埋魚片都好ok，所以我諗之後都係食返佢地既雲吞同埋魚片好d啦

喺返工附近有一間新樂園魚蛋粉，都係我們一班同事們的飯堂，或者叫外賣的好地方，因為他的魚蛋粉簡簡單單，但又健康，當然質素都不錯的❤️❤️❤️我最鍾意叫佢嘅魚蛋河，除此之外，我好似冇叫過其他粉面😅😅😅😅因為他嘅魚蛋魚片河，真係非常彈牙、有口感、而且有好香的魚味，加上我喜歡食辣，在河粉上加上辣椒油，都感覺會好開胃，可以成碗食晒！🤤🤤🤤🤤當然他都可以點不同的菜，加上蠔油的話，都可以令到自己嘅午餐更加健康🥹

個男店長落單吾專心，木身個人已經黑口黑面，講嘢語氣都差，仲要講幾次先落到單，落完對單發現落漏，同佢講翻仲要惡人先告狀話我哋冇講，比完說話客聽仲話吾係想同人嘈，話完佢另一個男侍應仲要沖過嚟話係咪想嘈，吾好係到發脾氣，直頭係想打人咁款，真係好英勇阿，真係一間好團結好搞笑既鋪頭。

這裏是我早餐午餐不時之選～今日又來，之前未寫過，分享一下先！除咗環境少少擠迫之外，冇乜其他問題。等位& 等上菜都好快!其他嘢都食過，但係我覺得最抵食就係我經常encore的組合:淨雲吞最抵食，幾年來大約有七至八隻每一次，皮薄、內容新鮮、實淨、美味，配菜份量都多 (雖然已經少咗) - 所以叫咗一碟菜芯。每次都好靚! 青綠冇爛。Total: $54 健康美味方便之選♥️👍🏻外賣加$1, 但係只可以揀自取，否則會經常同同事叫呢個嚟食

鮮蝦雲吞拼鮮墨魚丸麵($41)配熱朱古力($8)，雲吞都頗大粒足料，墨丸爽口彈牙，夾雜墨魚粒，有咬口，推薦比大家🙈手打牛丸拼魚皮餃麵($41)配熱奶茶($8)，牛丸咬落多汁，加上重牛味，睇得出店家有係牛丸方便放啲心思，牛丸加上魚皮餃都冇滯住嘅感覺，值得一試！每碗跟餐可以另加郊外油菜($16)一碟，生菜上嘅蠔油份量多，夠大份嘅消濟之選🥬巨人鹹牛肉奄列配牛油多士($34)，奄列名副其實真係好大份，碎牛唔會太鹹，厚多士烘咗底，牛油味好香，咬落去外脆內軟，夾埋奄列一齊食真係大大啖嘅滿足😋

今日去咗尚德迪卡儂諗住買運動產品，見到地下新開左個新樂園魚蛋粉，見太耐冇食過即刻去試吓，以前我喺藍田已經開始食佢，估唔到將軍澳都開咗幾間。今次叫左個牛肚粉外賣返去食，有得分湯唔錯，上菜都好快，唔使等好耐已經搞掂牛肚可質素同以前食開一直都冇咩分別，湯都有啲大地魚味，唔會太咸。略嫌味精味重咗少少。牛肚爽口唔um，滷夠入味，個粉就差少少，返到屋企有少少黐埋一齊，可能外賣自取嘅關係總結$35一碗牛肚粉真係非常抵食，快靚正趕時間一流，略嫌湯底味精味重咗少少，但呢個價錢絕對對得住，性價比很高

幫襯新樂園多年,是港式街坊牛腩雲吞麵館,味道維持水準,但昨日因面向廚房,竟然發現樓面兼任水吧,這也不是問題,問題是如今疫情嚴重,樓面沖檸檬茶水竟然用手拿幾片檸檬放進杯內沖給客人,要知道樓面工作包含了執枱抹枱,雙手用完抹布再用手拿檸檬,衛生的安全可想而知,唔通拎只鉗夾檸檬真系咁難咁唔就手?希望佢地留意改善一下!

之前新開張嘅時候食過一次，嗰陣哩間店仲係用發泡膠碗黎放湯同埋麵，試完一次之後覺得真係麻麻地，所以隔咗好耐都冇食過。咁啱最近叫得太多次外賣，真係冇嘢好食，於是決定再買多次黎試吓，點知今次唔止換咗啲外賣器皿，味道仲要好過之前好多。佢哋店面唔算好大，但係座位與座位之間都闊落，不過我就冇試過係店舖入面堂食，都係外賣方便啲。🎈雲吞河（加牛腩汁）無論係邊一間湯麵店，叫親雲吞河我都一定會加牛腩汁，味道真係會濃郁好多，如果唔係個味就會太淡。好記得之前第一次食嘅時候有好大陣膠味，好大機會係同佢用發泡膠裝住啲麵有關，唔知係咪佢哋自己都發現咗呢個問題，所以而家係用膠碗放麵同埋湯。外賣嘅話，佢嘅面同埋湯係分開放，可以因應需要自己落湯，我自己就鍾意落一半湯先，咁就唔怕食到一半嘅時候，啲河粉已經索晒啲湯。河粉上面有已經切好嘅蔥花，雲吞就係同湯放埋一齊嘅，佢嘅雲吞超級大粒，而且好足料，粒粒都有蝦喺裏面，而個湯就比之前鮮甜好多，河粉嘅份量就咁睇好似得半碗，但係其實加完湯之後，份量都好足夠。佢另外會放一小兜辣油同埋醋，佢哋既辣油係真心辣個種，食得辣嘅先好加！總括黎講，都欣賞佢會檢討自己嘅不足，而家有明顯嘅進步，外賣黎講