新樂園

營業中

休息中

見杜汶澤介紹呢間海南雞飯特登過黎朝聖呢排夏天天氣好熱好彩佢安排到冷氣地方唔使食到成身汗見到檯檯都食海南雞應該係招牌菜就等我試下佢啦$47海南雞飯加$2有凍飲我加咗杯凍奶茶等左唔夠5分鐘店員就送上飯餐海南雞雞肉嫩滑雞味濃郁沾上酸酸地嘅醬汁非常開胃惹味飯既份量亦非常多非常入味粒粒分明撈埋啲海南雞醬汁真係食到停唔到口凍奶茶正常發揮如果茶味濃啲會更好埋單$49位食到好飽店員都好有禮貌熟食市場近年執左好多個買少見少希望大家有時間都可以多多支持

作為2020 年最後一個午飯, 呢個燒汁煎肉餅飯簡直令人失望呀! 落完單到出外賣, 等咗15 分鐘先出。返到公司一打開飯盒, 個燒汁同我想像嘅好唔同, 我想像嘅燒汁係日式燒汁咁, 呢個似獻多D。肉餅只有3 舊, 不過煎得好好! 飯佔咗4 分3 盒 奶茶幾滑! 蝦醬芥蘭牛肉飯另一日叫咗蝦醬芥蘭牛肉飯, 聞落好香蝦醬味, 但食落唔覺。菜都偏少, 而且牛肉係"拿" 到好淋但冇牛肉味的! 結論: 下次都係食飯海南雞飯好了。

短期內再次幫襯新樂園外賣, 今次就食返我最鍾意既海南雞飯啦! 實在好耐冇食啦! 除左平日個女店員外, 今日仲見到另一個新既男店員, 態度都好好!今日咁岩冇乜人買外賣, 所以只係等左5 分鐘左右就有得拎啦! 講返個雞飯先, D 雞係去晒骨, 而且好多肉! 唔駛LUR 骨真係好方便, 亦可以好專心咁品嚐D 雞。雞一如以往般滑嫩, 好入味! 飯係油飯, 但係呢排D 飯我覺得濕左D! 而且冇以前咁有味! 有少少失望! 不過整體黎講, 呢度既海南雞飯依然係我最喜愛既海南雞飯! 

今日唔想食吳章記既三餸飯, 同事話不如去新樂園度叫炒粉麵飯套餐。呢期新樂園都好多人, 次次都等好耐, 好彩今日LUNCH 遲左落去, 所以少人左。不過佢地今日既套餐選擇唔吸引, 又唔想食海南雞飯, 咁就不如叫鹵水豬手飯啦! 反正都好耐冇食啦!今次等左唔係好耐, 10 分鍾左右, 5 個餐已經搞掂好!飯$46, 凍飲都係+$1 咋!鹵水豬手飯其中一個精髓係飯面既味菜, 唔鹹, 唔重味, 但好好送飯! 鹵水汁唔會好大陣花椒八角味, 佢係淡淡既鹵水味。而且豬水超淋超入味, 豬手皮唔會好肥, 真係食下食下, 唔小心食晒成個飯呀! 

O係荃灣西工業區返工已經幾年了, 本身覺得柴灣角街熟食市場地方比較地道, 冇乜點幫襯。但自從同事發掘左新樂園既海南雞飯, 食過後驚為天人, 自始耐唔屎都會去買外賣, 亦開始左O係柴灣角街熟食市場尋找美食。首先講返之前出街食海南雞飯既經驗先, 好多餐廳既海南雞飯都未必配油飯, 或者要加錢先有油飯。另外, 雞黎講, 有D唔入味, 只係靠個醬, 有D 唔滑, 都未食過真心覺得好好味既。但新樂園既海南雞飯. 首先, 飯係油飯! 好足味!!!! D 雞煮得好入味同埋好淋,  仲要去骨架!!! 加埋個泰式辣醬, 每次食都唔想理卡路里了, 食下食下食晒成個飯。講真,  食過新樂園既海南雞飯, 中間有試過O係其他餐廳點過海南雞飯，有D 係有人推介既, 結論係有D 係得個油飯好食, 但係D 雞唔夠入味同埋較鞋, 感覺都係食返新樂園果個已經夠了。之前有食過鹵水豬手飯,  不錯, 仲配埋D 酸菜。但而家都係鍾意食海南雞飯。有試過佢地既冬蔭公, 都係海南雞飯最出色。

情人節先嚟冇麵包🥯今天去行山，先到荃灣的柴灣角熟食市場吃早餐，有些店舖仍在放新春假期，有些則要吃指定套餐。我們選擇了新樂園，本來想食一個三文治套餐，但店員說今天沒有麵包供應，下，早餐冇麵包像缺少了什麼似的。其實供應商應該已開工，如果唔係都應該從市面上選購以供客人享用。餐飲的奶茶幾好，有茶味，夠滑，給早上來個醒醒神。我的D餐 鮑魚絲通粉、火腿煎蛋、牛油方包(冇麵包當然冇牛油啦），他們的餐牌應該是寫 倣鮑魚絲通粉哦，味道但是不錯，通粉煑得剛剛好。F餐 回鍋肉煎蛋面套餐 賣相就不太好，但二大片回鍋肉也幾好味，早完早餐便開始上山去。

畸寶人會叫柴灣角嗰排熟食檔叫大檔，呢間係畸寶人至愛飯堂之一，本人一星期至少會食一次。畸寶人都會叫佢「泰婆」，叫佢新樂園反而無人知你想去邊度食。有個水mark mark嘅泰裔事頭婆，經常笑容滿面。大牌檔當然有戶外位，呢度頭頂部電視播嘅電影仲新過有線電影台。佢都有一個板間室內冷氣房，密密坐大約可坐30人。掛住泰王嘅相，又有寄賣啲泰國手工布袋，大牌檔中的異國情懷。除泰式之選外，午餐都有兩三款港式炒麵飯，照顧唔同客人需要。我叫得最多係阿澤都讚好嘅海南雞，講真四十幾蚊又唔好要求隻雞會識飛，我覺得最重點係個泰式酸辣姜蓉汁，單單係佢都送到幾碗飯。lunch遲咗去有時油飯會賣哂，得白飯。有時轉吓口味，豬手飯都唔錯，好冧好入味好多骨膠原。叻沙個湯底就無黑色百勝廚即食麵咁香濃，不過都唔差。黃咖喱充滿椰香，配炸脾或豬扒都係超大份。畀錢係食完自己行去老闆娘度講自己食過咩，大家講個信字。

星期五的午餐，一行七人來到了柴灣角街尾的大排檔。還在擔心熱騰騰的溫度之際，原來同事大力推薦的新樂園設有冷氣雅座，冷氣房不算很大，勉強容得下三十多人。同事雖然盛讚這裡的海南雞飯，但看相片好像鹵水豬手飯也不錯看，於是便決定來一個啖啖肉的下午~鹵水豬手飯$38豎料豬手飯奉桌的一刻，半邊蛋不見了，換來了為數不少的梅菜。而豬手當然也沒有餐牌的那樣美觀。飯面的豬手肥瘦尚算均勻，而蘸點附上的酸汁也夠醒胃。不過豬手味道沒有驚喜，豬皮亦不夠爽脆，表現一般。至於梅菜倒是入味，可惜越吃越鹹，最後被我放棄了。凍咖啡 (凍飲+$1)咖啡味道平常，惟酸味較重。

天氣漸冷,午餐時間要吃點熱飯才能補充熱量,麗城沒有什麼好選擇,唯有向冬菇亭發掘美味,熟食市場最邊陲的大車水準很高但價格也最昂貴,也是目標之一的鄭榮記由早至晚總是高朋滿座,不遠處另一家"新樂園"有著其他茶記沒有的泰國飯,相對一眾茶記特別一點點哦。入口處這張泰式午餐選擇就是吸引到注意力的主因,無論海南雞飯、咖喱飯或泰式炒粉麵也合口味,跟同場其他食肆一樣,這裡客人以男人為主,他們的堂食選擇除了海南雞飯就是男人的浪漫的各款中式炒粉麵,原來這裡不單有泰國飯還有港式飯吃的。第一次點了海南雞飯($36),重甸甸的飯盒似乎很有份量唷。勉強能舖蓋飯面的去骨海南雞件黃澄澄的誘人,可是泛著黃油的雞皮軟軟的未夠爽口,既然不算好吃還是去掉好了;肥美雞皮下的雞肉很油潤滑溜,肉質微鹹的不會太乏味,只是有點血紅就有點恐佈。一片爽脆青瓜就是唯一蔬菜,個人留待最後用來清新味蕾之用,很有效的唷。雞油飯份量足夠,黃色均勻的油飯看似粒粒乾爽分明,實質是有點生米,微硬的像正宗意大利飯般,飯裡的油份不算太重,同樣也沒有太重香味,這份雞油飯只是水準以下,有待改進。雞肉微鹹其實不用沾汁也可以,不過還是試試這泰式雞飯汁是否對辦?跟一般雞

之前聽人講過哩度有個唔出名o既熟食市場, 同兩個 fd 去開果邊開工, 所以去試o下檔o野係大排檔, 有o的隔涉, 唔係認得"有記"電視大廈后面, 都幾難搵得到海盛路 x 柴灣角街 交界叫o左三碟食晏常餐, 竟然食出驚喜 干炒牛意鑊氣滿分, 牛肉夠焾, 河粉換o左意粉, 多幾分彈牙口感揚州炒飯哩個真係冇乜特別, 可以不理, 鼓油撈飯好過吉豬飯賣相同大快樂有得比, 塊豬扒夠脆又入味,大件夾抵食, 配中式洋蔥汁而不是茄汁好有傳統大排檔風味, 但食物有大快樂水準, 抵食!