新照記茶餐小食店

營業中

休息中

今日難得放假，仲要係平日，一於約埋好朋友同契女入長洲食食食😎但估唔到原來平日嘅長洲都勁多人，好似假期咁😂😂食完糯米糍同大大粒魚蛋之後，我地嘅第3站就黎到新照記茶餐小食店。淨係糕點都已經有咁多款，仲有好多小食同飲品可以揀😍😍除左外賣左啲糕點番屋企之外，我地仲叫左幾樣嘢食share黎食😋😋咖喱鮮魷($25/份)魷魚好新鮮，好彈牙😋但咖喱汁好稀好淡口芝士焗生蠔($50/3隻)蠔肉好細粒椰汁西米糕($9/件)普通糕點1件，唔特別無豆砵仔糕($7/件)好甜，件糕太淋身，唔好食馬蹄竹蔗茅根($16/支)好飲，大大支，好清甜

次次黎長洲都一定要食婆婆整既茶果茶果當中最鐘意食雞樹滕，甜甜地又好QQ7蚊一個好抵食 婆婆仲送多幾粒比我食添見到佢有燒蠔叫左3隻食 $50佢面上邊仲有d芝士呀 同埋洋蔥煙肉仲食左佢既咖哩鮮魷魚好爽口 食落好鮮味 但個咖哩汁就普普通通最後仲買多支涼茶邊行邊肉口

今日食咗大魚蛋 10有兩粒大一粒細 好抵 除左魚蛋之外 仲有好多糕點 例如 紅豆糕 芝麻糕 椰汁糕 全部都好香好吸引 叫咗一件芝麻糕 $9好大件 可以兩個人share, 凍豆花都唔錯 甜度自己adjust

一次過買晒七款口味🤣想試一邊款最好味😋本身以為唔係好多 點知七大舊真係好多好多🙈因爲冇睇低啲名 我憑印象稱呼佢哋啦😀🧡奶皇糕味道唔算太濃 所以食落都唔會覺得膩 但如果俾我揀 我會想食奶黃包多啲😂💛馬蹄糕入面嘅馬蹄好爽甜 感覺好新鮮 好好味 值得一試💛黃豆糕嘅黃豆好大粒 口感好正☺️💟白色嘅應該係西米糕 一粒粒西米勁大粒 仲要好彈牙 意外地覺得好好味🖤烏卒卒嘅黑芝麻糕 個樣唔係好討好 但係食落都幾有驚喜 不過我覺得芝麻味可以再濃啲❤️我覺得最好食嘅係紅豆糕 味道好濃 一咬落去有起沙嘅感覺 好似食緊一碗超足料紅豆沙咁 陳皮味亦都好重💜紫糯米糕口感好豐富 味道都幾高質 又係好似食咗碗甜品咁整體來講我覺得雪凍咗會再好味啲☺️

入長洲，吃雞樹藤！🍡。我應該喜歡所有煙韌的東西😂 芋圓、珍珠、mochi、湯圓、糯米磁⋯⋯實在不能盡錄。。長洲新照記（就是買紅豆餅的那一檔隔離）賣很多傳統的糕點，白糖糕呀、芝麻糕之類。但最深得我心的還是一小粒的雞屎藤！微香，微甜，有回甘。而且是沒有花生餡料！！（不太喜歡花生🥜）但於我而言，重點還是煙煙韌韌吧哈哈😛 而且又不太甜吧！。令人感動的是有潮州朋友得知我對雞屎藤的喜愛，說下次母親製作時會帶幾顆給我❤️❤️❤️

入長州一定要掃街，意思即係食盡美食喔！今日天氣和暖，陽光普照，最適合入離島鬆一鬆，吸收一下新鮮空氣兼嘆美食。新照記相信好多人都識，豆腐花平，靚，正！一條長長隊無礙我的雅興，不到五分鐘己到手。豆味香濃，入口滑溜，加添黃糖更添美味。友人食的涼粉讚不絕口，我也試了，果然淸涼透心，加入花奶不會太溜，好味。

從未吃過咁難吃的魚蛋;從未見過態勢咁惡劣的店員排隊後被擺尖投訴,店員態度惡劣叫你唔滿意去第二間買,我知長洲好多間好食過佢,只因吃完紅豆餅順手排隊買魚蛋,又見不多人,竟被打尖,又被人鬧,吃串魚蛋駛唔駛

13-5-2017(Sat)晏晝, 我食住芝士紅豆餅等老公買$30.00o既牛雜同$20.00o既燒帶子俾我, 佢o既牛雜大大碗, 由於我唔食得,佢就同女友人Cshare食,佢見有牛筋,我就咬一啖,入味,同腍中亦有彈性,OK o既.而燒帶子呢,等o左好耐至到,熱騰騰,而且嗅到好勁芝士味,食落成個都係鹹香o既,配料有煙肉同洋蔥,我係咁食,係咁搵,都搵唔到帶子.老公問係咪攪碎o左,我真係逐樣搵,都係見唔到,好搵笨.呢篇食評就燒帶子評分.

超大隻既豉油雞脾你試過未？！ 真心大過塊面(可以讚下我面細xx) 雞脾大過一般既兩個碼左右，一隻可以頂兩隻。平時係街買都要15蚊，呢隻特大雞脾25蚊，食左半隻都有少少飽。味道就唔係真係好入味，咁大隻又好難既，你見到個肉既色都仲好白下，係塊皮有d色水。另外仲試左牛什。得佢而家仲有牛膀，其他好少會仲有得俾你自己揀牛什入面要咩。30蚊一細碗，想飽d可要叫埋麵，都係貴2蚊(好似係)。仲有10蚊7隻鵪春蛋！香到無得彈！雖然好似好高膽固醇lol 雞史滕仲係傳統既味道，自從街口既婆婆冇賣我都冇再食得返呢仲味道 好滿足好感動，同家人既回憶湧返黎 put仔糕冇食，太飽，不過好平，4蚊咋！下次再食！老闆好好人，會俾隻熱辣辣既大雞脾我 冇咁忙既時候會同我地傾計。

6蚊件嘅砵仔糕相當彈牙，可以揀有紅豆或者冇紅豆。我就揀左有紅豆既。味道唔錯，口感q彈。紅豆亦都好甜，非常好食。呢一款香港小食真係令人好懷念。不過紅豆分佈唔算太平均 ， 全部集中晒喺中間。

每次入長洲既指定動作一定係黎新照記買糕！今次買完糕，見到有芝士焗帆立貝，$50/3隻送一杯豆漿，諗住試下新野，點知就中伏似係芝士焗洋蔥多d…妹仔大過主人婆…食晒啲洋蔥先見到細細粒帆立貝…真係搵笨…好彩啲糕仍然咁有水準，條氣先順返啲！紫米糕超足料好似食緊紫米露咁，馬蹄糕清甜馬蹄爽脆，$8大大舊雖然加左價不過仍然抵食！下次黎都係食返糕就夠

長洲買大大魚蛋嘅舖頭多的是 唯獨我最愛揀呢一間近海灘嘅有好多小食買 大大魚蛋除咗原味 仲可以揀咖哩同沙爹我最愛係咖哩味 其實佢一啲都唔辣純粹有好香嘅咖哩味道 十蚊有兩粒大+一粒小 除咗大魚蛋 大雞髀都絕對係冇得輸嘅必食之一 佢個雞髀只係十幾蚊 但大過平時係7-11賣嗰啲嘅兩倍 可惜今次有啲飽 食唔落就冇再叫雞肶 下次一定要再食過

吃過午餐，又閒逛過一會兒，親愛的說要食豆腐花，於是咱們走去目標餐廳進發。新照記茶餐小食店是一所小食兼有甜糕點和小食的小店，親愛的除了喜歡豆腐花外，又喜歡紅糕，這小食店可滿足兩個願望。豆腐花有冷有熱，可供選擇。豆腐花本身很幼滑，亦富豆香，加上了黃糖，使豆腐花變得甜了起來，但也不失其豆香。糕點則選了芝麻糕和馬蹄糕，其中芝麻糕亦具芝麻香味，口怠柔糯軟腍，但亦可再香濃也不妨；馬蹄糕質怠煙靱，帶有清甜味道，馬蹄亦夠爽口。在這小食店，可以吃過糕點及豆腐花，不亦樂乎。

對於懷舊小食係特別有情意結，去到邊見到有懷舊小食都會好想試，黎到長洲呢啲咁有鄉村情懷既地方就更加唔洗講啦~黎開長洲既人一定對呢間中式糕店為主既小食點唔陌生，今次我就試左佢個砵仔糕同眉豆茶果，確係唔錯既！砵仔糕：其實砵仔糕大部份地方都唔會差得去邊，主要係睇個人想食煙韌彈口既定係林身啲既，呢到係有少少煙韌同時有啲黏口既感覺，未係最中意既口感，但唔會太甜，食落都幾清新，紅豆糕較細粒，而且份量都唔算多，以糕點做生招牌黎講，應該可以有更高質素眉豆茶果$7：呢到茶果得兩種揀，蘿蔔絲同眉豆，我揀左眉豆，本身茶果都幾大隻，見到個饀都好多，屬於皮薄饀多，至於個饀都幾出色，微微既咸味同時豆都大粒同煮得淋身，仲食到少少花生，口感都幾豐富，加埋皮做得煙韌，算係近排食過最好既茶果不過呢到價錢係偏貴少少~

呢間茶餐廳近海灘 相信吾少人都會經過係周圍都有大魚旦賣既情況下我隨意試左呢間 $10/串 有2粒大1粒細如果大食既你可以考慮下買$60/14粒大旦味道方面有我試左原味同咖喱原味黎講就係咩醬都無 普通咸味魚旦😂咖喱正確黎講完全吾係咖喱只係多pat深色有味醬 吾好諗會有辣😂但魚旦本身大得黎夠彈牙 所以我會推介原味另外試埋大雞腿 個豉油汁好入味所以雞脾有小許咸但值得一讚係完全吾鞋口 非常易入口$20黎講禁大隻 我覺得算做到野☺