新田寶寶餐廳

營業中

休息中

好耐冇踩單車，而家只係間唔中出下。而家起左成條bike lane由屯門兜到去大圍，我諗應該有帶動到附近嘅餐廳生意，就好似今日同一群車友經過呢頭午餐，見佢有位就坐低啦，再搵連位都冇埋。我點左星洲炒米加檸檬茶少甜。望落去好大碟都炒得好香，不過入口好濕，而啲應該原本係叉燒嘅肉條，全部係肥膏肉條，所以我只能選來食。我當然冇食晒佢，因為唔好食，不過車友選其他嘅野食佢哋話好食。我應該係選錯左。下次再嚟會小心啲選擇。不過姐姐全部都唔帶口罩，可能有啲人會唔介意，但我好介意。

今日踩單車到新田，下午茶搵食黎到新田寶寶餐廳，地方舒服風扇充足。🍴午餐估佢唔到嘅楊州炒飯、超有驚喜，雖然佢唔係大粒叉燒同鮮鮮仁，我欣賞嘅係佢個炒飯，粒粒香口有嚼頭一啲都唔油膩。😋🍴下午茶就揀咗鹹牛肉芝士多士，超多鹹牛肉可惜芝士沒有輕微加熱，故做不到熔熔地嘅感覺，鹹牛肉同芝士分開差左少少。🥤凍檸茶茶底OK

叫左三個set ,有一份落錯單，但唔緊要，我都可以照食。無謂換啦，加料仲衰🥀食品賣相差，睇到都唔想食。味道一般，入到口。杯凍飲d冰多都死，淡晒。薯條係熱，但好多油，好肉酸。怕怕🥀

今日又來到新田天口慶冇胃口食飯所以揀左星洲炒米食都係一貫作風大大碟唔怕唔夠食聞到好香 食落算係咁 配料都係蛋 蝦 火腿既d基本野 米粉唔會炒到又斷又碎 幾有咬口 只係略嫌炒得唔夠乾身

又來到新田寶寶今日同朋友食清湯牛腩飯牛腩比想像中多同埋大嚿煮得算幾淋但又唔會一食就散牛腩既份量同飯既比例岩岩好 最起碼唔會唔夠牛腩送飯個湯因為有牛腩味 當係汁咁撈飯食好正 以$48有咁大碟飯黎講算好抵又高質

小菜好味，招呼吾錯，地方好大，空間大，可以再去！咸豬手好吃的，班頭腩好好味，又有地方泊車，打完波過關去食，好就腳！炒粉面都好好吃，基本上是有心做好的餐廳！午餐及晚餐及下午茶都可以去，正的！

天寒地凍食午餐，方便睇車所以坐室外位，呢間像村屋改嘅餐廳，新裝修茶餐廳格局，有戶外座位，戶外好開揚，唔近馬路唔食塵！午餐係茶餐廳選擇例湯：夠熱，飲完成身暖晒！不過味精味道幾重蠔仔肉碎湯飯：天氣飲熱湯，蠔仔細隻唔腥無沙，不過數量唔多！飯粒肥胖胖索晒湯！啲湯幾重味精，鹹香惹味！加上蔥粒爽口！不過食到一半已經無晒蠔仔！餸太少！熱檸茶：茶夠熱，茶好濃微澀！正常！同事食：原隻沙薑雞髀飯：粟米肉片飯：可樂：熱咖啡☕️：凍檸茶：食物ok，店員好爽帶笑容！而且helpful，主動問叫可樂嘅同事要不要冰底！見我影相每次上菜都停比我影！ 同事怕沙薑太鹹，店員又解說沙薑汁係另外碟上嘅！好主動解決問題！街坊食店廁所幾乾淨

工作四圍遊，遊到新田係我最唔喜歡嘅地區，因為餐廳選擇太少，水準又一般！今日去平時去嘅餐廳旁，開了一間新的餐廳，都係由村屋改裝，地下室外放咗桌椅，比啲吸煙人士食飯兼食煙！（當然亦可以話佢哋欣賞緊戶外風光嘅！去到唔使等位！我哋人多上到去一樓，大圓桌木椅，唔知點解好似我上國內嘅酒樓，先會用呢款桌椅！好土氣！午餐款式唔多！所以好快落單！咖哩牛腩飯：賣相幾好，份量大，咖哩汁太浠，掛唔到上啲牛腩度，咖哩汁唔夠香，反而加嘅辣椒油幾香，牛腩半肥瘦，幾淋身唔韌，中央夾啲牛筋有咬口！無痴到成口渣！幾好！牛筋粗身幾彈牙！好味！白飯幾鬆軟！配咖哩汁好味熱檸茶：黑膠杯，茶夠熱但較澀！一般同事食：鹹雞飯五花腩肉飯：蠔仔粥：新開張，店員有笑容，好親切咁叫我哋上樓！上菜收碟勤快，不過落單效率及準確度都爭啲，有時要反覆問幾次先確定！不過態度好搭夠！食物有改善空間！服務要保持