新聯輝餐廳

營業中

休息中

放工行過去兆康苑食下午茶貌似呢間商場可以遠離領匯的魔掌還保留住(史前^^)的屋邨風格在新聯輝吃個乾炒叉燒意粉, 夠鑊氣,仲諗住呢類餐廳呢種少利潤既下午茶係一大早炒定先既原來唔係 整碟牛河都很入味, 有特地加上蛋花芝蔴, 眼見很多餐廳的牛河, 頂多只是牛肉河粉蔥芽菜, 加上蛋花芝蔴實在有畫龍點晴之風味啊~上枱既時候,侍應仲 係我無要求既情況之下 放多一碟辣醬,真係中POINT!!!服務好!!又唔貴....30$下次可以再試

上朋友屋企做完peoject後搵食,之後要返學校上堂...我揀左1份價錢合理的 特餐$25:chopsticks:雪菜肉絲米粉雪菜實在係很咸 唉....:chopsticks:火腿奄列 及 咖哩春卷 2小件 整體來說真係幾多油....所以食少少蛋,食得較多火腿便算....我寧可唔要呢2件春卷,俾返1份方包我仲好呀...:chopsticks:熱檸水質素都ok的...4片lemon...尚衛生的...lunch time都幾旺~唔算坐得迫,幾闊大~常餐lunch set $24都幾平~見朋友的炒飯幾大碟...不過當日的常餐不太感興趣,所以食特餐算味道整體來說,真係麻麻地...

今晚屋企人唔煮飯, 一齊去新聯輝食飯, 其實都食過好多次, 今次特別寫食評我地叫左50蚊中餐1號, 指定菜為鼓汁蒸海上鮮, 自選小菜係 雲腿蒜浸唐生菜, 另加 半隻燒鴨, 包2個飯, 另加1碗飯同熱飲凍飲各一杯, total $ $124先從 鼓汁蒸海上鮮講起, 佢係百花魚, 都有魚味, 個汁濃淡度恰到好處 雲腿蒜浸唐生菜: 個上湯清甜, 菜不老 半隻燒鴨: 有鴨味, 唔實, 而D皮唔太肥, 我用來送飯針對今餐, 我很滿意

真係忍無可忍先至寫呢個食評, 其實兆康食嘢真係無乜選擇, 所以叫親外賣都係嗌新聯輝, 好多年前就真係又抵又好食, 但自租埋隔離舖兼裝修完之後, 食物同服務質素一日比一日差, 尤其是其中一個女收銀, 次次打親電話去問lunch/dinner有咩食, 佢都好唔願意答你, 試過有一次話佢好忙唔得閒講我知有咩嘢食, 總要CUP我線, 就算答你都係勁無禮貌, 完全唔優做咁, 次次嗌外賣都好似嗌交咁, 次次叫完外賣都好火滾今日嗌0個個收銀阿姐D態度又係超差, 同我0係度鬥大聲, 我可以話我唔幫襯係因為呢個收銀阿姐問題係價錢愈黎愈貴, 一個DINNER要40幾蚊, 好唔抵囉, 又唔係好食, 試過有一次嗌DINNER, 佢送0個D啫喱係熔左, 自此之後我寧願0係市中心或新墟買外賣返黎食算

這間餐廳巴既下午茶到晚餐, 食物都相對其他餐廳好食,所以每次到兆康必去地方 " 新聯輝 " 今次食晚餐A " T骨扒意大利粉 "新鮮蒜蓉包 : 原來用新鮮蒜蓉焗麵包係好食好多 蘑茹忌廉湯 : 好CREAM 好多蘑茹, 喜歡飲忌廉湯必飲 T骨扒意大利粉 : 好大件T骨扒 肉好淋好好味 意粉比較硬 總結 : 一間細細餐廳食物相比起扒XX王, 珊瑚X好味好多好多,

睡晚了3點才下樓隨便就點了個茶餐20蚊既麵餐可配一款送+火腿奄列或是2送但無奄列一個奄列又有火腿又有蛋感覺好似抵D麵改一丁要加$2凍飲也加$2其實屋企也可煮的野食都不用抱什麼期望隨便食飽就閃人只係貪唔使洗碗無手尾跟而已

27/4(日) 9pm翻山渡水,跨區闖入屯:門,這說法的確有點過時.路程及時間跟到港島相若;西鐵乃一大功臣!09年還通車至尖沙咀;種種因素促使我倆放下對屯門的成見,為安樂窩下點功夫;睇樓已成為我倆新掘起的嗜好.不經不覺看下十多廿個單位,已是九時;餓得發慌.經經紀引領下,到了"新聯輝"填肚.茶餐廳挺寬敞,街坊生菜,別求有何裝潢,企企埋埋便是了!三人要了冬瓜豆腐火腩煲$33,咕嚕肉拼粟米斑塊$60,梅菜扣肉保煲$33及灼唐生菜$10例湯--一大碗;紅蘿蔔煲豬骨;火侯不足.冬瓜豆腐火腩煲--沒融為一體之味道;冬瓜豆腐不入味,味道淡然,火腩亦不盡惹味富肉香.咕嚕肉拼粟米斑塊--頗欣賞其雙併概念.咕嚕肉脆漿薄,脂肪少,酸甜度恰好;反而斑塊脆漿較厚,色澤非金黃,味道平平.梅菜扣肉煲--扣肉腍還腍,卻並沒梅菜的清香;其汁液也過於稀身.灼唐生菜--份量足且尚嫩,但稍為灼得過時.服務還不錯,拿著一包二包外賣踏上歸途,才$150的晚飯;實惠得很!