新英記茶餐廳 (已結業)

週一晚在希慎道聽講座，聽畢已八時許，隨意在附近的新英記吃晚膳。晚市小菜套餐$54一客，在銅鑼灣地段都算合理。例湯花生豬肉煲雞腳，都幾足料，味道唔錯噃！小炒蕃茄牛肉炒蛋，牛肉只得四五小片，炒蛋又少，有欠大方。加上牛肉無乜鮮味，不作推介。另一小炒西蘭花炒斑片，沒有想像般油膩，已算不錯。斑片用上青衣柳，質感明顯較實在，總比用上龍脷柳好。附上白飯一碗，飯粒太乾太硬喇！餐飲熱奶茶茶香滑度皆未見突出，無乜特別。

二人在老銅吃了一點東西，再找個地方吃第二餐及喝杯奶茶咖啡醒一醒神，人在老銅，吃過的茶記也很多了，最後找一家未吃過的，就來了在英記茶莊旁的新英記茶餐廳，不知兩者又有沒有關係呢？二人坐進了一個二人卡座，冷氣充足，以是日廿八度的下午來說，真的頗為舒服，之後就看有什麼好吃，此店除了一後茶記有的三文治及多士之外，炒粉麵飯的List真的很長，另外粥品及湯麵類都有很多選擇，側重於大型的食品，看來是所非一般的茶記。二人吃不了那麼多，在云云的食物中要作出取捨，在看餐牌時，聽到廚房中不斷的發出煤氣爐猛烈的聲音，看來店家炒類食物頗有水準，所以最後就點了一碟時菜斑球炒麵，另也要了份奶油多，而喝的當然就是熱奶茶及熱咖啡。奶油多是一塊不厚不薄的麵包，雖則有烘過的痕跡，不過又不算太熱，而且更是一點也不鬆脆，也真的很怕吃多士會有此情形，加上牛油塗得太少，吃起來就只有煉奶的甜味，幸而煉奶又真的下得夠多，光是吃這份香甜，至少也可說是不難吃的一塊煉奶麵包吧。也不消一會，一碟碟頭頗大的時菜斑球炒麵，端上來的時候熱騰騰的，炒麵其實是炸生麵底，炸得異常香脆而又一丁點也不油膩，加上火力均勻沒有明顯過焦，伴上菜遠熱騰騰的豉油茨來吃，

從來對茶餐沒太大期望, 只是走得倦了, 想喝杯飲品, 歇一歇。當晚只點了奶茶及西多士作飯後甜品, 出乎意料, 西多士有很高水準! 最重要是油沒有千年油的味道。麵包經油炸後能無持外脆內鬆軟, 不會過濕。火喉控制得恰到好處。正正就是小時候吃的西多味道!至於奶茶, 比一般茶餐廳濃厚, 但本人不能接受太苦澀的味道, 需要加熱水沖淡。沖淡後仍只能喝半杯。 為了一件西多, 日後一定會再光顧。

住左跑馬地超過十年xd呢間近年由新"超"記改名為新英記既茶餐廳真係好有童年回憶xd最中意食佢地窩蛋牛肉飯!真係好正;)就算星期六去加錢仲有野飲跟!相比起其他真係抵食大大窩一定飽最欣賞係隻生蛋fing下fing!用d飯cum熟佢真係好有風味xd不過可能有d人好似我媽咁驚佢用生蛋唔乾淨可以要求用熟蛋xd其他野食好似局飯都好正ah佢d奶茶好有水準;)環境方面響茶餐廳黎算一流!如果唔係我媽都唔會要求黎xd但星期六日去會ok多人所以要等位xd

行過附近同女朋友叫左一碗雲吞 一碗水餃米粉河粉都煮得可以啦 唔會話散晒雲吞? 一般貨色吧至於水餃..唔新鮮 食落有怪味 不過吞左不過為左健康著想~ 奉勸各位 如果食野覺得唔對路 就要識得停如果唔係苦了自己

見午餐不岩吃，唯有散叫，南乳豬手飯，估唔到都有三大隻豬手喎，仲有幾條生生地的菜心，豬手不夠香，但夠「林」，汁又夠多，淨吃豬手會好咸，記得送舊飯，埋單34元，茶任飲，店內人來人往，無服務，但食物水準穩定。

八月中旬‧晴酒過不知多少巡，卻又仍然清醒，有時我也不知自己的酒量是深還是淺。跟神婆找東西吃，原本打上去連粵日，但主理人說給包了場（噢！後來我知誰包了場啦。），唯有來這裡，吃點東西。一時間，也搞不清楚這裡是「新英記」，還是「新釗記」，總之坐低就要了雲吞麵，及淨水餃各一碗。仍然是沒有胃口，這一陣子還是以吃淨雲吞渡日。但神婆要了雲吞麵，我唯有轉了要淨水餃。要了一粒雲吞來試試，吃起來，感覺竟然跟雲吞差不多。雖然佢有筍在內，雖然亦有冬菇，雖然個形狀也幾「水餃」，不知何解。最後，也結果「再開一壇」，坐至打烊。喂，明白啦，謝謝。

原來想去北海道牧場餐廳, 但一看到門口的人龍便立刻走回頭路, 見此間新英記路經多次也沒有吃過, 所以即管一試等了大概5-6分鐘便有檯, 算幸運.看到有盎飯, 我跟ADMIN 妹妹都想試, 可惜幾款盎飯裡只剩下ADMIN 妹妹想叫的窩蛋牛肉飯. 所以我便叫了很久沒吃的雲吞蠔油撈麵窩蛋牛肉飯評語: 在ADMIN 妹妹那邊拿了一少塊牛肉試試, 味道很不錯, 牛肉很滑很鬆化, 希望下次能試到我想吃的鳳爪排骨飯雲吞蠔油撈麵評語: 很大一碟的麵, 麵略嫌不夠彈牙, 不過尚可, 雲吞蠻好吃, 也很多粒, 配上麵的湯也不會有味精的感覺價錢: ADMIN 妹妹的盎飯是跟飲品, 所以只需30多元, 我的是散叫, 所以一個撈麵已37-8元,加上凍飲10多元, 都差不多50元, 有點貴服務: 不像上一篇的食家所說, 我這次遇到的阿姐很好人, 又有耐性等我想想叫什麼, 很親切

来到新英记 快午夜12点服务生全是阿伯组成 态度实在有够恶劣点菜催 很多菜已经没有了 在吃的时候催 催我们快吃 吃完可以快走真是花钱被人训 不爽 干！冻茶 还蛮不错的 地地道道多士加蛋 清清爽爽 蛋的味道也很浓还点了一碗面 影响深刻 58hkd一碗 好像是白斑面 只是面是泡面的面来的总之 抛开服务 其余还不错

又要加班嘞~今晚叫咗新英記外賣, 因為想食清清地既嘢鯪魚球生滾粥~ 好好味呀,魚球又多(不過就細碗咗d)白灼鯪魚球 ($50) 當然係同人share 啦~ 配埋辣豉油加薑絲真係好惹味呀~不過今晚呢攴就貴咗d...無計啦 ~ 係銅記喎 ^^

20080502這裏與隔壁的“英記茶莊”到底有沒有關係呢？想了很久也沒有個所以然。轉而安心享用面前這碗“京都炸醬麵”，不過，真是“港式”的緊要，就算那港式的標準來看，也未免太甜了些，肉質質地有很硬，雖有浪費之嫌，我也不得不把它們都挑出來，真是罪過……以後還是不要在港式茶餐廳吃什麼炸醬麵了……對了，如果真的有心來“hea”，記得全場得一個無敵窗邊街景位，碰不碰得上就看運氣了。不過，這裏冷氣超凍，就算想“hea”，也坐不了太久……

今日同老公仔去開灣仔個頭,所以就專登去哩間試下..原本諗住食吓下午茶餐..因為有野要做,攪到2點幾3點先食lunch..點知原來冇下午茶餐,同set lunch..要散叫...(睇清楚餐牌,原來只有星期一至五先至有tea 食)咁我地就order 咗..1) 牛腩雲吞麵2) 炸醬麵3) 凍央4) 凍奶茶個牛腩雲吞麵,就真係幾好食..有3粒大雲吞,4~5舊牛腩..d 麵都好爽口..湯底都唔錯..但炸醬麵就唔係好得..太甜...凍央,凍奶茶都ok既..唔係話太好好味..都過得去...但碗麵既size 就真係細碗得好交關...如果當lunch,我估就唔夠食了.... :b原本想試埋豬扒包(因為都係$16..可以試下既)但冇乜胃口..所以冇試...原本想下次再試下既..經開哩頭既話..但老公仔話咁細碗下次唔會去喎...但對於女仕o黎講呢..都可以值得去.... 如果老闆可以大碗d 就更加好啦....

三十二個大樣外賣一個薑水餃撈面作為午餐,都算幾豪,呵呵呵,夠錢食個更飽肚的快餐或常餐囉~~~四隻水餃,蝦夠爽,但內裏的半透明肥豬肉粒仲爽,係就係有口感,但肥囉~~~面,一般的彈牙,湯有朕地魚味,夠香,飲完唔會口渴,食得過,月頭手鬆的話~~~

呢間新英記, 每個星期都可以講係我同家人既聚腳點~ 因為d野食~ 真係好正~ 而且服務態度亦good~今次一行四人食左:薑蔥水餃撈加腩汁: 呢度既水餃~真係好食到傻~ 加香口既薑蔥~ 麵就一向都有水準既~ 正~腰潤粥: 生熟程度~ 剛剛好~ 粥底亦都唔錯~ 唔係味精粥~ good~鮮牛公仔麵: 我無食~ 因為本身唔太like出去食公仔麵~但家人讚不絕口~旦冶: 我覺得一間茶餐廳最緊要係呢樣... 唔錯~ 因為唔係隔夜包~ 牛油亦真係牛油~ 唔係"馬芝連"~ 而旦亦可以~ 加埋買杯飲野~其實都食左呢間野好耐~ 前身個鋪大d架~ 佢係拎埋隔離既廚具鋪~ 而且係叫<<新釗記>> 及後唔知係加租定點啦~ 就好似現在咁得返一半~ 叫<<新英記>>喇~

如果要數全港至正茶餐廳, 我會推介新英記, 原因無他:1.) 我不喜歡集團式經營, 所以翠華從來不是我杯茶。2.) 奶茶正, 我認為如果奶茶不正, 根本不可以叫茶餐廳!3.) 地方算乾淨, 服務算有禮。4.) 哩度煮?公仔麵好正。5.) 更難得的是他的"窩蛋免治牛飯"好鬼正架!