新記芝士麵 (已結業)

芝士控為了芝士🧀慕名而來，見到碗麵上pat芝士醬，已經感到到滿滿嘅邪惡感🤭🤭。店舖位於尖沙咀，美麗華對面，喺一座舊式大廈入面嘅隱世小店。當日下午茶時段光顧，人流唔多。·雞扒雞翼芝士撈公仔麵 $50芝士質感非常濃稠，但有點乾，味道方面亦未令我感到驚嘆，唔算好香濃。麵底使用大光面，偏淋，略有口感但唔彈牙。雞扒皮脆但肉質有少少鞋同偏硬，有3隻雞翼。·豬扒芝士撈公仔麵 $50芝士汁同麵底同上者冇太大差別，豬扒偏薄身，口感有少少柴。·整體來講，份量唔算好大，女仔食剛剛好，男仔食就未必夠飽啦🤭。芝士汁唔算好濃味，芝士控應會感失望🙍。CP值唔高，個人覺得有少少吹捧咗🤭。.推薦指數：★ ★ ☆ ☆ ☆

朋友話想食呢間嘅芝士撈麵好耐啦，咁就配佢去食啦！🤗果然無接介紹錯，招牌菜芝士撈麵果然好正！芝士味好濃郁，而且芝士好多！！！😍😝😝瑞士汁魷魚須好有咬口！好入味！瑞士汁味甜，我鐘意食甜嘅醬汁！魷魚須都好新鮮！😊呢餐真係好正！！😍😍

一入門就見到放滿文宣嘅枱～發現最近食嘅黃店都係店又黃，嘢食又好黃🌞🥓🧀🍜｜豬頸肉芝士撈麵｜$50｜滿滿嘅芝士鋪喺面頭，Menu寫嘅係芝士汁但個人覺得質感偏似醬多啲，會有啲漿口份量都幾足，每條麵都可以掛到芝士醬食落覺得啲芝士醬份量岩岩好，唔會太膩食到芝士味嘅咸香，都幾濃郁～豬頸肉就普普通通，不過不失聽人講呢間嘅蜜汁龍鬚好食，下次試下先！

朋友話今日帶我去食一間尖沙咀幾出名嘅芝士撈麵，點知原來呢間野都幾偏僻，入到香檳大廈轉咗幾個圈終於搵到。雖然佢好隱蔽，但原來都幾多人食過推介。朋友叫左雞扒芝士撈公仔麵，我就揀左豬扒芝士撈公仔麵，再加一碟蜜汁龍鬚share。勁多芝士汁喺面超邪惡，芝士味超香濃又唔會好鹹，鍾意食芝士撈麵嘅人一定要黎試下！雖然多汁但係又唔會搞到啲麵淋晒，同埋豬扒都算大塊幾好食。蜜汁龍鬚其實係魷魚鬚，唔會太硬，甜甜地幾好食仲有芝麻喺面。

知道呢間餐廳好出名，又係一間黃店，所以慕名而來試吓芝士麵。餐廳貼左大量文宣資料。凍檸茶要加$9，價錢一啲都唔平。叫咗一個雞扒雞翼芝士麵，面係用大光麵，十分難食，好似糊仔咁樣。芝士汁就普通，同一般茶餐廳差唔多，雞扒有啲硬有啲乾，雞翼就還可以。本來想叫多士試吓，但係餐廳冇供應麵包。今餐接近$70，我覺得性價比10分低，黃藍是政見，好食是良知。真係一間好普通嘅茶餐廳，我唔會再試！始終佢嘅價錢去比較貴。只是10次係用一塊塊嗰啲芝士整溶佢，同自己整嗰啲冇乜分別。

尖沙咀一定係食過江龍？一定係食貴價野？當然唔係！係尖沙咀只要識捐窿捐罅，一樣可以搵到好味既平民美食，仲要係黃店添！呢間新記位於美麗華商場隔離既香檳大廈地下，最出名係佢既芝士撈麵，見好耐無食豬頸肉，就叫左呢個麵😋！一嚟到真勁開心😃，因為真勁多芝士汁😍，好邪惡，味道鹹鹹地，同公仔麵都幾夾！豬頸肉好香脆，煎到少少金黃而帶點油，本身豬頸肉又滑，真好好食😋！$50雖然唔平唔貴，但難得咁好味都合理啦！係尖沙咀行街行到攰，不妨去食D小食，支持下呢間良心小店，除左麵外，仲有其他小食！最尾附上兩張店舖門口圖，方便大家去試！

第一次過來，在金巴利道外兜了一個圈，見唔到香檳大廈，要打電話去問路。商場有D冷清，新記食客不多，店內見到好多文宣，真心感動。我係衝住出名的芝士麵而來，不過到睇住枱上個圖，覺得勁辣牛肉煎蛋飯好似好正，所以無點招牌食而轉食牛肉飯。奶茶先上，好啱我口味，我比較喜歡有茶味，唔會太奶。等咗無耐，就上牛肉飯。雖然賣相同圖有少少不同，D汁潑得好隨意，最緊要系夠冶味，D汁辣得黎好香口😋，個份量都夠食，加埋杯奶茶，好滿足。下次再嚟食招牌芝士麵

Portrait影到冇咗支叉，你冇眼花，d麵自己識懸空㗎！——秘製豬頸肉芝士撈麵($50)想當年，佢係灣仔嗰陣，周不時去食。嗰陣個芝士汁好似冇咁黃色？係偏白d㗎喎。所以見到呢個汁有d懷疑係咪換咗煮法，驚會冇咁好食...但都唔錯，雖然冇以前咁好食(可能我嘴刁咗)，但個芝士都係好濃郁好厚。芝士嘅份量都充足，每一啖麵都可以沾滿芝士黎食🥰麵質係我鍾意嘅偏硬身！豬頸肉外面甜甜地～咬落爽口，同芝士麵好夾😆.Overall: 7/10Value for money: 3/5 (有d細碗，兩啖食嗮haha）——📍新記芝士麵尖沙咀金巴利道16-20號香檳大廈地下13-14號舖

收購重建中香檳大廈內， 如果拆卸後就可能沒有，今天和同事在旁邊美麗華工作，Lunch帶了他過來試一試(他也算一個識吃懂煮之人）終極芝士麵- 芝士沒太多香味， 要放近才聞到，但吃落芝士味亦很足，麵有點偏淋，豬頸肉紅腸都有煎香炸過不錯，煎蛋加上芝士 和配搭食材，有多重口感，份量少， 芝士菜式是比較膩的，所以太多可能又…… 不過如果你有點大食吃兩碗才夠。川椒牛肉煎蛋飯- 辣味很香很惹味，牛肉應該有用食粉醃過，但唔會覺得過份鬆化，有 咬口，煎蛋睇相都知爛曬， 正常用扒爐煎 都好難煎得爛，唔知係咪雞蛋擺得太耐， 還是落蛋太粗魯，我食時其實並不是很多客， （約3至4成，以前是要排隊的呀！）飯的份量不算多，但還比麵好，牛肉比例上就顯得 比較合適了。總結： 未食過可以一試， 專程過去可以一免。經過又想食呢類型食品，將來可能就冇 ，點解又唔用自己角度感受一下呢！十分滿分形 6色 7香 5味 8速度 9態度 7裝修 5整潔 4（我一坐低就畀佢張枱，同埋啲辣椒油樽， 弄到隻手黐立立，不過同服務員一講，都有禮say sorry和清潔枱面， 但依然冇抹樽辣椒油。）性價比 5回頭指數 6Total：62分

大失所望！芝士麵本身ok好食但係屋企可以整到既級數。最失望係份量！好細一碗，剩係得一個公仔麵既份量加一pat芝士加3條豬頸肉！50蚊黎講完全唔抵諗，呢個價錢可以自己整triple份量！講番個麵，一般公仔麵質素，上台嗰陣仲係keep住四四方方既公仔麵形狀。。出前一丁另外加錢。芝士係一般般，唔特別唔算濃似忌廉湯味，而且上到檯係乾乾地，有啲琼左。。豬頸肉係好食既，不過都係出面泰式餐廳一般水準，但係份量小。黃店黎講，試一次就夠，絕對冇下次。服務態度就唔講啦，都冇服務何來態度。另外星期六日假期，飲品正價～$22

超耐超耐冇出街食飯老公話難得出開去，本身諗住晚餐返屋企煮，都係出街食啦😁諗起尖沙咀區有咩好食突然就諗起好耐冇食呢間芝士撈公仔麵😋我諗我有幾年未食過喇然後捉咗老公去食味道不變，分量不變👍🏻不過發現價錢貴左DD我每次嚟都係食同一樣嘅嘢就係芝士紅腸公仔麵老公就嗌左終極芝士麵其實同我嗰個差唔多，只不過多咗幾塊豬頸肉，同埋貴左10幾蚊好耐冇食但係佢味道依然雖然感覺好邪惡😅😅😅不過難得一次唔緊要啦

新記 (TST)雞排雞翼芝士公仔麵早晨✌️ 影落去 賣相好似唔係幾正咁 但係第二次食啦又真係幾好食芝士汁係個重點 都頗濃郁 芝士味都幾出 而且最重點係唔會有一粒粒未融的係入面因為佢係新鮮整黎碗野出黎 就俾你食架啦就算我地影完相都唔會有咁的問題😆但個人認為芝士份量可以再多d 麵底又ok wor!唔會過淋 係恰恰好我鍾意的口感配料我就覺得豬頸肉出色好多因為雞排同雞翼都係普通你係屋企都可以煮到的料 所以唔多特別 除非你好鍾意食啦豬頸肉的調味好好食 甜甜地但又係碳燒的感覺 又大舊 淡淡肉 半肥瘦👍Overall: $51 (7/10)

好耐無食芝士麵，經過尖沙咀忽然諗起它就去坐下，係現在疫情既環境下，好多食肆都無咩客，去到熟悉嘅環境，見到好多櫈枱都要封住。平時午市好多人嘅時間，現在只得幾個人，一心係諗住食芝士麵，點知可能太耐無去，見到有個四川麻辣牛肉煎蛋飯咁就先識下，牛肉非常滑又好多煮嘅時間剛剛好，不過有啲失望係唔辣見到佢寫住辣又麻辣一心以為會好辣，當然食辣都唔同，本人都幾食得辣，所以覺得個辣味係唔夠，反而覺得有啲甜個汁有啲似瑞士汁加左啲辣咁，但係味道係可以嘅，煎蛋更加唔使講生蛋黃撈落啲飯到非常正。如果唔係想食好辣嘅人其實可以試吓，因牛肉加蛋食已經好正！不過應該好快要再去食返個芝士撈。明明行入去就係想食芝士到最後又食咗其他嘢

📍新記芝士麵(尖沙咀)(黃店)⭐️食物：8/10⭐️CP值：7/10-🐣瑞士雞翼（5隻）$58瑞士汁超香濃超入味，雞肉仲要好滑嫩好林😋😋應該係我食過最好食嘅top3 瑞士雞翼！-🧀秘製豬頸肉芝士撈麵 $50將車打芝士同埋撈麵擺埋一齊點會唔好食！不過其實又未到非常特別haha 秘製豬頸肉煎得好惹味，香脆又juicy🥳-✅Overall：瑞士雞翼有驚喜❣️芝士撈麵都唔錯！環境真係好隱蔽，我哋個個都搵唔到路🤣同埋呢度阿姐實在非常惡❗️❗️❗️嚇死我了 落單小心🙊

已經食咗呢度嘅芝士麵好多年喇～前排突然發現都有一段時間冇食過，因為都幾heavy下，次次食完都好大罪惡感🤣但留咗喺屋企幾日都冇出街，決定獎勵吓自己，放縱一下🤤不過呢度嘅位置有少少偏僻，喺香檳大廈裏邊，第一次嚟嘅話可能要花少少時間搵吓～題外話，呢度呀姐嘅心情好飄忽😹上次嚟嗌外賣佢勁好心情，又叫我坐低慢慢等。但今次完全相反！！！！(太大反差有少少接受唔到🤣)我哋落單慢少少都比佢話，隔離枱唔清楚唔可以叫雞翼芝士撈麵，又俾佢話🥺唔係話expect有啲咩五星級嘅服務態度，但有一種一心諗住嚟支持黃店，變咗要嚟受氣嘅感覺，態度真係有待改善啊～～🙈.haven’t eaten sunkee’s cheese noodles 🧀 in a long time 😆 finally got a chance last week to eat it again!!! but first thing i gotta say is that their service somehow got worse 😔 super rushed & super rude 🤣 well, i guess that’s typi