新記芝士麵 (已結業)

肥仔芝士麵🧀🤰🏼🧡新記 相信有唔少人聽過 熱愛芝士既人一定有食過 🐵係中學時期Lunch time成日都會黎食芝士撈公仔麵 今次經過灣仔🐵就拉左我過去 同佢重拾中學回憶喎🌚🏫▫️雞排太陽蛋芝士公仔麵 $47芝士香濃誘人 芝士醬應該有加cream同奶 所以食落口感會再香滑啲 而且份量完全夠撈勻成個個麵 撈埋啲蛋黃汁 好邪惡呀媽咪(＞人＜;)煎香左既雞扒就正正常常啦🐤🐵表示 係食到一半既時候突然係度諗 如果加多種芝士會唔會仲正呢 不過就可能要自己私下求證嚕😏

難得放工來灣仔覓食，想試吓呢區嘅小店，於是揀咗新記。望吓牆上嘅星級推介餐牌，冇一樣食物係超過$55 ，對於想慳錢嘅打工仔來講，絕對係一個天堂。由於係冒着佢嘅芝士撈公仔麵而來，當然要試吓啦！揀咗芝士汁豬頸肉撈公仔麵，芝士汁極多，幾乎好似湯咁浸住d麵，相信芝士迷絕對會鍾意。但因為最近想食清淡啲，對我來講，咁多芝士絕對有點兒負擔，最後食唔晒。另外亦叫咗一碟炭燒豬頸肉煎蛋飯，豬頸肉燒得好爽口，配上留心嘅太陽蛋同事甜豉油汁，非常適合送飯，好快就食晒成碟，加埋個凍檸茶，一個字爽！唔係芝士迷嘅朋友，可以試吓佢嘅碳燒豬頸肉系列！

當日下午開始突然狂風暴雨，又還未吃午餐，在灣仔一帶，便想起這間一直久聞但從未試過的芝士麵茶檔，順便當避避雨。一入去，餐廳侍應挺友善，面帶笑容，熱情安排座位，我們想要水、紙巾，都很Helpful 的拿給我們，有一次，我其實只是抬頭四周張望一下，侍應見狀已立即主動上次、面帶微笑地問我們想要什麼，他們沒有一般茶餐廳侍應的臭臉，光是這一點已令人感覺很好～～坐下後，環顧四周，貼滿了名人、歌手、藝人光顧這店的照片，看來的確是有水準之店。和朋友看了餐牌一會，朋友推薦一定要試芝士麵加太陽蛋，便聽他說的，點了兩款芝士麵。雞扒太陽蛋芝士麵，凍奶茶 $49 (凍飲加$2)漢堡扒太陽蛋芝士麵，凍檸茶$49 (凍飲加$2)兩款芝士麵，雞扒不油膩，鬆脆得來有咬感，Size 也不少～～ 而漢堡扒共有 2 塊，兩樣東西各自配上濃厚的芝士，聞起上來已很香濃！選配太陽蛋的話，將蛋黃戳穿，加上芝士，所有東西撈埋公仔麵一起吃，實在非常美味～ 熱愛芝士的人真的不能錯過～！吃完後再喝一口地道茶餐廳風味的凍奶茶／凍檸茶，一個簡單又滿足的下午，就這樣渡過 😊下次出開港島，一定會再次幫趁～～

今日係第二次黎新記食芝士麵，隔籬華星依然係咁多人。我地三點幾黎到，客人坐滿左好幾檯，大家都睇緊電視播溏心風暴😂。我同男朋友都未食野，大家都嗌左芝士撈麵。今次既芝士變左淡黃色，上次黎食係鮮黃色🧐。不過份量依然係咁多，撈到最後都仲有好多芝士。最後都係食唔曬，因為太多芝士會太膩🤣。可惜今次隻蛋煎得太熟，唔係好「太陽」，啲蛋黃已經變左固體😭！今次既侍應態度好好，收錢個陣仲同我地講聖誕快樂🤣🎄！

啱啱去咗買外賣，叫咗個蜜汁煎蛋豬頸肉撈丁，要$50連凍飲，結果出咗嚟係營多撈麵加豬頸肉加煎蛋。佢冇話係辣嘅，結果出咗嚟都幾辣，搞到我個仔一啖都食唔到。品牌效應真係犀利！我咁大個仔都未食過咁貴嘅營多撈麵！好嘢我一定會再幫襯。

今晚唔知食乜好，係灣仔行吓行吓～ 見到呢間貼滿好多明星相係門窗嘅茶餐廳，就入去試試啦！首先更係睇晒所有餐牌諗諗食乜好，聽聞佢哋嘅芝士汁撈公仔麵係招牌食品之一，所以我揀咗“芝士汁芝心丸雞翼撈公仔麵”先，跟住店員就推介咗“自家豬扒飯”比媽咪，兩款食物都可跟一杯飲品，而價錢都算合理。豬扒飯有2件非常深豉油色嘅豬扒，媽咪一食就話豬扒全無味道，個豉油汁更帶點點苦味👎🏼，我個芝士撈麵就好得呀😋😋，滿滿嘅芝士汁蓋係麵上面，香濃無比呀⋯⋯ 芝心丸又夠彈牙，雞翼更皮脆肉嫩，最後媽咪都要我分一半麵比佢呀⋯⋯

今日同男朋友食午餐，話就話午餐，但成四點半先食🤣。本身男朋友話食華星，不過要等一陣先有位，所以就行過隔籬食新記。而加好多茶餐廳都係用膠杯裝凍飲，而佢地就用不銹鋼杯，令野飲飲落特別凍。男朋友嗌左個特餐-豉油汁煙鴨胸腸仔太陽蛋飯。我試左一舊煙鴨胸，有少少鹹得濟，可能係本身已經夠味再加埋豉油就多左😵。我就嗌左個芝士面配雞翼太陽蛋。對上一次食茶記既芝士面已經好幾年前，個次食既係白色個種芝士汁。所以呢碗面一黎到個陣我都嚇左一嚇🤣，一黎係我無見過黃色既芝士撈面，二黎係因為佢既芝士份量真係好多呀！多到足夠每一啖都有滿滿既芝士汁😋！因為佢份量都唔少，加埋芝士會膩，所以食完真係大滿足🤣。

雞扒芝士腸芝士撈面 $45芝士控表示好正😋🧀勁多芝士汁每一啖都有唔洗驚撈唔勻-但芝士腸切開煎明白會快熟d但爆開左☹️ 芝士腸無芝士味雞排無雪味唔鞋-連飲品唔食芝士唔緊要都有其他汁揀架😉

行過呢條街，四圍都係餐廳，因為我地一大班人所以就揀左新記貪佢唔駛等就有枱😛入到去睇menu先知原來呢度係主打芝士撈麵，不過唔想lunch食得咁heavy 就無叫到😂漢堡扒 太陽蛋 瑞士汁 撈公仔麵首先要讚下個麵，淥得剛剛好，唔會淋晒，仲好有咬口👍🏿👍🏿本身都係喜歡太陽蛋，鍾意一啖放晒個蛋黃落口既感覺😂 漢堡扒有啲似豬柳，有兩塊都幾抵！以茶餐廳黎講，呢個撈麵既質素係好既👍🏿 而朋友就嗌左芝士撈丁，超多芝士汁，搵日好餓時試下先🙈🙈

有好多名星都黎過幫襯. 仲發現D野食好似好唔錯咁! 可惜上次經過既時候無時間食, 今次難得得閒, 特登出黎試下佢!豬頸肉芝士汁撈麵 - 芝士味可以, 個麵都彈牙. 不過, 同一般係屋企自己煮既出前一丁, 混D白汁加塊卡夫芝士, 放入微波爐丁一陣, 差唔多! 再者, 一碗裡面只有五小塊豬頸肉. 失望呀..雞翼芝士撈麵 – 雖然D雞翼一定用左好多調味料去煮, 不過都算整得好食! 過得去啦.蜜汁龍鬚 – 另一個出名之作, 好似個個名星黎到都會食! 賣相幾吸食, 蜜汁甜甜地都可以但略嫌煮得老得濟, 食落唔係韌而係有D硬.

我又黎呢到食nah! 😂上次黎食左個芝士汁嘅麵同話要試埋個pork chop rice🤔，今次就試下先。賣相呢就唔錯嘅👍🏼，飯又夠大，塊豬扒色水又夠，好似醃得好好食咁。飯上面有煮左嘅洋蔥，撈飯幾好嘅👍🏼，至於個豬扒就好林嘅，但我個人就覺得太林，可以落得太多梳打粉，好似本身個肉味都冇左。🙈所以個人意見，黎呢到都係食番佢出名嘅芝士麵！😂同事食左個炸芝士丸芝士麵，十分滋味，粒丸入面嘅芝士拉到絲！🤤🤤

蜜汁龍鬚乾撈麵 ($49)評分：6/10.地道嘅佬嘢間唔中找回掛住。新記都算係會令人食過番尋味嘅餐廳。除咗芝士豬頸肉撈麵之外其實呢個蜜汁龍鬚都系佢哋嘅招牌菜。其實係第一次去食佢哋嘅撈麵嘅時候已經諗過嗌。不過事實證明佢哋都係芝士麵最好食。呢個龍鬚麵鹹到令人標眼淚😅😅 唔知系廚房個日失手定點。有冇人食過可以幫手比較吓。個蜜汁其實有啲似好濃郁 (比正常鹹3倍嘅瑞士汁) 其實本身麵條應該足夠吸晒啲蜜汁嘅不過似乎係落太重 (???) 😚 同埋唔食真係唔知呢個麵原來係辣嘅，食到中間有鹹又辣咁都真係幾辛苦。唯一真心正嘅地方應該係啲龍鬚自己。魷魚鬚有成十幾條，真係齋食佢已經飽晒 😅 雖然係好入味但鹹到咁嘅話都真係唔會再有第二次

記得以前中學果陣成日會去駱克道市政大廈個自修室溫書果陣成日都會去食芝士撈麵 簡直係溫書既解放事隔多年 今日要去食個快飯 就嚟食個芝士撈麵啦冇嚟呢度附近咁耐 唔上openrice都唔知原來搬左鋪呢間舖比以前既更加大同埋闊落其實佢餐牌都算多選擇 但係我呢個芝士迷都係逃離唔到芝士撈麵既魔掌我揀左漢堡扒 司華力腸芝士撈麵一上檯已經傳嚟好香既芝士味芝士醬好濃郁 可以厚厚咁痴喺d麵上面 啖啖都好濃芝士味我記得以前成日會食雞扒 覺得好夾 但係原來漢堡扒仲夾架漢堡扒雖然本身有自己既鹹味 但再加上芝士都唔會怕好鹹餸既份量唔會太少 我自己覺得我夠食芝士撈麵睇落雖然好似唔係好大碗 但係食完係超飽另外我覺得呢度既奶茶都幾好飲 味道夠濃郁芝士迷表示一定會再嚟食呢間芝士撈麵好難喺第二度搵到咁濃味既撈麵

係灣仔嘅呢條小路有好多餐廳😍，見到華星出面有人排隊，所以打消左去食佢嘅諗頭。咁岩新記有人走，即刻攞位。入面full house 好多人食，主要係學生同男人多，應該係因為佢d野都幾大份所以岩男仔食。🤔呢到嘅招牌有豬扒飯同芝士麵！咁今日我就唔算好肚餓，所以就叫左個豬頸肉芝士撈麵。以為會岩岩好，但都食淨一啖🙈 佢個芝士汁好味，唔係難入口又夠熱👍🏼 不過都係有食芝士汁嘅反應😂 就係會好快飽😂 佢個豬頸肉都好食，食得出佢本身有醃過同煎過嘅，有心機！朋友食左個蔥油瑞士汁雞脾飯。正常味道，不過不失😉 下次試下佢個豬扒飯先！睇下係咪佢講到咁好味🤔🤔

以前細個成日嚟食芝士麵，由＄29食到佢$45😂雖然係下午茶，但係鋪頭依然多人！牆上面貼滿好多明星光臨既相，可想言之新記係幾咁好食👍🏽「芝士豬扒撈丁+熱飲 = $45」,大家見到滿滿嘅芝士醬汁鋪滿成個公仔麵，新記嘅芝士汁係好香濃而且唔會太鹹，即使放涼左再食都唔會杰撻撻👍🏽公仔麵條條分明，同芝士汁配搭得非常好味！豬扒又唔會太肥，份量都多，食完碗麵啱啱好，如果可以多啲面就好啦😂鍾意食芝士嘅朋友，非常推薦到「新記」一試！