新記雞粥

營業中

休息中

今日晏左放工又得一個人食晚飯, 唔想咁頹, 去左新記想食個雞粥去到坐低見到隔離枱食乳鴿食到好滋味, 攪到我又想食!! 受唔住引誘叫左隻乳鴿, 有乳鴿就唔想食雞粥lu, 就叫條魚清清地等左陣乳鴿就出爐啦, 熱辣辣即整既, 外皮翼位有d脆, 肉嫩又香, 唔洗點准鹽或者醋都夠好味豆醬蒸黃魚中意佢大量蔥粒, 香味加倍, 而且個蒸魚豉油好好味, 真係連埋d豆醬就咁撈飯都得, 可惜要減肥, 如果唔係成碗飯同你隊左佢都得條魚都幾滑而且新鮮, 唔痴骨, 魚肚位都無泥味, 好味飲埋杯豆漿就飽哂, 一餐唔貴豐富又好味既晚餐就當慰勞左自己啦

早排食得太多肉 突然想食返清d健康d所以就同小胖男友去左食粥 清下腸胃之餘又經濟d不過當小妹見到原來個餐牌除左粥 仲有咁多唔同既野選擇 好快又將食清d呢個念頭拋諸腦後 忍唔住係咁點呢碟冷盤海蜇手撕雞幾過癮 海蜇夠晒粗身 食落好爽口黎得粥舖又點可以唔叫返碗粥食下?! 叫左碗艇仔碎牛生滾粥食得出生滾粥既粥底係靚粥底 不單止好綿仲帶甜味 好食過某大連鎖粥店好多我地一個想食炸兩 一個想食腸粉 唯有兩樣點晒呢度既腸粉既皮好滑好透薄 腸粉內既叉燒表露無遺而家連粥舖都要多元化 除咗好多小食 仲有埋炒小菜叫左碟椒絲腐乳通菜 估唔到又幾有鑊氣 仲大大碟 食咁多野 加埋都係$200左右 幾抵食

上個weekend 去o左睇個friend o係九華o既畢業生足球比賽，見佢大熱天時跑到身水身汗咁。完場後同佢o係附近食個tea，兆萬家樂坊呢o抖超多o野食，最後揀o左食呢間粥店。我之前已經食過佢其他分店，其實本身都比較少食中式o既o野，但唯獨呢間俾我感覺良好，可以一試再試。因為我之前食過佢地d 貴妃雞，覺得幾唔錯，咁招牌推介o既o野一定要再叫！另外因為仲係下午茶時段，d 下午茶餐先30 幾蚊，所以都嗌o左個。最後叫o左三樣o野，三樣都有雞，啖啖肉，o岩晒踢完波o既朋友可以幫助補充體力～金牌貴妃雞(例牌$65) 依然保持一貫水準，賣相精緻，甘亮油香o既外層，裡面o既肉略呈啡色，原因係用上多種藥材滲泡，靈舍入味。薑蓉都只係點綴形式o架o者，唔使點都已經夠晒鹹香，朋友都話無介紹錯。秘製雞中翼($28) 一碟有五隻，係煎雞翼o黎，隻隻都咁飽滿結實，食得出佢一樣有特別醃製，除o左香茅之外仲有另一種香料o既氣息，有少少似頭先隻貴妃雞o既味但又唔完全係，我覺得$28 都幾抵食。私心o既我見到有炸雞脾茶餐突然好想叫，因為好耐無食過了。炸雞脾薯條($34) 隻雞脾好大o既一隻，有成隻手板咁大，雖然無好

運動完了近近地，去新記雞粥（旺角）店順便去吃下午茶，（6:00 到）節省金錢😀晚餐不吃了雞肶 薯條 $34哈哈😄差不多 有半尺長嘅 薯條咬三次才能吃完 , 點少少茄汁 ...大大隻雞肶，厚厚 啖啖肉，為了健康，先切走皮，別吃！熱好立克濃郁香醇美味可口

剛剛行到收銀到叫緊外賣，突然收銀電話響就唔理人。變左落電話個個先都算，又唔識落單。落錯左晒。整好左後半小時都唔未到，原來已經整好左擺埋一邊。已經凍晒d野。嘢飲冇餅糖冇比 匙羹。餐蛋治又變咗腿蛋治。

係新寶戲院睇完戲，係附近覓食時見到呢間老字號，有粥、粉麵、小菜等。.貴妃雞粥 $51黎到新記，冇理由唔試佢既招牌貴妃雞粥淡黃色既粥，配以貴妃雞件粥底又滑又香，貴妃雞咸香、肉又嫩滑，真心好食！.鮮蟹粥 $51有半隻蟹，蟹肉好鮮甜，而且有黃膏，令到粥都有蟹既鮮味 同埋 蟹膏。.炸大腸 $49炸到外皮酥脆，入面又唔係好乾硬，做得不錯。.椒絲腐乳通菜 $42一大碟通菜，抵食。.豉汁蒸倉魚 $56好大條倉魚！魚肉好滑，正。.呢度既小菜幾平！下次可以黎嗌小菜食飯！

新記雞粥呢個名應該不陌生，因爲呢間餐廳已經有成30年歷史！而餐廳最出名的就係雞粥。餐廳的裝潢簡潔又光猛！感覺很乾净企理。我叫左一個餐廳的招牌，就係貴妃雞粥la~朋友就叫左豬紅粉腸粥！餐廳的粥品等全部都係即叫即整，非常新鮮。貴妃雞粥：雞件份量很足夠，雞肉嫩滑而且很入味，而粥的口感稠身綿滑！而且米香十足。豬紅粉腸粥：這個粥是友人的最愛，因爲清洗粉腸步驟繁複，所以不是很多餐廳整得好食。但呢度的粉腸清潔得很乾净，而且整體的口感一點都不會腥！值得一讚。最後我還叫了Xo醬炒蝦米腸送粥，蝦米腸的外層煎得脆脆的，外脆内軟！加埋Xo醬有少少辣辣地，感覺很惹味。

老字號新記 喺元朗個時已經聽過佢個名 馳名雞粥喺必食之一 老牌子平民價錢值得推薦 今次除咗試雞粥之外 特意試試其他嘅粥類 海鮮粥喺今次試嘅其中之一 味道就食落相對地淡 但如果鐘意食清淡嘅就可能鐘意 但偏向重口味嘅我 海鮮粥同雞粥就比較 我會偏向鐘意雞粥多啲啦 同樣都喺招牌之一嘅金牌貴妃雞就有少少失準啦 食落肉質無雞粥個雞咁實同滑口 相反雞粥入面嘅雞就做得到 鐘意軟身雞嘅口感先好嗌金牌貴妃雞 口味就因人而異 鐘意軟定硬就好在乎自己喜好 記得因應自己喜好先好嗌！其中值得讚嘅就喺+$9就有個涷五花茶 普遍涼茶舖都買十幾廿蚊一杯 但呢度$9就飲到 相當抵！！！

行經旺角，想食個early dinner，睇睇呢間六點前都仲有下午茶餐，就入左黎。呢度下午茶除左有普通嘅麵餐之外，都有粥食。其實茶餐公仔麵多士，呢d野真係無乜要求，不過結果係竟然一般茶餐廳水準都無⋯⋯其實牛油多士真係好基本，佢整到一塊多士上面抹幾「pat」馬芝蓮咁樣，要自行用刀搽番好。公仔麵：已經怕佢用唔知咩公仔麵，特登叫出前一丁。黎到嗰刻你發現公仔麵原個上，就知道未熟。就算攤多一兩分鐘，食落都仲係硬嘅。附近大把食麵餐嘅茶餐廳，千祈唔好入黎食麵⋯⋯

今日嚟旺角行街，行到咁上下見肚餓我哋就搵嘢食，咁啱見到呢間新記雞粥，又見到入面都幾多人，就決定入去試吓喇。我平時其實好怕係街食粥嘅，因為好怕外面既粥會落好多味精去煲，不過見佢呢度主打嘅係貴妃雞粥，所以就膽粗粗走入黎試吓啦。試過先知原來呢度嘅粥真係唔係味精粥嚟，仲覺得好綿，而且雞嘅份量都幾多，大大碗都幾好食。除咗雞粥我哋仲叫咗兩個小食，海蜇生腸同埋涼拌皮蛋。海蜇生腸好爽口而且好大碟，用嚟送啤酒就最岩！涼拌皮蛋好香麻油味，都幾開胃。飲品：七喜話梅柑桔冰，七喜龍眼冰

又係揾家姐岀街既時候！喺旺角行街，唔知食乜好，家姐話佢食過呢間雞粥覺得幾好食，到佢推介番我轉頭本身以為食粥嘅鋪頭都係比較污糟，點知入到去好光猛，座位好乾淨，唔會太迫，第一印象已經覺得好好再嚟，望一望個餐牌，一間食粥聞名嘅鋪頭竟然有好多唔同種類嘅食物，又有雲吞麵，又有茶餐廳常餐，脆炸乳鴿都有，可謂麻雀雖小，五臟俱全同家姐兩個人嗌左一份蟹粥，蜆蚧鯪魚球，手撕雞海蜇，一人一杯熱豆漿，好似好耐冇喺出面飲熱辣辣嘅豆漿，好多都係凍嘅蟹粥好鮮甜，雖然隻鞋細細隻，但係都有好多膏蜆蚧鯪魚球好大粒，一份夠四個人食手撕雞海蜇味道比較甜，啱晒一路睇電視一路當小食

收工餓餓地又有d唔舒服，食粥就最岩啦路經呢間新記雞粥，唔想再周圍行就一於試下原來呢度除左雞粥之外仲可以自選配料做生滾粥除左粥之外，仲有雲吞麵，腸粉，茶記有既炒粉面飯，仲有小菜食，果然好多元化上餐速度都好快，一陣間就上哂所有野啦首先食左個雲吞麵先，因為驚d麵會淋，麵質唔錯，同埋唔會好重蜆水味，雲吞係用原隻蝦包既，仲有6隻咁多，味道又唔差，$35的確幾抵食之後就試下個海蜇手撕雞，食落去應該係用麻醬撈既，再加左少少辣，味道幾好跟住再食個炸両，外皮幾滑，油炸鬼脆脆地，加埋麻醬同甜醬食一流輪到主打個海鮮粥，粥底好綿，而且仲有蝦，蟹，帶子同魚片，十分足料，幾好食，唔似有落味精仲叫左碟油菜，估唔到咁大碟！另外仲叫左2杯野飲，7喜龍眼冰同埋7喜咸甘桔，龍眼冰有4-5粒龍眼架，而咸柑桔都有成個，而且醃得唔錯總括餐廳選擇夠多，可以符合哂唔同人既口味，價錢唔算貴！

正如上面個食評一樣，啲呀姐態度極差，本人其實已經吃過一次外賣，食物味道ok,而且心想，普通晚飯，要求不高，價錢也可接受。本人第一次堂食，真係冇諗過啲呀姐咁串，不單止時常放錯食物在不同的客人枱面，剛剛放低筷子，不夠5分鐘，呀姐立即收枱，還用她那隻油淋淋的手拿開我電話，咁都得？收筷子前一句說話也不說，拿我電話？如果門外有人客等位也尚可原諒，但餐廳所見，有空枱，之前的食評十分認同，啲呀姐真係好串，個個黑口黑面，好似得罪佢咁，味道好也沒有用，希望負責人可正視下員工態度

今日去新記諗住食個早餐，一入到去冷氣都冇開焗到死。見到好多外賣單諗住佢好忙，人手不足，所以都冇乜點追佢，諗住食完就算。點知個侍應串過碼頭咕喱，重惡過d客！好似唔想做咁！人哋話唔要多士轉菠蘿包，佢同個客講「點解人哋唔早講，搞到又要由頭落過」🤬D態度差到不得了，又唔係要求你要好好態度，但都唔需要咁串，好似全世界得罪你咁！你重係岩岩先翻工，態度都可以咁差，希望貴公司知悉後好好教導員工！ 咁外賣單又包唔切外賣，好心就請多個人啦！樓面又無人落單，要係到等成十幾分鐘先有人理By the way 個沙爹牛麵，d牛肉用鬆肉粉奄過頭，溶過羅拔臣啫喱，好難食！

咁多間新記雞粥, 我都食勻, 依間個經理service最好.好有笑容, 又識講笑, 咁多間新記, 我最鐘意黎依間.食咗個魚香茄子煲.佢個魚香茄子煲, 唔係話特別好味, 但係唔差.其實魚香, 真實係冇魚既, 正如賽螃蟹, 係冇蟹既, 但係新記真係落咸魚, any肥, 好食就得喇.茄子飛過油, 稍嫌唔夠淋, 肉碎唔夠多, 偏少, 唔夠蔥, 唔夠蒜. 個汁多咗少少, 乾身D更好.不過都係好味既, 正皮! $71蚊少貴, 我窮, 差D食唔起.