新豐記魚蛋牛什粉麵

營業中

休息中

又咸又難食 。服務態度極差。汽水完全無氣 員工完全極差態度對待。完全無視問題說「我唔知 唔關我事」還罵客人垃圾餐廳。不要中伏！差！差！差！絕對不會再有下一次！差到極點......

其實都唔預呢d餐廳衛生好好但杯奶茶飲到底竟然有幾粒檸檬核🤮店家賴係因為同d檸檬擺埋一齊，話沖多杯比我拎走但我覺得係因為無洗杯囉🤮🤮🤮咩心機都無曬，比完錢就走人，都唔記得要影相

一早中伏，今早叫左碗牛什鱼面，之前都帮襯過未见咁差，食食下面入面發现好多纸，有d嘔心以為係厕纸，問左楼面個丫姐，佢話係包住鱼面果d纸，吾係厕纸黎架，但係愈食愈多喎，個丫姐同佢講完都吾理，成碗面吾敢再食，埋單同丫姐講，佢話點解你頭先吾出聲，可以换過碗比你，我心諗吾係同你講左咩，你扮冇野走開左喎，等客起身走你先咁講，咁様做生意仲點敢再帮襯，係咪等執呀？依家市道已经咁差，官塘食肆成街成巷都係🥵🥵🥵

夜晚肚餓叫咗個南乳豬手飯， 黎到啲汁好似湯水 一啲南乳味都冇 好聲好氣打去同佢講問， 解釋咗個飯既問題 汁又冇又稀， 佢問咁你而家想點？你作為出品商問我想點？70幾蚊買個飯盒仲要買難受真心唔明點解呢間野仲生存到而家，一句道歉都冇 仲要堅持自己係岩如果岩就唔會有咁多負評啦仲扮曬野行去問師父 ， 咪玩啦 唔同個師傅會同你講 ：係呀 冇南乳味係我問題咁？我自問食野冇乜太大要求 但佢呢間飯完全衰到一個點呢間野以後都唔會再幫親！！！！

晏晝食飯唔係太肚餓, 諗住食碗粉麵,其實魚蛋河, 牛腩麵, 牛肚河呢啲係最普通嘅粉麵, 入去任何一間潮州麵店一定會好食! 但係冇諗過會完全中伏 😩今日去咗觀塘牛頭角道呢一間新豐記食咗一次之後, 我一定唔會再返轉頭試第二次!我叫咗一碗紫菜四寶米走蔥, 走蔥同我走埋蒜都算啦, 碗米粉淡而無味 佢啲辣椒油一啲辣都冇, 粒魚皮餃, 魚扎居然係有宿味, 咬咗一啖即刻lur返出嚟😤 碗米粉已經細碗, 仲要收$45一碗, 中午食飯冇套餐, 加可樂, 加飲品加$8, 一啲都唔抵! 講真, 週街都係潮州魚蛋粉麵, 我下次一定唔會再食呢間!

千祈唔好去食，中曬伏，叫佢比瘦，之後番屋企打開全部肥既，肥都不特只啲牛腩無肉係得肥膏，d飯臭既，成盒係得啲飯囉同啲肥膏，永遠以後唔會再去依間野，........

今日去開觀塘，見好耐無食過牛什，就隨手揀咗間粉麵店入去食。入到室內周圍望下，比我發現咗張「出色」宣傳食物大海報。佢牆上面張大海報，D水餃同雲吞相係 “生”呀，睇見真係嚇咗一跳，邊有人會咁影🤦🏻‍♂️所以都係睇返枱上餐牌叫嘢食好過。1. 牛什河($34)，河粉勁少又碎，3啖都無就食晒，少得可憐。2. 紫菜四寶河($45)，河粉同樣勁少同碎，又係3啖都無就食晒。3. 腐乳通菜($18)，餐牌上明明寫住叫粉麵加配油菜收$12，但見張單就收正價$18。即時問職員係咪落錯單。職員話見我地兩個人，所以幫我哋轉個大菜但我又唔見佢餐牌上有咁寫，又唔見佢寫加配$12油菜係細碟菜。我好想問職員叫碗粉加配熱飲加$9，係咪會比杯細熱飲比我(單叫熱飲原價$15)一間咁唔老實嘅粉麵店，一生人只會幫襯一次，再無下次。

今日特登入去觀塘駱駝漆大廈買傢俬，順便去食埋個下午茶。門面幾光猛，好似幾多人食咁，就入去叫咗兩碗面。有晒圖片嘅餐牌的確係會增加食慾😋魚片頭雲吞麵，魚片頭係幾大粒不過有骨，鮮味欠奉，不過雲吞就幾好食，雲吞皮夠薄又大粒睇吓粒鮮蝦幾大粒，哈嘅份量比豬肉多，而且蝦肉好甜，豬肉份量少啲蝦味更濃厚更好味！牛筋雲吞河，河粉選用幼薄身河粉，口感更細滑，腩汁味道濃郁，配上清湯甜而不溜！牛筋好淋，個人喜好鍾意食比較有黏性果種牛筋，不過都唔差嘅👍🏻粉麵唔包飲品，加飲品就10幾蚊，貴左d..

Ordered a brisket fish block flat rice noodle to go. Wait for over 15 minutes with a few dinners in the eatery. The cook boiled vegetable with rubber bands binding the greens. No manners from the waiters could be observed. The food was just acceptable, nothing spectacular.

尋晚約左幾個朋友去食飯，在觀塘行左一陣，都唔知食咩好，行過新豐記，我朋友就話上次食話d牛好好食，咁就入去試下，我地4個人，叫左個淨牛三寶（金錢肚，牛筋，牛腩）好太味，好香，，淨魚蛋，好有魚味，淨雲呑，好大隻蝦，又好香麻油味，d野食份量又多，好抵食，好朋友介紹唔錯，難怪咁夜都仲可以高朋滿座，這間可以多d黎幫襯，款式又多，坐得都舒服，服務態度又好，雖然觀塘有d遠，希望你們快d開多d分店，可以唔駛黎咁遠先再食到咁有水準的食物，加油💪🏻⋯⋯今日咁快就掛住你們的食物🤣🤣

前兩日上堂overrun 成兩點幾先完肚餓到痴咗線 見倒新豐記個名貌似啲老字號雲吞麵就狗衝咗入去叫咗個鳳城水餃撈麵老實講我成日食鳳城水餃撈麵真係一次都未試過捧到上嚟每一粒餃塊皮都爛哂好樣衰啫不過正因為爆開哂見倒啲餡又好滿喎諗起上次以貌取牛事件 今次！我唔會㗎喇！但我又錯喇舊餃入面啲肉係好似肉餅咁嘅質地 仲要係散嘅口感 舊蝦又霉霉地好難食呀媽呀個湯淡meow meow 但又食得出有落味精哎呀！落得味精就整咸啲啦唯一可取係個麵真係好大兜 都幾好食冇野喇 食到最尾嘅苦苦地嘅皂水味出哂嚟當我諗緊 呀 呢間野究竟有咩可取嘅地方呢就見倒牆上嘅poster笑咗 點解未煮嘅啲效果圖我安慰自己可能熟咗沉落底影唔倒相呢但啲圖真係令我冇胃口不過幽默感滿分 加番啲啲分俾你 -1變0分啦！

今日eatmug9 #50喺觀塘上完堂想食少少嘢醫下肚嚟左依間叫新豐記嘅粉麵舖頭叫咗碗鳳城水餃撈麵水個人推介用蠔油撈而唔係腩汁撈會惹味好多先睇個份量 多到足夠兩個人食麵質比較濕 唔洗上碗湯都得 而且麵身都夠彈牙水餃皮薄 但換嚟一夾就散晒味道嚟講中規中矩喇

心血來潮想食碗牛腩河。走到新豐記晚上的新豐記...店門外大概有十多張枱都坐滿人。唯有入內，而店面環境擠迫。一張圓桌就塞滿了五至六人。食客側身而坐，每人前面僅夠擺放一碗食物其實大部分人都是目標食飽即走。叫了碗牛腩河，好快就上了。牛腩很淋，但有少少散，有牛味。可惜份量唔多！亦有少少肥膏，對我來説啱啱好湯就應該是用了味精吧？河粉幾滑。河粉會吸咗啲上湯牛腩味更好好食！整體來講，牛腩係好食既。其他不緊要。如果你係介意環境及服務態度既千期唔好來，

平時路過聞煲仔飯好香。但每次時間關係實在無辦法黎到食煲仔飯！今晚同同事放工後專登由牛頭角行過呢邊食！天氣已經暖返好多，但店內食客仍然好多，難得搵到兩個位坐低北菇雞煲仔飯兩個，我果個加臘腸煲仔飯舊雞本身好滑，而且吸收晒d菇味。再食舊菇...好似唔夠濃味？似乎舊雞既菇味仲重過菇本身！可能先食雞比佢搶哂啲菇味...所以感覺舊雞真係好正！我煲的臘腸一定好正D汁流落去個飯度，令到個飯好香可惜個煲仔飯係無乜飯焦總括而言，價錢俏貴d野係好食既，而且份量都幾大。不過煲仔飯無飯焦就有少少失望啦！一早已叫多飯焦都咁少.....其實有無飯焦都係睇彩數...因爲見到隔離枱個煲仔飯有滿滿既飯焦。

今日去到觀塘試咗呢間鋪嘅牛腩牛肚飯，$60加埋凍飲，飯嘅份量幾足料，有菜，牛腩幾好食，但係牛肚就比較咸，牛肚一般，凍檸茶都唔錯，環境都整潔，但相對就比較窄，但係我認為係觀塘來講，50 $60就比較貴如果食一個飯，我試過附近其他餐廳都唔需要呢個價錢。但係味道係唔錯，所以都可以接受，其他粉面我都見到唔錯，但係就比較細㱧，而我另有一位朋友就點左切雞飯，但係雞就比較唔新鮮，味道麻麻地，所以如果大家想嘗試嘅話，可以食牛腩粉麵又或者飯！