新貴記粥品店

營業中

休息中

係Openrice搵下深水埗區既粥鋪，見到新貴記既評價幾高，又唔係太貴，就去試下。環境就同香港街坊粥鋪差唔多。今次食皮蛋瘦同炸兩。先講講碗粥先，同出面既差唔多，無乜皮蛋味。到炸兩，份量非常之多，但好可惜，係凍既。

難得係附近整d野，點幾2點開始有d肚餓，好耐無食粥，突然興致勃勃想食番碗。鋪頭面係非常舊式粥店，相信一定唔錯先做得住，所以就揀呢間。鋪頭好多人，好彩自己一個人，剛好有位坐😁粥款非常多，但我至愛都係艇仔粥，另叫左炸兩。艇仔粥（$12），今時今日重咁平，真係舊區先得，粥本身好綿，配料足！有肉碎、豬皮、魷魚同花生！食完好滿足！炸兩（$9），我的另一至愛，可惜唔係即叫即整，是凍的...好唔開心...腸粉皮其實都嫩滑，油炸鬼都重脆既，如果熱食一定好好味！建議食各式腸粉，成碼放左入爐入面保熱！

為左食去附近甜品，同朋友一齊食少少正餐打打底。平常我都只吃皮蛋瘦肉粥，但見很多食評推介滑牛粥，就決定一試。貪心的我，自然唔會只叫淨滑牛粥，要雙併先合我心意。很久沒有吃過豬紅了，一於就叫一碗滑牛豬紅粥。滑牛豬紅粥：粥底靚，滑牛和豬紅的份量都很多。滑肉鮮嫩入味，連粥底都帶有少許牛肉味；豬紅外實內滑，一咬即爆，但相對味淡，炸兩：因為已經係晚上的原故，油器早已變腍，食左兩三舊就放棄，轉交朋友處理XP

已幫襯了五，六年，才開始寫食評，有時都會食紅豆沙，鹹肉糉，腸粉等......新貴記的強項，始終還是各式粥品！艇仔粥粥底不錯，配以花生，豬皮，魷魚，再加些蔥花，好吃！滑雞滑牛粥雞與牛混合一起，很足料，濃濃的粥底，十分惹味，牛肉鮮嫩，口感極佳！滑雞的確夠滑，可雞皮也不少，是有點油膩，但就是這些雞油味，令全碗粥更香更入味，怕肥的，只吃雞肉，自行去雞皮。炸兩由於已是晚餐時間，油炸鬼是早上炸起的，所以亦不再香脆，變得腍身了！

差不多每次想吃粥，也會想到這間粥店。雖然這裏看來只是一間裝修簡樸的粥店，但這裏的粥品卻不錯。說實在，在深水埗真的有不少價錢合理的美食。從前我只愛吃艇仔粥，但自從吃過這裏的生滾滑牛粥後，便愛上了。從此，每次在這裏也是吃滑牛粥。喜歡這個粥因為粥底夠味，配合薑蔥，感覺香口，而且，滑牛的數量多得很，只售$20一碗卻用上那麼多材料，算是很"抵"呢~!!另外，也推介這裏的咸肉糉，個人喜歡配豉油吃 (是煮過的甜豉油)，糯米口感軟身，滿佈綠豆，還配有個人很喜歡的鹹蛋黃，good~!雖然這裏裝修簡簡單單，但食物質素算是不錯，而且價錢合理，間中吃一次粥，花費不多又健康~ ok丫~

由於時間尚早，只是7點半左右，和仔仔食碗粥，打打底。新貴記都開業好多年，可以繼續，必定有過人之處，由於最入厨房门口那枱較大和多位，便坐那張。坐了5-10分沒有人理，沒有人看見似的。全鋪2人在明厨，1人樓面。樓面做落單、清枱、傳菜、收银、執糭、炒面....一腳踢...難怪。最終那個侍應哥哥仔發現了我和仔仔，於是可以落order滑牛滑雞粥 - 應該係"雞食滑牛粥"，４粒雞己有兩粒雞頸，如果按這比例配搭，這應該長頸雞。滑牛淹過，味帶濃仍保持牛肉味，粥底綿再加上這鮮味配料，好好味。炒面 - 味道OK，會過咸，但乾咗啲。共31元

想黎呢間野食粥好耐了, 今晚終於黎試, 店名叫新貴記, 但一d都唔貴, 仲好好食, 叫了好多粥鋪無既滑肉粥, 好正, 叫了炸兩, 唔熱但唔會好凍,都脆架, 越食越多人入黎, 今晚8點都唔會話好爆, 不停有人叫外賣, 樓面得1個後生仔, very nice guy!!! 呢間野可以再去, 有電視睇可以睇埋先番屋企, 埋單23

成日聽朋友講呢間好正. 又一早在openrice搵過料, 知道人氣強勁, 好評如潮, 今日經過, 見肚餓諗住食個tea, 於是就去佐呢間叫佐個艇仔粥同羅蔔糕艇仔粥算唔錯, 但未係我食過最好既, 仲差好遠.d料就好唔惦, 豬皮有毛, 魷魚好大陣"聲"味, 碎牛一般羅蔔糕睇住阿姐微波爐翻丁, 丁完出黎到我食, 外面硬佐一陣皮, 應該係丁佐既問題而入面淡而無味, 成舊都係好粉, 而且極少羅蔔絲, 真係好差, 長沙灣個幾間粥品店羅蔔糕比這家較有水準總括真係唔係朋友所說咁人間極品.

到電腦商場買了一堆電子電件,上次吃松記時經過這一間粥店,覺得水準應該不差,早說過要來試試,碰巧這日有點上火,便少有的提議吃粥.豬肚粥($15) - 粥底不錯,挺鮮甜,加了薑絲蔥花,十分惹味.豬肚肥美,爽口,才$15很划算.皮蛋艇仔粥($14) - 友人說不錯,反正粥底好,甚麼配料也好吃.炸兩($6) - 如其他食友所言,這裏的油器真的可以不吃,十分淋.炸兩是預先包好,放在一旁,所以吃的時候不是熱騰騰的,跟其粥品相比,差天共地.炒麵($6) - 一般,很多油而且不熱.粥品絕對值得推介,但其他小吃可以不試,水準一般.

熱騰騰的粥,大碗夾抵食, 放抵十幾蚊就走得~次次去食都係食魚片碎牛粥, 因為真係好好味, 次次都無令我失望~但千萬不要點炸兩, 油炸鬼, 因為佢d 油器好腍, 一d 都唔脆~還有那個阿姐成日都無記性架. 呢頭同佢講要走葱走薑, 轉頭又唔記得嚕~~所以要同佢講多幾次~

因為在附近返學,所以成日有機會去新貴記.加咗腐竹去煲的粥濃厚而甜,正! 朱潤有厚切又有薄切,厚切有口感同肉感,薄切就唔會食到d荕. 魚片好薄好甜,但有少少泥味,加多d薑就balance番. 炸兩幾脆,浸到豉油果d好快稔晒,最好可以分開上啦.

我其實真係好喜歡呢間粥店, 我一個月一定吃多過5碗生滾牛因為佢連d 粥都有牛肉味......又勁熱!!!!大大碗都只係15蚊 !!!!!炒麵炸兩唔好試..... 難食... hahaha不過炒粉又ok 架喎......

喺青山道行到累累地，於是走入去叫咗”一個豬紅粥，一個皮蛋豬粥，一碟炒面，兩杯凍豆槳”．總結：粥底夠綿，豬紅冇腥味，兼且夠滑，料又多；ｄ炒面唔肥，又唔醎；全部加埋都係40文！臨番加拿大之前，一定有下次，皆因嗰便冇ｄ咁平咁抵又咁靚嘅粥面食！

一間亳不起眼的街坊粥店, 普通裝修, 路過諗住買碗碎牛粥清清地返屋企做晚餐, 返到屋企沖完涼隔成20分鐘至食, 估唔到碗粥仲好熱食到尾仲好綿, 好驚喜. 比起我屋企樓下桂林街間堅記, 生滾粥買返屋企即食, 食到半碗都已經開始變水, 就高下立見!!

食完d乾撈麵﹐所以來呢度食碗滑肉粥。。個粥幾棉﹐夠熱﹐但味道似有少許味精。因之前見到食評話炸兩好味﹐所以就加左個。唔知係唔係要就o岩佢出爐既時間﹐因為個炸兩簡直係離普+失敗。溫度係凍既(微溫都冇)﹐油炸鬼係100%淋既﹐簡直係不知所為。食左2﹐3舊就難食到食唔落。原本想比笑笑口﹐但因炸兩既關係﹐所以比ok.