新軒尼詩茶餐廳 (已結業)

今日星期六，做完義工都大約1點，好鬼餓，立刻去附近茶記。見到呢間唔係太多人，門面唔太光鲜又唔太烏糟就走左入去囉，應該係呢區叫唔算貴。睇睇餐牌，啊，都算可以，over $40但最貴唔太貴。我叫左雞絲濑粉(由米線轉，仲有米粉，通粉，公仔麵等揀), 飲凍檸茶。我朋友食涼瓜火腩飯，飲凍檸茶。我嗰個就$43, 佢就$55。等左五分鐘就黎啦～雞絲其实就係煎雞扒切件，正正常常，都ok。我朋友嗰個佢就話麻麻，無乜獲氣，汁又一般。如果下次諗唔到食乜，可能會再黎嘅。

Come here often as they have a rotation selection of lunch options and most of the time it's quite good. The place looks a bit dated but that's part of the homey/HK appeal. They offer a lot of the traditional cha Chan tang dishes but also throw in some western dishes too , which I decided to try today. Lunch is affordable and comes with a drink or soup. This is the salmon and spinach pasta. A bit of fusion / experimental but overall tasty and the smoked salmon is actually tasty and not fishy or

好少係灣仔食lunch，今日咁岩過黎搞event，一落樓下就係新軒尼詩茶餐廳，就同一班同事入左黎。餐牌太多選擇了，我叫左常餐，火腿俺列+雞翅米線。火腿俺列好好食，夠大份又足料，雞翅就偏淡味道，炸過好似無炸咁。而呢個米線就，真係好dry好dry，估唔到完全無味，叫侍應拿辣椒油，就真係油，放完都無味。食左一半都食唔落了，真係好難食。。。。同事叫既鴛鴦飯賣相好似唔錯，我試左小小，好過我個米線好多啊，而且有白汁同同拿破崙汁兩款口味，好食。最後埋單$100有找，都算係咁。。。。

叫左個火腿通。。火腿絲超級少。十隻手指數得哂。通粉唔好食好痴牙。!!!!!炒蛋變左黃布蛋。服務okay.. 環境一般。。我地係右邊個門口入。坐左係右邊比較有私人空間的位置。但如果有人要入後面果張枱會影響到我地，因為可以經過的空間太窄。

忙裡偷閒都要不忙食嘢，而岩岩去咗灣仔買嘢，攪到勁攰就走咗去間茶記食個下午茶啦。估唔到下午茶時間唔會話太多人，而且出餐亦都好快手。最後就叫左個常餐，五香肉丁雞蛋麵加熱檸水五分鐘就上到枱，五香肉丁非常之香而食落去佢就比較辣，而麵就硬左少少，雞蛋就半熟吉串就流哂蛋汁一齊食，味道都算唔錯，食完又繼續行街啦。

今日懶，做完野好累費時周圍行塭食，求其食一餐算數。見到呢間茶餐廳up up dup dup,是但就走左入去。十一點幾都仲有早餐食，嗌左個榨菜肉絲漢堡扒米粉，都幾大碗的。個人而言，食粉麵forever榨菜肉絲，不過個湯好油，又淡，漢堡排質素都麻麻地，只有榨菜肉絲食得過,奶茶都抵讚，幾濃，整體不過不失喇。我覺得如果個餐可以有炒蛋，多士會更加好。

時間尚早，可在公司附近先吃過早餐。新軒尼斯茶餐廳內呈U型佈局，裝潢有點陳舊，衛生情況一般。早餐三十餘元一份，不算便宜。牛油方包無牛油，已輸一半。火腿奄列雞蛋蛋香滑度一般喇！茄汁焗豆現成加工貨式無乜特別。酒店式沙律名字夠豪華，但實際只是罐頭雜果沙律，出事位在於沙律醬，份量太多太濃。熱咖啡屬下價貨式，略帶微酸不太討好。以此質素環境，中短期内都不會再光顧。

是日午餐到來試新軒尼詩茶餐廳，是日午餐最想快夾妥選來了多餸的燒味雙併义燒，燒肉兩款的份量和飯都俱多，燒肉和义燒斬得夠大件，燒肉皮不夠脆，肉質較鞋口，相對义燒反而保留到肉汁鎖在肉內，而且外皮不會燒燶了，吃每一啖都覺得自己很豪邁，唯燒肉的肥膏亦不少配上熱咖啡偶意一餐，都不失恰當的選擇。

坐左喺個怪位，迷你摺枱，放杯水喺上面都驚會壓爛張枱。有碟食材放左喺隔離，喺正同事仔個頭隔離，好多蒼蠅喺度盤旋。嗰位伙記，豬鏈球諗緊飲咩，諗耐左小小，佢都「撻手指」催我。整體黎講個伙記都吳算無禮貌，但，見過有客人落單「撻」伙記，至於伙記「撻」客人......新潮野食方面要左個    白汁芝士豬頸肉老公 ($38)老公豬芝士粉一眼睇曬，得幾粒，攝牙隙都未必夠。其實芝士粉有幾貴？白汁，咪普通白汁，但要黎撈，當然係比較杰。豬頸肉好重雪味，無乜咬口，如果無白汁遮一遮都幾腥。老一輩講得好，「一白遮三醜」。煙鴨胸，咪就係速食嗰種，幾好趙，幾有煙味，都幾厚，都OK。（吳記得了開舊白汁影下D材料，梳LY梳LY）5.5/10同事仔要左個   鮮茄茸香煎豬扒老天使 ($38)汁方面，真係有茄粒，仲以為係好重美極味嗰種茄汁。豬扒係原塊港式茶記豬扒（又吳記得了開舊汁）。同事仔話好似醃過龍，腥。不過同事仔話算飽肚同抵食。6/10總括黎講，服務麻麻，野食非常一般，收銀又吳靚女，都吳係特別平，諗吳到有咩理由驅使我再食。吳係你吳好，係有好多人好過你姐。

去完書展諗住食d野，附近餐廳又full晒，就黎左哩間食。店員嘅服務態度都幾好嘅，原本叫乾炒牛河同酸辣湯米線，點知又冇河粉又冇酸辣湯，魚柳包又冇包最後叫左鮮茄茸豬扒天使麵同埋魚蛋湯米線。野食黎到 我本來以為糸自己口淡淡所以食咩都冇味，原來真糸咩都冇乜味。個米線湯底就好似落少少鹽嘅滾水咁 件豬扒又好楷。吾會再幫趁！

之前已經食過一次. 因為貪佢唔晒等位又坐得舒服, 野食又唔差. 點知今日落到去食到一肚氣! :我地個餐食到8成左右. 個伙記就超惡咁問我地 之後砰砰聲咁收晒我地d野食. 之後, 到飲野既時候. 我杯中明明仲有兩啖奶茶, 佢望都唔望就一手搶左我杯茶. 我叫停佢, 佢即以一個勁惡既眼神望住我! 係走既時侯我地看到同事留左把遮係台面, 即時叫個同事拎返. 點知個位勁惡死既伙記, 大大力掃埋我同事把傘落地, 搞到我同事把傘爛埋! 仲扮晒野唔知, 連對唔住都無講聲! 咁差既服務, 我地以後都唔會再幫襯!!!!

何謂無心早餐，請留意下文。無心的選擇了這所店子吃個早餐，入內坐下環境昏黃，帶點迫夾及非常之不整潔，都是快快手吃完好了。早餐餐牌內有八至九個選擇，最後選了E餐，因為見到其中一項名為酒店式沙律的東西，本人對吃的方面有不錯的好奇心，所以就因為它選擇了這個餐。早餐中有茄汁焗豆、酒店式沙律、西班牙奄列及牛油方包，就是因為酒店式沙律，所以選了這個餐，但最敗北的就是它了。原來所謂的酒店式沙律，就是沙律醬溝罐頭雜果了吧，當中再混入不少椰果及蒟蒻，令本來軟腍無比的雜果，咬起來間中有點煙韌的感覺，帶來不同口感，不過本人真的很怕得個甜字又膩得不得了的一堆沙律醬，一朝早吃到這凍冰冰的一堆沙律醬，真的令人渾身也不自在。西班牙奄列其外層的蛋皮看來挺為透薄，而入口蛋還算嫩滑，不過沒甚蛋味，蛋方面只能就是不過不失，內部的餡料有洋蔥、青椒、火腿及茄汁，當中的青椒都幾生，質感上是硬了一點，但又予人很爽口的感覺，加上茄汁及洋蔥的香味，這份奄列是還不錯的。至於那堆茄汁豆，其實都是罐頭貨，本來也沒甚麼好評的了，不過店家連用微波爐加熱也懶，入口凍冰冰的，令人有多大食慾呢？牛油麵包不太鬆軟，入口質感粗糙，麵包香不太行，這是來貨的問

趕住去會展, 得30分鐘醫肚,一出灣仔站, 第一時間見到的第一間茶餐廳就馬上坐下.和大豬都口痕, 唔太想食飯, 結果, 我叫了西班牙汁魚柳, 大豬女友卻竟食超少食的丁!係皇牌撈公, 鴨胸+豬頸肉+芝士汁+撈丁, 我聽倒都腳震! 都真幾heavy, d 芝士汁仲幾濃+杰. 雖芝士味重但d麵卻係好淡味, 似冇落湯粉煮咁...鴨及豬頸正常.呢味都係太重口味了魚柳方面, 係炸得幾好, 唔油;d 汁係茄味, 唔知為何叫西班牙...薯條好脆, 也唔油, 再讚.凍飲幾大杯, 很好~ 服務好快手, 哥哥好專業.成功20分鐘食完, 馬上過會展睇蘇先~

逛書展前路過新軒尼詩茶餐廳，決定先吃過早餐才入場。我們吃了～火腿通粉：火腿數量足夠，味道一般；通粉很硬，淡而無味，差！炒蛋方包：蛋可以選炒蛋或煎蛋，我以為炒蛋會像麥當勞早餐般，結果原來是奄列狀，沒有火腿、薄薄的一片，賣相不吸引，味道亦一般，感覺很乾。方包內的牛油偏少。牛扒包：朋友點的，無論是面包還是牛扒，都是很乾、頗硬。凍檸茶：很少檸檬。凍咖啡：味道一般。整體而言，這兩份早餐都不美味。

話說今日同我親愛的去買結他咁岩行過,見到好多人,諗都應該唔錯,就諗住買完結他跟住去食啦.好啦買完啦,去到冇乜人,就入左去.我地叫左::chopstick濕乾炒牛肉河+凍奶茶問佢有冇濕炒,佢話有,就要濕炒啦~態度唔錯但當個河送上黎,..............................啞左=_=嘩細碟到你唉,算啦.都叫左,咪食囉.食左1啖,河粉,未炒到熟哂,有d生既.唔係幾滑.茨汁太稠,咸d牛肉有d好un,有d ok.杯奶茶比我親愛的飲,佢話好似m記果d但值得1讚既係佢地服務態度唔錯,見我地拎住結他就幫我地開門.仲主動搵個卡位比我地