新輝記餐廳 (已結業)

如果問景峰附近居民，景峰附近最難食既餐廳頭3甲係邊幾間餐廳，相信好多人心入面都會有答案見網上好多負評，賭馬仔又輸錢，懲罰下自己先，又係我抵死！深夜唔想行去金銘食，近d試下呢間野！首先入到去 佢會有好多野比你揀！諗住叫粟米火腿雞絲飯女侍應話冇粟米喎，白汁啦...加凍飲仲要13蚊咁唯有叫過 應該點整都唔難食既蕃茄焗朱扒漢堡扒飯加杯凍奶茶 68蚊女侍應仲送左碗湯比我首先講下呢碗湯既賣相先，我見到有牛腩 蕃茄肉，理論上呢，應該係羅宋湯但實際上呢，碗湯既質感同漿糊冇分別！我再倒走d漿糊厲害，入面居然有八角怪唔知得咁好人送比我飲 我真係飲左一啖就放棄了，甜漿糊再望下餐廳既顧客，得2枱客，全部都係飲啤酒多，呢一下，我感到好光榮，因為我知道我要打大佬了凍奶茶，我係唯一覺得水準之作！最尾都飲哂然後到呢碟 九唔搭八焗飯！其實見到碟飯已經唔開胃 第一 佢本身d汁既色 同 碗例湯係一模一樣第二就係 果d白色既汁，應該係芝士掛，但冇味第三 點解要加紅蘿蔔呢？第四 d火腿點解要擺得咁整齊以上呢4點我都能夠克服到，我覺得樣貌差者，但可能好好食呢如果呢度可以打粗口既，呢篇文章應該會好好睇！食入口又有4個問題出左黎

大家如果幫襯，千祈唔好坐近水吧附近的枱，今日一個4眼既樓面阿姐打瀉咗一大兜醬汁，彈到事主我成身都係，頭髮都係，甚至小朋友嘅書包都大達細達，個4眼樓面只係求其俾咗喺廚房拎出嚟嘅一條毛巾擺喺枱，繼續扮晒嘢喺廚房忙，小朋友嘅書包根本抺唔到，事主我要求賠償，四眼阿姐拎住自己部電話隊向我塊面，仲要發晒爛渣凶我，非常不負責任既一個行為，倒自己餐廳米，仲要得罪客人，不會再幫襯，我最後都無得到任何賠償。。。。。。

一入呢間食店覺得幾大，第一次去，坐低係廚房門口卡位，即刻知道中伏。椅上面有飯及油積，廚房無門，望見都吳開胃，立即轉檯。個地板立刺刺，感覺非常吳良好。我隻熱飲杯係無柄的，伙計話係咁，有d 有，有d 無，但果位女士都好有禮貌，幫我換過。從未食過如此難吃的多士，朋友果塊林pat pat, 我果塊硬掘掘，牛油有怪味，奶茶淡又稀。重點係有個肥女人同我地share 一張大圓檯{隔左2-3個位)，佢食完野打左幾個好大ge 乞黐，完全無用手遮掩或帶口罩, 係佢打完第二個時我立即走開去埋單，總之永遠都吳會再幫襯。

打算去屯門景峰行山啦，由於疫情關係，隔離麥當勞無位，咁唯有去隔離新輝記茶仔望吓啦，諗住是但食啲嘢，都對嘢食都冇乜嘢期望。點知一入到去，就俾個身形較龐大嘅伙計無禮對待，不但沒有量度體溫，都沒有戴好口罩。此外，落order既時候一直前言不對後語，兩個餐前後問十幾次，講完ABCD餐仲問我餐全名，態度也非常厭世。三番四次confirm之後，再次就翻返嚟問我哋頭先落過乜嘢餐，態度也不友善，令此次用餐經驗很不滿

尋日星期六去屯門行山，見到呢間新輝記有位就諗住入去求其食個早餐然後出發！當時個男性樓面埋嚟寫單，我話要金牌A餐，要熟蛋！好正常啫！(個餐係沙嗲牛肉麵配腸仔煎蛋)佢問我要幾多隻熟蛋，我話唔知你個餐有幾多隻喎？佢望一望我，自己話雙熟蛋！我諗一諗，問佢雙熟蛋都有腸仔㗎係嘛？佢先好不耐煩話腸仔熟蛋我已經火火哋跟住我fd要金牌E餐，要番茄鮮滾牛肉麵！(個餐係時疏/番茄鮮牛肉麵配火腿腸仔(+$2)我都未講完,佢就截住我話，有番茄就無鮮牛，我話有無搞錯，有乜可能個麵有番茄就無牛肉，佢再重覆話無，我fd息事寧人叫過另一個餐，但我已經一肚氣！而且呢位男性樓面個口罩一帶一露，全程露出個鼻，我都唔想再同佢講食物當然無期望啦，無可選擇之下犯下重大錯誤入咗嚟食！以後都唔敢！大家有興趣受氣激氣可以去試下

今日同老公去食下午茶，叫左個炸脾+春卷+咖哩角+熱檸水的下午茶，一切開隻脾流血，叫佢再整過。五分鐘之後比返同一隻仲要係炸到又燶又乾又黑又的雞脾比我，完全覺得玩野，乾過張紙巾，點食？最後成隻脾只食左一啖比埋錢就走左！！最緊要係而家有新sars的情況下，呢間餐廳只有樓面的人會帶口罩，而廚房負責整野食比客人的所謂師傅就冇一個有帶。可惜呢個畫面係我order好晒我先見到，如果唔係我一早走佬！！我呢個居民以後唔會再去！

新輝記嘅一大賣點就係燒味 難得早收工 就去斬料加餸 要數新輝記最最最出色嘅燒味就一定要提燒肉 佢嘅燒肉基本上都係脆皮 咬落脆卜卜 鹹鹹地 以大概106蚊一斤嘅價錢嚟計 可以話係合格有餘 順帶一提 喺新輝記斬料最少要買半斤

難得星期六，梗係玩通宵啦！通頂打麻雀打到5點半，食夠糊就係時候食其他野醫肚啦！咁啱新輝記嘅菠蘿油就係6點出爐，住景峰附近嘅朋友就可以好方便食到新輝記最出名嘅冰火菠蘿油，佢仲有得跟一個粉麵，加埋杯奶茶就真係大滿足，可以番上屋企訓個靚教！

今天原本訂了位吃新年大餐，可惜病了，想吃得清淡一點和飲個中式湯，於是又來了新輝記。今天到達時間較早，可以坐卡位，坐下後店員才開始掛上晚餐牌。今次點了晩市小菜套餐$108，包括豉汁豆卜蒸排骨韮菜花炒咸肉白飯兩碗奉送例湯今天的例湯是青紅蘿蔔煲豬骨湯，又是大大碗，足料好味又健康。豉汁豆卜蒸排骨大大碟，有很多排骨，豆卜夠入味，和白飯絕配。韮菜花炒咸肉，很有鑊氣，韮菜花鮮嫰，咸肉非常夠入味，吃了喉嚨立即感覺舒服了很多。

今天在屯門行山，行完之後又想起新輝記的大大碗足料例湯，於是又再去吃晚餐，今次比上次晚了一點，已經很多人，等了一會才有卡位坐。今次不想又浪費食物，所以兩人點了一份蒜蓉芥蘭$52，一個豆腐火腩煲$59，一個白飯$10，不過原來一碟菜也不便宜，但很大碟，味道也不錯，豆腐火腩煲也足料好味，熱辣辣，香噴噴，味道又不會很䶢，豆腐和火腩的份量也平均。而今次的例湯是合掌瓜紅蘿蔔煲豬骨湯，又是很多料的，非常清甜可口。

虹橋附近很多美食，但大多是西餐廳丶甜品等，吃膩了，朋友說今天想吃中式小菜，於是想起新輝記，自己也很久沒光顧，就帶朋友去試試。點了兩個小菜和一碗白飯，加送了兩個大大碗的例湯，湯的材料有青紅蘿蔔丶豬骨丶雞腳，好好味。小菜份量亦很足，基本上叫多一碗白飯可以足夠三人食。我點的金銀蛋莧菜，皮蛋咸蛋和菜也很多，朋友點的青豆炒雞柳有一點點辣，我只吃了少量。不得不提，這間餐廳的伙記好融洽，態度好好，連寫餐牌也有專人寫，老闆必定很有人情味，值得一讚👍

話佢好好食又唔係，但間唔中會比到驚喜你既，有時食d平時唔食既餸會覺得都幾好食或者咦咁好食既~?係呢頭住咁多年，其實對呢間野都幾有感情既~而且奶茶係keep到，至少岩我胃口囉～

今日放假，所以晏左起身，落到去餐廳竟然仲有菠蘿油，於是叫咗個B餐吃，佢個B餐真的非常豐富，有一碗兩餸麵再加菠蘿油或者一件厚多士，跟著有杯飲品，午餐都可以慳返。雖然環境唔係咁好，服務態度早更D姐姐就好D,但勝在就腳、方便附近居民。

新輝記咁惡劣嘅環境，咁差嘅態度 ，好難再去幫襯， 貼錢買難受 ，又唔會特別好食 ，真係一間自以為是嘅食店 ，怪不得有黑人物去掃場 ，打交 ，都怕自己去食嘢會被殃及， 真心建議大家唔好去！ 多年來情況越來越差 ，座位又舊又唔舒服 ，員工又唔抹枱好污糟 ，食物非常普通 ，價錢唔會平 ，近來有建築地盤 ，多咗建築工人去幫襯 ，所以先仲有人去食， 街坊住客真係越嚟越少 ，從未試過有咁差嘅茶餐廳 ，以前佢出名好食嘅燒味 ，而家都好普通 ，叫佢送外賣又話唔得閒 ，真係好差嘅服務態度

雖然食物味道不過不失， 價錢都算合理 ，不過唔知點解某女收銀員永遠都黑口黑面，唔應答你，仲會大力將啲錢掟落個金屬盤度找續畀你， 可能佢覺得自己生意唔憂做， 但見佢對其他年紀大嘅熟客就有傾有講， 對年輕嘅斯文顧客嘅態度極不友善， 由於覺得要睇佢面色，好受氣，所以我同某啲街坊都少咗去幫襯， 不過佢始終好好生意，因為好多的士司機去食宵夜， 所以佢外面景峰徑成日都好多車違例停泊， 建議去嗰度食嘢唔好揸車，被抄牌就唔好。