新釗記 (已結業)

唯一幾間尚未達成現代化的中年茶餐廳, 侍應都是"阿伯"級數, 當然有其服務特色, 水準未致於差, 只是比較有性格, 下午茶時段, 雲吞麵加奶茶, 共廿四元, 去名店麥X記, 單叫都不夠找數, 今天肚子特別餓, 接受能力理應高一些, 所謂鹼水竹昇麵, 未知是否用上鴨蛋? 麵身彈力足, 但不夠爽口, 鹼水味不多, 是否大地魚煮成? 味道有些少吧, 第六感告知味精成份不少, 雲吞餡, 當然不是鮮蝦, 蝦肉實實, 些少彈口, 有些少蝦味, 混了大約四成豬肉, 整體而言不算差, 唯雲吞皮比名店的略厚和梗, 加上包摺時, 皮踏皮, 形成一小舊, 咬落更梗實實, 奶茶份量少, 用最細的窄口厚身耳仔杯, 但質素合格以上, 濃度足, 奶味茶味適中, 可能真是特別肚餓, 要求也降低了, 全清掃一空.

無服務態度，勁多油，只是較其他食店有鑊氣！如素食、健康人士或心情欠佳勿試！大部份食物質素較差，干炒牛河的河粉痴埋一舊，味道一般，顏色還可！座位方面：一般，較窄，出入不方便，與鄰台只隔兩吋！

平常上班的午餐，正值午飯時間，全店座無虛席，只有排隊等位。一坐下來，随便叫咗個北菇蒸雞飯+凍檸茶：北菇蒸雞飯：飯硬而無味，雞軟又無調味又無肉味 凍檸茶：中規中舉，沒什麼特別。

1-1-2010 全年的第一天在西環,上環我也看見這間店的存在, 看來這間是老店, 不過無咩人寫食評, 今天我終於品嚐過下午時段, 沒有太大心情食, 只好等到下午荼時段..叮叮.. 不知不覺四點多了, 馬上到一間餐廳食個下午荼算了, 行下行下就黎到 新釗記 , 坐低後先來一個D餐 , 公司三文治 因為去到邊公司三文治都係好味的, 但是今次是例外 公司三文治 無論我到大尾督/ 大排當食的公司三文治是超好味的.. 1)蕃茄是新鮮的2)蛋是香的3)青瓜怪怪的4)有芝士的 但最大問題係烘得根本不脆 食公司三文治的奧秘就此消滅我對這間店的下午荼餐感到完全失望 只有他們的熱朱固力令我感到興奮埋單$22 好彩無飲凍野 要加多$2蚊姐係$24 比區內的餐廳價錢貴得要多, 人地$18蚊食飽飽 要好期待他們的晚餐

5-9-2008不論快餐店/咖啡店/茶餐廳 etc, 一向對連鎖印象一般, 呢日0黎幫襯過好多次的呢度, 主要因為朋友忽然想食呢度的「乾炒三絲公仔麵」. 叫了一碟, 加份腿蛋治烘底及凍奶茶熱奶茶.先0黎腿蛋治烘底, 烘得一般脆, 味道大路, 果然係連鎖.乾炒三絲公仔麵配料有梳打豬肉絲, 火腿絲, 韮黃, 芽菜及蔥段, 炒得幾上色, 夠鑊氣, 雖然幾油膩, 但味道唔算太差, 算啦.熱奶茶就嚴重地太多奶, 好似飲奶水咁, 唔得.環境衛生唔差, 成個感覺亦好「連鎖」, 為求飽肚或平 / 快, 可以一試的 -- 不過唔趕時間的話, 當然可免則免啦.