新錦園大排檔

營業中

休息中

一家人預早慶祝端午節，食厭咗酒樓，就決定試下大排檔。新錦園係一家室內大排檔，冷氣非常充足，啱哂怕熱既我地。我地10個人叫左個$968套餐，再額外加左個豉油皇炒麵同金銀蛋莧菜。雞粒粟米羹淡左少少 粟米同雞粒等料都唔多 最為失望嘅一道菜椒鹽九肚魚夠脆夠入味　唔洗點野都夠味小炒王夠香口西芹鮮魷魷魚比較少不過夠爽口紅燒豆腐不過不失京都骨夠哂入味，肉好淋唔柴皮金牌霸王雞好大隻食唔哂　唔夠實肉不過係香港雞嘅通病白灼生蝦蝦隻隻都好大隻亦都好新鮮清蒸石斑一斤左右　酒樓水準蒸既時間啱啱好　值得一讚係夠多蔥壽包大細啱啱好　蓮蓉唔算好甜　但似係翻蒸所以個包好乾另外加嘅金銀蛋莧菜好味!　唔好睇佢細細兜咁　其實有好多另外加嘅豉油皇炒麵中規中矩大排檔黎講環境都算唔錯，Overall大件夾抵食，咁嘅價錢CP值一流。

5:50pm來到, 有個亞姐叫我地坐張4人枱, 5:55pm 亞姐好晦氣咁下單, 佢個態度仲要係趕客咁, 兩口子點了煎琵琶豆腐同京都骨, 6:40pm 京都骨上枱, 7pm琵琶豆腐上枱, 京都骨炸耐咗就燒黑, 琵琶豆腐炸只有炸漿,沒有魚和豆腐. 好油,一口油, 令人失望。 4人搭枱, 6個人塞落 4人搭枱,手貼手, 坐得逼狹,迫迫夾夾坐 。真係火都黎埋。地面會比較濕滑，同長者嚟就要多加注意。附近嘈嘈吵吵，實在惹自己生厭。結果自己快快吃過東西，便立即離開，以免再被噪音弄得心生煩厭。  換黎一肚氣, 上菜速度慢, 以後 一定唔會再黎幫襯. 唔想再黎貼錢買難受。 唉........

今日因公事來到大角咀，因之前在市政大廈2樓的大排檔食飯，食過一個嗞鹽骨好好味。今日來到，想試下其他菜式。今日不想食太熱氣的菜式，於是要了一個泥鯭蒸魚套餐$36。配例湯及熱飲。侍應送上套餐時，見到覺得好驚喜，嘩，兩條魚都算好大條，面上鋪著小小蔥及辣椒，見到都好開胃及吸引呀。泥鯭覺得新鮮程度差少少，入口帯㸃鞋，連葱㸃少少微帶甜及咸味適中的豉油，味道不錯。例湯，里面有南北杏,西洋菜及猪骨等，湯底都很甜。一般叫熱檸蜜都要另外加錢，但此間居然不用加錢，檸蜜甜酸味剛剛好，食完餐再飲杯熱檸蜜，好滿足。以$36元食魚的套餐來計，现在已經鮮有此金額的套餐了，真是好抵食哦。

冇黎一排，原來都已經加晒價！見到一個粉絲沙嗲牛肉煲已經加價到＄100！！我哋一行六人，嗌咗六個餸：椒鹽墨魚咀。$95有椒鹽、喼汁兩碟調味供沾點。一定要趁熱食，凍左就唔好食！每粒都大大粒又咬口，正！南乳脆炸豬手。$85記得要點南乳汁汁食先至夠惹味！薑蔥魚腩煲。$86薑蔥味還不錯，可惜魚腩可能相對較小，同埋痴煲底，好易散。火腩大鱔煲。$120大膳有啲鹹，但係幾彈牙！火腩不過不失，仲有大花菇，好食！芫荽豆腐魚片湯。$70呢個湯清清地，不過小心食魚片嘅時候好多骨㗎，飲湯嘅時候注意一下生炒骨。$78如常好食，味道開胃，肉嫩，正

今晚突然想食下大排檔，朋友話聽人講大角咀呢間幾好，所以就即刻決定黎試試，點知只係6點幾，就已經坐滿哂人，得返最後一張4人枱最後我地叫左豉汁蒸鱔，椒鹽墨魚咀，紅燒豆腐同西檸雞，等待途中，我又周圍睇下附近啲客食咩，見到好多都打邊爐或者食魚煲，又好似幾好味咁到講返我地嗰4樣野先，蒸鱔好好味，雖然係簡單豉汁蒸，但都好夠味，到墨魚咀，阿姐放落枱嗰下我地4個都呆左，啲墨魚咀大過我個咀，睇下隔離啲碗同佢，真係大得誇張，到食啦，講真，牙力少啲都唔掂跟住紅燒豆腐，係大排檔既風味，呢碟份量真係好大，每人食到起碼2舊，最後西檸雞，唔係太夠汁同酸味，不過雞係炸得好總括黎講，呢到真係碟碟都好大碟，我地4個人叫4碟已經好夠，當然仲有淨tim

住開大角咀時間長點的，相信人人都知英記，金家樂，新錦園...等几间时间长的食肆，每次必点生炒骨，腰果虾仁，生炒骨可以话暂时大角咀来讲，大碟够哂入味，腰果虾仁也很正，鱼零豆付湯也是一道值得推荐的，好鲜味，大角咀大排档首推新锦園

💋菠蘿生炒骨。$75份量多，排骨炸得脆口，酸甜度適中💋芥菜豆腐魚雲湯。$56前前後後都有成10碗，個湯唔會腥，豆腐尚算滑流，魚雲幾鮮味💋枝竹豆腐火腩煲。$75份量唔少，味道唔會好咸，保持水準，d豆腐枝竹索曬d汁，撈飯一流！💋豉汁蒸鱔。$11x呢個幾好食，第一次嗌，入味，唔腥，鱔肉質彈牙💋炸大腸。$80退步左，唔夠之前炸得咁香脆，值得一讚係旁邊仲有幾件菠蘿，等你過下油膩感

份量足味道好 - 新錦園初來大角咀報到，當然要試試這兒最出名的新錦園大牌檔，今晚就到大角咀街市熟食中心試吓。二樓熟食中心成層都係新錦園，真係估你唔到，6:30pm來到已爆了四份三，7:00pm更全爆門外要等位，我仲以為自己去左陳根記。價錢尚算大眾化，兩口子點了三個餸蒜蓉粉絲扇貝是King Size，$28隻合理，新鮮爽甜，其實每人兩隻連粉絲都已半飽椒鹽墨魚咀，炸漿薄脆，很美味的佐酒小吃，一碟三四十粒，兩個人就有點吃不消芥蘭鮮魷又係極大碟，也許是這兒特色。味道很不錯，是二人來到碟頭太大真不太懂點餸，吃兩味又像太寡，埋單連兩枝啤酒$320﹐唔貴，多點人來吃更有抵食套餐，街坊生意怪不得全場座無虛席，一家開餐的好地方。

有得叫男人堆中的飯局，當然大排檔係不二之選，我地今次去大角咀試下，講真上面大部份都係男人，所以比較嘈但都乾淨喎，我地選擇左間多人大排檔試下………最後叫左4個餸，其實一人叫一個餸都食吾晒，全部勁大碟而且味道吾錯夠鑊氣。最後我地每人都係100蚊堅抵食。九肚魚炸得吾油夠熱度，生炒骨偏大舊味道吾錯但菠蘿太少，金銀蛋豆苗勁多豆苗係一盤咁多，唯一啫啫雞味道一般，總體都吾錯抵食地下乾淨而器皿都乾淨吾會洗完有油係度

新錦園食過N次, 今次的起心肝食返個食評。平時黎食都係打完波9點後, 多數唔洗等位, 今次7點半黎到爆哂場, 等左20分鐘。點解會覺得黎呢度食係挑戰個人有幾想食好野, 首先我真心覺得呢度係好食夾大件的, 但環境衛生服務不算0也不會過3( 10分滿分計的話)但一眾朋友依然每個月要黎1, 2次, 真係好為食。黎到呢度, 可以話唔睇價錢叫餸都唔會誇張, 每次都覺得係抵食。適逄朋友生日飯就更要大擦一餐!海鮮類:油浸荀殼, 豉椒炒蜆, 蒜蓉開邊蒸海蝦荀殼肉滑多骨, 平時街市唔係成日買到, 呢度都整得OK, 但未算食過入面最好, $98 都抵, 試過係街市想買大少少SIZE既要百幾, 而家唔過百仲有人幫你整埋蝦不算鮮味, 但食得出係新鮮蝦, 多蒜蓉有淋熟油就是好蝦, $240 / 斤(時價)炒蜆埋到山咁高, 個汁同3寶個汁撞左, 無咁辣蜆味會食到多D, 一般般$72必殺小菜類: 椒鹽雞軟骨, 小炒皇, 煎釀三寶每次黎都係交替地點椒鹽雞軟骨OR椒鹽塁魚咀, 送啤酒首選, 相對下覺得係椒鹽塁魚咀好食D, 個份量夠8人食, 因為熱氣野, $80小炒皇, 朋友次次都叫, 我自己就覺得係好, 但又食過更好的

估唔到32蚊都食到蒸鳝餐，咁平咁低食。啲鱔又爽又滑又彈牙又新鮮。我諗呢個價錢只有係新錦園先至食得到！出面吃左咁多間，都未見過有蒸鱔餐。午市一開，通常唔夠一粒鐘就賣哂，想食就要係12點前去先食得到！

想食大件夾抵食就要來呢间。六点已滿座。我地次次都好早，記住著多件衫，冷氣夠哂！呢度d野好大碟，又唔貴，唔好期望坐得好舒服，也唔好約在度个細訴心事，因呢度好嘈！wewewawa就岩！我地三个人，為左就老人家就清淡d，多菜少肉。叫左我最愛既小炒皇。滿滿的一碟。有九菜，菜蒲粒好爽口开胃，炸白飯魚，腰果很脆。材料配搭很好，好有火喉，但偏油少少。介菜炟蛋黃，介菜好入味，蛋黄加介菜煮埋一起似菜湯。介菜不硬不太林，我好中意。欖角蒸边魚，是時價的，蒸到岩岩好時間肉剛離骨，魚本身好新鮮，配合欖角既香味，整味餸好有風味！

是日到大角咀市政大樓打波，打完正是晚餐時間和老公甚少來大角咀⋯尋尋覓覓，在大角咀行了一圈也未有心水⋯⋯於是乎openrice一下，發覺呢間大排檔幾多好評，就大膽一試咯從街市入口撘2層扶手電梯就到，一入門已聽到好旺好多人！同老公左望右望⋯張張枱都坐滿了人，多數也是一家人大大枱來幫襯，我地好好彩，等到張二人枱剛吃完，我們就坐下了看一看餐牌，好多選擇咩小菜都有！先來的是有期望的豉油王炒麵，麵炒得乾身不算油，味道也夠，略嫌配料不夠(好似芽菜，蔥嗰啲)。不過麵質好特別，值得一試再來的是麵醬唐生菜，一上菜時⋯⋯嘩！我和老公都呆左：咁大碟嘅？好抵喎！菜的甜味唔係話好夠，但勝左夠爽！一粒粒的麵屎也很多，好野味最後一味菠蘿咕嚕雞⋯⋯又係好大碟⋯咕嚕泥講不夠酸，炸漿好多，雞肉實質勁細舊，獲氣不多而且不夠野味一般總括而言，環境就不會好，而且好嘈⋯但食物就好大碟，價錢相對合理，如多人的話可試更多食物

今日約左朋友去貝澳摸蜆, 一路都諗緊去邊食飯, 因為我同男友都係住港島, D朋友個個都住九龍, 結果由男友提議去大角咀既※新錦園※ 我非常之期待!!! 男友平時同同事食飯都係呢間食, 佢成日同我講椒鹽墨魚嘴成粒魚蛋咁, 所以好想快D有得試下!原來貝澳係有巴士直達大角咀, 不過都坐左成個鐘! 我地有訂枱, 但因為有人甩底, 張枱太大, 結果我地就等房, 好正, 房得一張枱, 8-10個人岩岩好, 唔會話太迫我地摸左好多蜆, 隻隻都半隻手板度大小, 拎左去加工!  因為消耗既體力太多, 所以一坐低就拿拿聲叫野食!!!  先試左個 沙薑雞腳, 而家真係唔多地方有得食, 多數都係呢D舊式D既大排檔先有. 味道唔算係超好味, 原因係因為將沙薑隻碗太細, D雞腳太大, 點到既沙薑唔欠. 但屬唔差既小食 生炒骨, 其實大排檔好多時都會食生炒骨, 我自己本身唔太好, 因為怕酸, 但都試左舊, 好熱好香, 個汁唔算太酸 椒鹽九肚魚, 食落好嫩滑, 勁辣口! 正 椒鹽墨魚嘴, 我最期待既椒鹽墨魚嘴呀!!! 真係估唔到咁大粒, 食落仲驚喜, 入面好熱, 食咬落去D汁吱晒出黎, 點埋個"GIP

當晚去了大角咀室内運動場樓上與家人食晚飯，七點半到達新錦園等了四十五分鐘才等到位，因為真的是太多人等位了....無論全場有多爆滿, 總係好快就上菜, 絶對冇亂陣腳. 每次黎呢度, 睇餐牌都唔使睇價錢, 可以盡快叫個痛快.首選豉油皇炒面 : 口感有D脆口, 而上碟唔會有一氹氹既油, 坊間很難找到了.咕嚕肉 : 必食項目, 肉同肥膏既比例出奇地好.霸王雞 : 每每都係侍應既推介, 標榜係"新鮮雞", 好味. 冇介紹錯油鹽水炸豆腐 : 出奇地匹配, 脆脆既豆腐外層, 滑滑既內涵, 再樵上鹽水降温同降火, 正呀.西檸雞 : 唔會有皮加粉多過肉既情況出現京都骨~甜酸度岩岩好而且走過油既豬扒肉質鬆化軟身.個鯪魚球炸得好靚, 唔油, 而且好彈牙!!!! 個什菜煲好豐富, 又多蝦乾, 大大隻, 正!!!就算帶蛋糕去比店員雪住, 店員都唔會黑口黑面回應, 而且會準備刀刀碟碟自己切, 唔使收切餅費添, 超讚.總括來講, 新錦園仍然係飯飯地方首幾位. 暫時未有其他小菜可以代替. 完全保持到大排檔一貫傳統, 平、靚、正!!!