新香園

營業中

休息中

【瘋癲試食】｜馳名蛋牛治深水埗區有間馳名蛋牛治既老店 宜家仲開左新分店都係係深水埗區但就隔左兩條街 舖面靚左 環境好坐左 食落都開心左😂入到去即刻就叫左份馳名蛋牛治先 記得係一定要烘底先夠正 熱辣辣既蛋牛治 新鮮既牛肉超級多汁 咬落變相就好Juicy 非常之好味 之後就叫埋都好出名既豬手麵 大大隻既豬手 你以為佢會好難咬開 佢係已經炆到超級淋身 超容易就食得到😌😌另一碗就叫埋沙嗲牛肉豬潤通粉 沙嗲牛肉都係用左新鮮牛肉去整 加埋厚身黃沙豬膶 簡直就完美 無諗到尼到既豬潤都咁好味 最後黎多份溶化你心西多士 個心心牛油完全俘虜左林小姐😂😂 都真係呃得到下人既 但尼到既西多士入面竟然係無料嫁🥺🥺 搞到有啲失望😟

💕今日去開深水埗行街，同朋友揾個地方飲個下午茶，就選了附近的新香園😍平時經過都要排隊，但今日好好彩，又唔使等喎😜黎到依度，當然要試吓馳名蛋牛治，我哋仲叫左西多士同兩杯凍野🙆🏻‍♀️🍳蛋牛治-多士烘得夠脆，d牛肉係用新鮮牛肉整，唔係平時罐頭碎牛d味，一咬落去，熱辣辣，d肉汁喼出嚟，好正😋同朋友share，食完覺得唔夠😂🥪西多士-點解會用鬆弛熊造型牛油，實在太可愛了😍令我少女心爆發😜味道正常，但略嫌邊位燶左少少✍🏻飲品正常，沒有太大驚喜😝全部散叫，唔算抵食😂

大部份人黎新香園都食麻辣蛋牛治，但我反而鍾情佢碗炸醬麵，次次黎都必食。平時食撈麵要加錢，但呢度碗炸醬撈粗只係廿零蚊咋。睇落碗麵唔係好大碗，但當肉絲，麵同醬一齊撈起時，感覺上大碗左，當宵夜食份量啱啱好。佢嘅炸醬好惹味，但又唔會太咸，食完唔會感覺口渴，應該冇乜味精。佢仲有碗細細碗嘅胡椒湯，辣辣地，好想添多碗呀。加埋杯濃滑奶茶，圓滿的一餐。如果下次再黎，等我都試下佢個蛋牛治，睇下有幾吸引先得。當然我會繼續encore 炸醬麵啦。

深水埗汝州街其實都有好幾間食店，唯獨呢間我比較鍾意食，由於係現在疫情關係，入面嘅坐位有啲改動，除了卡位，入門左手邊一排改成多張細摺枱兩人一枱，圍上高高嘅格離板，個人感覺做得幾安全，呢度好多人都話要食豬手，我個人都好認同，但係食得豬手多，都要轉下口味嘅，今晚就叫咗牛筋腩撈粗麵加凍檸茶，首先我身為一個大男人，一個餐嘅份量夠唔夠食係好重要，每次食呢間一定唔驚食唔飽，其次就當然要好味先得啦，如果比你大大份但好難食都幾難頂。牛筋夠入味又夠煙韌，炆得剛剛好，牛腩當然都係好入味好鬼正啦，重有就係佢哋撈麵跟嗰碗湯都好好味，我個人每次如果要去深水埗行街買嘢，呢間係我首選餐廳之一🥰

|深水埗傳統茶記 馳名蛋牛治豬手麵🥪🍜 深水埗出名多老字號，其中有茶記新香園，而新香園最賣得嘅就梗係蛋牛治同豬手麵🥪蛋牛治 (烘底) $20+(1)係沙嗲牛肉同蛋炒埋一齊再夾落搽咗牛油嘅方包牛肉足料，比例多過蛋，肉汁豐富，香鹹味偏重，啱重口味嘅朋友仔，個人頭幾啖覺得滋味，食到一半就嫌膩包身因為外賣吸咗水氣，冇咁乾脆😋味道:6.5/10 🍜豬手麵 $27 食落比望落更加好食豬手南乳味出，夠冧，一咬就皮骨肉分離，膠原滿滿鹼水麵爽口，份量正常湯汁偏鹹，鹼水味重，個人唔會飲😂😋味道:7/10 整體而言食物有餐廳風格，唔係度度食到，不過略嫌重口味 (可能小JunJun胃口偏淡😝) 豬手真係可以一試，聽講餐廳牛筋都出名，試咗可以話我聽好冇味😌建議疾情隱定後堂食，一嚟可以食到真正質素，二嚟可以感受傳統港式茶記嘅環境🥢

今晚放工去深水埗買東西，想簡單食件新香園蛋牛治。經過新香園（堅記），因疫情關係，它們18:00關門，吃了閉門羹，繼而轉出汝州街去新香園。坐下不用看菜譜，點了份蛋牛治烘底，等了10多分鐘，一份烘得金黃的三文治送來。蛋份量不多，厚厚的新鮮牛肉很豐盛。吃一口，香脆的麵包，裡面的蛋尚有少許蛋汁流出，牛肉調味剛好，三樣食材配合天衣無縫，簡單又美味的一餐。$23 的價格，cp 值比近日排隊的台灣著名三文治高出許多。

一向都喜歡幫襯港式一點既粉麵茶記。 除左係懷舊味有水準之外, 仲係一種香港人既獨有回憶。 所以好多長居異地既人若返到香港, 總會話一定要食返碗雲吞麵。新香園老字號, 佢地既品質一向有保證。 由奶茶, 西多, 到粉麵都好正。 而我都幾鍾意食佢地既牛筋河跟凍檸茶。 佢地牛筋幾乾淨, 好怕食食下發現有毛。 而且佢大件得黎好稔又有咬口, 有牛味但唔會腥。 以前同媽媽食, 佢會叫另一個餸既麵，然後同我交換1半, 咁大家都有雙拼。而佢既檸茶, 茶膽好香唔會太"劫", 仲要比一般茶記大杯，真係非常正。而家限聚, 希望快d可以再同多d朋友一齊黎食啦。

深水埗有很多貌不惊人的小店，原来都是名店。闲逛来到这家原名叫南香园，现在叫新香园的茶餐厅。它的招牌菜是南乳猪手，于是我就点了一碟猪手捞面。一下子就回到老好的年代，多么熟识的味道！我平常不太爱点猪手来吃。因为都是骨头，很麻烦。但香港人做的南乳猪手，也真很有特色，可是说香港才有的食物。可惜如今，在香港，也少有做得好的。南乳猪手，是不会看到南乳的。只会感觉到它的存在，是主要的调料。附送的汤，有大地鱼味，正宗。奶茶有茶香！……也不错。再试一试另一招牌食物:蛋牛治烘底。它的味道我不十分喜欢。但无可否认，制作非常认真，看面包烘得那么靓就知，也很足料，才卖 20 元。

好耐冇過來食啦難得過黎深水埗/一定要過來食麻辣蛋牛治少辣就已經好好味朋友唔食牛點了餐蛋治她也說很好吃我仲多叫左個麻辣牛舌之後會再黎食服務員態度都非常好會繼續支持

下午茶時段路經深水埗汝州街被依間茶餐廳門嘅麻辣蛋牛治直幡吸引咗入去。落完單環顧四周先知道原來係桂林街老字號嘅分店；以鮮牛肉泡製嘅蛋牛治係每次去到嘅必叫美食。汝洲街新店依邊加入麻辣口味，似乎係吸引新fans嘅力作；老實講新店面除咗企理好多，冷氣都涼啲，又唔使不時排隊等位，而且都只不過係行多個街口嘅距離。麻辣蛋牛治，完全係新香園一貫作風，餡料充足，鮮牛肉粒較咸牛肉更加有咬感之餘更嚐到牛肉香味，加入麻辣調味後真係感覺同依間新舖一樣 upgrade 成為 2.0 版咁。刺激完舌頭後來一啖茶走真係爽到震。

同堅記好似 唔知係咪分店呢？我同肥仔都幾鐘意黎深水埗區搵食 行過見到好多人係裡面 不過冷氣夠大 地方就算坐滿都夠闊落 唔使諗啦就呢間啦 好快就入坐 肥仔就發板叫野食 招牌蛋咸牛治我見佢呢個有麻辣蛋牛治 不過我唔食得太辣所以放棄 叫住呢個招牌黎試 佢個蛋同啲碎咸牛食落口軟綿綿 都夠味 個蛋又夠滑 都ok 唔怪得每一台都會叫一份咁滯啦葡汁牛脷撈公仔麵個牛脷好酥軟 都幾好味 不過葡汁唔係好多 都唔夠撈個公仔麵 炆豬手佢個味好好食呀，炆得好入味，唔錯

今朝諗住去捌哥捌哥食早餐，點知佢改咗11點鐘先開門， 唯有改去別處。 隔離就係新香園， 之前猶疑係唔係真分店，所以都冇幫襯過， 既然捌哥冇開就試下啦。老公叫咗招牌蛋牛治，佢話同舊舖一樣冇乜分別。 我鍾意食舊舖嘅豬手，所以叫咗炸醬豬手麵， 豬手同舊舖係有分別， 舊舖豉油味重啲， 新鋪南乳味重啲，大家都一樣炆得淋， 不過我都係覺得舊鋪豬手好食啲。另外杯凍阿華田，味道濃沃好好飲，好多時茶餐廳都慳住慳住， 落唔夠粉味道比較淡。整體感覺，我係鍾意新鋪多啲，因為舊鋪真係坐得唔舒服， 同埋新鋪選擇多好多。 下次再去試下麻辣蛋牛治先。

一向都知新香園嘅蛋牛治好出名🥪🍳🐮原來係深水埗開咗另一間分店 裝修新穎啲 環境乾淨啲 坐又坐得舒服啲😌佢嘅蛋牛治係我食過最好食嘅蛋牛治😭啲牛肉好入味 係鮮牛唔係咸牛黎架 下次試下佢個 麻辣蛋牛治先🙊 另外呢個温泉蛋炸醬飯又係另一力作 從來無諗過炸醬飯加温泉蛋個味會可以甘夾😍

茶記的蛋牛治，一向都是我的早餐首選，聽說這裡有變種蛋牛治，所以急不及待來試新野。大概11點多來到，不用等便可直接入座，實在好彩，聽說這裡也是長龍餐廳之一。叫了麻辣蛋牛治烘底加一杯熱檸茶, 不消10分鐘食物便來了.......麻辣蛋牛治 - 麻辣味不是太嗆喉，保持了蛋和牛肉的香味，牛肉不是一般的罐頭鹹牛肉，是新鮮的牛肉切碎，很有口感｡熱檸茶 - 很有茶味，不澀口。埋單37個大洋，都是比較貴的，但卻物有所值

今日特登去深水埗食蛋牛治， 拎住電話睇google map， 點知睇錯左新香園新店， 行到門口都再走返去舊鋪堅記但冇開門， 走返轉頭去新鋪既然過到黎試晒2樣唔同既蛋牛治， 原味同麻辣蛋牛治， 2份都烘底。我試左原味先， 果然係真。牛肉， 牛肉嫩多汁又脆底麵包。好食。麻辣蛋牛治同原味蛋牛治張相係一模一樣， 外面睇係分別唔到。麻辣蛋牛治多左一分四川辣香味但少左一分肉汁， 都係普通蛋牛治勝出。見到大家食評關於堅記奶茶都有好評， 到到新鋪都試左， 但就好普通